എസ്.വി.എച്ച്.എസ്. പൊങ്ങലടി/പ്രവർത്തനങ്ങൾ/2023-24

മനം കവരുന്ന സംഗീത വിരുന്നൊരുക്കി പ്രവേശനോത്സവം 2023-24.

അറിവിന്റെ അക്ഷര മുറ്റത്തേയ്ക്ക് കുട്ടികൾ എത്തുകയായി .

എസ് വി എച്ച് എസ് പൊങ്ങലടി സ്കൂളിലെ 2023 24 അധ്യയന വർഷത്തെ പ്രവേശനോത്സവം ജൂൺ ഒന്നിന് നടന്നു. പ്രവേശനോത്സവ ഗാനം കേൾപ്പിച്ചുകൊണ്ട് പ്രവേശനോത്സവ പരിപാടികൾ ആരംഭിച്ചു.

സ്കൂൾ പ്രവേശനോത്സവം സിനിമ പിന്നണി ഗായകനായ ഉന്മേഷ് പൂങ്കാവ് നിർവഹിക്കുന്നു. വാർഡ് മെമ്പർ ശ്രീ രഞ്ജിത് അധ്യക്ഷത വഹിച്ചു.

പിടിഎ പ്രസിഡണ്ട് ശ്രീമതി സുജ ആശംസകൾ അറിയിച്ചു . അധ്യാപികയായ ജയശ്രീ സ്വാഗത പ്രസംഗം നടത്തി. സീനിയർ അസിസ്റ്റന്റ് ആയ പ്രീത റാണി കൃതി രേഖപ്പെടുത്തി. കുട്ടികൾക്കുള്ള പഠനോപകരണ വിതരണവും ഇതോടൊപ്പം നടന്നു.

സംഗീതത്തിൽ ആറാടിയ ഒരു പ്രവേശനോത്സവം

സിനിമ പിന്നണിഗായകനായ ഉന്മേഷം പൂങ്കാവിൻറെ പാട്ടുകൾക്കൊപ്പം കുട്ടികൾ ചുവടുവെച്ചു. ഏറെ ആവേശത്തോടെ ആയിരുന്നു കുട്ടികൾ . വാർഡ് മെമ്പർ ശ്രീരഞ്ജിത്തും ഗാനം ആലപിച്ചു.സംസ്ഥാന സ്കൂൾ പ്രവേശനോത്സവത്തിന്റെ തൽസമയ പരിപാടികൾ ലിറ്റിൽ കൈറ്റ്സ് കുട്ടികളുടെ സഹായത്തോടെ മറ്റു കുട്ടികളിലേക്കും എത്തിക്കാൻ കഴിഞ്ഞു.

ഹരിതാഭമായി പരിസ്ഥിതി ദിനാഘോഷം

പരിസ്ഥിതി ദിനാഘോഷം 🌱🌱🌱🌱🌿🌿🌿 ഉത്ഘാടനം വാർഡ് മെമ്പർ ശ്രീ രഞ്ജിത് KR

ഹരിത നേച്ചർ ക്ലബ്ബിന്റെ നേതൃത്വത്തിൽ ഈ വർഷത്തെ പരിസ്ഥിതി ദിനാഘോഷവും വളരെ സമുചിത മായി ആഘോഷിച്ചു. വിപുലമായ പരിപാടികളാണ് നടപ്പിലാക്കിയത്. വൃക്ഷത്തൈ നട്ടു കൊണ്ട് വാർഡ് മെമ്പർ ശ്രീ രഞ്ജിത്ത് ഉദ്ഘാടനം നിർവഹിച്ചു.

സ്കൂൾ ഹെഡ്മിസ്ട്രസ് പ്രീത കുമാരി ടീച്ചർ ഈ പരിപാടികൾക്ക് നേതൃത്വം നൽകി പിടിഎ പ്രസിഡണ്ട് ശ്രീമതി സുജ മുഖ്യ സന്ദേശം കൈമാറി. പരിസ്ഥിതി ദിനവുമായി ബന്ധപ്പെട്ടപാട്ടുകൾ കുട്ടികൾ ആലപിക്കുകയും ചെയ്തു.പരിസ്ഥിതി സംരക്ഷിക്കേണ്ടതിന്റെ ആവശ്യകതയെ കുറിച്ചുള്ള പോസ്റ്റർ രചന മത്സരവും നടത്തി. ക്ലാസ് തലത്തിൽ പരിസ്ഥിതി ദിന ക്വിസ് നടത്തി വിജയികളെ കണ്ടെത്തുകയും വിജയികളെ ഉൾക്കൊള്ളിച്ചുകൊണ്ട് സ്കൂൾതലത്തിൽ വീണ്ടും മത്സരങ്ങൾ സംഘടിപ്പിച്ചു. ട്രോഫികൾ വിതരണം ചെയ്തു.എക്കോ ക്ലബ്ബിന്റെ കൺവീനർ ശ്രീമതി ജയശ്രീ പരിസ്ഥിതി പരിസ്ഥിതി നേരിടുന്ന പ്രശ്ന ങ്ങളെക്കുറിച്ച് ബോധവൽക്കരണ ക്ലാസ് എടുത്തു.

