ചർച്ച് എൽ പി എസ് കൊരട്ടി/അക്ഷരവൃക്ഷം/ശുചിത്വം

ശുചിത്വം       അസുഖങ്ങൾ വരാതിരിക്കുവാനും രോഗപ്രതിരോധശേഷി വർദ്ധിപ്പിക്കുവാനും ശുചിത്വമുള്ള ചുറ്റുപാട് നമ്മെ വളരെ അധികം സഹായിക്കുന്നു. കഴിഞ്ഞ മൂന്നു വർഷങ്ങളായി നാം നേരിട്ട പ്രശ്നങ്ങളാണ് വെള്ളപ്പൊക്കം, നിപ്പ വൈറസ്, കോവിഡ് 19 എന്നിവ. ശുചിത്വത്തെപ്പറ്റി നാം ചിന്തിച്ചതും ഈ മഹാമാരികളുടെ സമയത്താണ് . വെള്ളപ്പൊക്ക സമയത്തു നമ്മൾ ജലം വഴിയുള്ള പകർച്ച വ്യാധികൾ തടയുന്നതിനായി തിളപ്പിച്ചാറ്റിയ വെള്ളം കുടിക്കുകയും, ചൂടുള്ള ഭക്ഷണം കഴിക്കുകയും, കിണർ തുടങ്ങിയ ജലസ്രോതസ്സുകൾ ബ്ലീച്ചിങ് പൌഡർ ഇട്ടു ശുചിയാക്കുകയും ചെയ്തു . പണ്ടൊക്കെ പറമ്പിൽ കിടക്കുന്ന ചെറിയ പരിക്കുകളോട് കൂടിയ പേരക്ക, ചാമ്പക്ക, മാങ്ങ തുടങ്ങിയ പഴങ്ങൾ നമ്മൾ ഭക്ഷിച്ചിരുന്നു. എന്നാൽ നിപ്പ വൈറസ് വന്നതിനു ശേഷം നമ്മൾ ആ ശീലമെല്ലാം മാറ്റിയെടുത്തു. കടയിൽ നിന്ന് വാങ്ങുന്ന പഴങ്ങളും പല തവണ വൃത്തിയായി കഴുകിയതിനു ശേഷം മാത്രം ഉപയോഗിച്ചു. ലോകം മുഴുവൻ ബാധിച്ച ഈ കൊറോണ വൈറസിനെ തുരത്താനായി നാം ഓരോരുത്തരും ജോലിയും വിദ്യാഭ്യാസവും വരെ ഉപേക്ഷിച്ചും സമൂഹവ്യാപനം ഉണ്ടാക്കാതെ വീട്ടിലിരിക്കുന്നു. അഥവാ പുറത്തോട്ട് പോകേണ്ട അവസരത്തിൽ മുഖം മാസ്ക് ധരിച്ചും തിരിച്ചുവന്നാൽ കൈകൾ സോപ്പും സാനിറ്റിസറും ഉപയോഗിച്ച് വൃത്തിയാക്കിയും നമ്മൾ മഹാമാരി എന്ന് പറയുന്ന ഈ അസുഖത്തെ അതിജീവിക്കാൻ ഓരോ ദിവസവും ശ്രമിച്ചുകൊണ്ടിരിക്കുന്നു. ശുചിത്വത്തെപ്പറ്റി ഇത്രയും കരുതൽ നാം നമ്മുടെ അനുഭവങ്ങളിൽ നിന്നാണ് പഠിച്ചത് . അനൻ ബാബു 3 A ‍‍ചർച്ച് എൽ പി സ്കൂൾ കൊരട്ടി ചാലക്കുടി ഉപജില്ല തൃശ്ശൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sunirmaes തീയ്യതി: 18/ 04/ 2020 >> രചനാവിഭാഗം - ലേഖനം