ഗവൺമെന്റ് എച്ച്. എസ്. എസ് ബാലരാമപുരം/ലിറ്റിൽകൈറ്റ്സ്/2024-27

44059-ലിറ്റിൽകൈറ്റ്സ്
സ്കൂൾ കോഡ്	44059
യൂണിറ്റ് നമ്പർ	LK/2018/44059
അംഗങ്ങളുടെ എണ്ണം	21
റവന്യൂ ജില്ല	Thiruvananthapuram
വിദ്യാഭ്യാസ ജില്ല	Neyyattinkara
ഉപജില്ല	Balaramapuram
ലീഡർ	Muhammed shuaib R
ഡെപ്യൂട്ടി ലീഡർ	Muhammed swalih
കൈറ്റ് മാസ്റ്റർ / മിസ്ട്രസ് 1	Chithra VM
കൈറ്റ് മാസ്റ്റർ / മിസ്ട്രസ് 2	Minija LJ
അവസാനം തിരുത്തിയത്
02-11-2025	Littlekites2025

ലിറ്റിൽ കൈറ്റ്സ് അംഗങ്ങൾ

Sl no	Name	class
1	AFEEFA T	8 B
2	ALAN HAFIS A	8 A
3	ANSHIDA H	8 B
4	ANUSHKA S ANIL	8 B
5	ARONE JONES J	8 A
6	CHRISTY J JOHNPAUL	8 A
7	FEBINA P S	8 B
8	HABEEBU RAHMAN M	8 B
9	HAJARA S	8 B
10	HUSNA FATHIMA A S	8 B
11	HINA FATHIMA A S	8 A
12	MOHIDEEN IRFAN S I	8 A
13	MUHAMMAD SHUAIB R	8 B
14	MUHAMMAD SWALIH M S	8 B
15	MUHAMMAD AL AMEEN M	8 A
16	MUHAMMAD RASHID A	8 B
17	SAHIN S	8 B
18	SAHLA FATHIMA N	8 B
19	SALMANUL FARIS A	8 B
20	SHIFANA FATHIMA S S	8 B

ലിറ്റിൽ കൈറ്റ്സ് ബാച്ചിൻറെ രൂപീകരണം

സംസ്ഥാനതലത്തിൽ നടന്ന അഭിരുചി പരീക്ഷയിൽ 45 കുട്ടികൾ പങ്കെടുക്കുകയും അവരിൽ നിന്നും കൂടുതൽ സ്കോർ കരസ്ഥമാക്കിയ 21 കുട്ടികൾ അംഗത്വം നേടുകയും ചെയ്തു.

ആദ്യ മീറ്റിംഗ്

2024-27 ബാച്ചിൻറെ ആദ്യ മീറ്റിംഗ് കമ്പ്യൂട്ടർ ലാബിൽ വച്ച് നടക്കുകയുണ്ടായി. 21 അംഗങ്ങൾ നിന്ന് മുഹമ്മദ് ഷുഐബ് ആർ, മുഹമ്മദ് സ്വാലിഹ് എന്നിവരെ എന്നിവരെ യഥാക്രമം ലീഡറായും ഡെപ്യൂട്ടി ലീഡറായും തിരഞ്ഞെടുത്തു.

പ്രിലിമിനറി ക്യാമ്പ്

2024-27 ബാച്ച് ലിറ്റിൽ കൈറ്റ്സ് അംഗങ്ങളുടെ ക്യാമ്പ് 12/08/2024 ന് കൈറ്റ് മാസ്റ്റർശ്രീമതി രമാദേവി ടീച്ചറിൻറെ നേതൃത്വത്തിൽ 9.30 മുതൽ 4.45 വരെനടത്തുകയുണ്ടായി പ്രസ്‌തുത ക്യാമ്പിൽ രക്ഷിതാക്കൾക്ക്ഒരു ബോധവൽക്കരണ ക്ലാസും സംഘടിപ്പിച്ചു