ഒരു തൈ നടാം നമുക്കമ്മയ്ക്കു വേണ്ടി
ഒരു തൈ നടാം കൊച്ചുമക്കൾക്കു വേണ്ടി
ഒരു തൈ നടാം നൂറു കിളികൾക്കു വേണ്ടി
ഒരു തൈ നടാം നല്ല നാളേയ്ക്കു വേണ്ടി
ഇത് പ്രാണവായുവിനായി നടുന്നു
ഇതു മഴയ്ക്കായി തൊഴുതു നടുന്നു
അഴകിനായ് തണലിനായ് തേൻ പഴങ്ങൾക്കായ്
ഒരു നൂറു തൈകൾ നിറഞ്ഞു നടുന്നു 

രക്ത പരിശോധന ക്യാമ്പ്(9-06-2023)

പന്തളം തെക്കേക്കര പി എച്ച് സി യുടെ നേതൃത്വത്തിൽ 14 വയസ്സ് പൂർത്തിയായ പെൺകുട്ടികൾക്ക് വേണ്ടി രക്തപരിശോധന ക്യാമ്പ് നടത്തി .മുപ്പതോളം കുട്ടികളാണ് ഈ പരിപാടിയിൽ പങ്കെടുത്തത് .രക്ത സാമ്പിൾ പരിശോധിക്കുകയും ഗ്രൂപ്പ് നിർണയം നടത്തുകയും ചെയ്തു .സ്കൂൾ ഹെഡ്മിസ്ട്രസ് പ്രീതകുമാരി ഈ പരിപാടി ഉദ്ഘാടനം ചെയ്തു .പിഎച്ച്എസ്ഇ ഹെൽത്ത് ഇൻസ്പെക്ടർ ആയ വിനോദ് കുമാർ ആണ് ഈ ഒരു പരിപാടിക്ക് നേതൃത്വം നൽകിയത്.

അഭിരുചി പരീക്ഷ (little kites)

വിവരവിനിമയെ സാങ്കേതിവിധിയിൽ താല്പര്യമുള്ള വിദ്യാർത്ഥികൾക്ക് കൂടുതൽ പരിശീലനം നൽകി സജ്ജരാക്കുന്നതിനായി പൊതു വിദ്യാഭ്യാസ വകുപ്പ് സ്ഥാപിച്ചിട്ടുള്ള കുട്ടികളുടെ കൂട്ടായ്മയാണ് ലിറ്റിൽ കൈറ്റ്സ് പദ്ധതി.

പുതിയ ബാച്ചിലേക്ക് അംഗങ്ങളെ തിരഞ്ഞെടുക്കുന്നതിന് വേണ്ടിയുള്ള അഭിരുചി പരീക്ഷ സ്കൂൾ തലത്തിൽ നടത്തി.

എട്ടാം ക്ലാസിലെ ലിറ്റിൽ കൈറ്റ്സ് കുട്ടികളെ തിരഞ്ഞെടുക്കുന്നതിന് വേണ്ടിയിട്ടുള്ള ആപ്റ്റിട്യൂട് ടെസ്റ്റ് 13 6 20023 കമ്പ്യൂട്ടർ ലാബിൽ വച്ച് നടത്തി. ഓൺലൈൻ ആയിട്ടായിരുന്നു ടെസ്റ്റ് നടന്നത്.30 കുട്ടികൾ ഇതിൽപങ്കെടുത്തു.ഇതിൽ നിന്നും സെലക്ട് ആവുന്ന 20 കുട്ടികളാണ് ലിറ്റിൽ ഗേറ്റ്സ് അംഗങ്ങളായി മാറുന്നത്.കുട്ടികളിൽ നിന്ന് ലഭിച്ച എല്ലാ അപേക്ഷകളും ലിറ്റിൽ കൈറ്റ്സ് ഓൺലൈൻ മാനേജ്മെന്റ് സിസ്റ്റത്തിൽ ഉൾപ്പെടുത്തി, തയ്യാറാക്കി ലഭ്യമാക്കുന്ന പ്രത്യേക സോഫ്റ്റ്‌വെയർ ഉപയോഗിച്ച് അഭിരുചി പരീക്ഷ നടത്തി.

അഭിരുചി പരീക്ഷയിൽ 25% ഓ അതിലധികമോ സ്കോർ നേടുന്ന വിദ്യാർത്ഥികളിൽ നിന്നും മികച്ച സ്കോർ കരസ്ഥമാക്കുന്ന കുട്ടികളെയാണ് ലിറ്റിൽ ഗേറ്റ് അംഗങ്ങളായി തെരഞ്ഞെടുക്കുന്നത്

അഭിരുചി പരീക്ഷയിൽ ലോജിക്കൽ ഗണിതം, പ്രോഗ്രാമിങ് ,ഐടി പാഠപുസ്തകം ,ഐടി മേഖലയിലെ പൊതുവിജ്ഞാനം എന്നീ നാല് വിഭാഗങ്ങളിൽ നിന്നുള്ള ചോദ്യങ്ങളാണ് ഉൾപ്പെടുത്തിയിട്ടുള്ളത്

വായനയുടെ വസന്തം  വിരിയിച്ചുകൊണ്ട് ഒരു വായന ദിനം കൂടി

വായന പക്ഷാചരണത്തിന്റെ ഉദ്ഘാടനം ജൂൺ 19ന് ശ്രീ എ കെ ഗോപാലൻസർ നിർവഹിച്ചു. ഈ യോഗത്തിന്റെ അധ്യക്ഷൻ വാർഡ് മെമ്പർ ശ്രീ രഞ്ജിത്ത് ആയിരുന്നു. അധ്യാപികയായ ജയശ്രീ ടീച്ചറിന്റെ സ്വാഗത പ്രസംഗത്തോടെ ഈ യോഗം ആരംഭിച്ചു.

സ്കൂൾ ഹെഡ്മാസ്റ്റർ പ്രീതകുമാരി ടീച്ചർ എല്ലാ കുട്ടികൾക്കും വായനാദിന സന്ദേശം പകർന്ന നൽകി. മലയാള അധ്യാപികയായ ശ്രീമതി പ്രീതാ റാണി വായനാദിന ആശംസകൾ നേർന്നു. തുടർന്ന് വിവിധ പരിപാടികൾ സ്കൂൾതലത്തിൽ സംഘടിപ്പിച്ചു.

