സി.സി.പി.എൽ.എം.എ.ഐ.എച്ച്.എസ്. പെരുമാനൂർ/അക്ഷരവൃക്ഷം/വാർത്താ പേടകത്തിന് മുമ്പിലകപ്പെട്ട ഒരു കാലം

വാർത്താ പേടകത്തിന് മുമ്പിലകപ്പെട്ട ഒരു കാലം <poem> ആകാശത്തിന്റെ രണ്ടതിരുകളിലേക്കും വളഞ്ഞ് 'റ' മറിച്ചിട്ടതുപോലെ നിൽക്കുന്ന ഒരു ഭൂമിയുടെ നടുഭാഗം കുഴിഞ്ഞ കുന്നടരുകളിൽ നിൽക്കുന്ന ഒരു കുട്ടി! നോക്കി നോക്കി നിൽക്കേ ഇടതു വശത്തേ കുന്നിൻ ചെരുവുകളിൽ നിന്ന്, നിർത്താതെ പൈൻ മരങ്ങൾ കടപുഴകി അടർന്നുവീണുരുണ്ട് വരുമ്പോൾ, വലത്തേ മലമ്പാതയിൽ നിന്ന് മനുഷ്യനിർമ്മിതങ്ങളായ റോഡും വീടും പള്ളിയും അമ്പലവും അങ്ങകലെ നിന്നേ പതിയേ അടർന്നുവീണുരുണ്ട് അവൾക്കരികിലേക്ക്, വീടും തോടും കിണറും മൂടി 'റ' പോലിരുന്ന ഭൂമിയാകെ ഒരേ നിരപ്പിലാവുമ്പോഴേക്ക് അവളേതോ കൈവിരൽ തുമ്പാൽ ചലിക്കുന്ന യന്ത്രത്തിനു മുന്നിലിരുന്ന്, അതെല്ലാം കാണുകയായിരുന്നു!