എൽ.എം.എസ്.എച്ച്.എസ് വട്ടപ്പാറ/Say No To Drugs Campaign

ലഹരിക്കെതിരെ നവകേരള മുന്നേറ്റം

• 
• 
• 
• 
• 
• 
• 
• 
• 

ലഹരിക്കെതിരെ നവകേരള മുന്നേറ്റം

അന്താരാഷ്ട്ര ലഹരി വിരുദ്ധ ദിനം ജൂൺ 26,

               ജൂൺ 26, ലോക ലഹരി വിരുദ്ധ ദിനം. വ്യത്യസ്ത രൂപങ്ങളിലും ഭാവങ്ങളിലും ആഗോള സമൂഹത്തിൽ ലഹരി സൃഷ്ടിക്കുന്ന അപകടങ്ങളെ രേഖപ്പെടുത്തുന്ന ദിനം. സമൂഹത്തിനെ നാശത്തിലേക്കു നയിക്കുന്ന ലഹരി മരുന്നുകള് ജീവിതത്തിൽ നിന്നും തുടച്ചു നീക്കുക എന്ന സന്ദേശത്തോടെ ലോകരാജ്യങ്ങൾ ഇന്ന് ലഹരി വിരുദ്ധ ദിനം ആചരിക്കുകയാണ്. യുവതലമുറയാണ് ഇന്ന് ഏറ്റവും കൂടുതൽ ലഹരി പദാർത്ഥങ്ങൾക്കും മയക്കുമരുന്നുകൾക്കും അടിമകളാകുന്നത്.ലഹരിയുടെ ഉപയോഗം ജീവിതം തകർക്കുമ്ബോൾ പുനർവിചിന്തനത്തിനുള്ള സമയമായെന്ന് ഓർമ്മപ്പെടുകയാണ് ഈ ദിനം.
      ആധുനിക സമൂഹത്തെ കാർന്നു തിന്നുകൊണ്ടിരിക്കുന്ന ലഹരിയെന്ന വൻ വിപത്തിനെതിരെ രാജ്യാന്തര സമൂഹത്തെ ഉണർത്തുകയെന്ന ലക്ഷ്യവുമായാണ് ഐക്യരാഷ്ട്ര സംഘടന 1987 മുതൽ ജൂൺ 26 ലോക ലഹരി വിരുദ്ധ ദിനമായി ആചരിച്ചു വരുന്നത്.
     ലഹരി പദർത്ഥങ്ങളുടെ ഉപയോഗത്തിന്റെ ദൂഷ്യവശങ്ങളെ കുറിച്ച്‌ ബോധവത്കരിക്കുക, ആരോഗ്യകരമായ ഒരു സമൂഹത്തെ കെട്ടിപ്പടുക്കുക തുടങ്ങിയ കാര്യങ്ങൾ ലക്ഷ്യം വെച്ചാണ് ഓരോ വർഷവും ഈ ദിനം ആചരിക്കുന്നത്.
     കേവലം കൗതുകത്തിനായി പലരും ആരംഭിക്കുന്ന ഈ ദുഃശീലം വളർന്നു സമൂഹത്തെ കീഴ്പ്പെടുത്തുകയാണ്. കുട്ടികളും ലഹരി മാഫിയയുടെ ലക്ഷ്യവും ഇരകളുമാണെന്നുള്ളതും ദൗർഭാഗ്യകരമായ വസ്തുതയാണ്.കൂട്ടായ പരിശ്രമത്തിലൂടെ നമുക്ക് ലഹരിയെ സമൂഹത്തിൽ നിന്നും അകറ്റാം..
       ലഹരിക്കെതിരെ നവകേരള മുന്നേറ്റം
    സംസ്ഥാനതല ഉദ്ഘാടനം  ഗാന്ധിജയന്തി ദിനത്തിൽ സംസ്ഥാന സർക്കാരിന്റെ ലഹരിക്കെതിരായ വിപുലമായ പ്രചാരണ പരിപാടികൾക്ക്  തുടക്കമായി. ലഹരിക്കെതിരെ നവകേരള മുന്നേറ്റം എന്ന പേരിലുള്ള ക്യാമ്പയിൻ മുഖ്യമന്ത്രി പിണറായി വിജയൻ ഓൺലൈനായി  ഉദ്ഘാടനം ചെയ്തു. കേരളപ്പിറവി ദിനം വരെയാണ് ആദ്യഘട്ട പ്രചാരണം  നിശ്ചയിച്ചിരിക്കുന്നത്. സംസ്ഥാനത്തെ പ്രൊഫഷണൽ കോളജ് അടക്കമുള്ള എല്ലാ വിദ്യാഭ്യാസ സ്ഥാപനങ്ങളിലും വാർഡുകളിലെ പ്രധാന കേന്ദ്രങ്ങളിലും ഗ്രന്ഥശാലകളിലും വിപുലമായ പരിപാടികളോടെ ഉദ്ഘാടന ചടങ്ങ് നടന്നു. മുൻ ഇന്ത്യൻ ക്രിക്കറ്റ് ടീം ക്യാപ്റ്റനും ബിസിസിഐ അധ്യക്ഷനുമായ സൗരവ് ഗാംഗുലി ആണ് നവകേരള മുന്നേറ്റപ്രചാരണത്തിന്റെ ബ്രാൻഡ് അംബാസിഡർ.

