സെന്റ് ആന്റണീസ് ഗേൾസ് എച്ച്.എസ്സ്. വടകര/പ്രവർത്തനങ്ങൾ/2025-26

പ്രവേശനോത്സവം 2025

സെന്റ് ആൻറണീസ് ഗേൾസ് ഹൈസ്കൂളിന്റെ പ്രവേശനോത്സവം പ്രൗഢഗംഭീരമായി അരങ്ങേറുകയുണ്ടായി.നവാഗതരായ ഓരോ കുട്ടിയേയും സീഡ് പേന കൊടുത്തുകൊണ്ടാണ് സ്വാഗതം ചെയ്തത്.കുമാരി ഹാദിയ മറിയം ചടങ്ങിന് സ്വാഗതമരുളി. പി ടി എ ഷിബു പ്രസിഡൻറ് അധ്യക്ഷതവഹിച്ച ചടങ്ങ് ഉദ്ഘാടനം ചെയ്തത് വടകര വാർഡ് കൗൺസിലർ ശ്രീമതി പ്രേമകുമാരി വനമാലിയായിരുന്നു.മുൻ അധ്യാപിക ശ്രീമതി ശാന്ത,ഹെഡ്മിസ്ട്രസ്സ് സിസ്റ്റർ ചൈതന്യ എന്നിവർ കുട്ടികളോട് സംസാരിക്കുകയുണ്ടായി.കുമാരി തനുശ്രീ പി എം ചടങ്ങിന് നന്ദി അർപ്പിച്ചു.തുടർന്ന് വൈവിധ്യമാർന്ന കലാപരിപാടികൾ അരങ്ങേറി.മധുര വിതരണത്തോടെ പരിപാടി അവസാനിച്ചു. ഒമ്പതാം ക്ലാസിലെ ലിറ്റിൽ കൈറ്റ്സ് അംഗങ്ങൾ മുഴുവൻ പരിപാടികളുടെയും ഡോക്യുമെന്റേഷൻ നടത്തുകയും കൂടാതെ ഒരു സുംബാ അവതരണവും നടത്തുകയുണ്ടായി.9, 10 ബാച്ചിലെ കുട്ടികൾ അവരുടെ ലിറ്റിൽകൈറ്റ്സ് യൂണിഫോം ധരിച്ച് പരിപാടികൾ നിയന്ത്രിക്കുകയും ചെയ്തു. കൂടാതെ പ്രവേശനോത്സവത്തോടനുബന്ധിച്ച് ലിറ്റിൽ കൈറ്റ്സ് അംഗങ്ങൾനവാഗതരെ സ്വാഗതം ചെയ്യുന്ന ഷോർട്ട് വീഡിയോസ് ,ആനിമേഷൻ ഇവ നിർമ്മിച്ച് ക്ലാസ് ഗ്രൂപ്പുകളിൽ ഷെയർ ചെയ്യുകയുണ്ടായി.....ലിറ്റിൽകൈറ്റ്സ്-കൂടുതൽ അറിയുക

• 
• 
• 
• 
• 
• 
• 
• 
• 
• 
• 
• 
• 
• 
• 

രണ്ടാഴ്ചകാലത്തെ സൻമാർഗ പഠനം 2025

ലഹരിവിരുദ്ധ ബോധവൽക്കരണം

സ്കൂൾ തുറന്ന രണ്ടാഴ്ചക്കാലം കുട്ടികൾക്ക് നൽകേണ്ട വിവിധ ഇനങ്ങളിലുള്ള ബോധവൽക്കരണ പ്രവർത്തനങ്ങൾ സെന്റ് ആൻറണീസ് ഗേൾസ് ഹൈസ്കൂളിൽ വളരെ മികച്ച രീതിയിൽ നടന്നുവരുന്നു.ആദ്യദിനം ലഹരി വിരുദ്ധ സന്ദേശങ്ങൾ കുട്ടികൾക്കിടയിൽ പ്രചരിപ്പിക്കുകയും അവരെ ബോധവൽക്കരിക്കുകയും ചെയ്യും വിധം വളരെ ചിട്ടയായ പ്രവർത്തനങ്ങൾ നടത്തുകയുണ്ടായി. കുട്ടികൾക്ക് ലഹരിയുടെ വിപത്തുകളെ കുറിച്ച് ബോധവൽക്കരണ ക്ലാസ് സംഘടിപ്പിച്ചു .ഓരോ ക്ലാസിലെയും കുട്ടികൾ ലഹരി വിരുദ്ധ പോസ്റ്റർ നിർമ്മിച്ചു .തുടർന്ന് ലഹരി കുട്ടികൾക്കിടയിൽ ഉണ്ടാക്കുന്ന ഭവിഷ്യത്തുകളെ കുറിച്ച് ഡിബേറ്റുകൾ,ചർച്ചകൾ,റോൾപ്ലേ,വർക്കൗട്ട് ആക്ടിവിറ്റീസ് എന്നിവനടത്തുകയുണ്ടായി."സെ നോ ടു ഡ്രഗ്സ്സ്" എന്ന വലിയ പോസ്റ്ററിൽ കുട്ടികളും അധ്യാപകരും അവരുടെ മുദ്രകൾ പതിപ്പിച്ചുകൊണ്ട് അവർ ഓരോരുത്തരും ലഹരിക്ക് എതിരാണ് സ്കൂൾ തുറന്ന രണ്ടാഴ്ചക്കാലം കുട്ടികൾക്ക് നൽകേണ്ട വിവിധ ഇനങ്ങളിലുള്ള ബോധവൽക്കരണ പ്രവർത്തനങ്ങൾ സെന്റ് ആൻറണീസ് ഗേൾസ് ഹൈസ്കൂളിൽ വളരെ മികച്ച രീതിയിൽ നടന്നുവരുന്നു.ആദ്യദിനം ലഹരി വിരുദ്ധ സന്ദേശങ്ങൾ കുട്ടികൾക്കിടയിൽ പ്രചരിപ്പിക്കുകയും അവരെ ബോധവൽക്കരിക്കുകയും ചെയ്യും വിധം വളരെ ചിട്ടയായ പ്രവർത്തനങ്ങൾ നടത്തുകയുണ്ടായി. കുട്ടികൾക്ക് ലഹരിയുടെ വിപത്തുകളെ കുറിച്ച് ബോധവൽക്കരണ ക്ലാസ് സംഘടിപ്പിച്ചു .ഓരോ ക്ലാസിലെയും കുട്ടികൾ ലഹരി വിരുദ്ധ പോസ്റ്റർ നിർമ്മിച്ചു .തുടർന്ന് ലഹരി കുട്ടികൾക്കിടയിൽ ഉണ്ടാക്കുന്ന ഭവിഷ്യത്തുകളെ കുറിച്ച് ഡിബേറ്റുകൾ,ചർച്ചകൾ,റോൾപ്ലേ,വർക്കൗട്ട് ആക്ടിവിറ്റീസ് എന്നിവനടത്തുകയുണ്ടായി."സെ നോ ടു ഡ്രഗ്സ്സ്" എന്ന വലിയ പോസ്റ്ററിൽ കുട്ടികളും അധ്യാപകരും അവരുടെ മുദ്രകൾ പതിപ്പിച്ചുകൊണ്ട് അവർ ഓരോരുത്തരും ലഹരിക്ക് എതിരാണ് എന്ന് പ്രതിജ്ഞ ചെയ്തു.തുടർന്ന് കുട്ടികൾ ക്ലാസിൽ തയ്യാറാക്കിയ പ്ലക്കാർഡുകൾ കൈയ്യിലേന്തി മുഴുവൻ കുട്ടികളെയും അണിനിരത്തിയ റാലി സംഘടിപ്പിക്കപ്പെട്ടു.