സ്കൂൾ തല ക്യാമ്പ്

• 

      ലിറ്റിൽകൈറ്റ്സ് 2024-27 ബാച്ചിൻറെ സ്കൂൾ തല ക്യാമ്പിൻറെ ഒന്നാം ഘട്ടം 2025 മേയ് 28 ന്  രാവിലെ 9.30 മുതൽ വൈകുന്നേരം 4 മണി വരെ ഐ ടി ലാബിൽ വച്ച് നടത്തുകയുണ്ടായി. MCHSS കോട്ടുകാൽ സ്കൂളിലെ കൈറ്റ് മിസ്ട്രസ് ആയ Smt. Reji ക്യാമ്പിന് നേതൃത്വം നൽകി. സോഷ്യൽ മീഡിയ പ്ലേറ്റ്‌ഫോമുകൾ പരിചയപ്പെടുന്നതിനും റീലുകൾ നിർമിക്കുന്നതിനും Kdenlive സോഫ്റ്റ് വെയർ ഉപയോഗിച്ച്  പ്രമോഷണൽ വീഡിയോ തയ്യാറാക്കുന്നതിനും കുട്ടികൾക്ക് പരിശീലനം ലഭിച്ചു.

അഭിരുചി പരീക്ഷ പരിശീലനം

അഭിരുചി പരീക്ഷ പരിശീലനം

2024-27 ബാച്ചിലെ ലിറ്റിൽ കൈറ്റ്സ് അംഗങ്ങൾ 2025-2028  ബാച്ചിലേക്ക് അംഗത്വം നേടാൻ അപേക്ഷ നൽകിയ കുട്ടികൾക്ക്  അഭിരുചി പരീക്ഷാ പരിശീലനം  നൽകി. കൈറ്റ് മെൻറർമാരുടെ സാന്നിധ്യത്തിൽ കമ്പ്യൂട്ടർ ലാബിൽ വച്ച് നടത്തിയ പരിശീലനത്തിൽ എട്ടാം ക്ലാസിലെ 64 കുട്ടികൾ പങ്കെടുത്തു. വിക്ടേഴ്സ് ചാനലിൽ സംപ്രേഷണം ചെയ്യുന്ന അഭിരുചി പരീക്ഷയെ സംബന്ധിച്ച ക്ലാസുകൾ കുട്ടികൾക്ക് നൽകി. ലിറ്റിൽ കൈറ്റ്‌സ് പ്രവർത്തനങ്ങളെക്കുറിച്ചും പ്രാധാന്യത്തെക്കുറിച്ചും ബാച്ച് ലീഡർ വിശദീകരിച്ചു.

ഡിജിറ്റൽ വായനാമത്സരം

digital reading competition

വായനാ മാസാചരണത്തോടനുബന്ധിച്ച് 2024-25 ബാച്ച്ലിറ്റിൽ കൈറ്റ്സ് അംഗങ്ങളായ ഹുസ്ന ഫാത്തിമ, നാദിയ എന്നിവർ ഹൈ സ്കൂൾ വിഭാഗം കുട്ടികൾക്ക്  28/6/2025 ന് ഡിജിറ്റൽ reading competition നടത്തി. 27 കുട്ടികൾ പങ്കെടുത്തു.മലയാളം അധ്യാപകരായ മിനിജ ടീച്ചർ അനു ടീച്ചർ എന്നിവർ വിധികർത്താക്കളായി. 9 A യിലെ ആതിര ഒന്നാം സ്ഥാനവും 10 Cസിയിലെ ഫാത്തിമ J രണ്ടാം സ്ഥാ/'നവും കരസ്ഥമാക്കി. വിജയികൾക്ക് സ്കൂൾ അസംബ്ലിയിൽ വച്ച് സമ്മാനം നൽകി.

മറ്റു കുട്ടികൾക്കുള്ള പരിശീലനം

Awareness class

ലിറ്റിൽ കൈറ്റ്സ് 2024-27 ബാച്ച് അംഗങ്ങളായ ശുഐബ്, സഹിൻ  എന്നിവർ 30/07/25 ബുധനാഴ്ച സ്കൂളിലെ ഏഴാം ക്ലാസിലെ കുട്ടികൾക്ക് ഹൈസ്കൂൾ ഐടി ലാബിൽ വച്ച് കമ്പ്യൂട്ടർ പരിശീലനം നൽകി.പ്രസ്തുത പരിപാടിയുടെ ഡോക്യുമെന്റേഷൻ kdenlive software ഉപയോഗിച്ച് ചെയ്തു.

