"ഗവ. എച്ച് എസ്സ് എസ്സ് ഒററക്കൽ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇന്ത്യയിലെ കേരളത്തിലെ കൊല്ലം ജില്ലയിലെ മനോഹരമായ ഒരു ചെറിയ ഗ്രാമമാണ് ഒറ്റക്കൽ.

തെന്മല ഗ്രാമപഞ്ചായത്തിൽ കൂടി കടന്നുപോകുന്ന കൊല്ലം തിരുമംഗലം ദേശീയപാതയോടും കല്ലടയാറനോടും ചേർന്ന് കിടക്കുന്ന ഒരു ചെറിയ ഗ്രാമപ്രദേശമാണ്.ജില്ലാ ആസ്ഥാനമായ കൊല്ലത്തിന് കിഴക്ക് 62 കിലോമീറ്ററും ദേശീയ പാത 744-ൽ പുനലൂരിൽ നിന്ന് കിഴക്ക് 17 കിലോമീറ്ററും അകലെയാണ് ഒറ്റക്കൽ സ്ഥിതി ചെയ്യുന്നത്. സംസ്ഥാന തലസ്ഥാനമായ തിരുവനന്തപുരത്ത് നിന്ന് 74 കിലോമീറ്റർ വടക്കായാണ് ഇത്. പുനലൂർ നിയമസഭാ മണ്ഡലത്തിലെ തെന്മല ഗ്രാമപഞ്ചായത്തിൽ ഉൾപ്പെടുന്ന ഇത് കൊല്ലം ലോക്‌സഭാ മണ്ഡലത്തിന്റെ ഭാഗമാണ്.

== വിദ്യാഭ്യാസ സ്ഥാപനങ്ങൾ ==

* ഗവൺമെൻറ് ഡബ്ലിയു യുപി സ് ഒറ്റക്കൽ

* എസ് വി കെ എൽ പി എസ് ഒറ്റക്കൽ

=== റോസ് മല ===

കൊല്ലം ജില്ലയുടെ അതിർത്തിയായ ആര്യങ്കാവിൽ നിന്നും 12 കിലോമീറ്റർ വനപാതയിലൂടെ യാത്ര ചെയ്താൽ റോസ് മലയിലേക്ക് എത്താം റോഡ് മോശമാണെങ്കിലും വനമധ്യത്തിലൂടെ വളഞ്ഞുപുളഞ്ഞു പോകുന്ന പാതകളിലൂടെയുള്ള യാത്ര അത്യന്തം ആസ്വാദ്യകരമാണ്. വന്യജീവി സങ്കേതത്തിന് ഈ പേര് വരാൻ കാരണമായ ചെങ്കുറഞ്ഞി മരങ്ങളും യാത്രയിൽ കാണാം എന്നാൽ വന്യമൃഗങ്ങളുടെ സാന്നിധ്യമുള്ളതിനാൽ വനത്തിന് നടുവിൽ വാഹനങ്ങൾ നിർത്തിയുള്ള കാഴ്ച കാണൽ അഭികാമ്യമല്ല. പാറയും വള്ളിപ്പടർപ്പ് നിറഞ്ഞ ഇടവഴിയിലൂടെ 50 മീറ്ററോളം നടന്നു കയറിയാൽ റോസ്മല വ്യൂ പോയിന്റിലെ കാഴ്ചകൾ ആസ്വദിക്കാം. ഇതിന് സെന്തുരുണി ടൂറിസത്തിൽ നിന്നും പ്രത്യേക പാസ് എടുക്കണം. മുതിർന്നവർക്ക് 50 രൂപയും കുട്ടികൾക്കും 35 രൂപയുമാണ് ഇവിടെയുള്ള പ്രവേശന നിരക്ക് പകൽ സമയങ്ങളിൽ പോലും മഞ്ഞു വീഴുന്ന റോസ് മലയും കളം കുന്നും കാണാൻ സഞ്ചാരികളുടെ തിരക്കാണ്. ജനുവരിയുടെ തണുപ്പിൽ യാത്രികർക്ക് ഹരം പകരുന്ന കാഴ്ചാ പരമ്പരയാണ് റോസ് മല യാത്ര. ഗ്രാമീണ കാഴ്ചകൾക്കൊപ്പം ചെറുവെള്ളച്ചാട്ടവും അരുവികളും എല്ലാം ഈ കാനനപാതയിലെ യാത്രയിൽ കൗതുക കാഴ്ചകൾ ആകുന്നു മലയുടെ മുകളിൽ നിന്നാൽ തെന്മല പരപ്പാർ അണക്കെട്ടിന്റെ വൃഷ്ടിപ്രദേശം വ്യക്തമായി കാണാം.