"ഡിവി എൻ എസ് എസ് എൽ പി എസ് നെച്ചിപ്പുഴൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

1955 - ൽ  വിദ്യാലയം പ്രവർത്തനമാരംഭിച്ചു. 1985 -86  മുതൽ ഈ സ്കൂളിൽ ഷിഫ്റ്റ് സമ്പ്രദായം നിർത്തലാക്കി. നാല് അദ്ധ്യാപകർ ഇപ്പോൾ ഇവിടെ ജോലി ചെയ്യുന്നു. 2010 ജൂൺ മാസത്തിൽ സ്കൂളിനോട് ചേർന്ന് പ്രീപ്രൈമറി വിഭാഗം പ്രവർത്തനമാരംഭിച്ചു. രണ്ട് അദ്ധ്യാപികമാർ നഴ്സറിയിൽ  ജോലി ചെയ്യുന്നു. പാലാ വിദ്യാഭ്യാസ ഉപജില്ലയിലെ സിംഗിൾ മാനേജ്‌മന്റ് എയ്ഡഡ് സ്കൂളാണിത്. എൽ . പി .വിഭാഗത്തിൽ 80 കുട്ടികളും പ്രീ - പ്രൈമറി വിഭാഗത്തിൽ 43 കുട്ടികളും ഇവിടെ പഠിക്കുന്നു

 

 

വിദ്യാഭ്യാസം ഒരു സാമൂഹിക പ്രക്രിയ എന്നത് പോലെ തന്നെ ഒരു സാമൂഹിക വൽക്കരണ പ്രക്രിയ കൂടിയാണ്. വിദ്യാഭ്യാസം വ്യക്തി വികാസത്തിനും അതുവഴി സാമൂഹിക പുരോഗതിക്കും വേദിയാകുമ്പോൾ അതിന്റെ നടത്തിപ്പിലും പുരോഗതിയിലും സമൂഹത്തിനു കാര്യമായി പങ്കാളിത്തം ഉണ്ടാകണമെന്ന കാഴ്ചപ്പാടാണ് ബഹുജന പങ്കാളിത്തത്തിലൂടെ ദേവീവിലാസം എൻ. എസ്. എസ്. എൽ. പി. സ്കൂളിൽ വിദ്യാവിലാസം എന്ന പേരിൽ 2014  മുതൽ നടത്തി വരുന്ന പ്രവർത്തനങ്ങൾ . കൂടുതൽ അറിയാൻ അദ്ധ്യാപകർ , വിദ്യാർത്ഥികൾ , രക്ഷകർത്താക്കൾ , ഉദ്യോഗസ്ഥർ , ജനപ്രതിനിധികൾ , മാനേജ്‌മന്റ് , എന്നിവരോടൊപ്പം സ്കൂൾ ആ പ്രേദേശത്തെ മൊത്തം ജനവിഭാഗത്തിന്റെയും  പൊതുസ്വത്താണെന്ന അവബോധം എല്ലാവരിലും ഉണർത്താനും വിദ്യാഭ്യാസ പ്രവർത്തനങ്ങളിൽ പങ്കാളിയാകാൻ അവസരം സൃഷ്ടിക്കുന്നതിനുമുള്ള പ്രവർത്തനങ്ങളാണ്  സ്കൂൾ നടത്തുന്നത്.  

 

കോട്ടയം ജില്ലയിലെ വിദ്യാഭ്യാസ പ്രവർത്തകരുടെ  കൂട്ടായ്മയായ ഇഫക്റ്റീവ് ടീച്ചർ നൽകുന്ന അക്കാദമികവും അക്കാദമികേതരവും  ആയ പ്രവർത്തന സഹായം  ഇവയ്ക്കു കൂടുതൽ മികവേകുന്നു

കുട്ടികൾക്കനിയോജ്യവും ആകർഷകവുമായ വിധത്തിൽ പ്രത്യേകം തയ്യാറാക്കിയ ഡെസ്കും ബെഞ്ചും, ക്ലാസ്സ്മുറികൾ,സ്മാർട്ട് ക്ലാസ്സ്‌റൂം, ഓരോ കുട്ടിക്കും വ്യക്തിഗത പരിഗണന ,  ശിശുസൗഹൃദ അന്തരീക്ഷം വേർതിരിക്കുന്നതിനായ് ഉറപ്പും ഭംഗിയും ഉള്ള സ്ക്രീനുകൾ, ടൈൽ പാകിയ സ്കൂൾ കെട്ടിടം