Little NEWS

2024-27 ബാച്ച് അംഗങ്ങളായ ശുഐബ്, സഹിൻ, അൻഷിദ, സ്വാലിഹ്, അഫീഫ എന്നിവർ ചേർന്ന് 'ലിറ്റിൽ news' എന്ന പേരിൽ ചാനൽ വാർത്ത തയ്യാറാക്കി. സ്കൂൾ ഐടി ലാബിലും ഗ്രൗണ്ടിലും ലൈബ്രറിയുടെ മുന്നിലുമായി ചിത്രീകരിച്ച വിഷ്വലുകൾ kdenlive സോഫ്റ്റ്‌വെയർ ഉപയോഗിച്ച് ചെയ്താണ് വീഡിയോ തയ്യാറാക്കിയത്. ശുഐബ്, സഹിൻ എന്നിവർ ചേർന്നാണ് ഡോക്യുമെന്റേഷൻ നടത്തിയത്. 2025-28 ബാച്ചിലെ അജ്‌സൽ, അഫ്രീന എന്നിവരും വീഡിയോയുടെ ഭാഗമായി. വാർത്തയുടെ സ്ക്രിപ്റ്റ് തയ്യാറാക്കുന്നത് എങ്ങനെയെന്നും വീഡിയോ ചിത്രീകരിക്കുന്നതെങ്ങനെയെന്നും എഡിറ്റ് ചെയ്യേണ്ടത് എങ്ങനെയെന്നും കൂടുതൽ വ്യക്തമായി മനസ്സിലാക്കാൻ ഈ പരിപാടിയിലൂടെ ലിറ്റിൽ കൈറ്റ്സ് അംഗങ്ങൾക്ക് സാധിച്ചു.

ആക്ടിവിറ്റി കലണ്ടർ

പ്രമാണം:LK CALENDER-44059.pdf2024-27 ബാച്ച് അംഗങ്ങളുടെ നേതൃത്വത്തിൽ ഈ അക്കാദമിക വർഷത്തെ ലിറ്റിൽ കൈറ്റ്സ് ആക്ടിവിറ്റി കലണ്ടർ സ്ക്രൈബ് സോഫ്റ്റ്‌വെയർ ഉപയോഗിച്ച് തയ്യാറാക്കി.ജൂൺ  മുതൽ ഫെബ്രുവരി വരെയുള്ള മാസങ്ങളിലായി നടത്താൻ ഉദ്ദേശിക്കുന്ന പ്രവർത്തനങ്ങൾ ഉൾപ്പെടുത്തിയാണ്  തയ്യാറാക്കിയിരിക്കുന്നത്. സ്‌ക്രബസ് സോഫ്ട്‌വെയർ  ഉപയോഗിച്ച് ആകർഷകമായി രൂപകൽപ്പന ചെയ്ത ഈ കലണ്ടർ, വിദ്യാർത്ഥികളുടെ സർഗാത്മകതയും സാങ്കേതികപരമായ കഴിവുകളും വർദ്ധിപ്പിക്കാൻ സഹായിക്കും. ഈ പ്രവർത്തനങ്ങളിലൂടെ വിദ്യാർത്ഥികൾക്ക് പുതിയ സാങ്കേതികവിദ്യകൾ പഠിക്കാനും, സാമൂഹിക പ്രതിബദ്ധതയോടെ പ്രോജക്റ്റുകൾ ചെയ്യാനും, കൂട്ടായി പ്രവർത്തിക്കാനുള്ള കഴിവ് വികസിപ്പിക്കാനും സാധിക്കുമെന്ന് പ്രതീക്ഷിക്കുന്നു.