വിവിധ മത്സരങ്ങൾ

വായനയുടെ പ്രാധാന്യം ഉൾക്കൊള്ളിച്ചുകൊണ്ടുള്ള പോസ്റ്റർ രചന  മത്സരം നടത്തി. വായനാദിന ക്വിസ് നടത്തുകയും കുട്ടികൾക്ക് സമ്മാനം വിതരണം ചെയ്യുകയും ചെയ്തു. പ്രത്യേക സ്കൂൾ അസംബ്ലി തയ്യാറാക്കുകയും സ്കൂൾ അസംബ്ലിയിൽ വായനക്കുറിപ്പുകൾ കുട്ടികൾ അവതരിപ്പിച്ചു. സ്കൂളിന് സ്വന്തമായി ഒരു പത്രം തയ്യാറാക്കി.

മനസ്സിനും ശരീരത്തിനും യോഗ .....യോഗ ദിനം

എല്ലാ വർഷവും ജൂൺ 21 ന് അന്താരാഷ്‌ട്ര യോഗാ ദിനം ആഘോഷിക്കുന്നു. യോഗയുടെ പ്രധാന്യത്തെ കുറിച്ചും അവബോധം ഉണ്ടാക്കുന്നതിനാണ് ഈ ദിനം ആചരിക്കുന്നത്. "സ്ത്രീ ശാക്തീകരണത്തിന് യോഗ" എന്നതാണ് ഈ വർഷത്തെ അന്താരാഷ്ട്ര യോഗ ദിനത്തിൻ്റെ പ്രമേയം. സ്ത്രീകളുടെ ശാരീരികവും മാനസികവുമായ ക്ഷേമം മെച്ചപ്പെടുത്തുന്നതിൽ യോഗയിൽ ശ്രദ്ധ കേന്ദ്രീകരിക്കുക.

യോഗ യുടെ ആദ്യപാഠങ്ങൾ പറഞ്ഞുകൊടുത്തത് അധ്യാപികയായ സിന്ധു ടീച്ചർ ആണ്.യോഗയെക്കുറിച്ച്കുട്ടികളിൽ അവബോധം വളർത്തുക എന്നതാണ് യോഗ ദിനത്തിന്റെ ഏറ്റവും പ്രധാനപ്പെട്ട വശം.

വിദ്യാരംഗം കലാസാഹിത്യവേദി

വിദ്യാരംഗം കലാസാഹിത്യ വേദിയുടെ സ്കൂൾതല ഉദ്ഘാടനം 24 7 2023 സ്കൂൾ ഹാളിൽ വച്ച് നടന്നു.ഹെഡ്മിസ്ട്രസ് പിജി പ്രീതകുമാരി ഈ പരിപാടി ഉദ്ഘാടനം ചെയ്തു.വിദ്യാരംഗം സ്കൂൾതല കോർഡിനേറ്റർ ഹേമ എസ് ആശംസകൾ അറിയിച്ചു.കുട്ടികളുടെ വിവിധ പരിപാടികൾ ഇതിനോടകം ആസൂത്രണം  ചെയ്തു. തുടർന്ന് നടന്ന പന്തളം ഉപജില്ല സെമിനാറിൽ കാർത്തിക തമിഴ് പങ്കെടുക്കുകയും രണ്ടാം സ്ഥാനം കരസ്ഥമാക്കിയും ചെയ്തു

ലഹരിയോട് വിട ....ലഹരി വിരുദ്ധ ദിനം

ലോക ലഹരി വിരുദ്ധ ദിനത്തിൽ എസ് വി എച് എസിൽ മദ്യവും മയക്കുമരുന്നും സമൂഹത്തിൽ ഉണ്ടാക്കുന്ന ദോഷങ്ങളെപ്പറ്റി അവബോധം സൃഷ്ടിക്കുന്നതിനായി വിപുലമായ പരിപാടികളാണ് ക്രമീകരിച്ചിരുന്നത്.

അടൂർ എക്സൈസ് പ്രിവന്റീവ് ഓഫീസറായ ശ്രീ സുരേഷ് കുമാർ സാറാണ് കുട്ടികൾക്ക് ലഹരി ഉപയോഗിക്കുന്ന കുറിച്ച് ബോധവൽക്കരണ ക്ലാസ് നടത്തിയത്. ഈ യോഗത്തിൽ വാർഡ് മെമ്പർ ശ്രീ രഞ്ജിത്ത് അധ്യക്ഷത വഹിച്ചു. പിടിഎ പ്രസിഡണ്ട് ശ്രീമതി പുഷ്പ ആശംസകൾ അറിയിച്ചു. സ്കൂൾ ഹെഡ്മിസ്ട്രസ് ശ്രീമതി പ്രീതകുമാരി  ലഹരി വിരുദ്ധ സന്ദേശം കുട്ടികൾക്ക് കൈമാറി. ലഹരി വിരുദ്ധ പ്രതിജ്ഞ എടുത്തു.

സ്കൂളിലെ കുട്ടികളെ ഉൾപ്പെടുത്തി യുപി, ഹൈസ്കൂൾ വിഭാഗങ്ങളിലായി പ്രസംഗം, ഉപന്യാസം, ചിത്രരചന, പോസ്റ്റർ നിർമ്മാണം എന്നീ മത്സരങ്ങൾ നടത്തപ്പെട്ടു. . ലഹരിവസ്തുക്കൾ ഉപയോഗിക്കുകയില്ലെന്നും ഉപയോഗിക്കുന്നവരെ അതിൽ നിന്നും പിന്തിരിപ്പിക്കുമെന്നും ഉള്ളതായ ലഹരി വിരുദ്ധ പ്രതിജ്ഞ, വിദ്യാർത്ഥി സമൂഹം എടുത്തു.

വിഷമയമില്ലാത്ത ഉച്ചഭക്ഷണം ....സ്കൂൾ പച്ചക്കറി തോട്ടം

കാർഷിക സംസ്കൃതിയെ കുറിച്ചുള്ള അറിവ് കുട്ടികളിൽ വളർത്തുകയും വിവിധ വിഷയങ്ങളുമായി ബന്ധപ്പെട്ട പഠന പ്രവർത്തനങ്ങളെ കൃഷിയുമായി ചേർത്തുകൊണ്ട് കാർഷികവിളകൾ, അദ്ധ്വാനശീലം, സഹകരണമനോഭാവം, എന്നിവയെക്കുറിച്ച് കുട്ടികളിൽ പ്രായോഗിക അവബോധം സൃഷ്ടിക്കുക എന്ന ലക്ഷ്യത്തോടെ മികവാർന്ന രീതിയിൽ സ്കൂളിൽ കൃഷി ചെയ്യുന്നു.