എന്ന് പ്രതിജ്ഞ ചെയ്തു.തുടർന്ന് കുട്ടികൾ ക്ലാസിൽ തയ്യാറാക്കിയ പ്ലക്കാർഡുകൾ കൈയ്യിലേന്തി മുഴുവൻ കുട്ടികളെയും അണിനിരത്തിയ റാലി സംഘടിപ്പിക്കപ്പെട്ടു.

• 
• 
• 
• 

ട്രാഫിക്ക് നിയമങ്ങൾ -ബോധവൽക്കരണം

രണ്ടാം ദിവസം ഊന്നൽ കൊടുത്തത് ട്രാഫിക് നിയമങ്ങൾ പാലിക്കുകയുംഅനുസരിക്കുകയുംചെയ്യേണ്ട ആവശ്യകതയെ കുറിച്ചായിരുന്നു.ശ്രീജ ടീച്ചർ ട്രാഫിക് നിയമങ്ങൾ പാലിക്കേണ്ടതിന്റെ ആവശ്യകത എന്തെല്ലാമാണ് എന്തും ട്രാഫിക് നിയമങ്ങൾ നിയമം തെറ്റിച്ചത് മൂലം ഉണ്ടായ അപകടത്തിന്റെ അനുഭവങ്ങൾ ഇവയെക്കുറിച്ച് കുട്ടികളോട് സംസാരിക്കുകയുണ്ടായി.യുപി വിഭാഗം കുട്ടികൾ തയ്യാറാക്കിയ ട്രാഫിക് നിയമങ്ങളെ സംബന്ധിച്ച ഒരു ഫ്ലാഷ് മോബ് അതി ഗംഭീരമായികുട്ടികളെ ആകർഷിച്ചു.ട്രാഫിക് നിയമങ്ങളെക്കുറിച്ചും, അത്പാലിക്കുന്നതിൽ ഓരോ വ്യക്തിയുടെയുംഉത്തരവാദിത്വത്തെക്കുറിച്ചും ഓരോ സിഗ്നലും സൂചിപ്പിക്കുന്നത് എന്ത് എന്നതിനെക്കുറിച്ചും ഫ്ലാഷ് മോബ് വളരെ രസകരമായി പറഞ്ഞു.

• 
• 
• 
• 
• 

ലോകപരിസ്ഥിതി ദിനം 2025

ഇത്തവണത്തെ ലോക പരിസ്ഥിതി ദിനം വിവിധ പരിപാടികളോടെ സ്കൂളിൽ ആഘോഷിക്കുകയുണ്ടായി.ഓരോ വിദ്യാർത്ഥിയും വൃക്ഷത്തൈകൾ കൊണ്ടുവരികയും അവ പരസ്പരം കൈമാറുകയും ചെയ്തു.അധ്യാപകരും പൊതു ചടങ്ങിനിടെ അവർ കൊണ്ടുവന്നവൃക്ഷതൈകൾ പരസ്പരം കൈമാറി.പരിസ്ഥിതി ദിനാചരണവുമായി ബന്ധപ്പെട്ട് ഓരോ ക്ലാസിലും ബുള്ളറ്റിൻ ബോർഡ്പ്രദർശന മത്സരം സംഘടിപ്പിച്ചു.പരമാവധി വിവരങ്ങളും ചിത്രങ്ങളും ഉൾപ്പെടുത്തിയ ബുള്ളറ്റിൻ ബോർഡ്പ്രദർശന മത്സരം വളരെ ആകർഷണീയമായിരുന്നു.ഏറ്റവും നന്നായി അലങ്കരിച്ച ഒന്ന്,രണ്ട് മൂന്ന്സ്ഥാനക്കാർക്ക് സമ്മാനവിതരണം നടന്നു.പരിസ്ഥിതിദിന സന്ദേശം,പോസ്റ്റർ നിർമ്മാണ മത്സരം എന്നിവയിൽ ആവേശപൂർവം കുട്ടികൾ പങ്കെടുത്തു.അധ്യാപകർ പച്ച നിറമുള്ള വസ്ത്രങ്ങൾ ധരിച്ചും വിദ്യാർത്ഥികൾ പച്ച ബാഡ്ജ്ധരിച്ചും ലോക പരിസ്ഥിതി ദിന പ്രവർത്തനങ്ങളോട് ഐക്യദാർഢ്യം പ്രകടിപ്പിച്ചു.

• 
• 
• 
• 
• 
• 
• 
• 
• 

സൈബർ സെക്യൂരിറ്റി ബോധവൽക്കരണം

സൈബർ സെക്യൂരിറ്റി ,സോഷ്യൽ മീഡിയ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ തുടങ്ങിയ വിഷയങ്ങളുമായി ബന്ധപ്പെട്ട് 9 ,10 ക്ലാസിലെ ലിറ്റിൽ കൈറ്റ്സ് ടീം അംഗങ്ങൾ വളരെ വിജ്ഞാനപ്രദവും രസകരവുമായ ഒരുഅവതരണം സംഘടിപ്പിക്കുകയുണ്ടായി. സ്കൂൾ അങ്കണത്തിൽ വച്ച് നടന്ന ഈ പരിപാടി ഹൈസ്കൂൾ യു.പി വിഭാഗത്തിലെ എല്ലാ കുട്ടികളും വീക്ഷിച്ചു.വിവിധ സോഷ്യൽ മീഡിയകളുടെ ലോഗോ ധരിച്ച കുട്ടികൾ ഇവയുടെ ഗുണദോഷ വശങ്ങളെക്കുറിച്ച് സംസാരിക്കുകയും അത് കുട്ടികൾ ഉണ്ടാക്കുന്ന ഗുണപരവും വിനാശകരവുമായ സ്വാധീനത്തെ കുറിച്ച് ഡാൻസ് ഡ്രാമ രൂപത്തിൽ സംവദിക്കുകയും ചെയ്തു.

