"ലൂഥറൻ എച്ച്.എസ്.എസ്, സൗത്ത് ആര്യാട്/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആര്യാട് ലൂഥറൻ ഹയർ സെക്കണ്ടറി സ്കൂൾ ഇന്ത്യൻ  ഇവാൻജലിക്കൽ ലൂഥറൻ  സഭയുടെ കീഴിൽ 1928-ൽ ക്രിസ്ത്യൻ മിഷനറിമാരാൽ സ്ഥാപിതമായി. സഭയുടെ സ്ഥാപകൻ മാർട്ടിൻ ലൂഥർ ആണ്. ഈ സഭയുടെ കീഴിൽ ആകെ  23 വിദ്യാലയങ്ങൾ ആണ് ഉള്ളത്.2 ഹയർ സെക്കണ്ടറി സ്കൂളുകളും,4 അപ്പർ പ്രൈമറി സ്കൂളുകളും , 17 ലോവർ പ്രൈമറി സ്കൂളുകളും ആണ്. ഉന്നത നിലവാരത്തിൽ പഠന സൗകര്യങ്ങൾ പ്രധാന അധ്യാപകരുടെയും, പിടിഎ അംഗങ്ങളുടെയും കൂട്ടായ പരിശ്രമത്തിലൂടെയും മേൽനോട്ടത്തിലൂടെയും നാളിതുവരെയും നിലനിർത്തിപ്പോരുന്നു എന്നത് ഏറെ പ്രശംസനീയമാണ് .പഠനമികവിനോടൊപ്പം ഒപ്പം മാനസിക-ശാരീരിക വളർച്ചയ്ക്ക് ഏറെ സഹായകമാകുന്ന കലാകായിക പ്രവർത്തനങ്ങൾ ഈ സ്കൂളിൽ നല്ല രീതിയിൽ നടന്നു വരുന്നു. വിശാലമായ  കളിസ്ഥലങ്ങളോടുകൂടിയ നമ്മുടെ സ്കൂളിൻറെ അന്തരീക്ഷം വിദ്യാർത്ഥികളിൽ കായിക വിനോദത്തിൻറെ  പ്രാധാന്യം മനസ്സിലാക്കാനും പരിശീലന പ്രവർത്തനങ്ങളിൽ പങ്കാളികളാകാനും ഏറെ പ്രചോദിപ്പിച്ചിട്ടുണ്ടെന്നത് അഭിമാനിക്കാൻ വക നൽകുന്ന ഒന്നാണ് .നിരവധി താരങ്ങളെ സൃഷ്ടിക്കുന്നതിലൂടെ  സർക്കാർ തലങ്ങളിൽ വിവിധ വകുപ്പുകളിൽ സ്പോർട്സ് കോട്ടായിൽ ജോലി നേടുന്നതിനും ഏറെ സഹായകമായിട്ടുണ്ട്.പഠന പ്രവർത്തനങ്ങൾ പോലെ തന്നെ മറ്റ് പ്രവർത്തനങ്ങളിലും മികവ് തെളിയിച്ചിട്ടുള്ളവരാണ് സ്കൂളിലെ വിദ്യാർത്ഥി വിദ്യാർത്ഥിനികൾ. സബ്ജില്ല, ജില്ല, സംസ്ഥാന തലങ്ങളിൽ യുവജനോത്സവവേദികളിൽ കഴിവുകൾ പ്രകടിപ്പിക്കുകയും ഗ്രേസ്മാർക്ക് ഉൾപ്പെടെയുള്ള നേട്ടങ്ങൾ കൈവരിച്ചിട്ടുള്ള വരാണ് നമ്മുടെ സ്കൂളിലെ വിദ്യാർത്ഥികൾ. കരകൗശല വിദ്യയുടെ മികവും ശാസ്ത്രസാങ്കേതികവിദ്യയുടെ ഗവേഷണ താല്പര്യത്തിലുള്ള  പങ്കാളിത്തവും എക്കാലവും അഭിമാനത്തോടെ തല ഉയർത്തി നിൽക്കാൻ സ്കൂളിനെ പ്രാപ്തമാക്കിയിട്ടുണ്ട്. മുതിർന്ന മറ്റ് ക്ലാസുകളിലെ കുട്ടികൾക്ക് മാനസികോല്ലാസം നൽകുന്നതിനായി  മനോഹരമായ പൂന്തോട്ടവും സ്കൂളിൽ സ്ഥിതി ചെയ്യുന്ന  RO പ്ലാൻറ്റും സ്കൂളിന്റെ മികവുറ്റ പ്രവർത്തനങ്ങളുടെ നേർക്കാഴ്ചയായി സ്ഥിതി ചെയ്യുന്നു.