ജി.എച്ച്.എസ്.എസ്. കരിമ്പ/പ്രാദേശിക പത്രം

കരിമ്പ ഗവ ഹൈസ്കൂളില്‍ ഓണാഘോഷപരിപാടികള്‍ സംഘടിപ്പിച്ചു

ഹിരോഷിമ ദിനാചരണം

ഹിരോഷിമ ദിനം കരിമ്പ ഗവ ഹയര്‍ സെക്കണ്ടറി സ്കൂളില്‍ സമുചിതമായി ആഘോഷിച്ചു. രാവിലെ നടന്ന പ്രത്യേക അസംബ്ലിയില്‍ ഹെഡ്മിസ്ട്രസ്സ് ലോകസമാധാനത്തെക്കുറിച്ച് സംസാരിച്ചു. സോഷ്യല്‍ സയന്‍സ് അധ്യാപകന്‍ ശ്രീ ബാബുരാജ് ലോകം നേരിടുന്ന ഭീഷണികളെക്കുറിച്ചും യുദ്ധത്തിന്റെ ഭീകരതകളെക്കുറിച്ചും മുഖ്യപ്രഭാഷണത്തില്‍ സൂചിപ്പിച്ചു. അസ്സംബ്ലിക്കു ശേഷം സോഷ്യല്‍ സയന്‍സ് ക്ലബിന്റെ ആഭിമുഖ്യത്തില്‍ കരിമ്പ പഞ്ചായത്തില്‍ യുദ്ധ വിരുദ്ധ റാലി നടത്തി.

പഞ്ചായത്ത് തല അധ്യാപക സംഗമം

കരിമ്പ ഗ്രാമ പഞ്ചായത്തിലെ എല്‍ പി, യു പി, ഹൈസ്കൂള്‍ ,ഹയര്‍ സെക്കണ്ടറി സ്കൂളുകളിലെ അധ്യാപകര്‍ക്കുള്ള ഏകദിന ശില്പശാല ലീഡ് സ്കൂളായ കരിമ്പ ഗവ ഹൈസ്കൂളില്‍ നടന്നു. ഗ്രാമ പഞ്ചായത്ത് പ്രസിഡന്റിന്റെ ചുമതല വഹിക്കുന്ന ശ്രീ പി ശിവദാസന്‍ ഉദ്ഘാടനം ചെയ്തു. ഗ്രാമ പഞ്ചായത്തംഗം ശ്രീ പി.ജി വല്‍സണ്‍ അധ്യക്ഷത വഹിച്ചു. ശ്രി ഹരിദാസന്‍ , ശ്രീ ഷിനോജ് എന്നിവര്‍ ശില്പശാലക്ക് നേതൃത്വം നല്‍കി.

സ്വാതന്ത്യദിനാഘോഷം

ഇന്ത്യന്‍ സ്വാതന്ത്ര്യത്തിന്റെ 63-ം വാര്‍ഷികം കരിമ്പ ഗവ ഹയര്‍ സെക്കണ്ടറി സ്കൂളില്‍ സമുചിതമായി ആഘോഷിച്ചു. പി.ടി.എ വൈസ് പ്രസിഡന്റ് ശ്രി മോഹന്ദാസ് പതാക ഉയര്‍ത്തി. സ്കൂള്‍ ഗായകസംഘം പതാകാഗാനം ആലപിച്ചു. ഹെഡ്മിസ്ട്രസ്സ് ശ്രീമതി ലീലാമ്മ വര്‍ഗീസും പ്രിന്‍സിപ്പാള്‍ ശ്രീ കെ. കുഞ്ഞുണ്ണിയും സ്വാതന്ത്ര്യദിനാശംസകള്‍ നേര്‍ന്നു കൊണ്ട് സന്ദേശങള്‍ നല്‍കി. ശബാബുരാജന്‍ മാഷും വിദ്യാര്‍ഥി പ്രതിനിധികളും സംസാരിച്ചു. വിദ്യാരംഗം കലാസാഹിത്യ വേദി തയ്യാറാക്കിയ കയ്യെഴുത്തു മാസിക ചടങില്‍ പ്രകാശനം ചെയ്തു. സ്വ്വാതന്ത്ര്യ ദിന ക്വിസ് മല്‍സരത്തില്‍ വിജയികളായവര്‍ക്കുള്ള സമ്മാനങ്ങള്‍ വിതരണം ചെയ്തു. വിവിധ ഗ്രൂപ്പുകളുടെ ദേശഭക്തി ഗാനാലപനവും മധുരപലഹഅര വിതരണത്തോടെയും പരിപാടികള്‍ സമാപിച്ചു

