സെന്റ്. ജോസഫ്‍സ് എൽ.പി.എസ്. ബാലരാമപുരം/നാടോടി വിജ്ഞാനകോശം

ആമുഖം

നമ്മുടെ സ്കൂൾ സ്ഥിതി ചെയ്യുന്ന കൊച്ചു പ്രദേശത്ത് അതിന്റേതായ സാംസ്കാരിക തനിമയുണ്ട്. അവിടെ പ്രാധാന്യമർഹിക്കുന്ന കുറച്ച് കലാരൂപങ്ങളുണ്ട്. ആചാരങ്ങളും അനുഷ്ഠാനങ്ങളും വിശേഷങ്ങളുമായി ബന്ധപ്പെട്ടാണ് പലപ്പോഴും ഈ കലാ രൂപങ്ങൾ രൂപം കൊള്ളുന്നത്. ഇവയെ അറിയുകയും, ഇത്തരം കലാരൂപങ്ങൾ പ്രോത്സാഹിപ്പിക്കുകയും ചെയ്യുമ്പോഴാണ് ആ പ്രദേശത്ത് ശരിയായ രീതിയിലുള്ള കൂട്ടായ്മകൾ രൂപപ്പെടുകയുള്ളൂ.

ഭാഷ

മലയാളവും തമിഴും കൂടിക്കലർന്ന ഒരു ഭാഷയാണ് ഇവിടുത്തെ ജനങ്ങൾ സാധാരണയായി ഉപയോഗിക്കുക.

അണ്ണൻ - ജ്യേഷ്ഠൻ

തമ്പി - അനുജൻ

ചെറുക്കൻ - ആൺകുട്ടി

ചാപ്പാട് - ഭക്ഷണം

കുറുക്ക് - മുതുക്

നമ്മാട്ടി - മൺവെട്ടി

തീറ്റി - ആഹാരം

കലിപ്പ് - ദേഷ്യം

നാടൻ കലാരൂപങ്ങൾ

കോൽക്കളി

നമ്മുടെ നാട്ടിൽ പ്രചാരമുള്ള ഒരു നാടൻ കലാരൂപമെന്ന് കോൽക്കളിയെ വിശേഷിപ്പിക്കാം. കേരളത്തിലെ വിവിധ സമുദായക്കാരുടെ ഇടയിൽ പ്രചാരത്തിലുള്ള ഒരു നാടൻ വിനോദമാണ്.

ഒപ്പന

ഒപ്പനയും നമ്മുടെ നാട്ടിൽ നിലനിൽക്കുന്ന ജനകീയ കലാരൂപമാണ്. വിവാഹാഘോഷങ്ങളുടെ ഭാഗമായുള്ള സംഘ നൃത്തമാണിത്. സാധാരണ ഗതിയിൽ സ്ത്രീകളാണ് ഒപ്പന അവതരിപ്പിക്കുന്നത്. എന്നാൽ പുരുഷന്മാരും ഈ നൃത്തം അവതരിപ്പിക്കാറുണ്ട്.

പ്രാദേശിക ഫലങ്ങൾ

ചക്ക

ആത്തിചക്ക

മാങ്ങ

ആന പുളിഞ്ചിക്ക

ആനമുന്തിരി

ലവലോലിക്ക

ശീമനെല്ലിക്ക

സീതപ്പഴം

പപ്പായ

പേരയ്ക്ക

പ്രദേശത്തെ പ്രധാന നാടൻ കളികൾ

ഗോലി കളി

കുട്ടിയും, കോലും

ഒളിച്ചുകളി

എറിപ്പന്ത്

കള്ളനും, പോലീസും

പ്രദേശികമായ കൈത്തൊഴിലുകൾ

വളരെ പ്രസിദ്ധമായ ബാലരാമപുരം കൈത്തറി വസ്ത്രങ്ങൾ നെയ്തെടുക്കുന്നതിൽ മുൻനിര സ്ഥാനം അലങ്കരിക്കുന്നു. നെയ്ത്ത് തൊഴിലാളികൾ ആ പ്രദേശത്ത് തന്നെ താമസിക്കുന്നു. കുഴിത്തറിയിൽ നെയ്‌ത് എടുക്കുന്ന വസ്ത്രങ്ങളിൽ വിവിധ വർണ്ണങ്ങളിലുള്ള ഡിസൈനുകൾ കൈകൊണ്ടാണ് നെയ്ത് എടുക്കുന്നത്. കഴിനൂൽപരുവപെടുത്തി തരാക്കുന്നു. താരിനെറാട്ടിൽ ചുറ്റി പാവക്കുന്നു. പാവിനെ പാക്കളത്തിൽ നിവർത്തി വിരിച്ച് കെട്ടി കഞ്ഞിപ്പശ ചേർത്ത് കൊപ്ര ആട്ടിയെടുത്ത വെളിച്ചെണ്ണ തടവി മിനുക്കി പുലർച്ചേ ഉണക്കി എടുക്കുന്നു. ഈ പാവിൽ നെയ്ത് എടുക്കുന്ന വസ്ത്രങ്ങൾക്ക് പുതുമകൾ ഏറെയാണ് .പരമ്പരാഗത നെയ്തു തൊഴിലാളികളായ ഇവരുടെ പുതുതലമുറ നെയ്ത്തിലേക്ക് ആകർഷിക്കപ്പെടുന്നില്ല എന്നിരുന്നാലും ഓണത്തിനും വിവാഹ ആവശ്യത്തിനുമായി ഇവിടെ ധാരാളം ആളുകൾ എത്താറുണ്ട്. മുണ്ട്, പുടവയും കവണിയും എന്നിവയ്ക്ക് ആവശ്യക്കാർ ഏറെയാണ്.