എൽ പി ജി എസ്സ് കോറ്റാത്തൂർ

ഇംഗ്ലീഷ് വിലാസം

https://schoolwiki.in/L._P._G._S._Kottathoor

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

എൽ പി ജി എസ്സ് കോറ്റാത്തൂർ
വിലാസം
തേക്കുങ്കൽ തേക്കുങ്കൽ പി ഒ , തേക്കുങ്കൽ പി ഒ പി.ഒ. , 689614 , പത്തനംതിട്ട ജില്ല
സ്ഥാപിതം	1 - 1 - 1916
വിവരങ്ങൾ
ഇമെയിൽ	jayaannieshaji@gmail.com
കോഡുകൾ
സ്കൂൾ കോഡ്	37618 (സമേതം)
യുഡൈസ് കോഡ്	32120601520
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	വെണ്ണിക്കുളം
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	റാന്നി
താലൂക്ക്	റാന്നി
ബ്ലോക്ക് പഞ്ചായത്ത്	കോയിപ്രം
തദ്ദേശസ്വയംഭരണസ്ഥാപനം	പഞ്ചായത്ത്
വാർഡ്	6
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
സ്കൂൾ തലം	1 മുതൽ 4 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	7
പെൺകുട്ടികൾ	8
ആകെ വിദ്യാർത്ഥികൾ	15
ഹയർസെക്കന്ററി
ആകെ വിദ്യാർത്ഥികൾ	15
സ്കൂൾ നേതൃത്വം
പ്രധാന അദ്ധ്യാപിക	ആനി ജയ മാത്യു
പി.ടി.എ. പ്രസിഡണ്ട്	റിന്നി മേരി തോമസ്
എം.പി.ടി.എ. പ്രസിഡണ്ട്	ഷൈനി സിബി
അവസാനം തിരുത്തിയത്
04-02-2022	Sindhuthonippara

!-- ലീഡ് വാചകങ്ങൾ '
( ഈ ആമുഖ വാചകങ്ങൾക്ക് തലക്കെട്ട് ആവശ്യമില്ല. സ്കൂളിനെ സംബന്ധിക്കുന്ന ചുരുക്കം വിവരങ്ങൾ മാത്രമേ ഇതിൽ ഉൾപ്പെടുത്തേണ്ടതുള്ളൂ. എത്ര വർഷമായി, പേരിന്റെ പൂർണ്ണരുപം, പ്രത്യേകത, തുടങ്ങിയവ ഇവിടെ ചേർക്കാവുന്നതാണ്. -->

            ഉള്ളടക്കം[മറയ്ക്കുക]

ചരിത്രം

             എ ഡി 1916 ൽ ശ്രീ കെ എ എബ്രഹാം തൻെറ സ്വന്തം ഉടമസ്ഥതയിൽ സ്ഥാപിച്ച ഈ സ്കൂൾ നീലംപ്ളാവിൽ കടവ് പ്ലാങ്കമൺ റോഡിൽ തേക്കുങ്കൽ കവലയ്ക്ക് സമീപം സ്ഥിതി ചെയ്യുന്നു.കർഷകരും കർഷക തൊഴിലാളികളും കൂടുതൽ പാർത്തിരുന്നതും ഭൂമിശാസ്ത്രപരമായി വളരെയധികം വ്യത്യസ്തത പുലർത്തുന്ന പ്രദേശങ്ങളിൽ ഉള്ള കുട്ടികൾക്ക് വേണ്ടി ആരംഭിച്ച സ്കൂൾ ആണിത്. പെൺ പള്ളിക്കൂടമായി ആരംഭിക്കുകയും നാളിതുവരെ അതേ പേരിൽ പ്രവർത്തിച്ചു വരുകയും ചെയ്യുന്ന ഈ സ്കൂൾ മഹാരാജാവിൻ്റെ ഗ്രാൻഡ് നേടി പ്രവർത്തിക്കുകയും പിന്നീട് ഒരു ഗവൺമെന്റ് എയിഡഡ് സ്കൂൾ ആയി പ്രവർത്തനം തുടരുകയും ചെയ്യുന്നു . ഇപ്പോൾ മാനേജർ ആയി സേവനം അനുഷ്ടിക്കുന്നത് ശ്രീ ഉമ്മൻ കെ മാത്യു കുരുടാമണ്ണിൽ പുത്തൻവീട്ടിൽ ആണ്.