• 
• 
• 
• 
• 
• 

വായനാദിനം

ഈ വർഷത്തെ വായനാദിനം ഒരാഴ്ച നീണ്ടുനിന്ന വ്യത്യസ്ത പരിപാടികളോടെ സ്കൂളിൽ നടത്തുകയുണ്ടായി.വായനാദിനം ഉദ്ഘാടനം ചെയ്യാൻ എത്തിയത് നമ്മുടെ തന്നെ എൽപി സ്കൂൾ അധ്യാപികയായ ശ്രീമതി ഷെറിൻ പെരേര ആയിരുന്നു.കുട്ടികൾ വായന അനുഭവങ്ങൾ പങ്കുവെക്കുകയും സ്കൂൾ നോട്ടീസ് ബോർഡ് വായനാദിനത്തിന്റെ പ്രാധാന്യം വിളിച്ചോതുന്ന ചിത്രങ്ങളും കുറിപ്പുകളും കൊണ്ട് അലങ്കരിക്കുകയും ചെയ്തു.

• 
• 

2025-28ലിറ്റിൽ കൈറ്റ്സ് ബാച്ചിന്റെ അപ്റ്റിറ്റ്യൂട്ട് ടെസ്റ്റ്

25/06/2025... ഐടി ലാബിൽ 30 ലാപ്ടോപ്പുകളിൽ ലിറ്റിൽ കൈറ്റ്സ് ആപ്റ്റിറ്റ്യൂഡ് ടെസ്റ്റ് സോഫ്റ്റ്‌വെയർ ഇൻസ്റ്റാൾ ചെയ്തു.സോഫ്റ്റ്‌വെയർ ഇൻസ്റ്റാലേഷനും പരീക്ഷ നടത്തിപ്പിനും ഒമ്പതാം ക്ലാസ് ലിറ്റിൽ കൈറ്റ്സ് വിദ്യാർത്ഥിനികളുടെ സമ്പൂർണ്ണ സഹായം ഐടി ലാബിൽ ഉണ്ടായിരുന്നു.മുഴുവൻ അപേക്ഷകരും (143)അന്നേദിവസം പരീക്ഷ എഴുതുകയുണ്ടായി. ഉച്ചയ്ക്ക് 1.30 യോടെ മുഴുവൻ റിസൾട്ട് ഫയലുകളും അപ്‌ലോഡ് ചെയ്യാൻ സാധിച്ചു.വടകര മാസ്റ്റർ ട്രെയിനർ ശ്രീ ആഘോഷ് സ്കൂൾ സന്ദർശിക്കുകയുണ്ടായി.

• 
• 
• 
• 

മുഴുവൻ എ പ്ലസ് നേടിയ വിദ്യാർത്ഥികൾക്കുള്ള അനുമോദന ചടങ്ങ്

ജൂൺ 26 ന് ഈ വർഷത്തെ എസ്എസ്എൽസി പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ 95 വിദ്യാർത്ഥിനികളെ സ്കൂൾ പിടിഎ അനുമോദിക്കുകയുണ്ടായി.സ്കൂൾ പിടിഎ പ്രസിഡൻറ് ശ്രീ ഷിബു അധ്യക്ഷത വഹിച്ച ചടങ്ങ് വടകര വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി സിന്ധു പ്രേമൻ ഉദ്ഘാടനം ചെയ്തു.വടകര വാർഡ് കൗൺസിലർ ശ്രീമതി പ്രേംകുമാരി വനമാലി,സിസ്റ്റർ ചൈതന്യ എന്നിവർ കുട്ടികൾക്ക് ആശംസകൾ നേർന്നു.അധ്യാപികമാരായ ശ്രീമതി സപ്ന സ്വാഗതവും സ്കൂൾ ലീഡർ നന്ദിയും പറഞ്ഞു. മുഴുവൻ എപ്ലസ് നേടിയ വിദ്യാർത്ഥിനികളേയും വിജയിച്ച മുഴുവൻ വിദ്യാർത്ഥിനികളെയും വടകര നഗരസഭയും അനുമോദിക്കുകയുണ്ടായി.മികച്ച വിജയം കരസ്ഥമാക്കിയതിന് സ്കൂളിനും ട്രോഫി ലഭിച്ചു. വടകര എംഎൽഎ ശ്രീമതി രമയുടെ അനുമോദനവും(Vibe) വിദ്യാർത്ഥിനികൾക്കും സ്കൂളിനും ലഭിച്ചു

വിവിധ ക്ലബ്ബുകളുടെ ഉദ്ഘാടനം

ജൂലൈ രണ്ടാം തീയതി രാവിലെ 10 മണിക്ക് റിട്ടയേർഡ് അധ്യാപികയായ ശ്രീമതി ഷീബ മേരി ടി.സി ആണ് വിവിധ ക്ലബ്ബുകളുടെ ഉദ്ഘാടനം നിർവഹിച്ചത്.ക്ലബ്ബ് പ്രവർത്തനങ്ങൾ കുട്ടികളുടെ അക്കാദമികവും വ്യക്തിപരവുമായ ജീവിതത്തിൽ എത്രമാത്രം സ്വാധീനം ചെലുത്തുന്നു എന്ന് ടീച്ചർ സംസാരിച്ചു. സ്കൂൾ പിടിഎ പ്രസിഡൻറ് ശ്രീ ഷിബു അധ്യക്ഷത വഹിച്ചു.സയൻസ്,ഗണിതം,സോഷ്യൽ സയൻസ്,ഐടി,പ്രവൃത്തിപരിചയം,വിദ്യാരംഗം,ഇംഗ്ലീഷ് ക്ലബ്ബ് തുടങ്ങിയ വിവിധ ക്ലബ്ബുകൾ തനത് പ്രവർത്തനങ്ങൾ അവതരിപ്പിച്ചു.