ലിറ്റിൽ കൈറ്റ്സ് 'മാറ്റൊലി' പുറത്തിറക്കി

ലിറ്റിൽ കൈറ്റ്സ് കമ്പ്യൂട്ടർ ക്ലബ്ബിന്റെ 2024-27 ബാച്ചിലെ അംഗങ്ങൾ, തങ്ങളുടെ ക്രിയാത്മകമായ കഴിവുകൾക്ക് ഒരു വേദി ഒരുക്കിക്കൊണ്ട് 'മാറ്റൊലി' എന്ന പേരിൽ ഒരു പത്രം പുറത്തിറക്കി. വിവരസാങ്കേതികവിദ്യ പഠനത്തോടൊപ്പം പത്രപ്രവർത്തനത്തിൽ താൽപ്പര്യമുള്ളവർക്ക് പ്രോത്സാഹനം നൽകുക എന്ന ലക്ഷ്യത്തോടെയാണ് ഈ സംരംഭം നടത്തിയത്.

newspaper

newspaper

പത്രത്തിന്റെ രൂപകൽപ്പനയ്ക്കായി സ്‌ക്രൈബസ് (Scribus) എന്ന ഓപ്പൺ സോഴ്സ് ഡെസ്ക്ടോപ്പ് പബ്ലിഷിംഗ് സോഫ്റ്റ്‌വെയറാണ് ഉപയോഗിച്ചത്. ലിറ്റിൽ കൈറ്റ്സ് അംഗങ്ങളുടെ കൂട്ടായ പരിശ്രമത്തിന്റെ ഫലമായി, ജൂലൈ മാസത്തിലെ സ്കൂളിന്റെ പ്രധാന പ്രവർത്തനങ്ങൾ, അടുത്ത മാസം നടക്കാനിരിക്കുന്ന ഹൈടെക് സ്കൂൾ തിരഞ്ഞെടുപ്പ്, ലിറ്റിൽ കൈറ്റ്സ് ക്ലബ്ബിന്റെ ജൂലൈ മാസത്തിലെ പ്രവർത്തനങ്ങൾ എന്നിവയെല്ലാം ഈ പത്രത്തിൽ വിശദമായി ഉൾപ്പെടുത്തി.

സ്വന്തമായി വാർത്തകൾ ശേഖരിച്ച്, അവയ്ക്ക് ആകർഷകമായ തലക്കെട്ടുകൾ നൽകി, ലേഔട്ട് തയ്യാറാക്കി ഒരു പത്രം പൂർണ്ണമായി നിർമ്മിക്കുന്നതിനുള്ള പരിശീലനം ഈ പ്രോജക്ട് അംഗങ്ങൾക്ക് നൽകി. ഇത് കമ്പ്യൂട്ടർ പഠനത്തിന് പുറമെ, സംഘപ്രവർത്തനത്തിലും എഴുത്തിലും ഉള്ള കഴിവുകൾ വളർത്താൻ സഹായകമായി. ഈ പത്രം ക്ലബ്ബിന്റെ ഒരു പ്രധാന നേട്ടമായി കണക്കാക്കപ്പെടുന്നു.

ഭിന്നശേഷി കുട്ടികൾക്കുള്ള കമ്പ്യൂട്ടർ പരിശീലനം

ഭിന്നശേഷിക്കാരായ വിദ്യാർത്ഥികൾക്ക് കമ്പ്യൂട്ടർ പരിശീലനം നൽകുന്നതിനായി ഓഗസ്റ്റ് 13-ന്  ലിറ്റിൽ കൈറ്റ്സ് അംഗങ്ങൾ കമ്പ്യൂട്ടർ ലാബിൽ ഒരു പ്രത്യേക ക്ലാസ് സംഘടിപ്പിച്ചു.

ഈ പരിശീലന പരിപാടിയിൽ, കമ്പ്യൂട്ടറിന്റെ അടിസ്ഥാനപരമായ ഭാഗങ്ങൾ പരിചയപ്പെടുത്തുകയും, മൗസ് ഉപയോഗിച്ച് ചിത്രം വരയ്ക്കുന്നതിനും അക്ഷരങ്ങൾ ടൈപ്പ് ചെയ്യുന്നതിനും അവരെ പഠിപ്പിച്ചു. ലിറ്റിൽ കൈറ്റ്സ് അംഗങ്ങളുടെ ക്ഷമയോടും സ്നേഹത്തോടും കൂടിയുള്ള ഇടപെടൽ ഈ കുട്ടികൾക്ക് കമ്പ്യൂട്ടർ പഠനം രസകരമായ ഒരു അനുഭവമാക്കി മാറ്റി. ഈ ക്ലാസ്സ് കുട്ടികളിൽ ആത്മവിശ്വാസം വളർത്താൻ സഹായകരമായി.

