സെന്റ് തോമസ് എച്ച്.എസ്.എസ്. എരുമേലി/സ്കൗട്ട്&ഗൈഡ്സ്

നമ്മുടെ സ്കൂളുകളിൽ സേവന തൽപരരായ ഒരുകൂട്ടം വിദ്യാർഥികളുടെ കൂട്ടായ്മയാണ് സ്കൗട്ട്&ഗൈഡ്. സ്കൂളുകളിലെ ഏതൊരു പരിപാടിക്കും ഇവർ മുന്നിലുണ്ടാവും. യുവജനോത്സവങ്ങളിലും സ്കൂൾ സ്പോർട്സ് മത്സരങ്ങളിലും മറ്റും ഈ കൂട്ടായ്മയെ നമ്മൾ പലതവണ അനുഭവിച്ചറിഞ്ഞിട്ടുണ്ട്. സ്കൂളിലേക്ക് മുഖ്യാതിഥികൾ വരുമ്പോൾ സ്കൂളിൻെറ അഭിമാനമുയർത്തുന്ന സ്വീകരണച്ചടങ്ങുകൾക്ക് കൊഴുപ്പുകൂട്ടാനും എപ്പോഴും ഇവരുണ്ടാവും. രാജ്യപുരസ്കാർ ലഭിക്കുന്ന വിദ്യാർഥിക്ക് 24 മാർക്കും രാഷ്ട്രപതി പുരസ്കാരം ലഭിക്കുന്നവർക്ക് 49 മാർക്കും എസ്.എസ്.എൽ.സിക്ക് ഗ്രേസ്മാർക്കായി ലഭിക്കുന്നു എന്നതുതന്നെ വിദ്യാലയങ്ങളിൽ ഇതിൻെറ പ്രാധാന്യം വളരെ വലുതാണെന്നതിൻെറ തെളിവാണ്

സ്കൗട്ട് മാസ്റ്ററായി-ശ്രീമതി. സിനി വർഗീസ് ടീച്ചറും, ഗൈഡ് ക്യാപ്റ്റരായി ശ്രീമതി.ജയലളിത കെ. ആ൪ ടീച്ചറും,ശ്രീമതി. ബിജിമോൾ തോമസ് ടീച്ചറും സേവനമനുഷ്ഠിക്കുന്നു.

ബാഡ്ജുകൾ

1.പ്രവേശ്

സ്കൗട്ടിങ്ങിലെ ആദ്യത്തെ ബാഡ്ജാണ് പ്രവേശ്. സ്കൗട്ടിങ്ങിലുള്ള അംഗത്വമായാണ് പ്രവേശ് ബാഡ്ജിനെ കാണുന്നത്. പ്രവേശം ലഭിക്കുന്നതുവരെയുള്ള സമയം അയാൾ ‘റിക്രൂട്ട്’ എന്നറിയപ്പെടുന്നു. അഞ്ചു വയസ്സിനുശേഷമാണ് പ്രവേശ് ബാഡ്ജ് നൽകുന്നത്.

2.പ്രഥമ സോപാൻ

പ്രവേശ് ലഭിച്ച് ആറുമാസത്തിനു ശേഷമാണ് പ്രഥമ സോപാൻ ബാഡ്ജ് നൽകുന്നത്. ട്രൂപ്പിൽതന്നെ വിവിധ ടെസ്റ്റുകൾ നടത്തിയാണ് ഇത് നൽകുന്നത്.

3.ദ്വിതീയ സോപാൻ

പ്രഥമ സോപാൻ ലഭിച്ച് ഒമ്പതു മാസം ദ്വിതീയ സോപാൻ സിലബസനുസരിച്ച് വിവിധ സേവനപ്രവർത്തനങ്ങൾ ആസൂത്രണംചെയ്ത് നടത്തുകയും സ്കൗട്ടിങ്ങിലെ പ്രധാന കാര്യങ്ങളിൽ അറിവ് പരിശോധിക്കുകയും ചെയ്യും. ലോക്കൽ അസോസിയേഷനാണ് ദ്വീതീയ സോപാൻ ടെസ്റ്റ് നടത്തുക.