=വിദ്യാലയത്തിൻ്റെ അക്കാദമിക അവസ്ഥ

            കുട്ടികളുടെ പഠന നിലവാരം ഉയർത്തുന്നതിനായി അധ്യാപകർ പരിശ്രമിക്കുന്നു. ക്യത്യമായ ആസൂത്രണത്തിലൂടെ അധ്യാപകർ പാഠങ്ങൾ കൈകാര്യം ചെയ്യുന്നു. കുട്ടികളുടെ പഠന പുരോഗതിക്കായി ലൈബ്രറി പുസ്തകങ്ങളും പത്രമാസികകളും കമ്പ്യൂട്ടറും ആവശ്യാനുസരണം ഉപയോഗിക്കുന്നു. സ്കൂളിൽ എത്തുന്ന എല്ലാ കുട്ടികളേയും പാഠ്യപാഠ്യേതര വിഷയങ്ങളിൽ മുന്നിലെത്തിക്കാൻ അധ്യാപകരും രക്ഷിതാക്കളും ഒരുമിച്ച് പ്രവർത്തിക്കുന്നു=

=ഭൗതികസാഹചര്യങ്ങൾ

               ആഡിറ്റോറിയം ആയി ഉപയോഗിക്കാവുന്ന കെട്ടിടം. വളരെ ആകർഷകമായി ചിത്രങ്ങൾ വരച്ച് ഭംഗി  ആക്കിയിരിക്കുന്നു. കുട്ടികൾക്ക് ഇരുന്ന് പഠനം നടത്തുന്നതിനായി കസേരയും ഡസ്ക്കും.എല്ലാ ക്ലാസിലും ഫാനും ലൈറ്റും. പഠനം ലൈവ് ആക്കുന്നതിനുപകാരപ്പെടുന്ന കമ്പ്യൂട്ടർ, ലപ്റ്റോപ്പ്,പ്രൊജക്ടർ. എല്ലാ കാര്യങ്ങളിലും കുട്ടികളെ മുൻപന്തിയിൽ എത്തിക്കുന്നതിന് കാര്യപ്രാപ്തിയുള്ള അധ്യാപകർ.മാനസികോല്ലാസത്തിനായി കുട്ടികൾക്ക് പൂന്തോട്ടം, ജൈവ കൃഷി, എല്ലാ കാര്യങ്ങളിലും സഹകരിക്കുന്ന രക്ഷിതാക്കൾ, സ്കൂൾ മാനേജ്‌മെന്റ്, പൂർവ്വ വിദ്യാർത്ഥികൾ .

=മികവുകൾ

പാഠ്യപാഠ്യേതര രംഗങ്ങളിൽ കുട്ടികൾ മികച്ച പ്രകടനം എല്ലാ മേഖലകളിലും കാഴ്ച വയ്ക്കുന്നു

           ശ്രീമതി  ആനി ജയ മാത്യു എച്ച് എം ശ്രീമതി സനു പി മാത്യു ഡെയ്ലി വേജ് ടീച്ചർ ശ്രീമതി ജോസ്മിൻ ജെയിംസ് ഡെയ്ലി വേജ് ടീച്ചർ ശ്രീമതി റെയ്മോൾ ഏബ്രഹാം പ്രീ പ്രൈമറി ടീച്ചർ എന്നിവർ എല്ലാ സമയവും കുട്ടികളുടെ കാര്യങ്ങളിൽ ശ്രദ്ധാലുക്കൾ ആണ്.
         എല്ലാ സഹായങ്ങളും ചെയ്ത് അധ്യാപകരോട് തോളോട് തോൾ ചേർന്ന് പ്രവർത്തിക്കുന്ന ഒരു പി റ്റി എ ഈ സ്കൂളിൻ്റെ സമ്പത്ത് ആണ്. മെച്ചമായ ഉച്ചഭക്ഷണം. അതിന് വേണ്ട സഹായങ്ങൾ ചെയ്യുവാൻ തിരക്കി എത്തുന്ന രക്ഷിതാക്കൾ ഞങ്ങൾക്ക് മാത്രമുള്ള പ്രത്യേകതയാണ്.
              ഇടക്കിടക്ക് തങ്ങൾ പഠിച്ച സ്കൂളിലെ കുഞ്ഞനുജന്മാരുടെയും അനുജത്തി മാരുടേയും ക്ഷേമം അന്വേഷിച്ചെത്തുന്ന പൂർവ്വ വിദ്ധ്യാർത്ഥികൾ .അവരുടെ വിശേഷങ്ങൾ കുട്ടികളുമായി പങ്കിടുന്ന സന്തോഷകരമായ അവസരങ്ങൾ  എല്ലാം ഞങ്ങളുടെ സ്കൂളിൽ ലഭ്യമാണ് 
          തങ്ങളുടെ സേവനകാലാവധി കഴിഞ്ഞു എങ്കിലും വിശേഷദിവസങ്ങളിൽ ഇപ്പോഴും കുട്ടികളെ കാണാനെത്തുന്ന അധ്യാപകർ കുട്ടികൾക്ക് സന്തോഷം പകരുകയും ക്ലാസുകൾ എടുത്ത് സഹായിക്കുകയും ചെയ്യുന്നു