സ്കൂൾ ഉച്ചഭക്ഷണത്തിന് വേണ്ടെന്ന് എല്ലാ പച്ചക്കറികളും ഇവിടെത്തന്നെയാണ് കൃഷി ചെയ്തുവരുന്നത്. വെണ്ട പയർ തക്കാളി വഴുതന മുളക് എന്നിവയെല്ലാം ഇവിടെകൃഷി ചെയ്യുന്നു.കുട്ടികൾ തന്നെ ഇതിന്റെ പരിപാലനം ഏറ്റെടുക്കുകയുംസംരക്ഷണം നൽകുകയും ചെയ്തുവരുന്നു.പന്തളം തെക്കേക്കര കൃഷിഭവനിൽ നിന്നുള്ള സഹായവും സഹകരണവും ഞങ്ങൾക്ക് ലഭിക്കാറുണ്ട്.

ഗ്രോബാഗ് കൃഷിയും, മഴമറ കൃഷിയും സ്കൂളിൽ ഉണ്ട്. കൂട്ടായ്മയുടെയും സമർപ്പണത്തിൻെറയും വിജയമന്ത്രം സ്കൂളിന് കരുത്തേകി. അങ്ങനെ കൃഷിയെ മികച്ച രീതിയിൽ കുട്ടികളിലേക്കും സമൂഹത്തിലേക്കും എത്തിക്കുന്നതിന് കഴിയുന്നു.

വീണ്ടും ചന്ദ്രനിലേക്ക് ഒരു യാത്ര

ചാന്ദ്രയാൻ 3 2023 ജൂലൈ 14 വിജയകരമായി വിക്ഷേപിച്ചു.

അഭിമാനത്തിന്റെയും അത്ഭുതത്തിന്റെയും നിമിഷങ്ങൾ കടന്നുപോയിരിക്കുന്നു. ചാന്ദ്രയാൻ വിജയകരമായി ചന്ദ്രനിലേക്ക്.സ്കൂൾ ഓഡിറ്റോറിയത്തിലെ സ്ക്രീനിൽ ചാന്ദ്രയാൻ വിക്ഷേപണം കണ്ടപ്പോൾ കുട്ടികളെല്ലാം ആവേശഭരിതരായി.അഭിമാനത്തോടെ നിറഞ്ഞ കരഘോഷത്തോടെ അവർ ആ കാഴ്ച കണ്ടു

സ്കൂളിലെ ലിറ്റിൽകൈ റ്റ്സ് യൂണിറ്റുകൾ ഇതിന് നേതൃത്വം നൽകി

ഇന്ത്യയുടെ അഭിമാന ചാന്ദ്രദൗത്യം ചന്ദ്രയാൻ 3 മൂന്ന് ഓഗസ്റ്റ് 23 ബുധനാഴ്ച ചന്ദ്രനെ തൊട്ടു. വൈകീട്ട് ആറുമണിക്കുശേഷമായിരുന്നു ലാന്റിങ്ക്. ഇന്ത്യക്കാരുടെ സ്വപ്നം സാക്ഷാത്കരിച്ച് ചന്ദ്രൻറെ ദക്ഷിണ ധ്രുവത്തിലാണ് ചന്ദ്രയാൻ മൂന്ന് അതിസങ്കീർണമായ സോഫ്റ്റ് ലാൻഡിങ് വിജയകരമായി നടത്തിയത്. നിർണായകമായ അവസാനത്തെ 19 മിനിട്ടിൽ നാല് ഘട്ടങ്ങളും കൃത്യമായി പ്രവർത്തിച്ചാണ് പേടകം സോഫ്റ്റ് ലാൻഡിങ് ചെയ്തത്.

ചിങ്ങം ഒന്ന് കർഷക ദിനം

മികച്ച കർഷകരെ കണ്ടെത്തുന്നതിനും ആദരിക്കുന്നതിനും കാർഷിക മേഖലയെയും കർഷകരെയും ആദരിക്കുന്നതിനായി ഈ ദിനത്തിൽ വിവിധ പരിപാടികളാണ് സംഘടിപ്പിച്ചു വരുന്നത്.കാർഷിക മേഖലയിലേക്ക് കൂടുതൽ പേരെ ആകർഷിക്കുന്നതിനും പുതുതലമുറയിൽ കാർഷിക അവബോധം വളർത്തുന്നതിനും ഈ ദിനാചരണം ഏറെ ഉപകാരപ്രദമാണ്.

Freedom Fest

സ്വതന്ത്രസോഫ്റ്റ്വെയർ ആശയങ്ങളുടെ പ്രചാരണത്തോടൊപ്പം സ്വതന്ത്ര ഹാർഡ്വെയർ പ്രചരണവും ലക്ഷ്യം – വച്ചുകൊണ്ടുള്ള പ്രവർത്തനമാണ് ഐ.റ്റി. കോർണറിന്റെ ഭാഗമായി ആസൂത്രണം ചെയ്തതും നടപ്പിലാക്കിയതും .

സ്വതന്ത്ര വിജ്ഞാനോത്സവത്തിന്റെ സന്ദേശം പ്രചരിപ്പിക്കുന്നതിനു സഹായിക്കുന്ന പോസ്റ്ററുകൾ ലിറ്റിൽ കൈറ്റ്സ് യൂണിറ്റുകളുടെനേതൃത്വത്തിൽ തയാറാക്കി .

