ഗവ. യു പി എസ് കുശവർക്കൽ/പ്രവർത്തനങ്ങൾ/2025-26

സ്കൂൾ പ്രവേശനോത്സവം റിപ്പോർട്ട്

ഓരോ വർഷവും കുട്ടികൾക്ക് ഒരു പുതിയ പഠന യാത്ര ആരംഭിക്കുന്ന ഓർമ്മകൾ നിറഞ്ഞുനിൽക്കുന്ന ദിനമാണ് പ്രവേശനോത്സവം. നമ്മുടെ വിദ്യാലയത്തിലും 2025 26 അക്കാദമിക വർഷത്തെ പ്രവേശനോത്സവം വളരെ മികവാർന്ന പ്രവർത്തനങ്ങൾ കൊണ്ട് ശ്രദ്ധേയമായി.02/06/25 രാവിലെ 10 മണിക്ക് ഈശ്വര പ്രാർത്ഥനയോടുകൂടി ആരംഭിച്ച ചടങ്ങിൽ സീനിയർ അധ്യാപിക ശ്രീമതി റോഷ്നി എൽ കെ വിശിഷ്ടാതിഥി കൾക്ക് സ്വാഗതം ആശംസിച്ചു. പാതിരപ്പള്ളി വാർഡ് കൗൺസിലർ ശ്രീമതി കസ്തൂരി എം എസ് ഭദ്രദീപം കൊളുത്തി പ്രവേശനോത്സവ ചടങ്ങ് ഉദ്ഘാടനം ചെയ്തു. MPTA പ്രസിഡന്റ് ശ്രീമതി അഖില ചടങ്ങിന് അധ്യക്ഷത വഹിച്ചു. മുൻ AEO ശ്രീമതി. ബീനാ കുമാരി, URC കോഡിനേറ്റർ ശ്രീമതി മായ, വിവിധ റസിഡൻസ് അസോസിയേഷൻ പ്രതിനിധികൾ, സത്യസായി സേവാസമിതി അംഗങ്ങൾ, UST ഗ്ലോബൽ പ്രതിനിധികൾ എന്നിവർ ചടങ്ങിൽ സന്നിഹിതരായിരുന്നു. കിരീടം അണിയിച്ചും അക്ഷരദീപം തെളിച്ചും സമ്മാനപ്പൊതികൾ വിതരണം ചെയ്തും നവാഗതരെ സ്വാഗതം ചെയ്തു. പ്രവേശനോത്സവത്തിന്റെ ഭാഗമായി വിദ്യാലയത്തിലെ എല്ലാ കുട്ടികൾക്കും സന്നദ്ധ സംഘടനകളുടെ ആഭിമുഖ്യത്തിൽ പഠനോപകരണങ്ങൾ വിതരണം ചെയ്തു. ഈ ദിവസം കുട്ടികൾക്ക് മാത്രമല്ല അവരുടെ മാതാപിതാക്കൾക്കും വലിയൊരു പ്രചോദനമായിരുന്നു. അധ്യാപിക ശ്രീമതി സൂര്യ R. S കൃതജ്ഞത രേഖപ്പെടുത്തി. 12 മണിക്ക് യോഗനടപടികൾ അവസാനിച്ചു.

പ്രേംചന്ദ് ദിനം

നമ്മുടെ സ്കൂളിൽ ഹിന്ദി ക്ലബിന്റെ ആഭിമുഖ്യത്തിൽ ജൂലൈ 31-ന് പ്രശസ്ത ഹിന്ദി സാഹിത്യകാരനായ മുന്ശി പ്രേംചന്ദിന്റെ ജന്മദിനമായ "പ്രേംചന്ദ് ദിനം" ആചരിച്ചു. ഹിന്ദി ക്ലബ് കൺവീനറുടെ നേതൃത്വത്തിൽ സ്കൂളിൽ പ്രത്യേകം അസംബ്ലി സംഘടിപ്പിക്കുകയും ചെയ്തു. പ്രേംചന്ദിന്റെ രചനാലോകത്തെ പരിചയപ്പെടുത്തുന്നതിനായി വിവിധ പരിപാടികൾ സംഘടിപ്പിച്ചു: പ്രസംഗം, ക്വിസ് മത്സരം, പോസ്റ്റർ പ്രദർശനം,സ്കിറ്റ് ( ठाकुर का कुआँ ) പരിപാടികൾ നടത്തി. ഇതുവഴി വിദ്യാർത്ഥികൾക്ക് ഹിന്ദി സാഹിത്യത്തിൽ ആഴമേറിയ സംഭാവന നൽകിയ പ്രേംചന്ദിനെ കുറിച് അവബോധമുണ്ടാക്കാൻ സാധിച്ചു.

• 

2025 ജൂൺ 26 ലഹരി വിരുദ്ധ ദിനം

2025 ജൂൺ 26-ന് സ്കൂളിൽ "വിമുക്തി" കൺവീനറുടെ നേതൃത്വത്തിൽ ലഹരി വിരുദ്ധ ദിനം ആചരിച്ചു. വിദ്യാർത്ഥികളിൽ ലഹരി വിരുദ്ധ ബോധം വളർത്തുന്നതിനും സമൂഹത്തിൽ അതിന്റെ ദൂഷണങ്ങൾ മനസ്സിലാക്കുന്നതിനും ഈ ദിനാചരണം സഹായിച്ചു.

പ്രോഗ്രാമിന്റെ ഉദ്‌ഘാടനം ബഹുമാനപ്പെട്ട വാർഡ് കൗൺസിലർ കസ്തൂരി നിർവഹിച്ചു. തന്റെ പ്രസംഗത്തിൽ അവർ ലഹരിവസ്തുക്കളുടെ ദൂഷണവും യുവജനത്തിൽ അതുണ്ടാക്കുന്ന ആഘാതങ്ങളും തുറന്നുപറഞ്ഞു.തുടർന്ന്

ലഹരി വിരുദ്ധ പ്രതിജ്ഞ, പോസ്റ്റർ പ്രദർശനം, ലഹരി വിരുദ്ധ ഗാനം, പ്രസംഗം, ക്വിസ് മത്സരം, ലഹരി വിരുദ്ധ ബോധവൽക്കരണ ക്ലാസ്,  എന്നീ പരിപാടികൾ നടത്തി.

ഈ പരിപാടികൾ മുഴുവൻ വിദ്യാർത്ഥികളിൽ വലിയ സ്വാധീനം ഉണ്ടാക്കി. എല്ലാവരും ഉത്സാഹപൂർവം പങ്കെടുത്ത് ലഹരി വിരുദ്ധ സന്ദേശം സമൂഹത്തിലേക്ക് എത്തിക്കാൻ തങ്ങളെ ബാധ്യതയുള്ളവരായി കാണിച്ചു.

•