"ജി.എം.യു.പി.എസ് ചേന്ദമംഗല്ലൂർ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

====== ചേന്ദമംഗല്ലൂർ ======

 

കോഴിക്കോട് ജില്ലയിലെ മുക്കത്തുനിന്നും 4 KM മാറി പ്രകൃതിസുന്ദരമായ ഗ്രാമമാണ് ചേന്ദമംഗല്ലുർ . ഉന്നതന്മാർ മംഗളമായി വസിക്കുന്ന നാട് എന്നാണ് ചേന്ദമംഗല്ലൂ‍‌‌ർ എന്ന പദത്തിന്റെ അ‌ർത്ഥം. ചേന്ദൻ മംഗലം കഴിച്ച ഊര് എന്നതിൽ നിന്നാണ് ഗ്രാമത്തിന് പേര് ലഭിച്ചതെന്നും പറയപ്പെടുന്നുണ്ട് .ഒരു പക്ഷെ ഭൂമിശാസ്ത്രപരമായ പ്രത്യേകതകളായിരിക്കാം തീർത്തും വേറിട്ടൊരു സംസ്കാരം ഗ്രാമത്തിനു സ്വായത്തമായത് .വർഷകാലം മുഴുവൻ രൗദ്രഭാവം കൊള്ളുന്ന ഇരുവഴിഞ്ഞിപ്പുഴയും അങ്ങനെ ഒറ്റപ്പെടുന്ന ഗ്രാമവും - ഇത് ചേന്ദമംഗല്ലൂരിന്റെ മാത്രം പ്രത്യേകതയാണ്. പ്രശസ്ത എഴുത്തുകാരൻ ഹമീദ് ചേന്നമംഗലൂർ , പത്രപ്രവ‌ർത്തകരായ ഒ അബ്ദുല്ല, ഒ അബ്ദു‌ർറഹ്മാൻ, സാംസ്‌കാരിക പ്രവർത്തകനായിരുന്ന ബി .പി മൊയ്‌ദീൻ എന്നിവർ ഈ ഗ്രാമത്തിന്റെ സംഭാവനകളാണ്. കേരളത്തിലെ ആദ്യത്തെ ഉറുദു ഭാഷാ പത്രമായിരുന്ന മലബാരീ ആവാസ് പ്രസിദ്ധീകരിച്ചത് ചേന്നമംഗല്ലൂരിൽ നിന്നാണ്.