സ്വാതന്ത്യ ദിനാഘോഷം

ആഗസ്റ്റ് 15 സ്വാതന്ത്ര്യ ദിനം വളരെ സമു ചി തമായിട്ട് ആഘോഷിച്ചു. സ്കൂൾ അസംബ്ലിയിൽ സ്വാതന്ത്ര്യദിന സന്ദേശം ആഘോഷം ആരംഭിച്ചത്.പിടിഎ പ്രസിഡണ്ട് ശ്രീമതി പുഷ്പ സാതന്ത്ര്യ ദിന ആശംസകൾ നേർന്നു. മെമ്പർ ശ്രീ രഞ്ജിത്ത് സ്വാതന്ത്ര്യത്തിനുവേണ്ടി പോരാടിയ മഹത് വ്യക്തികളെക്കുറിച്ച് പ്രഭാഷണം നടത്തി. കുട്ടികളുടെ ദേശഭക്തിഗാന നടത്തുകയും  ചെയ്തു.

തുടർന്ന് സ്വാതന്ത്ര്യദിന റാലി നടത്തി. സ്കൂളിൽ നിന്ന് ആരംഭിച്ച റാലി ആനന്ദപ്പള്ളി കഴിഞ്ഞ് മാ മ്മൂട്‌ ജംഗ്ഷൻ വഴി സ്കൂളിൽ തിരിച്ചെത്തി ചേർന്നു. തുടർന്ന് കുട്ടികൾക്ക് മധുര പലഹാരം വിതരണം ചെയ്യുകയും വിവിധ പരിപാടികൾ ആരംഭിക്കുകയും ചെയ്തു. സാതന്ത്ര്യ സമര സേനാനികളുടെ വേഷം ധരിച്ചായിരുന്നു കുട്ടികൾ റാലിയിൽ ഏർപ്പെട്ടിരുന്നത്. സ്വാതന്ത്രദിന ക്വിസ് നടത്തിയ ദേശഭക്തിഗാനം മത്സരം നടത്തുകയും ചെയ്തു

അദ്ധ്യാപക ദിനം

പ്രശസ്ത പണ്ഡിതനും ഭാരത രത്‌ന ജേതാവും ഇന്ത്യയുടെ ആദ്യത്തെ ഉപരാഷ്ട്രപതിയും സ്വതന്ത്ര ഇന്ത്യയുടെ രണ്ടാമത്തെ പ്രസിഡന്റുമായിരുന്ന ഡോ. സർവേപള്ളി രാധാകൃഷ്ണന്റെ ജന്മദിനമാണ് ഇന്ത്യയിൽ അദ്ധ്യാപക ദിനമായി കൊണ്ടാടുന്നത്.

അധ്യാപക ദിന സന്ദേശങ്ങൾ കുട്ടികൾ അധ്യാപകർക്ക് കൈമാറി

അദ്ധ്യാപക ദിന സന്ദേശങ്ങൾ

ഒരു രാജ്യത്തിന്റെ ഭാവി അതിന്റെ കുട്ടികളുടെ കൈകളിലാണ് എന്നു പറയാറുണ്ട്. ഉപദേഷ്ടാക്കളെന്ന നിലയിൽ, ഇന്ത്യയുടെ വിധി നിർണ്ണയിക്കുന്ന ഭാവി നേതാക്കളായി വിദ്യാർത്ഥികളെ രൂപപ്പെടുത്താൻ അദ്ധ്യാപകർക്ക് സാധിക്കും. ഒരു കുട്ടിയുടെ കരിയറിലും ബിസിനസ്സിലും വിജയിക്കാൻ അവർ നമ്മുടെ ജീവിതത്തിൽ ഒരു പ്രധാന പങ്ക് വഹിക്കുന്നു. ഒരു നല്ല മനുഷ്യനായി, സമൂഹത്തിലെ മികച്ച അംഗമായി, രാജ്യത്തിന്റെ ഉത്തമ പൗരനായിത്തീരാൻ അദ്ധ്യാപകർ സഹായിക്കുന്.

വിജ്ഞാനോത്സവം 20\09

കേരള ശാസ്ത്ര സാഹിത്യ പരിഷത്ത് പൊതുവിദ്യാഭ്യാസ വകുപ്പിന്റെ സഹകരണത്തോടെ നടത്തുന്ന കുട്ടികളുടെ അറിവ് ഉത്സവമാണ് വിജ്ഞാനോത്സവം.

യുപി ഹൈസ്കൂൾ എന്നെ വിഭാഗങ്ങളിൽ രണ്ട് ഘട്ടമായാണ് ഇത് സംഘടിപ്പിക്കുന്നത്. എല്ലാ ക്ലാസ് മുറികളിലും വിജ്ഞാനോത്സവ പ്രവർത്തനങ്ങൾ കുട്ടികൾക്ക് വിശദീകരിക്കുകയും ദിവസം സമയമെടുത്ത് അധ്യാപകരുടെയും രക്ഷിതാക്കളുടെയും സഹായത്തോടെ സ്കൂളും വീടും പരിസരവും വേദിയാക്കി കുട്ടികൾ പ്രവർത്തനങ്ങൾ ചെയ്യുകയും വേണം.

വിജ്ഞാനോത്സവം ഉപജില്ല സയൻസ് സെമിനാറിൽ കാർത്തിക കമൽ പങ്കെടുക്കുകയും സമ്മാനം കരസ്ഥമാക്കുകയും ചെയ്തു.

