ജി.വി.എൽ.പി.എസ് ചിറ്റൂർ/കൂടുതൽ കാണാം

മഹനീയ മാതൃകകൾ

വിദ്യാർഥിയുടെ സ്വന്തം യൂട്യൂബ് ചാനൽ

നമ്മുടെ വിദ്യാലയത്തിലെ നാലാം ക്ലാസിൽ പഠിക്കുന്ന ഇഷ രഞ്ജിത്തിന് സ്വന്തമായി ഒരു യൂട്യൂബ് ചാനൽ ഉണ്ട്. പ്രധാനപ്പെട്ട ദിനാചരണങ്ങളുടെയും പ്രധാനപ്പെട്ട പരിപാടികളുടെയും വീഡിയോകൾ തയ്യാറാക്കി തന്റെ യൂട്യൂബ് ചാനലിൽ പ്രദർശിപ്പിക്കുന്നു. വിദ്യാലയത്തിലെ മുഴുവൻ കുട്ടികൾക്കും ഇത് കാണാനുള്ള അവസരവും നൽകുന്നുണ്ട്. എല്ലാ കുട്ടികൾക്കും ഈ മിടുക്കി ഒരു മാതൃക തന്നെയാണ്. ഓൺലൈൻ പഠനമാധ്യമങ്ങൾ കൂടുതൽ ഉപയോഗിച്ചു വരുന്ന ഈ കാലഘട്ടത്തിൽ സ്വന്തമായി യൂട്യൂബ് ചാനലിൽ ആരംഭിച്ചിട്ടുള്ള ഈ കൊച്ചുമിടുക്കി എല്ലാ കുട്ടികൾക്കും ഒരു പ്രചോദനം തന്നെയാണ്.

• യൂട്യൂബ് ചാനൽ സന്ദർശിക്കാൻ ഇവിടെ തൊടുക ഇഷ രഞ്ജിത്ത് യൂട്യൂബ് ചാനൽ

ഇരട്ട വിസ്മയം

ചിറ്റൂർ ജി വി എൽ പി സ്കൂളിലെ നാലാം ക്ലാസ് വിദ്യാർത്ഥികളായ അനസ്തൂപ് PS, അനർഘയ PS എന്നിവർ വാർത്തകളിൽ ഇടംപിടിച്ച ഇരട്ടക്കുട്ടികളാണ്.ചിത്രരചനയിൽ ഈ പ്രതിഭകൾ ലോക്ഡൗൺ കാലത്തെ വിരൽത്തുമ്പുകളിൽ വിരിഞ്ഞ വിസ്മയ ചിത്രങ്ങളിലൂടെ അവിസ്മരണീയമാക്കുന്നു. അച്ഛന്റെ കഴിവും അമ്മയുടെ പിന്തുണയും ഇവർക്ക് പ്രചോദനമേകുന്നു. ഇവർ ജി.വി.എൽ.പി.സ്കൂളിന്റെ അഭിമാന താരങ്ങൾ...

കാരുണ്യത്തിന്റെ സ്പർശമേകി ഒരു കുഞ്ഞു മനസ്സ്...

പ്രീപ്രൈമറിയിലെ വിദ്യാർത്ഥിയായ രഞ്ജൻ. ആർ, താൻ ശേഖരിച്ചു വച്ച കുടുക്കയിലെ മുഴുവൻ പൈസയും മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് സംഭാവനയായി നൽകി. വിദ്യാലയത്തിലെ പൊതു അസംബ്ലിയിൽ വച്ച് തന്റെ പൈസ ശേഖരിച്ച കുടുക്ക പ്രധാനധ്യാപികയ്ക്ക് നൽകി.

ഭാവിയുടെ മാതൃക വിദ്യാർത്ഥികൾ

ജി.വി.എൽ.പി സ്കൂളിൽ നിന്നും നാലാം ക്ലാസിൽ നിന്ന് ജയിച്ചു പോയ തരുൺ കൃഷ്ണ എന്ന വിദ്യാർത്ഥി സ്കൂളിന് കപ്പലിന്റെ മാതൃകയും, സ്കൂൾ ലൈബ്രറിയിലേക്ക് പുസ്തകങ്ങളും നൽകി വിദ്യാർത്ഥികൾക്ക് മാതൃകയായി. പഠിച്ചുപോയ സ്കൂളിന് എന്തെങ്കിലും നന്മ ചെയ്യണം എന്ന മനോഭാവം വളരെ നല്ലതാണ്. ഇനിയുള്ള ജീവിതത്തിലും ഈ മനോഭാവം തുടർന്ന് കൊണ്ടിരിക്കണം എന്നു അധ്യാപകരും, രക്ഷിതാക്കളും ആശംസകൾ നൽകി തരുണിനെ പ്രശംസിച്ചു.

വിദ്യാലയത്തിലേക്ക് ഒരു ചെസ്ബോർഡ്

വിദ്യാലയത്തിലെ ചെസ് ചാമ്പ്യനായിരുന്ന വൈഗപ്രഭ കെ.എ എല്ലാ കുട്ടികൾക്കുമായി ഒരു ചെസ് ബോർഡ് നൽകി. വിവിധ ചെസ് മത്സരങ്ങളിൽ പങ്കെടുത്തുകൊണ്ട് ഉന്നത വിജയം കരസ്ഥമാക്കിയ ഈ മിടുക്കി വിദ്യാലയത്തിലെ ചെസ് ചാമ്പ്യൻ എന്നാണ് അറിയപ്പെട്ടിരുന്നത്. തന്റെ സഹപാഠികൾക്കും ചെസ് കളിക്കാനുള്ള ഒരവസരം മുന്നിൽക്കണ്ടുകൊണ്ടാണ് വിദ്യാലയത്തിലേക്ക് ചെസ് ബോർഡ് നൽകിയത്. എല്ലാ കുട്ടികൾക്കും ഒരു മാതൃകയാണ് ഈ മിടുക്കി.