4.തൃതീയ സോപാൻ

ദ്വിതീയ സോപാൻ നേടി ഒമ്പതു മാസം തൃതീയ സോപാൻ സിലബസനുസരിച്ചുള്ള പ്രവർത്തനങ്ങൾക്കുശേഷമാണ് ഈ ബാഡ്ജ് നൽകുക. ജില്ലാ അസോസിയേഷനാണ് ഈ ടെസ്റ്റ് നടത്തുക.

5.രാജ്യപുരസ്കാർ

തൃതീയ സോപാൻ ലഭിച്ചശേഷമാണ് രാജ്യപുരസ്കാർ ലഭിക്കുന്നത്. രാജ്യപുരസ്കാർ ലഭിച്ച ഒരു വിദ്യാർഥിക്ക് എസ്.എസ്.എൽ.സിക്ക് 24 മാർക്ക് ഗ്രേസ് മാർക്കായി ലഭിക്കും. ഗവർണറാണ് ഈ പുരസ്കാരം നൽകുന്നത്. ലിറ്ററസി, കമ്യൂണിറ്റി വർക്കർ, ഇക്കോളജിസ്റ്റ്, ലെപ്രസി കൺട്രോൾ, സാനിറ്റേഷൻ പ്രമോട്ടർ, സോയിൽ കൺസർവേറ്റർ, റൂറൽ വർക്കർ തുടങ്ങിയ സാമൂഹിക സേവനങ്ങളിൽ ഏർപ്പെടണം.

6.പ്രൈംമിനിസ്റ്റർ ഷീൽഡ്

പ്രധാനമന്ത്രി ഒപ്പിട്ടു നൽകുന്ന മെറിറ്റ് സർട്ടിഫിക്കറ്റും പ്രൈംമിനിസ്റ്റർ ഷീൽഡും ആണ്  ഒരു വിദ്യാഭ്യാസ സ്ഥാപനത്തിന് ലഭിക്കാവുന്ന പരമോന്നത ബഹുമതി.

രാഷ്ട്രപതി അവാർഡ്

സക്ൗട്ടിങ്ങിലെ പരമോന്നത പുരസ്കാരമാണിത്. പ്രത്യേക ചടങ്ങിൽവെച്ച് രാഷ്ട്രപതി അവാർഡ് വിതരണം ചെയ്യും. രാഷ്ട്രപതി അവാർഡ് ലഭിച്ച വിദ്യാർഥിക്ക് എസ്.എസ്.എൽ.സിക്ക് 49 മാർക്ക് ഗ്രേസ് മാർക്കായി ലഭിക്കും.

ചരിത്രത്തിലൂടെ

സർ റോബർട്ട് സ്റ്റീഫൻസൺ സ്മിത്ത് ബേഡൻ പവ്വൽ ( Lord Baden Powell )ആണ് സ്കൗട്ട് പ്രസ്ഥാനത്തിൻെറ സ്ഥാപകൻ. 1857 ഫെബ്രുവരി 22ന് ലണ്ടനിലെ സ്റ്റാൻഹോപ്പ് തെരുവിൽ ജനിച്ച അദ്ദേഹം 1876ൽ ബ്രിട്ടീഷ് പട്ടാളത്തിൽ (British Royal Army) ചേർന്നു. ഇന്ത്യ (India), അഫ്ഗാനിസ്താൻ (Afghanistan), റഷ്യ (Russia), സൗത് ആഫ്രിക്ക(South Africa) എന്നിവിടങ്ങളിൽ സേവനം നടത്തിയ അദ്ദേഹം ലഫ്റ്റനൻറ് ജനറൽ (Lef.General) എന്ന ഉന്നതപദവിയിൽ സേവനമനുഷ്ഠിക്കുന്ന അവസരത്തിൽ (1910) സ്കൗട്ട് പ്രസ്ഥാനത്തിനുവേണ്ടി മുഴുസമയവും പ്രവർത്തിക്കുന്നതിനായി തൻെറ പട്ടാളജീവിതത്തിൽനിന്ന് വിരമിച്ചു.

