"പഞ്ചായത്ത് യു.പി.എസ്. വെള്ളാരം കല്ല്./ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മധ്യകേരളത്തിൽ എറണാകുളം ജില്ലയിലെ കിഴക്കുദേശത്തുള്ള ഹരിത സമൃദ്ധമായ ഗ്രാമമാണ് കല്ലൂർക്കാട്. കല്ലൂർക്കാട് വിദ്യാഭ്യാസ സബ് ജില്ലയിലെ പ്രമുഖ വിദ്യാലയമാണ് വെള്ളാരംകല്ല് പഞ്ചായത്ത് യു.പി.സ്കുൾ. ആദ്യകാലത്ത് ഓലമേഞ്ഞ കെട്ടിടത്തിൽ ബഞ്ചിൽ ഇരുന്നാണ് വിദ്യാഭ്യാസം നൽകി വന്നത്. ധാരാളം കുട്ടികൾ അന്നിവിടെ പഠിച്ചിരുന്നു. പലതലമുറകൾ പഠിച്ചിറങ്ങിയ വിദ്യാലയത്തിൽ ഇംഗ്ലീഷ് മീഡിയം സ്കൂളുകളുടെ ആവീർഭാവവും സമൂഹത്തിൽ ഇത്തരം സ്കൂളുകളോടുള്ള അമിത താത്പര്യവും നമ്മുടെ സ്കൂളിൽ കുട്ടികൾ കുറയുന്നതിന് കാരണമായി. കൂടാതെ വിദ്യാലയത്തിൽ നിന്ന് കേവലം 200 മീറ്റർ അകലെ പുതിയ ഒരു ഇംഗ്ലീഷ് മീഡിയം സ്കൂൾ വരുകയും  അത് വിദ്യാലയത്തെ വളരെ മോശമായി ബധിക്കുകയും ചെയ്തു. നിലവിൽ പ്രീപ്രൈമറി മുതൽ 7 ക്ലാസ്സ് വരെ 40കുട്ടികൾ വിദ്യാഭ്യാസം നടത്തി വരുന്നു. മികച്ച ഒരു കൂട്ടം അധ്യാപകരുടെ നേതൃത്വത്തിൽ പി.ടി.എയുടേയും എം.പി.ടി.യയുടേയും തികഞ്ഞ സഹകരണത്തോടെ വിദ്യാലയം മികവിന്റെ പാതയിലാണ്.