ഗവ. ഗേൾസ് ഹയർ സെക്കന്ററി സ്കൂൾ തിരുവങ്ങാട്/അക്ഷരവൃക്ഷം/ശുചിത്വം അനിവാര്യം

ശുചിത്വം അനിവാര്യം വൃക്തികളു० അവർ ജീവിക്കുന്ന ചുറ്റുപാടും, അന്തരീക്ഷവു० മാലിന്യമുക്തമായിരിക്കുന്ന അവസ്ഥയാണ് ശുചിത്വം. ആരോഗ്യകരമായ ജീവിതത്തിന് ശുചിത്വം അത്യന്താപേക്ഷിതമാണ്. കമ്പോളസ०സ്കാരവു० സ്വാർത്ഥതയു० കാരണം ചുറ്റുപാടിനെ മലിനമാക്കിയ മനുഷ്യർ "താൻ കുഴിച്ച കുഴിയിൽ താൻ തന്നെ " എന്ന പഴഞ്ചൊല്ലിനെ അന്വർത്ഥമാക്കു०വിധം ഒരു ഭീകരമായ അവസ്ഥയിൽ എത്തി നിൽക്കുകയാണ്. ജീവൻെറ നിലനിൽപ്പിന് പോലും ഭീഷണിയായി ഭൂമി പലതരത്തിലുള്ള മലിനീകരണത്തിന് വിധേയമായി കൊണ്ടിരിക്കുന്നു. മനുഷ്യനും പരിസ്ഥിതിയും തമ്മിൽ അഭേദ്യമായ ബന്ധമുള്ളതിനാൽ പരിസ്ഥിതിയിലുണ്ടാകുന്ന എല്ലാ മാറ്റങ്ങൾക്കു० അവനും വിധേയമായി കൊണ്ടിരിക്കും. മലിനപ്പെട്ട പരിസരം പൊതുജനാരോഗ്യത്തേയു० രാജ്യത്തിൻെറ സാമ്പത്തിക വികസനത്തെയും ബാധിക്കുന്നു. ആവർത്തിച്ചു വരുന്ന പകർച്ചവൃാധികൾ നമ്മുടെ ശുചിത്വമില്ലായ്മക്ക് കിട്ടുന്ന പ്രതിഫലമാണെന്ന് ആരും ഓർക്കാറില്ല.* *കാടുകൾ വെട്ടിത്തെളിച്ച് കെട്ടിടസമുച്ചയങ്ങൾ കെട്ടിപൊക്കി വായുവിനെ മലിനമാക്കി കടലുകളെ മാലിന്യകൂമ്പാരങ്ങളുടെ കുപ്പത്തൊട്ടിയാക്കി മാറ്റി പറവകളേയു० പൂമ്പാറ്റകളേയു० മനുഷ്യൻെറ സ്വാർത്ഥത കൊണ്ട് ജീവിക്കാൻ കഴിയാത്ത അവസ്ഥയിലാക്കി..........എന്നിട്ടോ ? ഇന്നിതാ മാലിന്യകൂമ്പാരങ്ങളും ദുർഗന്ധ० വമിക്കുന്ന പാതയോരങ്ങളും വൃത്തിഹീനമായ പൊതുസ്ഥലങ്ങളു० ഗ്രാമ നഗര വ്യത്യാസമില്ലാതെ നമ്മെ നോക്കി പല്ലിളിക്കുന്നു. ഇന്ന് നഗ്നമായ കണ്ണുകൾ കൊണ്ട് കാണാൻ പോലുമാവാത്ത ഒരു വൈറസ് മാനവരാശിയെ മുഴുവനായി പിടിച്ചു കുലുക്കുന്നു. രോഗങ്ങളും പകർച്ചവ്യാധികളു० മനുഷ്യനെ വേട്ടയാടാൻ തുടങ്ങിയിട്ട് ആയിരക്കണക്കിനു വർഷങ്ങളായി.* ശുചിത്വമില്ലായ്മയാണ് പല രോഗങ്ങളേയും ക്ഷണിച്ചു വരുത്തുന്നത്. ഇതിന്റെ വെളിച്ചത്തിൽ ശുചിത്വം ജീവരക്ഷാകരമായ സംഗതിയാണെന്ന് തന്നെ പറയാം.