• 
• 
• 

യോഗാ ദിനം, ലഹരി വിരുദ്ധ ദിനാചരണം

യോഗ ദിനത്തിൻ്റ ഭാഗമായി സ്കൂളിലെ മുഴുവൻ വിദ്യാർഥികളെയും അസംബ്ലി ഗ്രൗണ്ടിൽ അണിനിരത്തുകയും ടീച്ചറുടെ നേതൃത്വത്തിൽ യോഗയുടെ വിവിധ ഘട്ടങ്ങൾ സ്റ്റേജിൽ അവതരിപ്പിച്ചു. ഓരോ ഘട്ടവും നിരീക്ഷിച്ച കുട്ടികളും യോഗഘട്ടങ്ങൾ ആവർത്തിക്കുകയുണ്ടായി.

അന്നേദിവസം തന്നെ മുഖ്യമന്ത്രിയുടെ ആൻറി ഡ്രഗ് ഡേയുമായി ബന്ധപ്പെട്ട പ്രഭാഷണം കുട്ടികൾ പൊതുവായി നിരീക്ഷിക്കാൻ വേണ്ട സാഹചര്യം സ്കൂൾ ഗ്രൗണ്ടിൽ ഒരുക്കുകയും കുട്ടികൾ ഒരേ സ്വരത്തിൽ ലഹരി വിരുദ്ധ പ്രതിജ്ഞ ഏറ്റുചൊല്ലുകയും ചെയ്തു.

• 
• 
• 

ജൂലൈ 21 ചാന്ദ്രദിനം

ഈ വർഷത്തെ ചാന്ദ്രദിനാഘോഷം കൗതുകം ഉണർത്തുന്നതും വിവിധ പരിപാടികൾ ഉൾക്കൊള്ളുന്നതുമായിരുന്നു. സ്കൂളിലെ മുഴുവൻ കുട്ടികൾക്കുമായി ക്വിസ് മത്സരം സംഘടിപ്പിക്കുകയും അതിൽ ഒന്നും രണ്ടും മൂന്നും സ്ഥാനം നേടിയവരെ അനുമോദിക്കുകയുണ്ടായി. ക്ലാസ് തലത്തിൽ മോഡൽ നിർമ്മാണ മത്സരം, നോട്ടീസ് ബോർഡ്, ചാന്ദ്രദിനവുമായി ബന്ധപ്പെട്ട വിവരങ്ങളും ചിത്രങ്ങളും അനുയോജ്യമാംവിധം ക്രമീകരിച്ച് ഏറ്റവും മികച്ചതിനെ കണ്ടെത്തുകയും ഒന്നും രണ്ടും മൂന്നും സ്ഥാനം നേടിയ ടീമിനെ സ്കൂൾ അസംബ്ലിയിൽ അനുമോദിക്കുകയുണ്ടായി.ചാന്ദ്ര മനുഷ്യരായ നീലാം സ്ട്രോങ്ങ് എഡ്വിൻ മൈക്കിൾ കോളിൻസ് എന്നിവരുടെ വേഷം ധരിച്ചെത്തിയ കുട്ടികൾ ഓരോ ക്ലാസ് മുറിയിലും കയറിയിറങ്ങി കുട്ടികളുമായി സംസാരിക്കുകയും അവരുടെ ചാന്ദ്രയാത്രാ അനുഭവങ്ങൾ കുട്ടികളുമായി പങ്കുവയ്ക്കുകയും ചെയ്തു.

• 
• 
• 
• 
• 

സ്കൂൾ തല മേളകൾ

ഐടി,സയൻസ്ഗ,ണിതം,സോഷ്യൽ സയൻസ് ,വർക്ക് എക്സ്പീരിയൻസ് എന്നീ ഇനങ്ങളിൽ സ്കൂൾതലമേളകൾ ജൂലൈ 7 മുതൽ ജൂലൈ 16 വരെ പല സമയങ്ങളിലായി നടന്നു. മേളകൾ ഒന്നും രണ്ടും മൂന്നും സ്ഥാനം ലഭിച്ച വരെ സ്കൂൾ അസംബ്ലിയിൽ അനുമോദിച്ചു. ഒന്നാം സ്ഥാനം നേടിയവരെ സബ്ജില്ലാതല മത്സരങ്ങൾക്കായി തയ്യാറാക്കി വരുന്നു. നമസ്കാരം.

• 
• 
• 
• 

സ്കൂൾ ജനറൽബോഡി

ജൂലൈ 29ന് സ്കൂൾ ജനറൽബോഡി മുകളിലുള്ള ഹാളിൽ വച്ച് നടന്നു.മുന്നൂറോളം രക്ഷിതാക്കളും എക്സിക്യൂട്ടീവ് അംഗങ്ങളും യോഗത്തിൽ പങ്കെടുത്തു.തെരഞ്ഞെടുപ്പിലൂടെ പുതിയ പിടിഎ പ്രസിഡണ്ട് ആയ ശ്രീ വിനോദ് തെരഞ്ഞെടുക്കപ്പെടുകയും വൈസ് പിടിഎ പ്രസിഡണ്ട് ആയി.മദർ pta പ്രസിഡൻറ് ആയി ശ്രീമതി തെരഞ്ഞെടുക്കപ്പെട്ടു.

• 

അടുക്കളതോട്ട നിർമ്മാണം

സ്കൂൾ ഉച്ചഭക്ഷണ പദ്ധതി മെച്ചപ്പെടുത്തുന്നതുമായി ബന്ധപ്പെട്ട് പുതുതായി ചുമതലയേറ്റ പ്രസിഡൻറ് ശ്രീ വിനോദിന്റെയും പിടിഎ എക്സിക്യൂട്ടീവ് അംഗങ്ങളുടെയും മദർ പിടിഎയുടെയും നേതൃത്വത്തിൽ സ്കൂളിൽ അടുക്കളത്തോട്ടതിന്റെ നിർമ്മാണം ആരംഭിച്ചു.

