എ. യു. പി. എസ്. ക‍ുറ്റാനശ്ശേരി/എന്റെ ഗ്രാമം

വെള്ളിനേഴി

AUPS Kuttanassery

vellinezhi village

പാലക്കാട് ജില്ലയിലെ മണ്ണാ‌ർക്കാട് വിദ്യാഭ്യാസ ജില്ലയിൽ ചെർപ്പ‌ുളശ്ശേരി ഉപജില്ലയിലെ കലാ ഗ്രാമമായ വെള്ളിനേഴി പഞ്ചായത്തിലെ ക‌ുറ്റാനശ്ശേരി എന്ന സ്ഥലത്തുള്ള ഒരു എയ്ഡഡ് വിദ്യാലയമാണിത്.

ഒളപ്പമണ്ണ മനയുടെയും പ്രാദേശികമായി പ്രസിദ്ധമായ ശ്രീ * കാന്തല്ലൂർ ക്ഷേത്രം , ചെങ്ങിനിക്കോട്ടുകാവ് തുടങ്ങിയ ക്ഷേത്രങ്ങളുടെയും സാംസ്കാരിക രക്ഷാകർതൃത്വത്തെ ചുറ്റിപ്പറ്റിയുള്ള വെള്ളിനേഴി ഏതാനും ക്ലാസിക്കൽ കേരള കലാരൂപങ്ങളുടെ തറവാടായി വളർന്നു. കല്ലുവഴി ശൈലിയെ കലാപരമായി മിനുക്കി വിപുലമാക്കിയ പട്ടിക്കാംതൊടി രാവുണ്ണി മേനോൻ്റെ ജീവിതകാലത്തും കാലത്തും ഉയർന്നുവന്ന നൃത്ത-നാടകം, കഥകളി എന്നിവയാണ് അവയിൽ പ്രധാനം . പിന്നണി സംഗീതജ്ഞർ, താളവാദ്യ വിദഗ്ധർ, മേക്കപ്പ് ( ചുട്ടി ), വേഷവിധാനങ്ങൾ ( പെട്ടി ) കലാകാരന്മാർ എന്നിവരോടൊപ്പം അദ്ദേഹത്തിൻ്റെ ശിഷ്യഗണങ്ങളുമാണ് പിന്നീട് വെള്ളിനേഴിയെ അഭിമാനിപ്പിച്ചത്. കഥകളി വസ്ത്രങ്ങൾ രൂപകല്പന ചെയ്യുന്നതിലും നിർമ്മിക്കുന്നതിലും വൈദഗ്ദ്ധ്യം നേടിയ കോതവിൽ എന്നൊരു വീട് ഈ ഗ്രാമത്തിലുണ്ട് .

ചരിത്രം

സ്വാതന്ത്ര്യപൂർവ കാലഘട്ടത്തിൽ (ഇരുപതിയൊന്നാം നൂറ്റാണ്ടിന്റെ ആദ്യ ദശകങ്ങളിൽ ) വള്ളുവനാടിന്റെ കലാസാംസ്‌കാരിക പാരമ്പര്യത്തിന്റെ നിറകുടമായിരുന്നു വെള്ളിനേഴിയും കുറ്റാനാശ്ശേരിയും അടങ്ങുന്ന ഉൾനാടൻ ഗ്രാമങ്ങൾ. കഥകളിയുടെ വിളനിലമായിരുന്ന ഈ പ്രദേശം മഹാനന്മാരായ ഒരുപാട് കലാകാരന്മാരെ കേരളത്തിന്റെ കലാസാംസ്‌കാരിക മണ്ഡലത്തിന് സംഭാവന ചെയ്തിട്ടുണ്ട്. പട്ടിക്കാംതോടി രാവുംണിമേനോനിൽ നിന്നും തുടങ്ങി കലാമണ്ഡലം രാമൻകുട്ടി നായർ, കീഴ്പടം കുമാരൻ നായർ, കലാമണ്ഡലം നാണു നായർ ( വേഷം ), ഉണ്ണികൃഷ്ണ പൊതുവാൾ (കഥകളി സംഗീതം ) അച്ചുണ്ണി പൊതുവാൾ, കൃഷ്ണൻ കുട്ടി പൊതുവാൾ (കഥകളി മേളം ) കലാമണ്ഡലം ശിവരാമൻ ( ചുട്ടി ) കലാമണ്ഡലം അപ്പു തരകൻ ( ചമയം) അങ്ങിനെ നീളും ആ പട്ടിക. കേരളത്തിൽ തന്നെ കഥകളിയോട് ബന്ധപ്പെട്ട കലാരൂപങ്ങൾ പാഠയാവിഷയമായി പഠിപ്പിക്കുന്ന രണ്ടു വിദ്യാലയങ്ങളിൽ ഒന്ന് വെള്ളിനെഴിയിലാണെന്നതു ഇതിനു അടിവര ഇടുന്നു.