* അതിനാൽ കോവിഡ് 19 എന്ന ഈ മഹാമാരിയുടെ വൃാപന० തടയാൻ ശുചിത്വം തന്നെയാണ് ഏറ്റവും അത്യാവശ്യം. ഹോമോസാപ്പിയൻസ് എന്ന ശാസ്ത്രീയനാമമുള്ള "ചിന്തിക്കുന്ന മൃഗം" അഹന്തയുടെ പേരിൽ, കൈയൂക്കിൻെറ ബലത്തിൽ പ്രകൃതിയേയും മിണ്ടാ പ്രാണികളേയു० ചൂഷണം ചെയ്ത് ഈ ലോകത്തെ മാലിന്യ കേന്ദ്രമാക്കുമ്പോൾ ഇങ്ങനെയൊരു "നാളെ" നേരിടേണ്ടി വരുമെന്നു പ്രതീക്ഷിച്ചു കാണില്ല. സ്വാർത്ഥത കൈവെടിയേണ്ട സമയമാണിത്. വൃക്തിശുചിത്വവു० പരിസരശുചിത്വവു० സാമൂഹിക ശുചിത്വവു० പാലിച്ചാൽ മാത്രമേ ഈ മഹാമാരിയിൽ നിന്ന് മനുഷ്യ വിഭാഗത്തിന് രക്ഷയുള്ളൂ. വൃക്തിശുചിത്വത്തിൽ ഏറെ പ്രാധാന്യം നൽകുന്ന മലയാളി പരിസരശുചിത്വത്തിലു० പൊതുശുചിത്വത്തിലു० വേണ്ടത്ര ശ്രദ്ധ കൊടുക്കാത്തത് നമ്മുടെ ബോധനിലവാരത്തിൻെറയു० കാഴ്ചപ്പാടിൻെറയു० പ്രശ്നമാണ്. ആരും കാണാതെ മാലിന്യം നിരത്തുവക്കിലിടുന്ന, സ്വന്തം വീട്ടിലെ മാലിന്യ० അയൽക്കാരൻെറ പറമ്പിലിടുന്ന, വീട്ടിലെ അഴുക്ക് വെള്ളം ഓടയിലേക്കൊഴുക്കുന്ന മലയാളി തൻെറ കപടസ०സ്കാരമാണിവിടെ പ്രദർശിപ്പിക്കുന്നത്. നാം വലിച്ചെറിയുന്നതു० കത്തിച്ചുകളയുന്നതുമായ പ്ളാസ്റ്റിക്കുകൾ പ്രകൃതിയിൽ ഉണ്ടാക്കുന്ന മുറിപ്പാടുകൾ എത്ര മാത്രം ആണെന്നു നാം ചിന്തിക്കുന്നില്ല. വ്യവസായശാലകളു० പെരുകി വരുന്ന വാഹനങ്ങളു० വായുവിനെ വിഷമയമാക്കുന്നു. നാം കൊന്നു കൂട്ടുന്ന ജീവികളുടെ അവശിഷ്ടങ്ങൾ പുഴകളെ അഴുക്കുചാലുകളാക്കുന്നു. എവിടെയെല്ലാ० ശ്രദ്ധിച്ചു നോക്കുന്നുവോ അവിടെയെല്ലാം ശുചിത്വമില്ലായ്മ നമുക്ക് കാണാൻ കഴിയും. വീടുകൾ, സ്കൂളുകൾ, കച്ചവടസ്ഥാപനങ്ങൾ, മാർക്കറ്റുകൾ, റോഡുകൾ, കുളങ്ങൾ തുടങ്ങി മനുഷ്യൻ എവിടെയെല്ലാ० പോകുന്നുവോ അവിടെയെല്ലാ० ശുചിത്വമില്ലായ്മ കാണാം. ഈ അവസ്ഥ തുടർന്നാൽ "ദൈവത്തിൻെറ സ്വന്തം നാട്" എന്നത് "മാലിന്യങ്ങളുടെ സ്വന്തം നാട്" എന്നായി മാറു०. ശുചിത്വമില്ലായ്മ വായു, ജലം, മണ്ണ് എന്നിവയുടെ മലിനീകരണത്തിന് കാരണമാകുന്നു. ജീവികളുടെ ആവാസവൃവസ്ഥയെ തകർക്കുന്നു. പകർച്ചവൃാധികൾ ആവർത്തിക്കപ്പെടുന്നു. ജനങ്ങൾക്കിടയിൽ സ്പർദ്ധയു० അസ്വസ്ഥതകളും വർദ്ധിക്കുന്നു. വൃക്തിശുചിത്വം സാധൃമാണെങ്കിൽ സാമൂഹ്യശുചിത്വവു० സാധൃമാകു०. വൃക്തികൾക്ക് സാമൂഹ്യ ശുചിത്വബോധ० ഉണ്ടായാൽ വൃക്തിശുചിത്വത്തിനോ ഗാർഹികശുചിത്വത്തിനോ വേണ്ടി പരിസരം മലിനമാക്കില്ല. പൊതുസ്ഥലങ്ങളിലെ ശുചിത്വമില്ലായ്മക്കെതിരെ പ്രതികരിക്കു०, മാലിന്യങ്ങൾ പൊതുസ്ഥലങ്ങളിലേക്കു० ജലാശയങ്ങളിലേക്കു० തള്ളുകയില്ല എന്നതായിരിക്കണ० നമ്മുടെ നിലപാട്. "ഏറ്റവും നല്ല പ്രതിരോധമരുന്നാണ് ശുചിത്വം" എന്ന രാഷ്ട്ര പിതാവ് ഗാന്ധിജിയുടെ കാഴ്ചപ്പാട് ഇവിടെ ഇന്ന്എത്രമാത്രം പ്രസക്തമായിരിക്കുന്നു. ശുചിത്വമുള്ള ചുറ്റുപാടിൽ ജീവിക്കുക എന്നത് ഒരാളുടെ മൗലികവകാശമാണ്. ശുചിത്വമുള്ള അന്തരീക്ഷത്തിലു० ചുറ്റുപാടിലു० ജീവിക്കുന്നത് അന്തസ്സാണ്, അഭിമാനമാണ്. അതായത് ശുചിത്വം അന്തസ്സിൻെറയു० അഭിമാനത്തിൻെറയു० പ്രശ്നമാണ്, അല്ലെങ്കിൽ അങ്ങനെയാവണ०. ശുചിത്വമുള്ള ചുറ്റുപാടിൽ ജീവിക്കുന്നവരുടെ ആരോഗ്യം മാത്രമല്ല ജീവിതഗുണനിലവാരവു० ഉയരുന്നു. കേവലമായ സാമ്പത്തിക ലാഭത്തിനുമപ്പുറ० മാനവരാശിയുടെ ആരോഗ്യകരമായ നിലനിൽപ്പിന് പ്രാമുഖ്യം നൽകിയാൽ മാത്രമേ " ശുചിത്വസുന്ദരമായ നാട്" എന്ന സ്വപ്നം സാധൃമാകുകയുള്ളൂ. തെളിനീരൊഴുകുന്ന പുഴകളും ശുദ്ധമായ ജീവവായുവും മാലിനൃമുക്തമായ പരിസരവും ഉള്ള ഒരു പ്രദേശമായി മാറ്റിയെടുത്താൽ മാത്രമേ ആരോഗ്യകരമായ ഒരു ജീവിതം നമുക്ക് പ്രാപ്തമാവുകയുള്ളൂ. പരിസരശുചിത്വവു० വൃക്തിശുചിത്വവു० ആരോഗ്യത്തിന് ഗുണം ചെയ്യുമെന്ന് മാത്രമല്ല നമ്മൾ ജീവിക്കുന്ന പ്രദേശത്തിൻെറ മുഖഛായ തന്നെ മാറ്റാൻ അത് സഹായിക്കുന്നു. അങ്ങനെയുള്ള ശുചിത്വസുന്ദരമായ നാടിൻെറ നിർമ്മിതിക്കായി നമുക്കൊന്നായി കൈകോർക്കാ०. ശിവനന്ദ രാജീവൻ. 9 B ജി.എച്ച് .എച്ച്.എസ്.തിരുവങ്ങാട് തലശ്ശേരി സൗത്ത് ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - MT_1260 തീയ്യതി: 18/ 04/ 2020 >> രചനാവിഭാഗം - ലേഖനം