• 
• 
• 

ഗൈഡ് സ്കാർഫ് ദിനം-ഓഗസ്റ്റ് 1

ഓരോ ഗൈഡിന്റെയും പരിചയത്തിന്റെയും ആത്മാഭിമാനത്തിന്റെയും ഐക്യത്തിന്റെയും പ്രതീകമായ ദിനം. ഈ ദിവസം ലോകമെമ്പാടുമുള്ള ഗൈഡുകൾ സ്കാർഫ് ധരിച്ചുകൊണ്ട് ഒരു വലിയ കുടുംബത്തിന്റെ ഭാഗം എന്ന ബോധത്തോടെ ആചരിക്കുന്നു. ഗൈഡ്സ് സ്കാർഫ് എപ്പോഴും ഒരു ബലത്തിന്റെയും സേവനത്തിന്റെയും നന്മയുടെയും ചിഹ്നമാണ്. സ്കൗട്ടിങ്ങും ഗൈഡിങ്ങും ഒറ്റപ്പെട്ട വ്യക്തികളല്ല, മറിച്ച് ഒരേ ലക്ഷ്യത്തിനായി പ്രവർത്തിക്കുന്നവരായി നമ്മെ തീർക്കുന്നു. സ്കാർഫ് നമുക്ക് ആ ഐക്യത്തിന്റെ സ്മരണയാണ്. ഒരുപാട് ഗൈഡുകൾ രാജ്യങ്ങളിലോ, സംസ്കാരങ്ങളിലോ വ്യത്യാസമുള്ളവർ എന്നാൽ ഒരേ ഗൈഡ് ആത്മാവിൽ ഒരുമിച്ചു നിന്നുകൊണ്ട് ഓരോ ഗൈഡ്സ് സ്കാർഫ് ലോകത്തിന്റെ ഓരോ ഭാഗത്തും ഒരേ സന്ദേശം പടർത്തുന്നു. 'സേവിക്കുക' 'നയിക്കുക' 'സ്നേഹിക്കുക'. ഇന്ന് നമുക്ക് ഈ സ്കാഫ് ധരിച്ച് നമുക്ക് പ്രചോദനം നൽകിയ എല്ലാ പഴയ ഗൈഡുകളെയും അധ്യാപകരെയും നേതാക്കളെയും ഓർക്കാം. നമ്മുടെ ചുറ്റുപാടിലും സമൂഹത്തിലും ഒരു മാറ്റമുണ്ടാകാൻ നാം മുന്നോട്ട് വരേണ്ടത് അനിവാര്യമാണ്. സെന്റ് ആന്റണീസ് ഗേൾസ് എച്ച്.എസ്സ്. വടകര/സ്കൗട്ട്&ഗൈഡ്സ്

• 
• 
• 
• 

സ്കൂൾ പാർലമെൻറ് ഇലക്ഷൻ2025

• 14/8/2025

തീർത്തും ജനാധിപത്യ രീതിയിലുള്ള സ്കൂൾ പാർലമെൻറ് ഇലക്ഷൻ വെള്ളിയാഴ്ച നടന്നു.

• 
• 
• 
• 
• 
• 
• 

സ്വാതന്ത്ര്യ ദിനാഘോഷം

15/8/2025
ഈ വർഷത്തെ സ്വാതന്ത്ര്യവാരാഘോഷം മികച്ച സംഘാടനവും കുട്ടികളുടെ വൈവിധ്യമാർന്ന കലാവിരുന്നും കൊണ്ട് ഏറെ വേറിട്ട് നിൽക്കുന്നതായിരുന്നു.സ്വാതന്ത്ര്യ സമര ക്വിസ്,ഡിജിറ്റൽ പോസ്റ്റർ മേക്കിങ്, സ്വാതന്ത്രസമരസേനാനികളുടെ വേഷപ്പകർച്ച,ഗാന്ധിജി വരകളിലൂടെ രചന മത്സരം, പ്രസംഗമത്സരം എന്നിവ ഓരോ തീയതികളിലായി സംഘടിപ്പിക്കപ്പെട്ടു. ഓഗസ്റ്റ് 15 ന് കൃത്യം 9 മണിക്ക് സ്കൂൾ ഹെഡ്മിസ്ട്രസ് പതാക ഉയർത്തി.സ്വാതന്ത്ര്യദിന സന്ദേശം കുട്ടികൾക്ക് നൽകിയത് എഴുത്തുകാരിയും മാക്ബത്ത് പബ്ലിക്കേഷൻ സ്ഥാപികയുമായ ശ്രീമതി എം എ ഷഹനാസ് ആയിരുന്നു.ഇൻറർനാഷണൽ മാസ്റ്റർ വിഷൻ എക്സലൻസ് അവാർഡ്, യൂത്ത് ഐക്കൺ അവാർഡ്,വയലാർ രാമവർമ്മ യുവ അവാർഡ് തുടങ്ങി നിരവധി അവാർഡുകൾ നേടിയ ശ്രീമതി ഷഹനാസ് യഥാർത്ഥ സ്ത്രീ സ്വാതന്ത്ര്യത്തെക്കുറിച്ച് കുട്ടികളോട് സംവദിച്ചു.കലാവിരുന്നുകൾക്കൊടുവിൽ പായസവിതരണത്തോടെ പരിപാടികൾ സമാപിച്ചു.

• 
• 
• 
• 
• 
• 
• 
• 
• 
• 

ഓണപ്പരീക്ഷ,ഓണാഘോഷം

ആഗസ്റ്റ് 18ന് ഓണപരീക്ഷ ആരംഭിച്ചു. പുതിയ രീതിയിലുള്ള ചോദ്യപേപ്പറും ചിട്ടയായ പരീക്ഷ നടത്തിപ്പും വിജയകരമായി പൂർത്തീകരിച്ചു. ഇരുപത്തിയേഴാം തീയതി നടന്ന ഓണാഘോഷം പ്രതികൂല കാലാവസ്ഥയിൽ പോലും മികച്ചതായി. ഓണത്തപ്പനും ഓണക്കളികളും പൂക്കളവും ഓണസദ്യയും പരിപാടികൾക്ക് മിഴിവേകി. മലയാളി മങ്ക മത്സരവും കമ്പവലിയും കുട്ടികളിൽ ആവേശം ഉണർത്തുന്നത് ആയിരുന്നു.വൈവിധ്യമാർന്ന കറികളോട് കൂടിയ ഓണസദ്യ ആസ്വദിക്കാൻ DEO ഒഫീസ് സ്റ്റാഫ് അംഗങ്ങളും സ്കൂളിനോട് ചേർന്ന് വ്യാപാരികളും രക്ഷിതാക്കളും പങ്കാളികളായി.തലേന്നാൾ ഉള്ള ഓണസദ്യയുടെ ഒരുക്കം മുതൽ പരിപാടികൾക്ക് ശേഷമുള്ള ശുചീകരണ പ്രവർത്തനങ്ങൾ വരെയുള്ള ശ്രമകരമായ ജോലികളിൽ രക്ഷിതാക്കളും അധ്യാപകരും പങ്കാളികളായി.

