"സെന്റ് ജോസഫ്സ് യു പി എസ് കൂനമ്മാവ്/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''പാഠ്യേതര പ്രവർത്തനങ്ങൾ(2024-2025)''' ==

=== June 1  പ്രവേശനോത്സവം ===

സെൻറ് ജോസഫ്സ് യു.പി സ്കൂൾ കുനമ്മാവിലെ പ്രവേശനോത്സവം വളരെ വർണ്ണാഭമായിരുന്നു. കോട്ടുവള്ളി ഗ്രാമ പഞ്ചായത്ത്  തല സ്കൂൾ പ്രവേശനോത്സവത്തിന് സാക്ഷ്യം വഹിച്ചത്  സെൻ്റ്. ജോസ്ഫ്സ് യു.പി സ്കൂൾ ആണ് എന്നത് ഏറെ അഭിമാനകരമാണ്.

    പ്രവേശനോത്സവത്തെക്കുറിച്ച് മെയ് അവസാനം തന്നെ സ്കൂൾ തലത്തിലും, PTA തലത്തിലും,  പഞ്ചായത്ത് തലത്തിലും ആവശ്യമായ ചർച്ചകൾ നടത്തി. രണ്ട് ദിവസം മുൻപ് തന്നെ HM സി.സീനയുടെ നേതൃത്വത്തിൽ ആവശ്യമായ ഒരുക്കങ്ങൾ പൂർത്തിയാക്കി. 2024 – 25 അക്കാദമിക വർഷത്തിൽ  143 പൊന്നോമനകളെയാണ്  സെൻ്റ്. ജോസഫ്സ് വരവേറ്റത്.

കൃത്യം 10.00 am – ന് തന്നെ സ്കൂൾ പ്രവേശന കവാടത്തിൽ നിന്നും കുട്ടികളുടെ ബാൻഡിൻ്റെ അകമ്പടിയോടെ വിശിഷ്ടാതിഥികളെ  സ്റ്റേജിലേക്ക്  ആനയിച്ചു.  ഈശ്വരപ്രാർത്ഥനയോടെ  പ്രവേശനോത്സവ പരിപാടികൾ ആരംഭിച്ചു.  സ്കൂൾ ഹെഡ്മിസ്ട്രസ്സ് സി.സീന ജോസ് എല്ലാവരേയും സ്വാഗതം ചെയ്തു. അധ്യക്ഷ സ്ഥാനം അലങ്കരിച്ചത് ലോക്കൽ മാനേജർ സി.ആനി ജിൻസിറ്റയായിരുന്നു. പള്ളിക്കൂടങ്ങൾ ഉണ്ടാക്കുവാൻ മുൻകൈ എടുത്ത് കേരള ജനതയെ വിദ്യാസമ്പന്നരാക്കി മാറ്റിയ വി.കുരിയാക്കോസ് ഏലിയാസ് ചാവറയെ അനുസ്മരിച്ചാണ് സ്കൂൾ മാനേജർ തൻ്റെ അധ്യക്ഷ പ്രസംഗം നിർവ്വഹിച്ചത്. കോട്ടുവള്ളി ഗ്രാമപഞ്ചായത്ത് പ്രസിഡൻ്റ് ശ്രീ എസ് കെ ഷാജി പ്രവേശനോത്സവം ഉദ്ഘാടനം ചെയ്തു. സ്കൂൾ പറവൂർ വിദ്യാഭ്യാസ ഉപജില്ലയിലെ ഏറ്റവും മികച്ച വിദ്യാലയമെന്ന് ഉയർത്തി കാട്ടിയാണ് പഞ്ചായത്ത്  പ്രസിഡൻ്റ് തൻ്റെ ഉദ്ഘാടന കർമ്മം നിർവ്വഹിച്ചത്. വിദ്യാഭ്യാസത്തിൻ്റെ പ്രാധാന്യത്തെയും പാഠ്യ പാഠ്യേതര പ്രവർത്തനങ്ങൾക്ക്  സ്കൂൾ നല്കുന്ന പ്രാധാന്യത്തെയും എടുത്തു  കാട്ടി വാർഡ് മെമ്പറും കോട്ടുവള്ളി പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിൻ കമ്മിറ്റി ചെയർ പേഴ്സൺ  ശ്രീ ബിജു പഴമ്പിള്ളി  ആശംസകൾ അർപ്പിച്ചു. BRC കോഡിനേറ്റർ ശ്രീമതി സുസ്മിത BRC യുടെ എല്ലാ support ഉം സ്കൂളിന് നല്കി ആശംസകൾ അർപ്പിച്ചു. 1C യിലേക്ക് പുതുതായി വന്ന അക്ഷര സജീവൻ ഇന്നത്തെ Lucky Star ആയി തിരഞ്ഞെടുക്കപ്പെടുകയും സ്റ്റേജിൽ വന്ന് സ്വയം പരിചയപ്പെടുത്തുകയും ചെയ്തു.  PTA പ്രസിഡൻ്റ് ശ്രീ സമൺ ആൻ്റണി എല്ലാവർക്കും  നന്ദി പറഞ്ഞു.