=== വാഹന സൗകര്യം ===

കുട്ടികളുടെ സുരക്ഷിതവും സുഗമവുമായ യാത്രയ്ക്കായി 2016 ൽ പുതിയ 2 സ്കൂൾ വാഹനങ്ങൾ വാങ്ങി

ഒഴിവു സമയങ്ങളിൽ  കുട്ടികൾക്ക്  മാനസിക ഉല്ലാസം നൽകുന്നതിനായി 2  വിലപിടിപ്പുള്ള കളി ഉപകരണങ്ങൾ സാമൂഹിക  പങ്കാളിത്തത്തിലൂടെ  2016  വർഷം സ്കൂൾ വാങ്ങി  

=== ക്‌ളീൻ കിച്ചൺ & ഡൈനിംഗ് റൂം ===

== പാഠ്യേതര പ്രവർത്തനങ്ങൾ ==

പഠനനിലവാരം ഉയർത്തുന്നതിനുവേണ്ടി വ്യത്യസ്ത  പ്രവർത്തനങ്ങൾ നടത്തുന്ന വിദ്യാലയങ്ങളുടെ അനുഭവങ്ങൾ പങ്കുവെക്കുന്നതിനായ് നെച്ചിപ്പുഴൂർ ദേവീവിലാസം എൻ. എസ്. എസ്. എൽ. പി. സ്കൂളും ഇഫക്ടിവ് ടീച്ചർ എന്ന സംഘടനയും സംയുക്തമായി 2016  ഡിസംബർ 30  വെള്ളിയാഴ്ച നെച്ചിപ്പുഴൂർ സ്കൂളിൽ വെച്ച്  നടത്തിയ സംസ്ഥാന തല ശില്പശാലയാണ് സുശിക്ഷ. ബഹു. വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് ശില്പശാലയുടെ ഉദ്‌ഘാടന കർമ്മം നിർവഹിച്ചു. ബാലശാസ്ത്രകാരൻ പ്രൊഫ. എസ്. ശിവദാസ് , മുൻ ഡയറ്റ് പ്രിൻസിപ്പാൾ വി. എസ്. മോഹനൻ, എം. ജി. യൂണിവേഴ്സിറ്റി മുൻ വൈസ് ചാൻസിലർ പ്രൊഫ. സിറിയക് തോമസ് , കെ. എം. മാണി എം. എൽ. എ. , ജില്ലാ പഞ്ചായത്തംഗം പെണ്ണമ്മ തോമസ്, ഫാ. മാത്യു ചന്ദ്രൻകുന്നേൽ, ജനകീയ ഗായകൻ വി കെ ശശിധരൻ, കെ. ജെ. ഫിലിഫ് കുഴികുളം , പാലാ എ. ഇ. ഒ. പി. പത്മകുമാർ, സന്തോഷ് കുര്യത്ത്, വിവിധ വിദ്യാഭ്യാസ വിദഗ്ദ്ധർ , വിദ്യാഭ്യാസ വകുപ്പ് ഉദ്യോഗസ്‌ഥർ, തനത് അക്കാദമിക പ്രവർത്തനങ്ങൾ നടത്തുന്ന വിദ്യാലയങ്ങൾ , ജനപ്രതിനിധികൾ , വിദ്യാഭ്യാസപ്രവർത്തകർ തുടങ്ങി ഒട്ടനവധി പേര് സുശിക്ഷയിൽ പങ്കെടുത്തു. മലപ്പുറം, കാസർഗോഡ്, ആലപ്പുഴ പത്തനംതിട്ട,  കൊല്ലം, തുടങ്ങി വിവിധ  ജില്ലകളിൽ  നിന്നായി 13  സ്കൂളുകളും കോട്ടയം ജില്ലയിൽ നിന്ന് മൂന്നു സ്കൂളുമാണ് അക്കാദമിക അനുഭവങ്ങൾ പങ്കുവെച്ചത്.