• 
• 
• 
• 
• 
• 
• 
• 
• 

രക്ഷിതാക്കൾക്കുള്ള സൈബർ ബോധവൽക്കരണം

ലിറ്റിൽ കൈറ്റ്സ് 2024-27 ബാച്ചിന്റെ നേതൃത്വത്തിൽ "അമ്മ അറിയാൻ" എന്ന സൈബർ സെക്യൂരിറ്റിയുമായി ബന്ധപ്പെട്ട ക്ലാസ്സ് ഓഗസ്റ്റ് 29 ന് സംഘടിപ്പിച്ചു.52 രക്ഷിതാക്കളും എട്ടാം ക്ലാസിലേക്ക് പുതുതായി തെരഞ്ഞെടുക്കപ്പെട്ട ലിറ്റിൽ കൈറ്റ്സ് അംഗങ്ങളും മീറ്റിംഗിൽ പങ്കെടുത്തു.ഹെഡ്മിസ്ട്രസ് സിസ്റ്റർ ചൈതന്യ ഉദ്ഘാടനം ചെയ്ത ചടങ്ങിൽ കൈറ്റ് മെ ൻ്റർ ശ്രീജ ടീച്ചർ അധ്യക്ഷത വഹിച്ചു.ലിറ്റിൽ കൈറ്റ്‌സിന്റെ പ്രവർത്തന രീതികളെ കുറിച്ച് കൈറ്റ് മെൻ്ററായ സിന്ധു ജോയ് രക്ഷിതാക്കളോട് സംസാരിച്ചു.മുൻ വർഷങ്ങളിലെ ലിറ്റിൽ കൈറ്റ്അംഗങ്ങളുടെ ശ്രദ്ധേയമായിട്ടുള്ള ചില പ്രവർത്തനങ്ങൾ രക്ഷിതാക്കൾക്ക് മുന്നിൽ പ്രദർശിപ്പിച്ചു.രണ്ടാം ബാച്ചിന്റെ മെൻഡർമാരായ ശ്രീമതി ഹർഷ ജോസഫ് ശ്രീമതി പ്രീതി എന്നിവരെ രക്ഷിതാക്കൾക്ക് പരിചയപ്പെടുത്തി.തുടർന്ന് ഒമ്പതാം ക്ലാസിലെ വിദ്യാർത്ഥിനികൾ മൊബൈൽ ഫോൺ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ, ഈ ബാങ്കിംഗ്, സൈബർ ലോകത്തെ ചതിക്കുഴികൾ തുടങ്ങിയവയുമായി ബന്ധപ്പെട്ട വിവരങ്ങൾ വളരെ ഫലപ്രദമായി രക്ഷിതാക്കൾക്ക് മുന്നിൽ അവതരിപ്പിച്ചു. കൃത്യം പത്തുമണിക്ക് ആരംഭിച്ച പരിപാടി 12.30 യോടെ അവസാനിച്ചു. ....ലിറ്റിൽകൈറ്റ്സ്-കൂടുതൽ അറിയുക

• 
• 
• 
• 
• 
• 
• 
• 
• 
• 
• 
• 

അധ്യാപക ദിനാഘോഷം

സെയിന്റ് ആന്റണീസ് ഗേൾസ് ഹൈസ്കൂളിന് അധ്യാപക ദിനാഘോഷം ചില പ്രവർത്തനങ്ങളിലൂടെയാണ് നടന്നു വരുന്നത്. ഇത്തവണയും വളരെ ഗംഭീരമായി അധ്യാപക ദിനാഘോഷം സംഘടിപ്പിക്കാൻ ഹെഡ്മിസ്ട്രസും കുട്ടികകും കഴിഞ്ഞു. അധ്യാപകർക്കായി സംഘടിപ്പിച്ച വ്യത്യസ്ത ഗെയിമുകൾ ഇൻസ്പിരേഷൻ ടോക്കുകൾ കുർബാന വിഭവ സമൃദ്ധമായ വിരുന്ന് സമ്മാനദാനം ഇവയെല്ലാം പതിവുപോലെ സ്കൂളിൽ നടന്നു. ഗൈസിനെ നേതൃത്വത്തിൽ ഓരോ അധ്യാപകർക്കും ആശംസ വചസ്സുകൾ എഴുതിയ കാർഡുകൾ കുട്ടികൾ കൈമാറി.

ശ്രീ ജെയിംസ് അനുസ്മരണവും സ്കൂൾ ലൈബ്രറി വിപുലീകരണവും

സെപ്റ്റംബർ 15ന് സ്കൂൾ ഓഡിറ്റോറിയത്തിൽ വച്ച് നമ്മുടെ പ്രിയപ്പെട്ട അധ്യാപിക ശ്രീമതി സുനിലാ ജയിംസിന്റെ യ ശശരീരനായ ആയ ഭർത്താവ് ശ്രീ ജയിംസിൻ്റെ രണ്ടാം ചരമവാർഷികവുമായി ബന്ധപ്പെട്ട അനുശോചനവും അതിൻ്റെ ഭാഗമായി സ്കൂൾ ലൈബ്രറിക്ക് വേണ്ടി 100 പുസ്തകങ്ങളുടെ സമർപ്പണവും നടന്നു.ചരിത്ര ഗ്രന്ഥകാരൻശ്രീ പി ഹരിന്ദ്രനാഥ് മുഖ്യാതിഥിയായി പങ്കെടുത്ത ചടങ്ങിൽ തന്റെ ഗ്രന്ഥമായ"മഹാത്മാ ഗാന്ധി കാലവും കർമപദവും 1869-1915" സ്കൂൾ പ്രതിനിധിക്ക് നൽകി കൊണ്ട് ഉദ്ഘാടനം ചെയ്തു.പാരിഷ് പ്രീസ്റ്റ് ഫാ.വിമൽ ഫ്രാൻസീസ്, രാധാകൃഷ്ണൻ(റിട്ടയർ AEO,)പ്രശസ്ത സംഗീതജ്ഞൻ പ്രേം കുമാർ വടകര, കെ സുനിൽ മാഷ് (പഴങ്കാവ്), സുനില ജോൺ, ക്രിസ്റ്റി പോൾ, ആൻസി ക്രിസ്റ്റി എന്നിവരുടെ സാന്നിധ്യത്തിൽ സ്കൂൾ ലീഡേഴ്‌സ് തന്മയ ആർ.എസ്, നൈനിക രാജേഷ് എന്നിവർ പുസ്തകം ഏറ്റു വാങ്ങി. ഹെഡ്മിസ്ട്രെസ്സ് സിസ്റ്റർ ചൈതന്യ സുനില ജോൺനെയും പ്രേം കുമാർ വടകര സൗമ്യ ടീച്ചർനെയും ആദരിച്ചു. മഞ്ജുള ബാഷിണിടീച്ചർ സ്വാഗതവും മഞ്ജു ടീച്ചർ നന്ദിയും രേഖപ്പെടുത്തി.