ശാസ്ത്രമേള 23\09

സ്കൂൾതലത്തിൽ ശാസ്ത്രമേള സംഘടിപ്പിക്കുകയും വിജയികളെ സബ്ജില്ലാതല ശാസ്ത്രമേളയിലേക്ക് പങ്കെടുപ്പിക്കുകയും ചെയ്തു. 16 10 2023 ൽ ജിഎച്ച്എസ്എസ് തോട്ടക്കോളത്ത് വെച്ചാണ് ഉപജില്ല ശാസ്ത്രമേള നടന്നത്. സയൻസ് മേളയിൽ ക്വിസ് വിഭാഗത്തിൽ ദേവിക രണ്ടാം സ്ഥാനം കരസ്ഥമാക്കി സെർച്ച് പരീക്ഷയിൽ അനുശ്രീ രണ്ടാം സ്ഥാനം കരസ്ഥമാക്കി. പ്രവർത്തിപരിചയം നേടിയ മോഡലിങ്ങിൽ ആദർശ് ഒന്ന് സാമൂഹ്യശാസ്ത്രമേളയിൽ മേക്കിങ്ങിൽ നീതു ഒന്നാം സ്ഥാനവും കരസ്ഥമാക്കി സാമൂഹ്യശാസ്ത്രമേളയിൽ പ്രാദേശി ചരിത്രരചന വിഭാഗത്തിൽമീനാക്ഷി രണ്ടാം സ്ഥാനം കരസ്ഥമാക്കി. ഐടി മേളയിൽ സ്ക്രാച്ച് പ്രോഗ്രാം തിരഞ്ഞെടുക്കപെടുകയും ചെയ്തു

സ്വച്ഛത ഹി സേവാ 29\09

വൃത്തിയുള്ളതും മാലിന്യമുക്തവു മായ ഒരു അന്തരീക്ഷം സൃഷ്ടിക്കുക 

അതിനായി അവബോധം വളർത്തുക എന്ന ഉദ്ദേശത്തോടുകൂടിയാണ് സ്കൂൾതലത്തിൽ ഈ ഒരു പദ്ധതിനടപ്പിലാക്കിയത്.

സ്കൂൾ അസംബ്ലിയിൽ ഹെഡ്മിസ്ട്രസ് പിജി പ്രീതകുമാരി സ്വച്ഛത പ്രതിജ്ഞ ചൊല്ലി കൊടുത്തു.

പന്തളം തെക്കേക്കര പഞ്ചായത്തിൽ വച്ച് നടന്ന മാലിന്യനിർമാർജന പരിപാടിയിൽ കുട്ടികൾ പങ്കെടുത്തു. യുപി വിഭാഗം കുട്ടികൾക്കായുള്ളസ്വച്ഛത ഹി സേവാ ക്വിസ് മത്സരത്തിൽ അഞ്ജന എന്നിവർ പങ്കെടുക്കുകയും രണ്ടാം സ്ഥാനം കരസ്ഥമാക്കുകയും ചെയ്തു

കലോത്സവം12\10

പന്തളം സബ്ജില്ല കലോത്സവത്തിൽ ജനറൽ വിഭാഗത്തിലും സംസ്കൃത വിഭാഗത്തിലും കുട്ടികൾ പങ്കെടുത്തു. സംസ്കൃത വിഭാഗത്തിൽ ഓവറോൾ ട്രോഫി കരസ്ഥമാക്കാൻ കഴിഞ്ഞു.

കേരളപ്പിറവിയിൽ പിറന്നാൾ ആഘോഷം 01\11

നവംബർ ഒന്ന് - കേരളപ്പിറവി ദിനം ദൈവത്തിന്റെ സ്വന്തം നാടിന് ഇത് അറുപത്തിയേഴാം പിറന്നാൾ. കേരളത്തിന്റെ രൂപം കൊണ്ട ദിനമാണ് കേരളപ്പിറവി ആയി കേരളക്കര ആഘോഷിക്കുന്നത്. ഐക്യ കേരളം രൂപീകൃതമായിട്ട് 67 വർഷം. ഐക്യ കേരളത്തിനുവേണ്ടിയുള്ള പ്രക്ഷോഭങ്ങളുടെ ഫലമായി 1956 നവംബർ ഒന്നിന് തിരുവിതാംകൂർ, കൊച്ചി, മലബാർ എന്നീ പ്രദേശങ്ങൾ കൂട്ടിച്ചേർത്തുകൊണ്ട് കേരള സംസ്ഥാനം രൂപീകരിച്ചു.

പന്തളം തെക്കേക്കര പഞ്ചായത്ത് ലൈബ്രറിയുടെ ആഭിമുഖ്യത്തിൽ കേരളപ്പിറവി ദിനം ആഘോഷിച്ചു ഈ പരിപാടിയിൽ സ്കൂളിൽനിന്ന് കുട്ടികൾ പങ്കെടുക്കുകയും പ്രശ്നോത്തരി വിഭാഗത്തിൽ യുപിതലത്തിൽ ഗൗതം എന്നിവർ രണ്ടാം സ്ഥാനം കരസ്ഥമാക്കി വിഭാഗത്തിൽ ദൈവിക അനുശ്രീ എന്നിവ രണ്ടാം സ്ഥാനം കരസ്ഥമാക്കി

കേരളപ്പിറവിയുമായി ബന്ധപ്പെട്ട പോസ്റ്റർ രചന മത്സരം നടത്തി. കേരള രൂപീകരണവുമായി ബന്ധപ്പെട്ട പ്രബന്ധം തയ്യാറാക്കി കുട്ടികൾ അവതരിപ്പിച്ചു.

ഹരിതസഭ

കേരള സർക്കാരിന്റെ മാലിന്യമുക്ത നവകേരളം ക്യാമ്പയിൻ പ്രവർത്തനങ്ങളുടെ ഭാഗമായി പന്തളം തെക്കേക്കര പഞ്ചായത്തിന്റെ ആഭിമുഖ്യത്തിൽ നടന്ന ഹരിത സഭയിൽ ഞങ്ങളുടെ കുട്ടികളും പങ്കെടുത്തു.

മാലിന്യസംസ്‌കരണരംഗത്ത് വിദ്യാർഥികളുടെ പങ്കാളിത്തവും നേതൃത്വവും ഉറപ്പാക്കുന്നതിനാണിത് .സംസ്ഥാന സർക്കാരിന്റെ നവകേരളം വൃത്തിയുള്ള കേരളം, വലിച്ചെറിയൽ മുക്ത കേരളം ക്യാമ്പയിനുകളുടെ ഭാഗമായി സംസ്ഥാനത്തെ മുഴുവൻ ഗ്രാമപഞ്ചായത്തുകളിലും നഗരസഭകളിലും ഹരിത സഭകൾ സംഘടിപ്പിച്ചു.