=മുൻസാരഥികൾ

ശ്രീ കെ എസ് വർഗീസ് 1964 -1997, ശ്രീമതി റെയ്ച്ചൽ ഏബ്രഹാം 1989 -2011, ശ്രീമതി മേരിക്കുട്ടി റ്റി ജി 1991 -2015=

=പ്രശസ്തരായ പൂർവ്വവിദ്യാർത്ഥികൾ

റെവ ഫാദർ ഗീവർഗീസ് ഊന്നുകല്ലിൽ ശ്രീ. ലിബൂസ് ജേക്കബ് ഏബ്രഹാം അസി പ്രൊഫ മലയാളം സെൻ്റ് തോമസ് കോളേജ് കോഴഞ്ചേരി

=പാഠ്യേതര പ്രവർത്തനങ്ങൾ

       എൽ പി തലങ്ങളിൽ പാഠ്യപദ്ധതി നിഷ്ക്കർഷിക്കുന്ന എല്ലാ വിഷയങ്ങളുടെയും ( കലാ കായിക പ്രവർത്തിപരിചയം ) പഠന മികവ് .

നടത്തുന്ന പ്രവർത്തനങ്ങളുടെ ലക്ഷ്യം

        സ്കൂളിൽ എത്തുന്ന എല്ലാ കുട്ടികളേയും കലാകായിക പ്രവർത്തിപരിചയം ഉൾപ്പെടെ പഠനത്തിൽ മുന്നിൽ എത്തിക്കുക. അങ്ങനെ കൂടുതൽ കുട്ടികളെ സ്കൂളിലേക്ക് ആകർഷിക്കുക. 

വായനാശീലം വളർത്തുന്നതിന് ചെയ്യുന്ന പ്രവർത്തനങ്ങൾ

       കുട്ടികളിലെ വായനാശീലം വർദ്ദിപ്പിക്കുന്നതിനായി സ്കൂൾ അസംബ്ലി യിൽ പത്രവായന നടത്തുന്നു. പ്രധാന വാർത്തകളും മഹത് വചനങ്ങളും കുട്ടികൾ എഴുതി തയ്യാറായി വന്ന് വായിക്കുന്നു. സ്കൂൾ ലൈബ്രറി പുസ്തകം വിതരണം ചെയ്ത് കുറിപ്പുകൾ തയ്യാറാക്കിയ അവതരിപ്പിക്കുന്നു. അങ്ങനെ ചെയ്യുന്ന കുട്ടികൾക്ക് പ്രോത്സാഹനസമ്മാനം നൽകുന്നു.

ഗണിത സാമൂഹ്യ ശാസ്ത്ര പ്രവർത്തിപരിചയ മേളകൾ

            ഈ മേഖലകളിൽ പ്രാതിനിധ്യം ഉണ്ടാകുന്നതിനും വിജയികളാകുന്നതിനും വേണ്ടി പ്രവർത്തനങ്ങൾ പി റ്റി എ യിൽ ആസൂത്രണം ചെയ്യുകയും വിവിധ പ്രവർത്തനങ്ങൾ കുട്ടികളേയും കൊണ്ട് ചെയ്യിക്കുകയും ഉപജില്ലാ മേളകളിൽ പങ്കെടുപ്പിക്കാൻ സാധിക്കുകയും ചെയ്യുന്നു എന്നത് ഞങ്ങളുടെ സ്കൂളിന് അഭിമാനം തന്നെയാണ്. ഗണിത മാഗസിൻ തയ്യാറാക്കുകയും ചെയ്തിരുന്നു 