സ്കൂൾ കായികമേള

ഈ വർഷത്തെ സ്കൂൾ കായികമേള സെപ്റ്റംബർ 18ന് നാരായണ നഗരം ഗ്രൗണ്ടിൽ വെച്ച് നടന്നു. പി ഇ ടി ടീച്ചർ ശ്രീമതി അലൈന തോമസിന്റെ നേതൃത്വത്തിൽ വിവിധ കായികമത്സരങ്ങൾ കുറ്റമറ്റ രീതിയിൽ പൂർത്തീകരിച്ചു. വാശിയേറിയ മത്സരങ്ങൾക്കൊടുവിൽ അധ്യാപകരുടെ നടത്ത മത്സരവും സംഘടിപ്പിച്ചു.

• 
• 
• 
• 
• 
• 
• 
• 

സ്കൂൾ കലോത്സവം

സെപ്റ്റംബർ 20,22 തീയതികളിൽ സ്കൂൾ കലോത്സവം നടന്നു. വടകര വാർഡ് കൗൺസിലർ ശ്രീമതി പ്രേമകുമാരി വനമാലി കലാമേളയുടെ ഉദ്ഘാടനം നിർവഹിച്ചു. പിടിഎ പ്രസിഡണ്ട് ശ്രീ വിനോദ്,ഹെഡ്മിസ്ട്രസ് സിസ്റ്റർ ചൈതന്യ തുടങ്ങിയവർ ആശംസകൾ അർപ്പിച്ചു സംസാരിച്ചു. സ്റ്റാഫ് സെക്രട്ടറി നിന്ദ്യ ടീച്ചർ സ്വാഗതവും ലിസി ടീച്ചർ നന്ദിയും പറഞ്ഞു .ഒന്നാം ദിനം പ്രധാനവേദിയിൽ നൃത്ത ഇനങ്ങൾ അരങ്ങേറി.എല്ലാം തന്നെ മികച്ച നിലവാരം പുലർത്തിയ മത്സരങ്ങൾ ആയിരുന്നു.

• 
• 
• 
• 

പത്താംതരം വിദ്യാർഥിനികളുടെ പഠനയാത്ര

സെപ്തംബർ 25 വെളുപ്പിന് നിലമ്പൂർ ഊട്ടി പഠനയാത്ര സ്കൂളിൽനിന്ന് പുറപ്പെട്ടു.200ലധികം വിദ്യാർത്ഥിനികളും 20 അധ്യാപകരും അടങ്ങുന്ന സംഘമാണ് പഠനയാത്രയിൽ ഉള്ളത്.

തണൽ സന്ദർശനം

സെന്റ് ആന്റണീസ് ഗേൾസ് ഹൈസ്കൂൾ ഗൈഡ്സ്,ജെ ആർ സി യൂണിറ്റിലെ വിദ്യാർത്ഥിനികൾ എടച്ചേരി തണൽ വീട് സന്ദർശിച്ച് കിടപ്പ് രോഗികൾക്കായി വീൽചെയർ കൈമാറി.ഗൈഡ് ക്യാപ്റ്റൻമാരായ സൗമ്യ ടീച്ചർ, ലിസി ടീച്ചർ, നിമിഷ ടീച്ചർ,ജെ ആർ സി കൗൺസിലർ താര ടീച്ചർ,PTA പ്രസിഡന്റ് വിനോദൻ എന്നിവർ സന്നിഹിതരായിരുന്നു. കുട്ടികൾ അന്തേവാസികൾക്കായി വിവിധ കലാപരിപാടികൾ അവതരിപ്പിച്ചു. ..ഗൈഡ്സ് പ്രവർത്തനങ്ങൾ-കൂടുതൽ അറിയുക

ഒക്ടോബർ10 ലോക തപാൽദിനം

ലോക തപാൽ ദിനത്തോടനുബന്ധിച്ച് ദീർഘകാലമായി പോസ്റ്റുമാനായി സേവനമനുഷ്ഠിച്ചുവരുന്ന ശ്രീ രാജീവനെ ഇംഗ്ലീഷ് ക്ലബ്ബിൻ്റെ നേതൃത്വത്തിൽ ആദരിച്ചു.ഇംഗ്ലീഷ് ക്ലബ് അംഗങ്ങൾ അദ്ദേഹത്തിന് ആശംസ കാർഡുകളും സമ്മാനങ്ങളും കൈമാറി.ഹെഡ്മിസ്ട്രസ് പൊന്നാടയണിയിച്ച് ആദരിച്ചു. ....ഇംഗ്ലീഷ് ക്ലബ്-കൂടുതൽ അറിയുക

സബ്ജില്ലാ കായികമേള

റണ്ണേഴ്സ് അപ്പ്
ഗവൺമെൻറ് മണിയൂർ ഹയർ സെക്കൻഡറി സ്കൂൾ ഗ്രൗണ്ടിൽ വെച്ച് മൂന്നു ദിവസങ്ങളായി നടന്ന സബ്ജില്ലാ കായികമേളയിൽ നമ്മുടെ ഹൈസ്കൂൾ വിഭാഗം16 സ്വർണം,9 വെള്ളി,9 ബ്രോൺസ് കരസ്ഥമാക്കി.മികച്ച പ്രകടനം കാഴ്ചവെച്ച് ഉയർന്ന സ്കോർ നേടിയ രണ്ടാമത്തെ സ്കൂൾ ആയി സെയിന്റ് ആൻറണിസ് തെരഞ്ഞെടുക്കപ്പെട്ടു.പെൺകുട്ടികൾക്ക് മാത്രമുള്ള ഇനങ്ങളിൽ മത്സരിച്ചാണ് ഈ മികച്ച നേട്ടം കൈവരിക്കാൻ കുട്ടികൾക്കായത്.
ഈ വർഷം സബ് ജൂനിയർ വിദ്യാർത്ഥിനികളുടെ സ്റ്റേറ്റ് ഫുട്ബോൾ മത്സരത്തിൽ നമ്മുടെ വിദ്യാലയത്തിലെ നാല് കുട്ടികൾ പങ്കെടുത്ത് വിജയം കരസ്ഥമാക്കി.

