"എഫ്.എം.ജി.എച്ച്. എസ്.എസ് കൂമ്പൻപാറ/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

22- 6- 2024 ശനിയാഴ്ച നടത്തപ്പെട്ടു. ഈശ്വര പ്രാർത്ഥനയോടെ യോഗനടപടികൾ ആരംഭിച്ചു .ഹെഡ്മിസ്‍ട്രസ്സ് സിസ്റ്റർ റെജിമോൾ മാത്യു എല്ലാവർക്കും ഹൃദ്യമായ സ്വാഗതം ആശംസിച്ചു. സ്കൂൾ പ്രിൻസിപ്പൽ സിസ്റ്റർ വിൽസി മരിയ അധ്യക്ഷത വഹിച്ച യോഗം പി.റ്റി.എ പ്രസിഡണ്ട് അഡ്വക്കേറ്റ് പ്രവീൺ ജോർജ് ഉദ്ഘാടനം ചെയ്തു. ഈ യോഗത്തിൽ മുഖ്യപ്രഭാഷകനായി എത്തിയത് അസിസ്റ്റന്റ് എക്സൈസ് ഇൻസ്പെക്ടർ ശ്രീ പി.എ സെബാസ്റ്റ്യൻ സാറായിരുന്നു. വളരെ പ്രയോജനപ്രദമായ ഒരു ക്ലാസ് ആയിരുന്നു അദ്ദേഹം എടുത്തത്. ഈ അധ്യയന വർഷത്തിലെ ആദ്യത്തെ പിടിഎ മീറ്റിങ്ങിന് രക്ഷിതാക്കളുടെ വളരെ വലിയ പങ്കാളിത്തമാണ് ഉണ്ടായിരുന്നത്. പിന്നീട് പിടിഎ എക്സിക്യൂട്ടീവ് തെരഞ്ഞെടുപ്പ് നടന്നു പിന്നീട് നടന്ന ചർച്ചയിൽ മുൻ വർഷത്തെ സ്കൂളിന്റെ പ്രവർത്തനങ്ങളെപ്പറ്റി വിശദമായി ചർച്ച ചെയ്തു. സ്കൂളിൽ പുതിയതായി പണിതീർത്ത ബസ് പാർക്കിംഗ് ഗ്രൗണ്ട് ഏറെ പ്രശംസനീയമർഹിക്കുന്ന പ്രവർത്തനമാണെന്ന് രക്ഷിതാക്കളും പി.റ്റി.എ അംഗങ്ങളും ഒരേപോലെ അഭിപ്രായപ്പെട്ടു. ഈ വർഷത്തെ ഭാവി പ്രവർത്തനങ്ങളെക്കുറിച്ചുള്ള ചർച്ചകൾ നടന്നു. പിന്നീട് കൃതജ്ഞതയോടെ യോഗനടപടികൾ അവസാനിച്ചു. ഒരു വിദ്യാഭ്യാസ സ്ഥാപനത്തിന്റെ മികവുറ്റ പ്രവർത്തനത്തിന് പി റ്റി എ യുടെ വിലയേറിയ സഹകരണം വളരെ വലുതാണ് .പുതിയതായി തെരഞ്ഞെടുത്ത പി ടി അംഗങ്ങളുടെ സഹകരണത്തോടെ സ്കൂളിന്റെ മുന്നോട്ടുള്ള പ്രവർത്തനങ്ങൾ വളരെ നന്നായി കൊണ്ടുപോകണം എന്ന ശുഭാപ്തി വിശ്വാസത്തോടെയാണ് യോഗം അവസാനിപ്പിച്ചത്.