ചർച്ച് എൽ പി എസ് കൊരട്ടി/അക്ഷരവൃക്ഷം/രോഗപ്രതിരോധത്തിനായ്

രോഗപ്രതിരോധത്തിനായ്       രോഗപ്രതിരോധ ശേഷി ശരീരത്തിന് ഇല്ലാതാവുമ്പോൾ അത് പല വിധത്തിലുള്ള ആരോഗ്യ പ്രതിസന്ധികൾ ഉണ്ടാക്കുന്നുണ്ട്. രോഗപ്രതിരോധ ശേഷി കുറഞ്ഞവരിൽ രോഗങ്ങൾ വളരെ അധികം വില്ലനായി മാറുന്നുണ്ട്. ചില രോഗങ്ങൾ ശരീരത്തിൽ എത്തിയാൽ അത് പലപ്പോഴും മാറുന്നതിന് വളരെ അധികം സമയം എടുക്കുന്നു. ഉദാഹരണമായി, കൊറോണ വൈറസിന്റെ കാര്യം തന്നെ എടുക്കാം. കൊറോണ (കോവിഡ് 19) മനുഷ്യരിൽ മുമ്പൊരിക്കലും പടർന്ന് പിടിച്ചിട്ടില്ലാത്ത ഒരു വൈറസ് ആയതിനാൽ അതിനു നിലവിൽ ഒരു പരിഹാരവും കണ്ടെത്തിയിട്ടില്ല. പ്രതിരോധമാണ് ഏറ്റവും മികച്ച മാർഗം. അതിശക്തമായ് രോഗപ്രതിരോധ ശേഷി ഉണ്ടെങ്കിൽ, കൊറോണ വൈറസിനെ മാത്രമല്ല നമുക്ക് ചുറ്റുമുള്ള ദൈനംദിന പ്രശ്നങ്ങളായ മലിനീകരണവും ഭക്ഷണത്തിലെ മായവും പോലുള്ള പ്രശ്നങ്ങളും നേരിടാൻ മറ്റൊന്നും വേണ്ട. പ്രതിരോധ ശേഷി വർധിപ്പിക്കാൻ സഹായിക്കുന്ന വിഭവങ്ങൾ കൂടുതലായി ഭക്ഷണത്തിൽ ഉൾപ്പെടുത്തുക. വെളുത്തുള്ളി, ഇഞ്ചി, തക്കോലം, വെളിച്ചെണ്ണ, പിസ്ത, മുന്തിരി, നിലക്കടല, ബ്ലൂബെറി, സ്ട്രോബെറി, കൊക്കോ എന്നിവയും വിറ്റാമിൻ സി അടങ്ങിയിട്ടുള്ള നെല്ലിക്ക, കാപ്സിക്കം, സിട്രസ് പഴങ്ങൾ എന്നിവയും നിർബന്ധമായും കഴിക്കേണ്ടതാണ്. ഈ ഭക്ഷണ ക്രമങ്ങൾ പിന്തുടരുന്നതോടൊപ്പം തന്നെ നല്ല വ്യായാമവും ശരിയായ ഉറക്കവും ഉണ്ടാകേണ്ടത് രോഗപ്രതിരോധത്തിന് വളരെ അത്യാവശ്യമാണ് . നിരഞ്ജന മനോജ് 3 A ചർച്ച് എൽ പി സ്കൂൾ കൊരട്ടി ചാലക്കുടി ഉപജില്ല തൃശ്ശൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sunirmaes തീയ്യതി: 18/ 04/ 2020 >> രചനാവിഭാഗം - ലേഖനം