സബ്ജില്ല ശാസ്ത്രമേള

പതിവുപോലെ ഇത്തവണയും സബ്ജില്ല ശാസ്ത്ര ഗണിതശാസ്ത്ര സാമൂഹ്യശാസ്ത്ര പ്രവർത്തിപരിചയ ഐടി മേളകളിൽ സ്കൂൾ ഓവറോൾകിരീടം സ്വന്തമാക്കി.ഒൿടോബർ 15 ആം തീയതി സംസ്കൃതം ഗവൺമെൻറ് ഹയർ സെക്കൻഡറി സ്കൂൾ വെച്ചായിരുന്നു മത്സരങ്ങൾ നടന്നത്.

• 
  സബ്ജില്ല ഐടി മേള വിജയികൾ
• 
  ഗണിത മേള വിജയികൾ
• 
  ശാസ്ത്രമേള വിജയികൾ
• 
  ഉയർന്ന സ്കോർ നേടിയ മേഖലകൾക്കുള്ള ട്രോഫികൾ
• 
  സാമൂഹ്യ ശാസ്ത്രമേള വിജയികൾ
• 
  പ്രവർത്തി പരിചയമേള വിജയികൾ

ജില്ല ശാസ്ത്രമേള

ഒൿടോബർ 28,29 തീയതികളിൽ കോഴിക്കോട് നടന്ന റവന്യൂ ജില്ല ശാസ്ത്രോത്സവത്തിൽ സ്കൂൾ മികച്ച പ്രകടനം കാഴ്ചവച്ചു.ഐടി മേളയിൽ മൂന്നു വിദ്യാർഥിനികൾ സംസ്ഥാന തലത്തിലേക്ക് യോഗ്യത നേടി.ഉയർന്ന പോയിന്റോടുകൂടി ഐ ടി യിൽ ഹൈ സ്വീറ്റ് ഹൈസ്കൂൾ വിഭാഗത്തിൽ മികച്ചവിദ്യാലയമായി.രചനയും അവതരണവും മലയാളം ടൈപ്പിംഗ് രൂപകൽപ്പനയും സ്ക്രാച്ച് പ്രോഗ്രാം എന്നീ ഇനങ്ങളിലാണ് കുട്ടികൾ സംസ്ഥാന തലത്തിലേക്ക് യോഗ്യത നേടിയത്.ഗണിതശാസ്ത്രത്തിൽ ഗ്രൂപ്പ് പ്രൊജക്ടിൽ ഒന്നാം സ്ഥാനം നേടി .ഗണിതശാസ്ത്ര സ്റ്റിൽ മോഡൽ മൂന്നാം സ്ഥാനവും പ്രവർത്തിപരിചി മേളയിൽ വെജിറ്റബിൾ പ്രിന്റിങ്ങിന് മൂന്നാം സ്ഥാനവും നമ്മുടെ കുട്ടികൾ നേടി.ശാസ്ത്രമേളയിൽ മികച്ച രണ്ടാമത്തെ വിദ്യാലയം,സാമൂഹ്യശാസ്ത്രമേളയിൽ ഉയർന്ന പോയിൻറ് നേടുന്ന മൂന്നാമത്തെ വിദ്യാലയം എന്നിങ്ങനെയുള്ള നേട്ടങ്ങൾ കൂടി സ്കൂളിന്റെതായി.

സംസ്ഥാന ശാസ്ത്രമേള

നവംബർ 7 8 9 തീയതികളിൽ നടന്ന പാലക്കാട് വച്ച് നടന്ന ശാസ്ത്രമേളയിൽ ഐടി വിഭാഗം മികച്ച പ്രകടനം കാഴ്ചവച്ചു. രചനയും അവതരണവും വിഭാഗത്തിൽ അനൗഷ്കാപിയാർ മൂന്നാം സ്ഥാനവും ഏക കരസ്ഥമാക്കി. മലയാളം ടൈപ്പിംഗ് രൂപകൽപ്പനയും എന്ന വിഭാഗത്തിൽ സനാഷറിൻ ആർ എ ഗ്രേഡ് ആറാം സ്ഥാനവും കരസ്ഥമാക്കി.

• പ്രമാണം:Shiva

സബ്ജില്ല കലാമേള

നവംബർ 3 4 5 6 തീയതികളിലായി ജയനം പുതുപ്പണം ഹയർ സെക്കൻഡറി സ്കൂളിൽ വച്ച്നടന്ന സബ്ജില്ല കലാമേളയിൽ യുപി ഓവറോൾ സ്ഥാനവും ഹൈസ്കൂൾ വിഭാഗം ഉയർന്ന പോയിൻറ് നേടുന്ന മൂന്നാമത്തെ വിദ്യാലയവുമായി.

ജില്ലാ കലോത്സവം

നവംബർ 24 മുതൽ 28 വരെ നീണ്ടുനിന്ന ജില്ലാ കലോത്സവം കൊയിലാണ്ടി ജിവിഎച്ച്എസ് വെച്ച് നടന്നു.കുച്ചുപ്പിടിയിൽ ഋതുലക്ഷ്മി ഇംഗ്ലീഷ് കഥാരചനയിൽ ഹാദിയ മറിയം എന്നിവർ സംസ്ഥാന തലത്തിലേക്ക് യോഗ്യത നേടി

ക്രിസ്മസ് ആഘോഷം

ഈ വർഷത്തെ ക്രിസ്മസ് ആഘോഷം ഇരുപത്തിമൂന്നാം തീയതി ഉച്ചകഴിഞ്ഞ് നടന്നു.ഒരാഴ്ച മുന്നേ പുൽക്കൂടും നക്ഷത്രവിളക്കും സ്കൂളിൽ കുട്ടികളിൽ ക്രിസ്മസ് ഓർമ്മകൾ ഉണർത്തിക്കൊണ്ട് തയ്യാറായിരുന്നു.ക്രിസ്മസ് ആഘോഷത്തിന്റെ ഭാഗമായി വിവിധ കലാപരിപാടികളും കേക്ക് വിതരണവും നടന്നു പിടിഎ പ്രസിഡണ്ട് ശ്രീ വിനോദ് ചടങ്ങിൽ മുഖ്യാതിഥിയായി പങ്കെടുത്തു. ക്രിസ്മസ് അപ്പൂപ്പൻ കുട്ടികളിൽ സന്തോഷം നിറച്ചുകൊണ്ട് പരിപാടികളുടെ ഉടനീളം നിറഞ്ഞുനിന്നു.

• 
• 
• 
• 
•