Ssk17:Homepage/മലയാളം കവിതാ രചന(എച്ച്.എസ്.എസ്)/മൂന്നാം സ്ഥാനം

വിഷയം:-പലതരം സെൽഫികൾ സർവം സെൽഫിമയം... പെറ്റുവീണ കുഞ്ഞിൻ ഈറ്റുചോര- തുടയ്‌ക്കും മുമ്പേ, അമ്മയ്‍ക്കു വേണം- ഡോക്ടർക്കൊപ്പമൊരു സേൽഫി... വെട്ടിക്കൊല്ലുന്നതിനും മുമ്പേ, രാഷ്‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍ട്രിയക്കാർക്കു വേണം- വടിവാളിനൊപ്പമൊരു സെൽഫി... ദഹിപ്പിക്കും മുമ്പേ, ബന്ധുക്കൾക്കു വേണം- മൃതദേഹത്തിനൊപ്പം- ഒരുഗ്രൻ സേൽഫി.... മറഞ്ഞുപോക്കും മുമ്പേ, മഴവില്ലിനു വേണം- ഇടിമിന്നലിനൊപ്പം ഒരുശിരൻ സെൽഫി... ഉരുകിത്തീരും മുമ്പേ, മെഴുക്കുതിരിക്കു വേണം- വെളിച്ചത്തിനൊപ്പമൊരു സെൽഫി... നീ തനിച്ചല്ലെന്ന് തീരിത്തി- നോടോതിക്കൊണ്ട്, തിരമാലയെടുക്കുന്നു സെൽഫി... കൂടെയെന്നും ഞാനുണ്ടെന്നോതിക്കൊണ്ട്, കടൽക്കാറ്റെടുക്കുന്നു, മേഘത്തിനോപ്പമൊരു സെൽഫി.... ഇനിയെങ്ങനെ തിരിച്ചുവരു- മെന്നാകുലപ്പെട്ടുകൊണ്ട്, കാലമെടുക്കുന്നു- സമയത്തിനൊപ്പമൊരു സെൽഫി... ഇനിയാണെന്റെ കാലമെ- ന്നു പറഞ്ഞുകൊണ്ട് രണ്ടായിരമെടുക്കുന്നു- ആയിരമഞ്ഞൂറുകൾ ക്കൊപ്പം അഹംഭാവത്തിന്റെ സെൽഫി... ഒരായിരം ചോദ്യങ്ങൾ കുത്തിക്കുറിച്ചുകൊണ്ട്, ഞാനെടുക്കുന്നതെന്റെ മനസാക്ഷിക്കൊപ്പമൊരുസെൽഫി... ഇനിയുമെനിക്കിത് കാണുവാനാവി- ല്ലെന്നാർത്തുകൊണ്ട്, മുഖം തിരിഞ്ഞുനിന്ന് പുഴയെടുക്കുന്നു, വേനൽമഴയ്‍ക്കൊപ്പമൊരു സെൽഫി... ഇനിയിവനാണെൻ പിൻഗാമി- യെന്നുറക്കെ പറ‍ഞ്ഞുകൊണ്ട്, പകലെടുക്കുന്നു, മിന്നാമിനുങ്ങിനൊപ്പമൊരു സെൽഫി... ആരെങ്കിലും സഹായിക്കു- മെന്നു കരുതിക്കൊണ്ട്, സപ്തനാഡി തളർന്ന്,ചുമച്ച് ആശുപത്രിക്കിടക്കയിൽനിന്ന് ഭുമി അപ്‍ലോഡ് ചെയ്യുന്ന സെൽഫി... "സെൽഫി "എന്ന മൂന്നക്ഷരത്തിലേക്കീ ലോകം തന്നെ ചുരുങ്ങുമ്പോൾ, നിസ്സംശയം ഇന്നെിക്ക് പറയാം... "സർവ്വം സെൽഫിമയം" PRAJNA P 11, B. E. M. G. H. S. S. Calicut (Kozhikode) HSS വിഭാഗം മലയാളം കവിതാ രചന (എച്ച്.എസ്.എസ്) സംസ്ഥാന സ്കൂൾ കലോത്സവം-2017