ഗവൺമെന്റ് എച്ച്.എസ്. പ്ലാവൂർ/നാടോടി വിജ്ഞാനകോശം

തിരുവനന്തപുരം ജില്ലയിൽ കാട്ടാക്കട താലൂക്കിലെ കാട്ടാക്കട ഗ്രാമപഞ്ചായത്തിലെ എട്ടാം വാർഡ് ആണ് പ്ലാവൂർ. പ്രകൃതി സൗന്ദര്യം കൊണ്ട് അനുഗ്രഹീതമാണ് നമ്മുടെ ഈ കൊച്ചു ഗ്രാമം. വളരെ സാധാരണക്കാരായ ജനങ്ങൾ ആണ് ഇവിടെ വസിക്കുന്നത്. പ്രധാനമായും കൃഷിപണിയെ ആണ് ഇവിടത്തെ ജനങ്ങൾ ആശ്രയിക്കുന്നത്. മരച്ചീനി, വാഴ,പച്ചക്കറികൾ,തെങ്ങ്, റബ്ബർ,കുരുമുളക് തുടങ്ങിയവ ഇവിടെ കൃഷി ചെയ്യുന്നുണ്ട്. ജലസ്രോതസുകൾകൊണ്ട് അനുഗ്രഹീതമാണ് നമ്മുടെ ഗ്രാമം. ജലസ്രോതസുകൾ സംരക്ഷിക്കുന്നതിൽ ഇവിടത്തെ ജനങ്ങൾ ജാഗരൂകരാണ്. വിദ്യാഭ്യാസത്തിന് പ്രധാനമായും ആശ്രയിക്കുന്നത് ഗവൺമെന്റ് എച്ച്.എസ്. പ്ലാവൂരിനെയാണ്. ഒരു ചെറിയ ചന്തയെ ഈ ഗ്രാമത്തിൽ ഉള്ളൂ. അതിനാൽ കാട്ടാക്കട ചന്തയെയാണ് ഇവിടത്തെ ജനങ്ങൾ ആശ്രയിക്കുന്നത്. ആതുര ശുശ്രൂഷക്ക് ആമച്ചൽ പ്രെെമറി ഹെൽത്ത് സെൻെററിനെയാണ് ആശ്രയിക്കുന്നത്. നാനാ ജാതിമത വിഭാഗങ്ങൾ ഒത്തൊരുമയോടെ ഇവിടെ വസിച്ചു പോരുന്നു.

പ്ലാവൂർ

സവർണ്ണമേധാവിത്വം ശക്തമായി നിലവിലിരുന്ന കാലഘട്ടമായിരുന്നു പത്തൊൻപതാം നൂറ്റാണ്ട്. അക്കാലത്ത് പ്ലാവൂർ എന്ന ഈ സ്ഥലം ജനവാസം കുറഞ്ഞ ഗ്രാമപ്രദേശം ആയിരുന്നു. ഇവിടെ കൂടുതലായും താമസിച്ചിരുന്ന ജനവിഭാഗം ഹരിജന വിഭാഗത്തിൽപ്പെട്ട പുലയ വിഭാഗമായിരുന്നു. അതുകൊണ്ട് ഈ പ്രദേശത്തെ പുലയന്മാരുടെ ഊര് എന്ന അർത്ഥത്തിൽ പുലവൂർ എന്ന് വിളിച്ചു വന്നു. ഈ പുലവൂർ എന്നപേര് ലോപിച്ച് പ്ലാവൂർ ആയി മാറി എന്നാണ് പറയപ്പെടുന്നത്.

ആമച്ചൽ

ആമച്ചൽ പ്രദേശത്തു ഒരു കുളം ഉണ്ടായിരുന്നു .അതിൽ ഒരു നീർച്ചാൽ നെയ്യാറിൽ ചെന്ന് ചേരും . ധാരാളം ആമകൾ കുളത്തിലേക്കു ഈ ചാലുകൾ വഴി എത്താറുണ്ട്. അങ്ങനെ ആമച്ചാൽ എന്നുള്ളത് ലോപിച്ചു ആമച്ചൽ ആയി എന്നാണ് കേട്ടുകേഴ്‌വി.

കലാസാംസ്‌കാരിക നായകന്മാർ

നിരവധി കലാ സാംസ്‌കാരിക നായകന്മാർക്ക് ജന്മം നൽകിയ നാടാണ് പ്ലാവൂർ.

മുരുകൻ കാട്ടാക്കട

യുവകവിയും ചലച്ചിത്ര ഗാനരചയിതാവും കൈറ്റ് വിക്‌ടേഴ്‌സ് മേധാവിയുമായ ശ്രീ മുരുകൻ കാട്ടാക്കട പ്ലാവൂരിനടുത്തുള്ള കുച്ചപ്പുറം എല്ലാ സ്ഥലത്താണ് താമസം. മുരുകൻ കാട്ടാക്കട

അഖിലൻ ചെറുകോട്

യുവ കവി,നടൻ,അഗ്നിരക്ഷാഭടൻ എന്നീ മേഖലകളിൽ പ്രശസ്തനായ ഒരു വ്യക്തിയാണ് ശ്രീ അഖിലൻ ചെറുകോട്. അദ്ദേഹത്തിന്റെ ജന്മദേശം പ്ലാവൂർ ആണ്. അദ്ദേഹത്തിന്റെ ഏറ്റവും പുതിയ കവിതയാണ് അമ്മച്ചി.

ജോയ് നന്ദാവനം

നാടക പ്രവർത്തകനും നാടൻ പാട്ട് കൊറിയോഗ്രാഫർ എന്നീ മേഖലകളിൽ പ്രസ്തനായശ്രീ ജോയ് നന്ദാവനം പ്ലാവൂർ മംഗലയ്ക്കൽ പ്രദേശത്തു ജനിച്ചു