കലാഭിരുചി

    കുട്ടികളിലെ കലാവാസനകളെ മെച്ചപ്പെടുത്തുന്നതിനായി അധ്യാപകരും രക്ഷിതാക്കളും തോളോട് തോൾ ചേർന്ന് നിന്ന് പ്രോത്സാഹനം നൽകുന്നു.ബുധനാഴ്ച നടത്തുന്ന വിദ്യാരംഗം കലാസാഹിത്യ വേദി വെള്ളിയാഴ്ച നടത്തുന്ന മീറ്റിംഗ് ഇവയിലൂടെ കുട്ടികൾ അവരുടെ വാസനകളെ മെച്ചപ്പെടുത്തുന്നു. കഥ,കടങ്കഥ, ലളിതഗാനം, മോണോആക്ട്, മാപ്പിളപ്പാട്ട്, പെൻസിൽ ഡ്രോയിംഗ്, പ്രസംഗം, ദേശഭക്തി ഗാനം, സമൂഹഗാനം എന്നിവയെല്ലാം ക്രമമായി പ്രോത്സാഹിക്കപ്പെടുന്നു.
      കുട്ടികളിലെ പൊതുവിഞ്ജാനം വർദ്ദിപ്പിക്കുന്നതിനായി ചോദ്യങ്ങൾ ഇടവേളകളിൽ നൽകുന്നു.മാസാവസാനം ക്വിസ് മത്സരം നടത്തി വിജയികൾക്ക് അസംബ്ലി യിൽ സമ്മാനം നൽകുന്നു.  യോഗ നടത്തുന്നതിനും സമയം കണ്ടെത്തുന്നു= 

ദിനാചരണങ്ങൾ

           ലോകപരിസ്ഥിതിദിനം, വായനാവാരം ,ഹിരോഷിമ നാഗസാക്കിദിനം ,ക്വിറ്റ് ഇൻഡ്യദിനം ,സ്വാതന്ത്ര്യ ദിനം, ഓണാഘോഷം, ശ്രീക്യഷ്ണജയന്തി, അധ്യാപകദിനം, ശിശുദിനം, ക്രിസ്തുമസ്, റിപ്പബ്ലിക് ദിനം, സ്കൂൾ വാർഷികം തുടങ്ങിയ ദിനങ്ങളെല്ലാം അതാതിൻ്റെ പ്രാധാന്യത്തോടെ ആചരിക്കുന്നു 

വിനോദയാത്ര

          എല്ലാ വർഷവും കുട്ടികളും രക്ഷിതാക്കളും അധ്യാപകരും ചേർന്ന് പഠനയാത്ര നടത്തുന്നു
          ഈ പ്രവർത്തനങ്ങളിലെല്ലാം തന്നെ സഹായങ്ങൾ ചെയ്യുന്നതിനായി ചില പൂർവ്വ വിദ്യാർത്ഥികളും പൂർവ്വ രക്ഷിതാക്കളും അധ്യാപകരു സ്കൂൾ സന്ദർശിച്ച് വേണ്ട ആലോചനകൾ തരുന്നുണ്ട് എന്നത് സന്തോഷകരമാണ്

=ക്ളബുകൾ

പരിസ്ഥിതി ക്ലബ്, സയൻസ് ക്ലബ്ബ്, ഗണിത ക്ലബ്, സാമുഹ്യക്ലബ്ബ്, വിദ്യാരംഗം, കാർഷിക ക്ലബ്=

=സ്കൂൾ ഫോട്ടോകൾ

=

=വഴികാട്ടി

പ്ലാങ്കമൺ ചെറുകോൽപ്പുഴ റോഡിൽ തേക്കുങ്കൽ ജഗ്ഷനിൽ കുരിശുമ്മൂടിനോട് ചേർന്നാണ് ടി സ്കൂൾ സ്ഥാപിച്ചിരിക്കുന്നത്.സ്കൂളിൻ്റെ മുൻഭാഗം മെയിൻ റോഡും പുറക് വശം കുരുടാമണ്ണിൽ കുടുംബം വക വസ്തുവും വലത്ത് ഭാഗത്ത് മതാപ്പാറ സെൻ്റ് തോമസ് വലിയ പള്ളിയുടെ കുരിശുമ്മൂടും ഇടതു ഭാഗത്ത് സ്വകാര്യ റോഡും ആണ് ഉള്ളത്.തേക്കുങ്കൽ സ്കൂൾ എന്ന പേരിൽ അറിയപ്പെടുന്നു =