തെക്കേ ആഫ്രിക്കയിലെ ട്രാൻസ്വാൾ എന്ന രാജ്യത്തിൽപെട്ട പട്ടണമായിരുന്നു മെഫെകിങ്. ബോവർ വർഗക്കാർ ബ്രിട്ടീഷുകാരുടെ അധീനതയിലുള്ള ഈ പട്ടണത്തിനു നേരെ ഉപരോധമേർപ്പെടുത്തി. 217 ദിവസം നീണ്ട ഉപരോധത്തിൻെറ ഫലമായി മെഫെകിങ്ങിലുള്ളവർക്ക് ആഹാരസാധനങ്ങൾ ലഭിക്കാതെവന്നു. മുന്നണിത്താവളങ്ങളിലേക്ക് യുദ്ധം ചെയ്യാൻ മുതിർന്നവർ നിയോഗിക്കപ്പെട്ടപ്പോൾ പട്ടണത്തിലെ ആഭ്യന്തര കാര്യങ്ങൾ നിർവഹിക്കുന്നതിനായി ഒരുകൂട്ടം ബാലന്മാരെ കണ്ടെത്തി അവർക്ക് പരിശീലനം നൽകി. ബേഡൻ പവ്വലിൻെറ സുഹൃത്തായ എഡ്വേർഡ് സെസിൽ (Edverd Sesil)ആണ് ഇതിന് നേതൃത്വം നൽകിയത്.

കുട്ടികളുടെ സത്യസന്ധമായ പ്രവർത്തനവും അവർ പ്രകടിപ്പിച്ച മനോധൈര്യവും ഏറെ ശ്രദ്ധിക്കപ്പെട്ടു. ശരിയായ പരിശീലനം നൽകിയാൽ കുട്ടികൾക്കും മുതിർന്നവരെപ്പോലെ കാര്യക്ഷമമായ പ്രവർത്തനം കാഴ്ചവെക്കാൻ സാധിക്കുമെന്ന വസ്തുത പിൽക്കാലത്ത് സ്കൗട്ട് പ്രസ്ഥാനം ആരംഭിക്കാൻ ബേഡൻ പവ്വലിന് ആത്മവിശ്വാസം നൽകി.

മെഫെകിങ്ങിലെ അനുഭവങ്ങൾ അദ്ദേഹത്തെ കുട്ടികൾക്കുവേണ്ടിയുള്ള പരീശീലകനാകാമെന്നതിനെക്കുറിച്ച് ചിന്തിക്കാൻ പ്രേരിപ്പിച്ചു. കുട്ടികളുടെ പ്രവർത്തനശേഷിയും പ്രതികരണവും നേരിൽ കണ്ടറിയാനായി അദ്ദേഹം ഇംഗ്ളീഷ് ചാനലിലുള്ള ബ്രൌൺസി ഐലൻറിൽവെച്ച് ജീവിതത്തിൻെറ വിവിധ തുറകളിലുള്ള 21 കുട്ടികളെ ഉൾപ്പെടുത്തി 1907ൽ ഒരു ക്യാമ്പ് നടത്തി. ഈ ക്യാമ്പിനെ ആദ്യത്തെ സ്കൗട്ട് ക്യാമ്പായി കണക്കാക്കാം. 1908ൽ ബേഡൻ പവ്വൽ ‘സ്കൗട്ടിങ് കുട്ടികൾക്ക്’ എന്ന പുസ്തകം വായിച്ച് സ്വയം ‘പ്രട്രോളുകൾ’ സംഘടിപ്പിച്ച് പ്രവർത്തനമാരംഭിച്ചു.