പാഴ്വസ്തുക്കളിൽ നിന്ന് നിർമിക്കാവുന്ന പഠനോപകരണങ്ങളുടെ  പ്രദർശനം, വജ്ര  കേരളത്തിന്റെ നാഴികക്കല്ലുകൾ അടങ്ങിയ പോസ്റ്റർ പ്രദർശനം എന്നിവ സുശിക്ഷയുടെ ഭാഗമായി നടന്നു . കുട്ടികൾ അവതരിപ്പിച്ച അക്കാദമികമികവാർന്ന കലാപ്രവർത്തനങ്ങൾ പ്രശസ്ത ബാലതാരം മീനാക്ഷി ഉദ്‌ഘാടനം ചെയ്തു.

കുട്ടികളെ  സാമൂഹിക പ്രാധാന്യമുള്ള  പ്രവർത്തനങ്ങളിൽ പങ്കെടുപ്പിക്കുന്നതിനും പ്രാദേശിക സമൂഹത്തെ ക്യാൻസർ എന്ന മഹാമാരിയെക്കുറിച്ചു ബോധവൽക്കരിക്കുന്നതിനുമായി 2015  - ൽ അർബുദമുക്തി എന്ന പേരിൽ ഒരു പാവനാടകം തയ്യാറാക്കി. 100 ഓളം വേദികളിൽ അവതരിപ്പിച്ചു.

പ്രദേശത്തെ എല്ലാ കുട്ടികളുടെയും വ്യക്തിത്വവികസനം ലക്ഷ്യമിട്ട് വിവിധ ക്യാമ്പുകൾ നടത്തുന്നു . 2014-15  വർഷം കർക്കിടക ക്യാമ്പ് സംഘടിപ്പിച്ചു . നാട്ടറിവുകളുടെ പ്രാധാന്യം  പുതിയ തലമുറയെ ബോധ്യപ്പെടുത്തുന്നതിനായ്  നടത്തിയ  പരിപാടിയാണിത്. 2015 -16  അധ്യയനവർഷം രണ്ടു ക്യാമ്പുകളാണ് നടത്തിയത് . ഐക്യരാഷ്ട്രസഭ  2015  മണ്ണിന്റെയും പ്രകാശത്തിന്റെയും വർഷമായി പ്രഖ്യാപിച്ച പശ്ചാത്തലത്തിൽ മണ്ണൊളി എന്ന പഠനക്യാമ്പും  ഏപ്രിൽ  മാസത്തിൽ ഒരു ത്രിദിന പഠന ക്യാമ്പും നടത്തി.

പഠനത്തിലും പഠ്യേതര പ്രവർത്തനങ്ങളിലും  മികവ്  വർധിപ്പിക്കുക  , വായന വളർത്തുക ,എന്നി ലക്ഷ്യങ്ങൾ മുന്നിൽ കണ്ട് സ്കൂളിന്റെയും നെച്ചിപ്പുഴൂർ ദേശീയ  വായനശാലയുടെയും ആഭിമുഖ്യത്തിൽ പ്രദേശത്ത്  4  വായനക്കൂട്ടങ്ങൾ തുടങ്ങി.

കൊച്ചിൻ ബിനാലെ  (സ്റ്റുഡന്റസ് ബിനാലെ ) കുട്ടികൾക്കായി ഒരു ദിവസത്തെ ശില്പശാല 2017  ജനുവരി 12  ന്  സ്കൂളിൽ നടത്തി.. കുട്ടികൾക്ക് കഥപറയുന്നതിനും പാഴ് വസ്തുക്കളിൽ നിന്ന് കളിപ്പാട്ടം ഉണ്ടാക്കുന്നതിലും  പരിശീലനം നൽകി .

===സബ് ജില്ലയിലെ മികച്ച സ്കൂൾ===

2015 -16  ൽ എസ്. എസ്. എ. നടത്തിയ സബ്‌ജില്ലാതല മികവുത്സവത്തിൽ ഏറ്റവും മികച്ച സ്കൂളായി തിരഞ്ഞെടുക്കപ്പെട്ടു.

8 വർഷക്കാലമായ് സബ് ജില്ലയിൽ അക്ഷരമുറ്റം ക്വിസ്സിൽ  ഒന്നാം സ്ഥാനം നേടി വരുന്നു.

കരൂർ ഗ്രാമ പഞ്ചായത്തിലെ മികച്ച സ്കൂളിനുള്ള അവാർഡ് 2015 -16  വർഷം ലഭിച്ചു.