ലഹരിവിരുദ്ധദീപം

  ലഹരിക്കെതിരെ നവകേരള മുന്നേറ്റം; 'ലഹരി വിരുദ്ധ ദീപം' ക്യാമ്പയിന് ഗാന്ധിജയന്തി ദിനത്തിൽ തുടക്കം . ഒക്ടോബർ 23,24 തീയതികളിൽ ലൈബ്രറി കൗൺസിലിൻറെ നേതൃത്വത്തിൽ എല്ലാ ഗ്രന്ഥശാലകളിലും ലഹരിക്കെതിരെ ദീപം തെളിയി.ഒക്ടോബർ 6 -ാം തീയതു പിടിഎ/എംപിടിഎ/വികസനസമിതി നേതൃത്വത്തിൽ രക്ഷിതാക്കൾക്കുള്ള ബോധവത്കരണ പരിപാടിയും സംഘടിപ്പിച്ചു....ഒക്ടോബർ 24ന് വൈകിട്ട് ആറിന് എല്ലാ വീടുകളിലും കുട്ടികൾ  ലഹരി വിരുദ്ധ ദീപം തെളിയിച്ചു..
     ഒക്ടോബർ 28ന് എൻസിസി, എൻഎസ്എസ്. എസ് പി സി, സന്നദ്ധ സംഘടനകൾ എന്നിവയുടെ നേതൃത്വത്തിൽ സൈക്കിൾ റാലികൾ സംഘടിപ്പിച്ചു....എൻഎസ്എസിൻറെ നേതൃത്വത്തിൽ == ഇത്തിൾ കണ്ണികൾ==  എന്നപേരിൽ ഒരു നാടകാവതരണം വട്ടപ്പാറ ജംഗ്ഷനിൽ ഹയർസെക്കണ്ടറി വിദ്യാർത്ഥികൾ  നടത്തുകയുണ്ടായി ....

ഇത്തിൾകണ്ണി-നാടകം

     ലഹരി വിരുദ്ധ ശ്രംഖലയും സംഘടിപ്പിച്ചു....സ്ക്കൂളിലെ വീദ്യാർത്ഥികൾ ..NO TO DRUGS എന്നരൂപത്തിൽ എൻ സി സി.  റെഡ്ക്രോസ് ,ഗൈഡ്  വിദ്യാർത്ഥികൾ അണിനിരന്നു

ശ്രംഖല

     നവംബർ 1 നാണ് ലഹരി വിരുദ്ധ പ്രചാരണത്തിൻറെ ആദ്യഘട്ടം അവസാനിക്കുന്നത്. നമ്മുടെ വിദ്യാലയത്തിലു വൈകിട്ട് മൂന്നുമണിക്ക് പൊതുജനങ്ങളെ ഉൾപ്പെടെ പങ്കെടുപ്പിച്ച് വിപുലമായ മനുഷ്യശൃംഖല സംഘടിപ്പിച്ചു...പ്രതിജ്ഞ ചൊല്ലലും ലഹരി വസ്തുക്കൾ പ്രതീകാത്മകമായി കത്തിച്ച് കുഴിച്ചുമൂടലും പരിപാടിയുടെ ഭാഗമായി നടന്നു... ജനപ്രതിനിധികൾ, സെലിബ്രിറ്റികൾ തുടങ്ങിയവർ പങ്കെടുത്തു...