സ്കൗട്ട് നിയമം

• ഒരു സ്കൗട്ട് വിശ്വസ്തനാണ്
• ഒരു സ്കൗട്ട് കൂറുള്ളവനാണ്.
• ഒരു സ്കൗട്ട് എല്ലാവരുടെയും സ്നേഹിതനും മറ്റ് ഓരോ സ്കൗട്ടിൻെറയും സഹോദരനുമാണ്.
• ഒരു സ്കൗട്ട് മര്യാദയുള്ളവനാണ്.
• ഒരു സ്കൗട്ട് ജന്തുക്കളുടെ സ്നേഹിതനും പ്രകൃതിയെ സ്നേഹിക്കുന്നവനുമാണ്.
• ഒരു സ്കൗട്ട് അച്ചടക്കമുള്ളവനും പൊതുമുതൽ സംരക്ഷിക്കാൻ സഹായിക്കുന്നവനുമാണ്.
• ഒരു സ്കൗട്ട് ധൈര്യമുള്ളവനാണ്.
• ഒരു സ്കൗട്ട് മിതവ്യയശീലമുള്ളവനാണ്.
• ഒരു സ്കൗട്ട് മനസ്സാ, വാചാ, കർമണാ ശുദ്ധിയുള്ളവനാണ്.

2021- 2022 അധ്യയനവർഷത്തെ സ്കൗട്ട് & ഗൈഡ്  പ്രവർത്തന റിപ്പോർട്ട്‌....

കുട്ടികളിൽ ദേശീയ അവബോധം, സാമൂഹിക സേവനം, സഹജീവികളോടുള്ള പ്രതിബദ്ധത, പ്രകൃതി സ്നേഹം  എന്നിവ വളർത്തിയെടുക്കുന്ന.... സ്കൗട്ട് & ഗൈഡ് യൂണിറ്റുകൾ സ്‌കൗട്ട് മാസ്റ്റർ സിനി വർഗീസ്,... ഗൈഡ് ക്യാപ്റ്റൻ ജയലളിത കെ. ആർ. ഗൈഡ് ക്യാപ്റ്റൻ ബിജിമോൾ തോമസ് എന്നിവരുടെ നേതൃത്വത്തിൽ പ്രവർത്തിക്കുന്നു.

27 അംഗങ്ങളുള്ള ഒരു സ്‌കൗട്ട് യൂണിറ്റും, 64 അംഗങ്ങളോടുകൂടി രണ്ട് ഗൈഡ് യൂണിറ്റും പ്രവർത്തിക്കുന്നു. സ്‌കൗട്ട് & ഗൈഡ് യൂണിറ്റിന്റെ ആആഭിമുഖ്യത്തിൽ സ്വതന്ത്ര ദിന ക്വിസ് നടത്തുകയും വിജയികൾക്ക് അനുമോധനങ്ങളും പാരിതോഷികങ്ങളും നൽകി . വിവിധ ദിനാചരണങ്ങളിലും, സ്കൂൾ പ്രവർത്തനങ്ങളിലും സ്‌കൗട്ട് & ഗൈഡ് കുട്ടികൾ തങ്ങളുടെ  പ്രവർത്തനങ്ങൾ കാഴ്ചവയ്ക്കുകയും കഴിവുകൾ പ്രകടിപ്പിക്കുകയും ചെയ്യുന്നു. കേരള പോലീസ് വകുപ്പിന്റെ നേതൃത്വത്തിൽ സംഘടിപ്പിച്ച " പുണ്യം പൂങ്കാവനം " പെയിന്റിംഗ് മത്സരത്തിൽ സ്‌കൗട്ട് വിഭാഗത്തിലെ ആൽബർട്ട് ജോസഫ് ഷാജി  ഒന്നാം സ്ഥാനം നേടി സമ്മാനത്തിനർഹനായി.

