"എസ്.എസ്.യു.പി സ്കൂൾ തൊടുപുഴ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇടുക്കി ജില്ലയിലെ  ഏറ്റവും വലിയ  പട്ടണവും വ്യാപാര കേന്ദ്രവുമാണ് തൊടുപുഴ. ഹൈറേഞ്ചിന്റെ   പ്രവേശന കവാടം എന്നാണ് തൊടുപുഴ അറിയപ്പെടുന്നത്. മലയാള സിനിമയുടെ ഭാഗ്യ ലോക്കേഷനുകളാണു  തൊടുപുഴയും പ്രാന്ത പ്രദേശങ്ങളും. തോടുകളും, വയലുകളും, പുഴയും, വലിയ പാറക്കെട്ടുകളും ഒക്കെയുള്ള  പ്രശാന്ത ശാന്തസുന്ദരമായ  നാടാണു തൊടുപുഴ.  

വർഷങ്ങളോളം തൊടുപുഴ ഗ്രാമപഞ്ചായത്തും വില്ലേജ് യൂണിയനും ഭരിച്ചിരുന്നെങ്കിലും 1978 സെപ്റ്റംബർ 1-ന് മുനിസിപ്പാലിറ്റിയായി ഉയർത്തപ്പെട്ടു. തൊടുപുഴ പഞ്ചായത്തും സമീപ പഞ്ചായത്തുകളായ കുമാരമംഗലം, കരിക്കോട്, മണക്കാട് എന്നിവയും സംയോജിപ്പിച്ചാണ് നഗരസഭ രൂപീകരിച്ചത്. പത്തുവർഷമായി സ്‌പെഷ്യൽ ഓഫീസറായിരുന്നു നഗരസഭയുടെ ഭരണം. 1988-ൽ തിരഞ്ഞെടുപ്പ് നടക്കുകയും ജനങ്ങളാൽ തിരഞ്ഞെടുക്കപ്പെട്ട ആദ്യത്തെ മുനിസിപ്പൽ കൗൺസിൽ രൂപീകരിക്കുകയും എൻ. ചന്ദ്രൻ ചെയർമാനാക്കുകയും ചെയ്തു.

* ഹോളി ഫാമിലി ആശുപത്രി, മുതലക്കോട

* കോ-ഓപ്പറേറ്റീവ് കോളേജ്, വെങ്ങല്ലൂർ

* അൽ അസർ കോളേജ്, പെരുമ്പിള്ളിച്ചിറ, തൊടുപുഴ  

* അൽ  അസർ മെഡിക്കൽ കോളേജ്, പെരുമ്പിള്ളിച്ചിറ, തൊടുപുഴ

തൊടുപുഴ പട്ടണത്തിൽ കയറാതെ ഏതു ദിശയിലേക്കും എളുപ്പത്തിൽ കടന്നുപോകാവുന്ന ബൈപാസുകൾ തൊടുപുഴയുടെ പ്രത്യേകതയാണ്. ദീർഘ വീക്ഷണത്തോടെ ശ്രീ പി ജെ ജോസഫ് എം എൽ എ  ചെയ്ത വികസന പ്രവർത്തനങ്ങളുട നേർക്കാഴ്ചയാണ് ഈ ബൈപാസുകൾ. വെങ്ങല്ലൂർ - മങ്ങാട്ടുകവല ബൈപാസ്, വെങ്ങല്ലൂർ - കോലാനി ബൈപാസ് എന്നിവയാണ് പ്രധാനമായവ. മറ്റുള്ള ബൈപാസുകളും തൊടുപുഴ നഗരത്തിലെ തിരക്കു കുറക്കുന്നതിൽ വഹിക്കുന്ന പങ്ക് ഒട്ടുമേ ചെറുതല്ല.  ഇപ്പോൾ  നിർമ്മാണം പുരോഗമിക്കുന്ന പുഴയോരം ബൈപാസ് തൊടുപുഴയാറിന്റെ സൗന്തര്യം ആസ്വതിച്ചു യാത്ര ചെയ്യുവാൻ സാധിക്കുന്ന ഒന്നാണ്.