കെട്ടിടോദ്ഘാടനം

ജില്ലാപഞ്ചായത്തിന്റെ ആഭിമുഖ്യത്തില്ല് നിര്‍മ്മിച്ച നാലു ക്ലാസ്സ് മുറികളുള്ള പുതിയ കെട്ടിടത്തിന്റെ ഉദ്ഘാടനം ബഹുമാനപ്പെട്ട പാലക്കാട് ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ശ്രീ ടി.കെ. നാരായണദാസ് നിര്‍വഹിച്ചു . വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ ശ്രീ ടി എന്‍ കണ്ടമത്തന്‍ അധ്യക്ഷത വഹിച്ചു. ജില്ലാപഞ്ചായത്തംഗം ശ്രീ അബ്ദുല്‍ സമദ് , ഗ്രാമ പഞ്ചായത്ത് പ്രസിഡന്റ് ശ്രി പി. ശിവദാസന്‍ , പി.ടി.എ പ്രസിഡന്റ് ഹാജി പി ലിയാഖത്ത് അലിഖാന്‍ ,വിവിധ രാഷ്റ്റ്റിയ കക്ഷി നേതാക്കള്‍ എന്നിവര്‍ സംസാരിച്ചു. ഇതോടൊപ്പം ചേര്‍ന്ന വിജയോല്‍സവത്തില്‍ കഴിഞ അധ്യയന വര്‍ഷം എസ് എസ് എല്‍ സി ,പ്ലസ് ടു പരീക്ഷകളില്‍ ഉന്നത വിജയം നേടിയവരെയും മറ്റ് പറിക്ഷകളില്‍ വിജയിച്ചവരെയും ഉപഹാരങള്‍ നല്‍കി അനുമോദിച്ചു. പ്രിന്‍സിപ്പാല്‍ ശ്രീ കെ കുഞ്ഞുണ്ണി റിപ്പോര്‍ട്ട് അവതരിപ്പിച്ചു. വികസന സമിതി ചെയമാന്‍ കൂടിയായ ഗ്രാമ പഞ്ചായത്തംഗം ശ്രീ പി.ജി വല്‍സണ്‍ സ്വാഗതവും ഹെഡ്മിസ്റ്റ്രസ്സ് ശ്രീമതി ലീലാമ്മ വര്‍ഗീസ് നന്ദിയും പറഞ്ഞു.

ആദരാഞ്ജലികള്‍

കരിമ്പ ഹയര്‍ സെക്കണ്ടറി സ്കൂളിലെ കഹയര്‍ സെക്കണ്ടറി പ്ലസ് വണ്‍ കൊമ്മേഴ്സ് വിദ്യാര്‍ഥിനി കുമാരി സംഗീത സെപ്തംബര്‍ 16-ന്‌ അന്തരിച്ചു. കല്ലടിക്കോട് വാലിക്കോടുള്ള വീട്ടുവളപ്പില്‍ സംസ്കാരം നടത്തി. സ്കൂള്‍ അസംബ്ലി കൂടി സംഗീതയുടെ നിര്യാണത്തില്‍ അനുശോചനം പ്രകടിപ്പിക്കുകയും പരേതയുടെ ആത്മാവിന്‌ നിത്യ ശാന്തി നേര്‍ന്നു മൗനമാചരിച്ചു. ശവസംസ്കാരത്തില്‍ സ്കൂളിലെ അധ്യാപകരും സഹപാഠികളും പങ്കെടുത്തു.

ശ്രീ മുഹമ്മദ് മാലിക് ഐ ടി മാസ്റ്റര്‍ ട്രെയിനര്‍

കരിമ്പ ഗവ ഹൈസ്കൂള്‍ ഫിസിക്കല്‍ സയന്‍സ് അധ്യാപകന്‍ ശ്രീ മുഹമ്മദ് മാലിക്കിനെ ഐ.ടി.അറ്റ് സ്കൂള്‍ പാലക്കാട് ജില്ലയിലെ മാസ്റ്റര്‍ ട്രയിനര്‍ ആയി തിരഞെടുത്തു. ശ്രീ മാലിക്ക് സെപ്തംബര്‍ 23 ന്‌ ജോയിന്‍ ചെയ്തു

== അധ്യാപക ഒഴിവ് == കരിമ്പ ഗവ ഹയര്‍ സെക്കന്ററി സ്കൂള്‍ ഹൈസ്കൂള്‍ വിഭാഗത്തില്‍ ഫിസിക്കല്‍ സയന്‍സ് അധ്യാപകന്റെ ഒഴിവിലേക്ക് ദിവസ വേതനാടിസ്ഥാനത്തില്‍ അധ്യാപകനെ നിയമിക്കുന്നതിനുള്ള ഇന്റര്‍ വ്യൂ സെപ്തംബര്‍ 27, തിങ്കളാഴ്ച രാവിലെ 10.30-ന്‌ നടക്കും യോഗ്യരായ ഉദ്യോഗാര്‍ഥികള്‍ സര്‍ട്ടിഫിക്കറ്റുകളുടെ ഒറിജിനലുകള്‍ സഹിതം ഹാജരാകണമെന്ന‌ ഹെഡ്മിസ്ട്രസ് അറിയിക്കുന്നു