വി.എം.സി.ജി.എച്ച്.എസ്.എസ്. വണ്ടൂർ/എന്റെ ഗ്രാമം

വണ്ടൂർ

മലപ്പുറം ജില്ലയിലെ നിലമ്പൂർ താലൂക്കിൽ സ്ഥിതി ചെയ്യുന്ന ഒരു ഗ്രാമമാണ് വണ്ടൂർ.

നാലു ഭാഗത്തേക്ക് പാതയുള്ള ഒരു കവലയാണ് ഗ്രാമത്തിൻറെ കേന്ദ്രഭാഗം. ഇവിടെനിന്ന് കിഴക്കോട്ട് സഞ്ചരിക്കുകയാണെങ്കിൽ, അടുത്തുള്ള റെയിൽവേ സ്റ്റേഷനായ വാണിയമ്പലത്തിൽ എത്തും. ഈ കവലയുടെ പടിഞ്ഞാറ് ഭാഗത്ത് വണ്ടൂർ മഞ്ചേരി റോഡിൽ കൂടെ പോവുകയാണെങ്കിൽ മഞ്ചേരി എത്തുന്നതാണ്. ഈ കവലയുടെ വടക്ക് ഭാഗത്തേക്ക് യാത്ര ചെയ്യുകയാണെങ്കിൽ നിലമ്പൂർ എത്തുകയും, തെക്ക് ഭാഗത്തേക്ക് യാത്ര ചെയ്യുകയാണെങ്കിൽ പെരിന്തൽമണ്ണ എത്തുകയും ചെയ്യും. ''ചെരിച്ചുള്ള എഴുത്ത്

ഭൂമിശാസ്ത്രം

വണ്ടൂർ ഗ്രാമം ചാലിയാർ നദിയുടെ കിഴക്ക് പടിഞ്ഞാറ് ഭാഗത്ത്, മലപ്പുറം ജില്ലയുടെ വടക്ക് കിഴക്ക് ഭാഗത്ത് 24 കിലോമീറ്റർ ദൂരെയായി സ്ഥിതി ചെയ്യുന്നു. 2011ലെ കണക്ക് പ്രകാരം വണ്ടൂരിൽ ജനസംഖ്യ 50,973 ആണ്. വണ്ടൂരിലൂടെ കടന്നുപോകുന്ന പ്രധാന സ്റ്റേറ്റ് ഹൈവേ, 73 ആണ്. കടൽപ്പരപ്പിൽ നിന്നും 48 മീറ്റർ ഉയരത്തിൽ ഈ ഗ്രാമം സ്ഥിതിചെയ്യുന്നു. പൊതുവേ ട്രോപ്പിക്കൽ മൺസൂൺ കാലാവസ്ഥയാണ് ഇവിടെയുള്ളത്. പൊതുവേ ഇവിടെ ജൂൺ ജൂലൈ മാസങ്ങളിൽ നല്ല മഴ ലഭിക്കും.വണ്ടൂർ പഞ്ചായത്തിന്റെ

ഭൂവിസ്തൃതിയിൽ 69% മണൽ അധികമുള്ള ചെങ്കൽപ്രദേശവും ,ഒരു ശതമാനം പാറക്കെട്ടു പ്രദേശങ്ങളും, 5%

നദീതീര എക്കൽമണ്ണു പ്രദേശങ്ങളും, 25% എക്കൽമണ്ണുപ്രദേശങ്ങളുമാണ്.

പൊതു സ്ഥാപനങ്ങൾ

വിഎംസി ജിഎച്ച്എസ്എസ് വണ്ടൂർ, ജിഎച്ച്എസ്എസ് വണ്ടൂർ ഗവൺമെൻറ് ഗേൾസ് ഹയർ സെക്കൻഡറി വണ്ടൂർ പോലീസ് സ്റ്റേഷൻ, വണ്ടൂർ ഓർഫനേജ് സ്കൂൾ അമ്പലപ്പടി ലൈബ്രറി, കേരള വാട്ടർ അതോറിറ്റി. സ്റ്റേറ്റ് ബാങ്ക് ഓഫ് ഇന്ത്യ വണ്ടൂർ പോസ്റ്റ് ഓഫീസ് ,പ്രഭാത യുവജന സംഘം ലൈബ്രറി ,വില്ലേജ് ഓഫീസ് വണ്ടൂർ,താലൂക്ക് ആശുപത്രി വണ്ടൂർ,ജില്ല വിദ്യാഭ്യാസ ഓഫീസ്,ഉപജില്ലാവിദ്യാഭ്യാസ ഓഫീസ്,സബ് രജിസ്ട്രാ‍‍‍ർ ഓഫീസ് വണ്ടൂർ,സബ് ട്രഷറി ഓഫീസ് വണ്ടൂർ,ഗ്രാമപഞ്ചായത്ത് ഓഫീസ് വണ്ടൂർ,ബ്ലോക്ക് പഞ്ചായത്ത് ഓഫീസ് വണ്ടൂർ,പൊതുമരാമത്ത് വകുപ്പ് വിശ്രമമന്ദിരം വണ്ടൂ‍ർ,പോസ്റ്റ് ഓഫീസ് വണ്ടൂർ,മൃഗാശുപത്രി വണ്ടൂർ,പൊതുമരാമത്ത് വകുപ്പ് കെട്ടിട വിഭാഗം അസിസ്റ്റൻറ് എഞ്ചിനീയറുടെ കാര്യാലയം വണ്ടൂർ,പൊതുമരാമത്ത് റോഡ്സ് വിഭാഗം അസിസ്റ്റൻറ് എഞ്ചിനീയറുടെ കാര്യാലയം വണ്ടൂ‍ർ.