• 

  ഈ വർഷത്തെ രാജ്യപുരസ്കാർ സ്‌കൗട്ട് അംഗങ്ങൾ

• 

  പ്രവർത്തനങ്ങൾ

• 

  പ്രവർത്തനങ്ങൾ

• 

  സ്കൂൾ പ്രവർത്തനങ്ങൾ

• 

  പുണ്യം പൂങ്കാവനം " പെയിന്റിംഗ് മത്സരത്തിൽ സ്‌കൗട്ട് വിഭാഗത്തിലെ ആൽബർട്ട് ജോസഫ് ഷാജി  ഒന്നാം സ്ഥാനം നേടി

• 

  സ്കൂൾ പ്രവർത്തനങ്ങൾ.....COVID-19 ബോധവൽക്കരണ ക്ലാസ് കുട്ടികൾ നയിക്കുന്നു

• 

  ഈ വർഷത്തെ രാജ്യപുരസ്കാർ ഗൈ‍‍ഡ് അംഗങ്ങൾ

• 

  സ്‌കൗട്ട്&ഗൈ‍‍ഡ് പ്രവർത്തനങ്ങൾ 2021-22

ഈ വർഷത്തെ രാജ്യപുരസ്കാർ പരീക്ഷ 7 സ്‌കൗട്ട് അംഗങ്ങളും,10 ഗൈഡ് അംഗങ്ങളും എഴുതി. മറ്റു സ്‌കൗട്ട് & ഗൈഡ് അംഗങ്ങൾ വിവിധ പരീക്ഷകൾക്കായി തയ്യാറെടുക്കുന്നു...

• 

  നല്ലിടയൻ ആശ്രമവാസികളോടൊത്ത് സെൻ്റ്.തോമസ് കുടുംബാംഗങ്ങൾ

• 

  നല്ലിടയൻ ആശ്രമവാസികളോടൊത്ത് സെൻ്റ്.തോമസ് കുടുംബാംഗങ്ങൾ

Newserumely

23 February at 23:16 ·

ആരുടേതാണ് ആ കുടുക്ക? എരുമേലി സെന്റ് തോമസ് ഹൈ സ്കൂളിലെ ഓരോ ക്ലാസ് മുറികളിലും ആ ചോദ്യമെത്തി. കുടുക്ക നിറഞ്ഞ സമ്പാദ്യം ഒരു മടിയും കൂടാതെ അശരണർക്ക് വെച്ചു നീട്ടിയ ആ എട്ടാം ക്ലാസുകാരി അപ്പോൾ അമ്പരന്നിരിക്കുകയായിരുന്നു. എല്ലാവരും അവളെ അനുമോദിച്ചപ്പോൾ അവളുടെ പരിഭ്രമം മാറി സന്തോഷവും ഒപ്പം അഭിമാനവുമായി...

Newserumely വാർത്തകൾ.