പന്തളം തെക്കേക്കര പഞ്ചായത്തിൽ വച്ച് നടന്ന മാലിന്യനിർമാർജന പരിപാടിയിൽ കുട്ടികൾ പങ്കെടുത്തു. യുപി വിഭാഗം കുട്ടികൾക്കായുള്ളസ്വച്ഛത ഹി സേവാ ക്വിസ് മത്സരത്തിൽ അഞ്ജന എന്നിവർ പങ്കെടുക്കുകയും രണ്ടാം സ്ഥാനം കരസ്ഥമാക്കുകയും ചെയ്തു

പന്തളം തെക്കേക്കര പഞ്ചായത്തിന്റെ ആഭിമുഖ്യത്തിൽ മാലിന്യമുക്ത നവകേരളം എന്ന പരിപാടിയിൽ കുട്ടികൾ പങ്കെടുത്തു ഇതിന്റെ ഭാഗമായി നടത്തിയ ഹരിത സഭയിൽ പങ്കെടുക്കുകയും വിജയിക്കുകയും ചെയ്തു

ചടങ്ങിൽ വെച്ച് വിദ്യാർത്ഥികൾക്ക് മാലിന്യ വിരുദ്ധ പ്രതിജ്ഞ ചൊല്ലിക്കൊടുത്തു പന്തളം തെക്കേക്കര പഞ്ചായത്തു നടത്തിയ ഹരിത സഭയിൽ കുട്ടികൾ വിജയിക്കുകയും ചെയ്തു.

ഭരണഘടന ദിനം26/11

ഇന്ത്യൻ ഭരണഘടന അംഗീകരിച്ചതിന്റെ ഓർമ്മയ്ക്കായി എല്ലാവർഷവും നവംബർ 26 ഭരണഘടന ദിനമായി ആഘോഷിക്കുന്നു.

നവംബർ 26 ഭരണഘടന ദിനാചരണത്തിന്റെ ഭാഗമായി സ്കൂൾ അസംബ്ലിയിൽ ഭരണഘടനയുടെ ആമുഖം വായിക്കുകയും ആയതുമായി ബന്ധപ്പെട്ട് പരിപാടികൾ സംഘടിപ്പിക്കുകയും ചെയ്തു

പ്രാധാന്യത്തെക്കുറിച്ച് സ്കൂൾ അസംബ്ലിയിൽ സോഷ്യൽ സ്റ്റഡീസ് അധ്യാപികയായ ജയശ്രീ പി കെ വിശുദ്ധികരിച്ചു തുടർന്ന്. essay കോമ്പറ്റീഷൻ നടത്തുകയും വിജയികളെ പ്രഖ്യാപിക്കുകയും ചെയ്തു.

ഭിന്നശേഷി ദിനാചരണം03/12

3/12/2023ൽ ഭിന്നശേഷി ദിനാചരണം നടത്തി.ഭിന്നശേഷിക്കാരുടെ അവകാശങ്ങളെ കുറിച്ച് ബോധ്യപ്പെടുത്താനും സമൂഹത്തിൽ അവരുടെ പങ്കിനെക്കുറിച്ച് തിരിച്ചറിവ് ഉണ്ടാക്കാനും വേണ്ടിയിട്ടാണ് സ്കൂൾതലത്തിൽ ഇങ്ങനെയുള്ള പരിപാടികൾ സംഘടിപ്പിക്കുന്നത് .

ഒന്നാകാം ഉയരം ഭാവി ഞങ്ങൾക്കും പ്രാപ്യമാണ് എന്നതാണ് ഈ വർഷത്തെ ലോക ഭിന്നശേഷി ദിനാചരണത്തിന്റെ സന്ദേശം .

സ്കൂൾ അസംബ്ലിയിൽ ഹെഡ്മിസ്ട്രസ് പിജി പ്രീതകുമാരി ഭിന്നശേഷി കുട്ടികളുടെ ചേർത്ത് നിർത്തേണ്ടതിന്റെ ആവശ്യകതയെ കുറിച്ച് മറ്റു കുട്ടികളെ ബോധവാന്മാരാക്കി

ഭിന്നശേഷി ദിനാചരണത്തോടനുബന്ധിച്ച് ചിത്രരചന പോസ്റ്റർ രചന മത്സരം നടത്തുകയും സമ്മാനങ്ങൾ വിതരണം ചെയ്യുകയും ചെയ്തു

വിഷ്ണുരാജ് അമൽദാസ് എന്നിവർ ചിത്രരചന മത്സരത്തിൽ ഒന്നും രണ്ടും സ്ഥാനങ്ങൾ കരസ്ഥമാക്കി

