എൻ എൽ പി എസ് പൂവത്തുശ്ശേരി/അക്ഷരവൃക്ഷം/ശുചിത്വപാലനം

ശുചിത്വപാലനം ഇന്നത്തെ കാലഘട്ടത്തിൽ ഏറെ പ്രാധാന്യമുള്ള വിഷയമാണ് ശുചിത്വം. ആരോഗ്യമുള്ള ഒരു തലമുറ ഉണ്ടാകണമെങ്കിൽ നമ്മുടെ മനസ്സും ശരീരവും ചുറ്റുപാടും ശുദ്ധമായിരിക്കണം. എന്നാൽ ഇന്ന് മറിച്ചാണ് സഭാവിക്കുന്നത് . നാം സഞ്ചരിക്കുന്ന വഴികളിലും ശ്വസിക്കുന്ന വായുവിലും കുടിക്കുന്ന വെള്ളത്തിലും മറ്റും മാലിന്യങ്ങൾ ഇഴുകി ചേർന്നിരിക്കുകയാണ് . നാം അറിഞ്ഞോ അറിയാതെയോ അവയെല്ലാം നമ്മുടെ ശരീരത്തിന്റെ ഭാഗമാകുകയാണ് . ഇത്തരത്തിൽ പലതരം രോഗങ്ങൾക്കു അടിമയായി ജീവിതം ഹോമിച്ചു തീർക്കേണ്ട അവസ്ഥയാണ് ആധുനിക ജനതക്കുള്ളത്. ഇതിൽ നിന്നും ഒരു മോചനം ഉണ്ടാകണമെങ്കിൽ നാം ശുചിത്വ പൂർണമായ ദിനചര്യ നമ്മുടെ ജീവിതത്തിന്റെ ഭാഗമാക്കിയേ തീരു. നാം ദിവസവും രാവിലെ നേരത്തെ എഴുന്നേൽക്കുക , നേരത്തെ ഉറങ്ങുക . നിത്യവും രണ്ടുനേരവും കുളിക്കണം . രണ്ടുനേരവും വൃത്തിയായി പല്ലുകൾ തേക്കണം . ദിവസവും നമ്മൾ വ്യായാമത്തിൽ ഏർപ്പെടണം . വ്യായാമം ആരോഗ്യത്തിനു നല്ലതാണു . ആഴ്ചയിൽ ഒരിക്കൽ നഖങ്ങൾ വെട്ടി വൃത്തിയാക്കണം. തലമുടി വെട്ടി വൃത്തിയാക്കി സൂക്ഷിക്കണം . ഭക്ഷണത്തിനു മുൻപും ശേഷവും കൈയും വായയും വൃത്തിയായി കഴുകണം . വൃത്തിയുള്ള വസ്ത്രം ധരിക്കണം. ശുദ്ധമായ ഭക്ഷണം കഴിക്കണം, ശുദ്ധമായ വെള്ളം കുടിക്കണം. ആവശ്യത്തിന് നന്നായി ഉറങ്ങണം . ഭക്ഷണ സാധനങ്ങൾ നന്നായി ചവച്ചരച്ചു കഴിക്കണം . വലിച്ചുവാരി കഴിക്കരുത് . രുചിയും മണവും ചേർത്ത ഭക്ഷണങ്ങളും പാനീയങ്ങളും ഒഴിവാക്കുക . നാട്ടുഭക്ഷണം ശീലമാക്കുക . കടകളിലെ പാക്കറ്റ് ഭക്ഷണ സാധനങ്ങൾ ഒഴിവാക്കുക . പഴങ്ങൾ പച്ചക്കറികൾ, ധാന്യങ്ങൾ, പയറുവർഗങ്ങൾ , മൽസ്യം , മാംസം , മുട്ട , പാൽ എന്നിവ അ‍‍ടങ്ങിയ സമീകൃത ആഹാരം ഭക്ഷണത്തിൽ ഉൾച്ചേർന്നിരിക്കണം . മാത്രമല്ല നല്ല ഭക്ഷണ ശീലങ്ങൾ പാലിക്കണം . നാം നമ്മുടെ വീടും പരിസരവും വൃത്തിയായി സൂക്ഷിക്കണം . പ്ലാസ്റ്റിക് ഉപയോഗം പരമാവധി കുറക്കണം . പ്ലാസ്റ്റിക് മാലിന്യങ്ങൾ വലിച്ചെറിയരുത്. മലിനജലം കെട്ടികിടക്കാൻ അനുവദിക്കരുത് . കൊതുകു ഈച്ച തുടങ്ങിയ കീടങ്ങൾ പെരുകുവാൻ അനുവദിക്കരുത്. പൊതുസ്ഥലങ്ങൾ വൃത്തിയായി സൂക്ഷിക്കണം . തുറസായ സ്ഥലങ്ങളിൽ മലമൂത്ര വിസർജനം നടത്തുകയോ പൊതുവഴികളിൽ തുപ്പുകയോ ചെയ്യരുത് . തുമ്മുകയോ ചുമക്കുകയോ ചെയ്യുമ്പോൾ തൂവാല കൊണ്ട് മുഖം മറക്കണം . കിണർ കുളം, പുഴ മുതലായ ജലാശയങ്ങൾ വൃത്തിയായി സൂക്ഷിക്കണം . പ്രഭാത ഭക്ഷണം ഒഴിവാക്കരുത് . ദിവസം മുഴുവനും കളിക്കാനും പഠിക്കാനും പ്രവൃത്തി ചെയ്യാനുമാണ് ശക്തി ലഭിക്കുന്നത് പ്രഭാത ഭക്ഷണത്തിൽ നിന്നാണ്. നമ്മുടെ നാട്ടിലുണ്ടാകുന്ന ചക്കയും മാങ്ങയും പപ്പായയും നമ്മൾ കഴിക്കണം . നാട്ടുകൃഷി പ്രോത്സാഹിപ്പിക്കണം . മായം ചേർന്ന ഭക്ഷണ സാധനങ്ങൾ ഒഴിവാക്കണം .ആരോഗ്യമുള്ള ശരീരത്തിലെ ആരോഗ്യമുള്ള മനസുണ്ടാവു . വൃത്തിയുള്ള പരിസരവും ആരോഗ്യമുള്ള ശരീരവും നല്ലൊരു സമൂഹത്തെ സൃഷ്ടിക്കുന്നു . അതിനായി നമുക്ക് ഒത്തൊരു മിച്ചു പരിശ്രമിക്കാം . വ്യക്തി ശുചിത്വവും പരിസര ശുചിത്വവും നമ്മുടെ നാടിന്റെ സംസ്കാരമാക്കി മാറ്റാം . അനൗഷ്ക അജീഷ് 2 A എൻ എൽ പി എസ് പൂവത്തുശ്ശേരി മാള ഉപജില്ല തൃശ്ശൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sunirmaes തീയ്യതി: 19/ 04/ 2020 >> രചനാവിഭാഗം - ലേഖനം