എസ്.വി.എച്.എസ്.പൊങ്ങലടി /സ്കൂൾ ചരിത്രം

പത്തനംതിട്ട ജില്ലയിലെ ഐതിഹ്യ പെരുമയുള്ള തട്ട എന്ന ദേശത്തിൻറെ കഥ പറയാം . തട്ടുകളായി കിടക്കുന്ന ഭൂപ്രകൃതി കാരണമാണ് ഈ നാടിന് തട്ടയിൽ എന്ന നാമം സിദ്ധിച്ചത്. പരമ്പരാഗതമായി കൃഷിയെ ആശ്രയിച്ച് കഴിയുന്ന ജനങ്ങൾ. എല്ലാ മേഖലകളിലും തട്ടക്കാരുടെ സാന്നിധ്യമുണ്ട്. തട്ട യുടെ സാംസ്കാരികമായ വൈഭവവും കലയും സമന്വയിപ്പിക്കുന്ന ഒരിപ്പുറം ക്ഷേത്രം ഈ നാട്ടിലെ ഏറ്റവും പ്രശസ്തമായ ക്ഷേത്രമാണ്. തട്ടയുടെ സാംസ്കാരിക തലസ്ഥാനമാണ് ഒരിപ്പുറം ക്ഷേത്രം എന്ന ഖ്യാതി കൂടി ഈ നാടിനുണ്ട്. ദേശ ദേവതയുടെ അനുഗ്രഹത്താൽ സമ്പന്നമായ നാട്ടിലാണ് ഞങ്ങളുടെ വിദ്യാലയം സ്ഥിതി ചെയ്യുന്നത് എന്ന ചാരിതാർത്ഥ്യമുണ്ട്.

തമിഴ് നാട്ടിലെ ജെല്ലികെട്ടിനെ അനുസ്മരിപ്പിക്കുന്ന തരത്തിലുള്ള ഒരു പ്രാദേശിക കലാരൂപമായ മരമടി മഹോത്സവം നടക്കുന്ന ആനന്ദപ്പള്ളി എന്ന പ്രദേശം ഈ സ്കൂളിൻറെ സമീപത്താണ്.

കേരളത്തിൽ തന്നെ രണ്ട് പ്രദേശങ്ങളിലാണ് സാംസ്കാരിക ഉത്സവം എന്ന പേരിൽ ഈ മരമടി മഹോത്സവം നടക്കുന്നത്.

പത്തനംതിട്ട ജില്ല്യിൽ അടൂർ താലൂക്കിൽ പന്തളം തെക്കേക്കര പഞ്ചായത്തിൽ പൊങ്ങലടി കരയിൽ സ്ഥിതി ചെയ്യുന്ന ഈ വിദ്യാലയം മലയിൽ സ്ക്കൂൾ എന്നും അറിയപ്പെടുന്നു.ചരിത്രവും ഐതീഹ്യം കൈകോർക്കുന്ന പ്രസിദ്ധങ്ങളായ തട്ടയിൽ ഒരിപ്പുറത്ത് ഭഗവതി ക്ഷേത്രം, ആനന്ദപ്പള്ളീ പള്ളീ എന്നിവ ഈ വിദ്യാലയത്തിന്ന് സമീപത്താണ്. വിവിധമതവിഭാഗങ്ങൾ ഒരുമയോടെ ഇവിടെ വസിക്കുന്നു.

പൊങ്ങലടിയുടേയും സമീപ പ്രദേശങ്ങളുടേയും വിദ്യാഭ്യാസ സാംസ്കാരിക മേഖലകളിൽ നവചൈതന്യം പകർന്നു കൊണ്ട് 1-06-1976 ൽശ്രീ കെ.എസ് ഗോപകുമാർ അവറകളുടെ മാനേജ്മെൻറിൽ ഈ സരസ്വതിക്ഷേത്രം ആരംഭിച്ചു. രാഷ്ട്രീയ സാമൂഹ്യ മേഖലകളിൽ വ്യക്തിമുദ്ര പതിപ്പിച്ച ശ്രീ കെ എസ്സ് ഗോപകുമാറിന്ടെ ദീർഘദർശനത്തിന് നിദർശനമാണ് ഈ വിദ്യാലയം. 1979ൽ പൂർണ്ണ ഹൈസ്കൂളായി ഉയർത്തപ്പെട്ട. സ്കൂൾ സ്ഥാപകൻ ശ്രീ കെ എസ് ഗോപകുമാറിൻറെ സഹധർമ്മിണിയും മുൻ പ്രധാനാധ്യാപികയുമായ ശ്രീമതി പി സോയ മാനേജരായി സ്കൂൾ പ്രവർത്തിക്കുന്നു. 1975 ഡിസംബർ ഏഴാം തീയതി ബഹുമാന്യനായ മുൻ എംഎൽഎ ശ്രീ ദാമോദരൻ കാളാശ്ശേരി സ്കൂളിന്റെ ശിലാസ്ഥാപന കർമ്മം നിർവഹിക്കുകയുണ്ടായി. 1 6 1976 ശ്രീ കെ എസ് ഗോപകുമാർ അവർകളുടെ മാനേജ്‌മെന്റിൽ സ്കൂൾ ആരംഭിച്ചപ്പോൾ പ്രഥമ അധ്യാപികയായി ശ്രീമതി സോയ അവർകൾ ചാർജെടുത്തു. തുടർന്ന് നിരവധി പ്രഗൽഭരായ അദ്ധ്യാപകർ ഈ പദവി അലങ്കരിച്ചിരുന്നു .ഇപ്പോൾ ഈപദവി അലങ്കരിക്കുന്നത് ശ്രീമതി പി. ജി .പ്രീത കുമാരി ആണ് .