ഹൈടെക് സ്കൂൾ പാർലമെൻറ് തിരഞ്ഞെടുപ്പ്

ഓഗസ്റ്റ് 14-ന് സ്കൂളിൽ നടന്ന പാർലമെൻറ് തിരഞ്ഞെടുപ്പ്, സാങ്കേതികവിദ്യയുടെ സഹായത്തോടെ ഒരു പുതിയ തലത്തിലേക്ക് ഉയർത്തി. പരമ്പരാഗത ബാലറ്റ് പേപ്പറുകൾക്ക് പകരം 'സമ്മതി' എന്ന സോഫ്റ്റ്‌വെയർ ഉപയോഗിച്ചാണ് വോട്ടെടുപ്പ് പൂർത്തിയാക്കിയത്. ഈ ഹൈടെക് തിരഞ്ഞെടുപ്പ് രീതി സ്കൂൾ ചരിത്രത്തിൽ ആദ്യത്തേതായിരുന്നു. വോട്ടിംഗ് പ്രക്രിയ കൂടുതൽ വേഗത്തിലാക്കാനും, ഫലപ്രഖ്യാപനം തത്സമയം നടത്താനും ഇത് സഹായിച്ചു.

44059 ELECTION

44059_election

തിരഞ്ഞെടുപ്പിന് ആവശ്യമായ എല്ലാ സാങ്കേതിക സഹായങ്ങളും 2024-27 ബാച്ച് അംഗങ്ങൾ നൽകി. വോട്ടിംഗ് സോഫ്റ്റ്‌വെയർ ഇൻസ്റ്റാൾ ചെയ്യുന്നതുൾപ്പെടെയുള്ള പ്രാരംഭ ജോലികൾ മുതൽ, തിരഞ്ഞെടുപ്പ് ദിവസം പോളിങ് ഓഫീസർമാരായി പ്രവർത്തിച്ച് വോട്ടർമാരെ സഹായിക്കുന്നതുവരെ എല്ലാ ഘട്ടങ്ങളിലും അവരുടെ സാന്നിധ്യം നിർണായകമായിരുന്നു. സാങ്കേതിക കാര്യങ്ങളിൽ കുട്ടികൾക്ക് ലഭിച്ച പരിശീലനവും, അത് പ്രാവർത്തികമാക്കിയ രീതിയും ഏറെ പ്രശംസ അർഹിക്കുന്നു.

വോട്ടെടുപ്പ് പൂർത്തിയായ ഉടൻ തന്നെ സോഫ്റ്റ്‌വെയർ ഉപയോഗിച്ച് കൃത്യമായ ഫലം പ്രസിദ്ധീകരിക്കാൻ കഴിഞ്ഞു.പുതിയ സാങ്കേതികവിദ്യ ഉപയോഗിച്ചുള്ള ഈ തിരഞ്ഞെടുപ്പ് വിദ്യാർത്ഥികൾക്ക് ജനാധിപത്യ പ്രക്രിയയെക്കുറിച്ച് ഒരു പുതിയ കാഴ്ചപ്പാട് നൽകുകയും സാങ്കേതികവിദ്യയെ ക്രിയാത്മകമായി എങ്ങനെ ഉപയോഗിക്കാമെന്നു പഠിപ്പിക്കുകയും ചെയ്തു.

