ഗവ. എച്ച് എസ്സ് എസ്സ് ചിതറ/അക്ഷരവൃക്ഷം/ശുചിത്വം

ശുചിത്വം ശുചിത്വത്തിന് മനുഷ്യജീവിതത്തിൽ വളരെയധികം പ്രാധാന്യമുണ്ട് . വ്യക്തിശുചിത്വം പാലിക്കുന്നതോടൊപ്പം നാം പരിസരശുചിത്വവും പാലിക്കണം. ആരോഗ്യപൂർണ്ണമായ ജീവിതത്തിന് എറ്റവും ഗുണകരമായിട്ടുള്ളത് ശുചിത്വപൂർണ്ണമായ ചുറ്റുപാടാണ് . വ്യക്തിശുചിത്വം നിലനിർത്തുന്നതിലൂടെ രോഗപ്രതിരോധം വളർത്തിയെടുക്കാൻ നമുക്ക് സാധിക്കും. ശുചിത്വം പാലിക്കാത്തവർക്ക് വിവിധരോഗങ്ങൾ പിടിപെടും. അതിനാൽ നാം ശരീരം വൃത്തിയായി സൂക്ഷിക്കണം. നാം ഉപയോഗിക്കുന്ന വസ്ത്രവും വൃത്തിയുള്ളതായിരിക്കണം. കുളിക്കൽ, കൈകാലുകൾ കഴുകൽ, ദന്തശുദ്ധിവരുത്തൽ, നഖം മുറിക്കൽ എന്നിവയെല്ലാം വ്യക്തിശുചിത്വത്തിന്റെ ഭാഗമാണ് . കൊറോണ വൈറസ് പടരുന്ന ഈ സമയത്ത് ഇരുകൈകളും സോപ്പുപയോഗിച്ച് കഴുകണം എന്നാണ് നിർദ്ദേശിക്കുന്നത് . അതായത് നമ്മുടെ കൈകളിലൂടെ രോഗം പകരാൻ സാധ്യതയുണ്ട്. അതിനാൽ നമ്മുടെ കൈകൾ വ‍ൃത്തിയാക്കണം. അതുപോലെതന്നെ ശരീരമാസകലവും ശുചിത്വപൂർണ്ണമായിരിക്കണം. നമ്മുടെ വസ്ത്രവും നാം ഉപയോഗിക്കുന്ന ഓരോ വസ്തുക്കളും ശുചിത്വമുള്ളതായിരിക്കണം. നാം ജീവിക്കുന്ന ചുറ്റുപാടും ശുചിത്വമുള്ളതായി സൂക്ഷിക്കൽ നമ്മുടെ കടമയാണ് . വീടും പരിസരവും നാം വൃത്തിയായി സൂക്ഷിക്കണം. നമ്മുടെ വീടുകൾ മലിനമുക്തമാക്കണം. ചുറ്റുപാടുകളെല്ലാം വൃത്തിഹീനമാക്കി വയ്ക്കുന്നത് പല രോഗങ്ങൾക്കും കാരണമാകും. വൃത്തിഹീനമായ ചുറ്റപാട് കൊതുകുപോലുള്ള രോഗാണുവാഹകരുടെ പെരുക്കത്തിന് അനുയോജ്യമാണ് . അതിനാൽ രോഗം വന്നതിനുശേഷം ചികിത്സിക്കുന്നതിനേക്കാൾ നല്ലത് രോഗപ്രതിരോധം വർ ദ്ധിപ്പിക്കുന്നതാണ് . അതിന്റെ ഭാഗമാണ് ശുചിത്വവും. ഒരു സമൂഹത്തിൽ ജീവിക്കുന്ന നാം പൊതുസ്ഥലത്തെ ശുചിത്വം പാലിക്കലും അനിവാര്യമാണ് . നാം ഓരോരുത്തരും തന്നെയാണ് പൊതുസ്ഥലവും വൃത്തിയായി സൂക്ഷിക്കേണ്ടത് . അവിടെ മാലിന്യങ്ങൾ കൊണ്ടിടുന്നതും തുപ്പുന്നതും എല്ലാം നാം ഒഴിവാക്കേണ്ടതാണ് . ഇത്തരത്തിൽ പൊതുസ്ഥലങ്ങളെ വളരെ ശുചിത്വപൂർണ്ണമായി നിലനിർത്തുന്ന വിദേശരാജ്യങ്ങളെ നാം മാതൃകയാക്കേണ്ടതാണ് . അതുപോലെ നമ്മുടെ രാജ്യത്തെയും മാറ്റിയെടുക്കാൻ സാധിക്കും എന്ന് പ്രത്യാശിക്കാം. അതിന് എല്ലാവരും പങ്കാളിയാകേണ്ടതുണ്ട് . ഇത്തരത്തിൽ വ്യക്തിശുചിത്വവും, വീടും പരിസരവും ശുചിത്വപൂർണ്ണമാക്കുന്നതും, പൊതുസ്ഥലത്ത് ശുചിത്വം നിലനിർ ത്തുന്നതും നാം ഓരോരുത്തരുടെയും കടമയേക്കാൾ ഉപരി അനിവാര്യതയായി മാറിയിരിക്കുകയാണ് . പലതരത്തിലുള്ള രോഗങ്ങൾക്ക് ശുചിത്വമില്ലായ്മ ഒരു കാരണമാണ് . ജലമലിനീകരണം, വായുമലിനീകരണം, പരിസ്ഥിതിമലിനീകരണം ഇവയെല്ലാം മനുഷ്യജീവനുതന്നെ ഒരു ഭീഷണിയായിരിക്കുകയാണ് . ഇതിനെല്ലാം ഒരു ശാശ്വതപരിഹാരം ഉണ്ടായേ പറ്റൂ. ആരും കണ്ണുമൂടിയിരിക്കാതെ എല്ലാവരും മുന്നോട്ടുവന്നേ മതിയാകൂ. ഇത്തരത്തിൽ ശുചിത്വം പാലിക്കുന്നതിലൂടെ ആരോഗ്യപൂർ ണ്ണമായ ശരീരത്തെയും സമൂഹത്തെയും മാത്രമല്ല നമുക്ക് ലഭിക്കുന്നത് ; ആരോഗ്യപൂർണ്ണമായ, ശാന്തമായ മനസ്സും നമുക്ക് ലഭിക്കും. അതുകൊണ്ടുതന്നെയാണ് ശുചിത്വത്തിന് മനുഷ്യജീവിതത്തിൽ വളരെയധികം പ്രാധാന്യമുള്ളത്. “ശുചിത്വപൂർണ്ണമായ ജീവിതം ആരോഗ്യപൂർണ്ണമായ ലോകം” ഫാത്തിമ ഫർസാന 10 C ഗവ. ഹൈ സ്‌കൂൾ, ചിതറ, ചടയമംഗലം, കൊല്ലം ചടയമംഗലം ഉപജില്ല കൊല്ലം അക്ഷരവൃക്ഷം പദ്ധതി, 2020 ലേഖനം