2022 ഫെബ്രുവരി 24, വ്യാഴം.12:44 PM

• 
• 

സ്കൗട്ട് പ്രസ്ഥാനത്തിന്റെ സ്ഥാപകനായ ബേഡൻ പവ്വലിന്റെ ജന്മദിനമായ, കഴിഞ്ഞ ദിവസം വെച്ചൂച്ചിറ മേഴ്സി ഹോമിലെ അന്തേവാസികൾക്ക് കുട്ടികൾ സമാഹരിച്ചു നൽകിയ സാധനങ്ങളിൽ എല്ലാവരെയും ആകർഷിച്ചത് ഒരു കുടുക്കയായിരുന്നു. വസ്ത്രങ്ങളും സോപ്പും ബെഡ് ഷീറ്റും പേസ്റ്റും ഉൾപ്പെടെ സാധന സമാഹരണത്തിൽ ഇതൊന്നുമല്ലാതെ നിറഞ്ഞ ചില്ലറ നാണയത്തുട്ടുകളും കറൻസി നോട്ടുകളുമായി ഒരു കുടുക്ക എത്തിയപ്പോൾ അത് ആരാണ് നൽകിയതെന്ന് അറിയാൻ അദ്ധ്യാപകർക്ക് ആകാംഷയായി. അങ്ങനെയാണ് കുടുക്കയുടെ ഉടമയെ തേടി ക്ലാസ് മുറികളിൽ അന്വേഷണമെത്തിയത്. എട്ടാം ക്ലാസ് ബി ഡിവിഷനിലെ ദിയ സണ്ണി ആയിരുന്നു കുടുക്കയുടെ ഉടമ. കിട്ടുന്ന തുകയൊക്കെ ഒരു വർഷമായി കുടുക്കയിലിട്ട് സൂക്ഷിച്ചു വെച്ചിരിക്കുകയായിരുന്നു ദിയ.സ്കൗട്ട് പ്രസ്ഥാനത്തിന്റെ സ്ഥാപകനായ സർ റോബർട്ട് സ്റ്റീഫൻസൺ സ്മിത്ത് ബേഡൻ പവ്വലിന്റെ ഓരോ ജന്മദിനത്തിലും എരുമേലി സെന്റ് തോമസ് സ്കൂളിലെ സ്കൗട്ട്സ് ആൻഡ് ഗൈഡ്സ് യുണിറ്റിലെ കുട്ടികൾ സാധന സമാഹരണം നടത്തി നിരാലംബർക്ക് നൽകും. ഇത്തവണയും സമാഹരണം നടന്നപ്പോൾ ദിയയ്ക്ക് നൽകാൻ തോന്നിയത് തന്റെ സമ്പാദ്യമായിരുന്നു. സ്കൂളിൽ നടന്ന ലളിതമായ ചടങ്ങിൽ വെച്ച് സാധനങ്ങൾ കൈമാറി. ഒട്ടേറെ സാധനങ്ങളാണ് കുട്ടികൾ സമാഹരിച്ച് കൈമാറിയത്. ചടങ്ങിൽ ദിയയെയും അദ്ധ്യാപകർ വിളിച്ചു വരുത്തിയിരുന്നു. അവൾ നൽകിയ കുടുക്ക അവളെ കൊണ്ട് തന്നെ മേഴ്സി ഹോം അധികൃതർക്ക് അദ്ധ്യാപകർ കൈമാറി. കുട്ടികളുടെ സത്യസന്ധമായ പ്രവർത്തനവും അവർ പ്രകടിപ്പിക്കുന്ന മനോധൈര്യവും വളർത്തി ശരിയായ പരിശീലനം നൽകിയാൽ കുട്ടികൾക്കും മുതിർന്നവരെപ്പോലെ കാര്യക്ഷമമായ പ്രവർത്തനം കാഴ്ചവെക്കാൻ സാധിക്കുമെന്ന വസ്തുതയാണ് പിൽക്കാലത്ത് സ്കൗട്ട് പ്രസ്ഥാനം ആരംഭിക്കാൻ ബേഡൻ പവ്വലിന് ആത്മവിശ്വാസം നൽകിയതെന്നാണ് ചരിത്രം.അതേ ബേഡൻ പവ്വലിന്റെ ജന്മദിനത്തിൽ മാതൃകയായ പ്രവർത്തനം കുട്ടികളിലൂടെ പകരാൻ കഴിഞ്ഞതിന്റെ സംതൃപ്തിയിലായിരുന്നു അദ്ധ്യാപകർ. ഹെഡ് മാസ്റ്റർ പി ജെ തോമസ്, മേഴ്സി ഹോം പ്രതിനിധി സി. തബിത, സ്കൗട്ട്സ് അദ്ധ്യാപിക സിനി വർഗീസ്, ഗൈഡ്സ് അദ്ധ്യാപിക കെ ആർ ജയലളിത, ബിജി തോമസ് തുടങ്ങിയവർ ചടങ്ങിൽ പങ്കെടുത്തു.