സ്കൂൾ പാർലമെന്റ് ഇലക്ഷൻ04/12

ഈ വർഷത്തെ സ്കൂൾ പാർലമെന്റ് തിരഞ്ഞെടുപ്പ് ഇലക്ട്രോണിക് വോട്ടിംഗ് മെഷീന്റെ സഹായത്താൽ നടത്തുകയുണ്ടായി. സ്റ്റാഫ് കൗൺസിൽ കൂടി ഇലക്ടറൽ ഓഫീസർ ആയിട്ട് ജയശ്രീ ടീച്ചറിനെ തിരഞ്ഞെടുത്തു .ഓരോ ക്ലാസിൽ നിന്നും തെരഞ്ഞെടുപ്പിൽ മത്സരിക്കുന്ന കുട്ടികളുടെ നാമ നിർ ദേശപത്രിക സ്വീകരിച്ചുകൊണ്ട് പ്രവർത്തനങ്ങൾ ആരംഭിച്ചു .പത്രികുകൾ സൂക്ഷ്മ പരിശോധന നടത്തുകയും മത്സരാർത്ഥികളുടെ ലിസ്റ്റ് പ്രസിദ്ധീകരിക്കുകയും ചെയ്തു .ലിറ്റിൽ കൈറ്റ്സ് കുട്ടികളാണ് തിരഞ്ഞെടുപ്പിനുവേണ്ടി വോട്ടിംഗ് മെഷീനുകൾ സജ്ജമാക്കിയത്. ഓരോ ക്ലാസ് അടിസ്ഥാനത്തിൽ ഓരോ മത്സരാർത്ഥികളുടെ പേര് ഫോട്ടോ എന്നിവ അപ്ലോഡ് ചെയ്ത വോട്ടിങ്ങിന് സജ്ജമാക്കി .എല്ലാ അധ്യാപകർക്കും ലാപ്ടോപ്പിൽ പരിശീലനം നൽകി .ലിറ്റിൽ കൈറ്റ്സ് കുട്ടികൾ തന്നെ മറ്റു കുട്ടികൾക്ക് വോട്ട് ചെയ്യേണ്ടതെങ്ങനെയാണെന്ന് വിശദീകരിച്ചു കൊടുത്തു. കുട്ടികൾ വരിവരിയായി നിന്നുകൊണ്ട് തിരഞ്ഞെടുപ്പിന്റെ വിവിധ പ്രക്രിയയിലൂടെ കടന്നു പോവുകയും ബോട്ടിംഗ് മെഷീനിൽ തങ്ങളുടെ വോട്ട് രേഖപ്പെടുത്തി എന്നതിനുള്ള അടയാളമായ ബീഫ് ശബ്ദം കേൾപ്പിക്കുകയും ചെയ്തു. അന്നേദിവസം തന്നെ ഫലപ്രഖ്യാപനം നടത്തി. വിജയുടെ ലിസ്റ്റ് നോട്ടീസ് ബോർഡിൽ പ്രദർശിപ്പിച്ചു .വിജയികളിൽ നിന്നും സ്കൂൾ ലീഡറെയും സ്പീക്കറെയും ക്ലാസ് പ്രതിനിധികളെയും തിരഞ്ഞെടുത്തു

X mas ആഘോഷം

സമഭാവനയുടെ തിരുപ്പിറവി

നക്ഷത്രത്തിളക്കത്തോടെ ക്രിസ്മസ്

പുൽക്കൂടും നക്ഷത്രവിളക്കുകളും ക്രിസ്തുമസ് പപ്പയും കരോൾ ഗാനങ്ങളും ക്രിസ്തുമസ് കേക്കും ക്രിസ്തുമസ് സമ്മാനങ്ങളും എല്ലാം ക്രിസ്തുമസിന്റെ ഓർമ്മ നമ്മിൽ ഉണർത്തുന്നവയാണ്.

ക്രിസ്തുമസ് വളരെ ഗംഭീരമായി ആഘോഷിച്ചു. ക്രിസ്മസ് കരോൾ നടത്തുകയും ക്രിസ്മസ് ഗാനങ്ങൾ ആലപിക്കുകയും ചെയ്തു. ക്ലാസ് അടിസ്ഥാനത്തിൽ കുട്ടികൾ കേക്ക് വിതരണം ചെയ്തു.

വാങ്മയം (ഭാഷാപ്രതിഭ പരിക്ഷ)20/01

ഇത് ഒരു ഭാഷാപോഷണ പദ്ധതിയാണ്.

ഭാഷയിലെ അറിവിന്റെ വ്യാപ്തി വർദ്ധിപ്പിക്കുക എന്നതാണ് ഇതിന്റെ ലക്ഷ്യം. കുട്ടികളുടെ മലയാള ഭാഷ പരിജ്ഞാനത്തെ പരിപോഷിപ്പിക്കുന്ന ഭാഷോത്സവം ആയിട്ടാണ് വാഗ്മയത്തെ കണക്കാക്കുന്നത് യുപി എച്ച്എസ് വിഭാഗത്തിൽ സ്കൂൾതല പരീക്ഷയിൽ മികച്ച പ്രകടനം നടത്തുന്ന രണ്ടു കുട്ടികൾക്ക് ഉപജില്ലാതല മത്സരത്തിൽ പങ്കെടുക്കാം

ഉപജില്ലാതല മത്സരത്തിൽ ആർച്ച രാജ് പങ്കെടുക്കുകയും രണ്ടാം സ്ഥാനം കരസ്ഥമാക്കുകയും ചെയ്തു

സ്കൂൾ വാർഷികാഘോഷം02/02

എസ് വി എച്ച് എസ്സിലെ ഈ വർഷത്തെ സ്കൂൾ വാർഷികാഘോഷം പന്തളം തെക്കേക്കര പഞ്ചായത്ത് പ്രസിഡന്റ് ശ്രീ രാജേന്ദ്രപ്രസാദ് ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീകുമാർ ആശംസകൾ അറിയിച്ചു. വാർഡ് മെമ്പർ ശ്രീ രഞ്ജിത്തിന്റെ അധ്യക്ഷതയിലായിരുന്നു യോഗ്യനടപടികൾ ആരംഭിച്ചത്. പിടിഎ പ്രസിഡന്റ് ശ്രീമതി പുഷ്പ ആശംസകൾ അറിയിച്ചു. ഹെഡ്മിസ്ട്രസ് പ്രീതകുമാരി സ്കൂൾ റിപ്പോർട്ട് തയ്യാറാക്കിയ അവതരിപ്പിച്ചു. സ്റ്റാഫ് സെക്രട്ടറി സിന്ധുജി നായർ സ്വാഗതപ്രസംഗം നടത്തിയേയും സീനിയർ അസിസ്റ്റന്റ് രേഖപ്പെടുത്തുകയും ചെയ്തു.

തുടർന്ന് കുട്ടികളുടെ വിവിധ കലാപരിപാടികൾ സ്റ്റേജിൽ അരങ്ങേറി