ഡിജിറ്റൽ അത്തപ്പൂക്കള മത്സരം

digital pookkalam

44059 judgment

ഓണാഘോഷത്തോടനുബന്ധിച്ച് ഓഗസ്റ്റ് 27 ന് ലിറ്റിൽ കൈറ്റ്സ് 2024-27 ബാച്ച് അംഗങ്ങൾ ഡിജിറ്റൽ അത്തപ്പൂക്കള മത്സരം സംഘടിപ്പിച്ചു. ഹൈസ്കൂൾ വിഭാഗത്തിൽ നിന്ന് രണ്ടു കുട്ടികൾ വീതം അടങ്ങുന്ന 5 ടീമുകൾ മത്സരത്തിൽ പങ്കെടുത്തു.  krita,GIMP എന്നീ സോഫ്റ്റ്‌വെയറുകളിലായിരുന്നു അത്തപ്പൂക്കളം തയ്യാറാക്കിയത്.high സ്കൂൾ വിഭാഗം സീനിയർ അസിസ്റ്റന്റ്‌ വിജിത ജാസ്മിൻ ടീച്ചർ, ഹസ്റ്റ് സോഷ്യൽ സയൻസ് അദ്ധ്യാപിക വാഹിത ടീച്ചർ എന്നിവർ വിധികർത്തക്കളായി.

ലിറ്റിൽ കൈറ്റ്സ് രണ്ടാം ഘട്ട സ്കൂൾതല ക്യാമ്പ്

ബാലരാമപുരം ഗവൺമെന്റ് ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് 2024-27 ബാച്ച് അംഗങ്ങൾക്കായുള്ള രണ്ടാം ഘട്ട സ്കൂൾതല ഏകദിന ക്യാമ്പ് 2025 ഒക്ടോബർ 31, വെള്ളിയാഴ്ച സ്കൂൾ ഐടി ലാബിൽ വെച്ച് വിജയകരമായി സംഘടിപ്പിച്ചു. കൈറ്റ് (KITE) നിർദ്ദേശിച്ചിട്ടുള്ള മൊഡ്യൂളുകളെ അടിസ്ഥാനമാക്കി വിദ്യാർത്ഥികൾക്ക് പ്രായോഗിക പരിശീലനം നൽകുകയായിരുന്നു ക്യാമ്പിന്റെ ലക്ഷ്യം.

രാവിലെ 9:30-ന് ആരംഭിച്ച ക്യാമ്പിന്റെ ഔദ്യോഗിക ഉദ്ഘാടനം സ്കൂൾ ഹെഡ്മാസ്റ്റർ ശ്രീ. പ്രസാദ് റ്റി നിർവഹിച്ചു.  യൂണിറ്റിലെ ആകെ 20 അംഗങ്ങളിൽ 16 കുട്ടികൾ ക്യാമ്പിൽ സജീവമായി പങ്കെടുത്തു.രാവിലെ 9:30 മുതൽ വൈകുന്നേരം 4:30 വരെ നീണ്ടുനിന്ന ക്യാമ്പിന് റിസോഴ്‌സ് പേഴ്‌സണായ ശ്രീ. പ്രമോദ് നേതൃത്വം നൽകി. 

photo of participants

camp

പ്രവർത്തനങ്ങളുമായി ഇണങ്ങിച്ചേരുന്നതിനുമായി ഒരു ഐസ് ബ്രേക്കിംഗ് സെഷനോടെയാണ് ക്ലാസുകൾ ആരംഭിച്ചു.തുടർന്ന്, പ്രോഗ്രാമിംഗിന്റെ അടിസ്ഥാന ആശയങ്ങൾ എളുപ്പത്തിൽ മനസ്സിലാക്കാൻ സഹായിക്കുന്ന സ്ക്രാച്ച് പ്രോഗ്രാമിംഗ് സെഷൻ നടന്നു. കുട്ടികൾ സ്വന്തമായി ലഘു ഗെയും  നിർമ്മിക്കാൻ പരിശീലിച്ചു.

ഉച്ചയ്ക്ക് ശേഷമുള്ള സെഷനിൽ അനിമേഷൻ നിർമ്മാണവുമായി ബന്ധപ്പെട്ട  പ്രവർത്തനം നടന്നു. പ്രോഗ്രാമിംഗിലും അനിമേഷനിലും വിദ്യാർത്ഥികൾക്ക് കൂടുതൽ താല്പര്യം ജനിപ്പിക്കാനും ഈ മേഖലകളിൽ പ്രായോഗിക പരിശീലനം നൽകാനും ക്യാമ്പ് ഏറെ സഹായകമായി.