വി.എച്ച്.എസ്. എസ് ഫോർ ഗേൾസ് തിരുവല്ലം/അക്ഷരവൃക്ഷം/പ്രതിരോധിക്കാം രോഗത്തെ അകറ്റാം

പ്രതിരോധിക്കാം രോഗത്തെ അകറ്റാം രോഗപ്രതിരോധമാണ് ചികിത്സയെക്കാൾ നല്ലത്. രോഗങ്ങൾ പ്രത്യേകിച്ചും പകർച്ചവ്യാധികൾ പടരാതിരിക്കാൻ നമ്മൾ ചില മുൻകരുതലുകൾ എടുക്കേണ്ടതാണ്. വെള്ളം:-പാചകത്തിനുംകുടിക്കാനും തിളപ്പിച്ചാറ്റിയ വെള്ളം തന്നെ ഉപയോഗിക്കുക. ഭക്ഷണം:-തിളപ്പിച്ചാറ്റിയ വെള്ളം തന്നെ പാചകത്തിനും ഉപയോഗിക്കുക. പാചകത്തിന് മുമ്പും ശേഷവും കൈകൾ നന്നായി കഴുകുക.ആഹാരം ചൂടോടെ അന്നന്ന് തന്നെ ഉപയോഗിക്കുക. തുറന്നിരിക്കുന്ന ഒരു ഭക്ഷണ പദാർത്ഥവും കഴിക്കാതിരിക്കുക. എളുപ്പത്തിൽ ദഹിക്കുന്ന ഭക്ഷണം കഴിക്കാൻ ശ്രദ്ധിക്കുക. കണ്ണുകൾ:-ഓരോ തവണയും കണ്ണിൽ തൊടുന്നതിനു മുമ്പ് കൈ വൃത്തിയായി കഴുകുക. വളർത്തുമൃഗങ്ങൾ:-മനുഷ്യരുടെ കാര്യത്തിലെന്ന പോലെ വളർത്തുമൃഗങ്ങളുടെ കാര്യത്തിലും പ്രത്യേക ശ്രദ്ധയും പരിചരണവും നൽകുക. ശുചിത്വം:-ശുചിത്വം ഒരു സംസ്കാരമാണ്. ഓരോ വീട്ടിലെയും മാലിന്യങ്ങൾ പരിസ്ഥിതിയെ മലിനപ്പെടുത്താതെ നിർമാർജനം ചെയ്യേണ്ടതാണ്. കൊറോണ വൈറസിനെതിരെയുള്ള(കോവിഡ്-19)പ്രതിരോധം:-ഇന്ന് ലോകമെമ്പാടുമുള്ള ജനങ്ങൾ കോവിഡ്-19 എന്ന പകർച്ചവ്യാധിയുടെ ഭീഷണിയിലാണ്.ചൈനയിൽ നിന്നാരംഭിച്ച് പല രാജ്യങ്ങളിലേക്ക് പടർന്ന രോഗം ഇന്ത്യയിൽ ആദ്യമായി കേരളത്തിലാണ് റിപ്പോ‍ട്ട് ചെയ്തത്.കൊറോണ വൈറസിനെതിരെ ഫലവത്തായ മരുന്നുകളൊന്നും ഇതുവരെ കണ്ടെത്തിയിട്ടില്ലയെന്നതിനാലാണ് ഈ രോഗം നമ്മെ കൂടുതൽ ഭയപ്പെടുത്തുന്നത്. എന്നാൽ രോഗം മൂ‍ർഛിക്കന്നതിനു മുമ്പ് ചികിത്സ തേടിയാൽ ഭേദമാക്കാം. ഏറ്റവും ശരിയായ മാർഗമെന്നു പറയുന്നത് ഈ വൈറസ് അണുബാധ പടർന്നുപിടിക്കാതിരിക്കാൻ ചില മുൻകരുതലുകൾ എടുക്കേണ്ടതാണ്.രോഗപ്രതിരോധമാണ് ചികിത്സയെക്കാൾ നല്ലത്. ചില മുൻകരുതലുകൾ,വ്യക്തി ശുചിത്വം എന്നിവ ഏറെ പ്രധാനമാണ്. കൈകൾ ഇടയ്ക്കിടെ നല്ലതുപോലെ കഴുകുക.പ്രത്യേകിച്ചും പുറത്തു പോയി വന്നാൽ 20 സെക്കന്റെങ്കിലും കൈകൾ തുടർച്ചയായി കഴുകേണ്ടത് ഏറെ അത്യാവശ്യമാണ്.രോഗാണുക്കൾ പടരാതിരിക്കാൻ ഇതേറെ സഹായിക്കും.സ്രവങ്ങളിലൂടെ പകരാതിരിക്കാൻ ചുമയ്ക്കുമ്പോഴും തുമ്മുമ്പോഴുമെല്ലാം കൈ കൊണ്ടോ ഒരു തൂവാല കൊണ്ടോ വായ,മൂക്ക്,കണ്ണ് എന്നിവിടങ്ങളിൽ പൊത്തിപ്പിടിക്കുക. ഈ രോഗം മനുഷ്യരിൽ നിന്ന് മനുഷ്യരിലേക്ക് വേഗം പടരുന്ന ഒന്നാണ്.ഈ വൈറസ് ഒരു മനുഷ്യന്റെ ശരീരത്തിൽ പടർന്നുകഴിഞ്ഞാൽ 10 ദിവസത്തിനുള്ളിലേ രോഗലക്ഷണങ്ങൾ ഉണ്ടാകൂ.ആയതിനാൽ സാമൂഹിക അകലം പാലിച്ചുകൊണ്ടു മാത്രമേ ഈ രോഗത്തെ നമുക്ക് പ്രതിരോധിക്കാൻ കഴിയുകയുള്ളൂ. പക്ഷികളും മൃഗങ്ങളുമെല്ലാം രോഗവാഹകരാകാമെന്നു തെളി‍ഞ്ഞിട്ടുണ്ട്.ഇതിനാൽത്തന്നെ മാംസാഹാര വിഭവങ്ങൾ നല്ലതുപോലെ പാകം ചെയ്ത് മാത്രമേ കഴിക്കാൻ പാടുള്ളൂ.അതുപോലെ തന്നെ വളർത്തുമൃഗങ്ങളുമായി സംസർഗം പുലർത്തുന്നവർ ശുചിത്വം പാലിക്കേണ്ടതാണ്. ഈ വൈറസുകൾ സൂണോട്ടിക്ക് വൈറസുകളാണ്.അതായത് മൃഗങ്ങളിൽ നിന്ന് മനുഷ്യരിലേക്ക് പടരുന്ന വിഭാഗത്തിൽപ്പെട്ടവയാണ്. ലോകത്ത് പല രാജ്യങ്ങളിലും അവ വേഗത്തിൽ പടർന്നുപിടിക്കുന്നത് നമ്മൾ അറിയുകയാണ്. അത് നമ്മുടെ നാട്ടിലും ആ സാഹചര്യം ഉണ്ടാക്കാതിരിക്കാൻ ഓരോരുത്തരും അതിനെ പ്രതിരോധിക്കാൻ വേണ്ട കാര്യങ്ങൾ ചെയ്യേണ്ടതാണ്. ഭദ്ര എസ് നായർ 7 എ, വി.എച്ച്.എസ്.എസ്.ഫോ‍ർ ഗേൾസ്,തിരുവല്ലം തിരുവനന്തപുരം സൗത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sheelukumards തീയ്യതി: 16/ 04/ 2020 >> രചനാവിഭാഗം - ലേഖനം