സി.എ.എം.എച്ച്.എസ്, കുറുമ്പകര/അക്ഷരവൃക്ഷം/അനുഭവക്കുറിപ്പ്

അനുഭവക്കുറിപ്പ് പ്രധാനമന്ത്രി നരേന്ദ്ര മോദി ലോക്ക് ഡൗൺപ്രഖ്യാപിച്ചതോടൊ വീടിന് പുറത്തിറങ്ങാൻ കൂടി കഴിയുന്നില്ല. എന്നാലും മറ്റൊരു തരത്തിൽ ചിന്തിച്ചാൽ നമ്മുടെ ലോകം അഭീ മുഖീകരിക്കുന്ന കോവിഡ് 19 എന്ന മഹാമാരിയെ ചെറുത്തു തോൽപ്പിക്കാൻ വേണ്ടിയാണ് എന്ന് കരുതുമ്പോഴാണ് വലിയൊരു ആശ്വാസം .ഈ ലോക്ക് ഡൗൺ കാലത്തിനിടയ്ക്കും എനിക്കുണ്ടായ ചില അനുഭവങ്ങളാണ് ഞാൻ പങ്കു വയ്ക്കുവാൻ ആഗ്രഹിക്കുന്നത് .ലോക്ക് ഡൗൺപ്രഖ്യാപിച്ചതിൻ്റെ ആറാം നാൾ എൻ്റെ അമ്മ കുടുംബശ്രീ സംരഭത്തിൻ്റെ വകയായി സൗജന്യമായി കിട്ടിയ പയർ, പാവൽ, ചീര, മുളക്, വഴുതന തുടങ്ങിയ പച്ചക്കറി വിത്തുകൾ ലഭിക്കുകയുണ്ടായി .എൻ്റെ അച്ചനാണെങ്കിൽ കൃഷിയിൽ വലിയ താത്പര്യമുള്ളയാളുമാണ്. ഇരുവരും കൂടെ പരിസരത്ത് ചെറിയ രീതിയിലുള്ള കൃഷിപ്പണികൾ ആരംഭിച്ചു. ആദ്യമൊക്കെ അച്ചൻ വിളിച്ചപ്പോൾ മടുപ്പും മടിയുമൊക്കെ തോന്നിയിരുന്നുവെങ്കിലും ഈ ലോക്ക് ഡൗൺ കാലത്ത് ഇങ്ങനെ ബോറടിച്ചിരിക്കുന്നതിലും ഭേദം ഇതൊക്കെ തന്നെയാണ് കുറച്ച് സന്തോഷമൊക്കെ നൽകുന്നതെന്ന് എനിക്കു തോന്നി .അങ്ങനെ ഞാനും ചെറിയ രീതിയിലുള്ള കൃഷിപ്പണികൾ ആരംഭിച്ചു. വീടിൻ്റെ ഇരുവശങ്ങളിലും കുറച്ച് മാറി ചീരയും പയറും കപ്പയും വഴുതനയും പാവലും നട്ടു വീടിൻ്റെ പിറകിലായി വാഴയും തക്കാളിയും മുളകും നട്ടു .വിത്തുകൾ നോക്കി അതിൻ്റെ പേരുപോലും പറയാനറിയാത്ത ഞാൻ ഇപ്പോൾ ഏതാണ്ട് വിത്തുകളെ തിരിച്ചറിയാൻ കഴിയുന്ന വിധമെത്തി. എപ്പോഴും കളിയും ടി വി കാണലുമൊക്കെയായി നടന്ന എനിക്ക് ഇതൊരു പുതിയ അനുഭവമായിരുന്നു. വിത്തുകൾ പാകിയ ദിവസം മുതൽ തന്നെ അതിനെ ഞാൻ സൂക്ഷ്മ മാ യി നിരീക്ഷിച്ചു കൊണ്ടിരുന്നു. അതിൻ്റെ ഓരോ മാറ്റവും ഞാനും എൻ്റെ അച്ചനും കൂടി ശ്രദ്ധിച്ചു തുടങ്ങി .വിത്തുമുളയ്ക്കുന്നതും അത് വളർന്നു പന്തലിക്കുന്നതുമൊക്കെ ഞാൻ സ്വപ്നം കണ്ടു. ഈ ലോക്ക് ഡൗൺ കാലത്ത് എൻ്റെ കുടുംബത്തോടൊപ്പം ഇങ്ങനെ ചെറിയ നല്ല കാര്യങ്ങൾചെയ്യുവാൻ കഴിഞ്ഞതിലും ഒപ്പം സന്തോഷവാനായി ഇരിക്കുവാൻ കഴിഞ്ഞതിലും ഞാൻ അത്യധികം ആശ്വസിക്കുന്നു .ഒപ്പം ലോകത്തെമ്പാടുമുള്ള ജനങ്ങളും കോവിഡ് 19 എന്ന മഹാമാരിയിൽ നിന്ന് കരകയറുന്നതിന് വേണ്ടി വ്യക്തി ശുചിത്വവും സാമൂഹിക അകലവും പാലിച്ച് ഈ വിപത്തിൽ നിന്ന് കരകയറുവാൻ വേണ്ടി ഞാൻ പ്രത്യാശിക്കുന്നു. അദ്വൈദ് റ്റി . പിള്ള 9A സി.എ.എം.എച്ച്.എസ് ,കുറുമ്പകര അടൂർ ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Manu Mathew തീയ്യതി: 26/ 04/ 2020 >> രചനാവിഭാഗം - ലേഖനം