ഗവ. ടൗൺ .യു.പി.എസ്. നെടുമങ്ങാട്/പ്രാദേശിക പത്രം

നേർകാഴ്ച

ഓരോ കുട്ടിക്കും ആവശ്യമായ പഠന പിന്തുണ ഉറപ്പാക്കുന്നതിന് അവന്റെ കുടുംബ പശ്ചാത്തലം കൂടി മനസ്സിലാക്കേണ്ടതുണ്ട്. അതിനു വേണ്ടി നമ്മുടെ വിദ്യാലയം ആവിഷ്‌ക്കരിച്ച തനതു പരിപാടിയാണ് നേർകാഴ്ച. വിദ്യാലയത്തിലെ മുഴുവൻ കുട്ടികളുടെയും വീടുകൾ സന്ദർശിച്ച് പഠന പുരോഗതി ചർച്ച ചെയ്തു രക്ഷിതാക്കളെയും വിദ്യാലയ പ്രവർത്തനങ്ങളുടെ ഭാഗമാക്കി അവരുമായി നല്ല ഒരു ബന്ധം സ്ഥാപിച്ചെടുക്കുവാൻ നമുക്ക് കഴിഞ്ഞു.

നേർകാഴ്ച

സ്നേഹഹസ്തം

സാമ്പത്തികമായും രോഗദുരിതത്താലും ബുദ്ധിമുട്ടനുഭവിക്കുന്ന രണ്ടു കുടുംബത്തിലെ കുട്ടികൾക്ക് അവർ പഠനം പൂർത്തിയാക്കി പോകുന്നതുവരെ ഒരു നിശ്ചിത തുക മാസം തോറും നൽകി വരുന്നു. സ്‌നേഹഹസ്തം എന്ന് പേരിട്ട ഈ പരിപാടി  2019 മുതൽ നടപ്പാക്കി വരുന്നു. കരുതലിന്റെ, സാന്ത്വനത്തിന്റെ ഒരു തരി വെളിച്ചമാകാൻ ഈ പരിപാടിക്ക് കഴിയട്ടെയെന്ന് ആശംസിക്കുന്നു.

സ്നേഹഹസ്തം

സ്നേഹസംഗമം 2020

പെട്ടെന്നൊരു ദിവസം വീടുകളിൽ അകപ്പെട്ടുപോയ കുട്ടികൾക്ക് അവരുടെ വിദ്യാലയത്തെയും സുഹൃത്തുക്കളെയുമെല്ലാം കാണുന്നതിനായി നടത്തിയ ഓൺലൈൻ പരിചയപ്പെടൽ. ഈ സ്നേഹസംഗമത്തിലോരോ കുുട്ടിയിലുമുള്ള വിവിധ തരം കഴിവുകൾ മനസ്സിലാക്കുവാൻ കഴിഞ്ഞു. റുബീന എന്ന കൊച്ചു കവയിത്രിയുടെ ഉദയവും ഇവിടെ നിന്നായിരുന്നു. റുബീനയുടെ പുസ്തകമായ ഓർമ്മച്ചെപ്പ് പ്രകാശനം ചെയ്തപ്പോൾ നാംഎല്ലാവരും സ്നേഹസംഗമത്തിന്റെ നല്ല നാളുകളിലേക്ക് വീണ്ടും തിരിച്ചു പോയി. വിദ്യാഭ്യാസ രംഗത്തെയും എഴുത്തിന്റെ ലോകത്തെയും ഉന്നതർ നേരിട്ട് അഭിനന്ദനമറിയിച്ച ഒരുപരിപാടിയായിരുന്ന് ഇത്.

സ്നേഹസംഗമം 2020

കരനെൽകൃഷിയും പച്ചക്കറി കൃഷിയും

നമ്മുടെ നാടിന്റെ കാർഷിക സംസ്കാരം തനത് രീതിയിൽ കുട്ടികളിൽ എത്തിക്കുവാൻ വിദ്യാലയത്തിന് കഴിഞ്ഞിട്ടുണ്ട്. 2019-20 കാലയളവിൽ നടത്തിയ കരനെൽ കൃഷി ഒരു വൻ വിജയമായിരുന്നു. വിക്ടേഴ്‌സ് ഓൺലൈൻ ക്ലാസിൽ നമ്മുടെ സ്കൂളിലെ പച്ചക്കറി കൃഷി പ്രദർശിപ്പിച്ചിരുന്നു എന്നത് മാത്രമല്ല ജില്ലാതലത്തിൽ മികച്ച കർഷക അധ്യാപകനുള്ള അവാർഡ് നമ്മുടെ സ്കൂളിന് ലഭിച്ചതും മികച്ച ഒരു നേട്ടമാണ്.

കരനെൽകൃഷി

പച്ചക്കറി കൃഷി

ഇൻസ്പയ൪ അവാർഡ്

* കേന്ദ്ര ശാസ്ത്ര സാങ്കേതിക വകുപ്പും നാഷണൽ ഇന്നവേഷൻ ഫൗണ്ടേഷനും ചേ൪ന്ന് നൽകുന്ന ഇൻസ്പയ൪ അവാർഡ് മുഹമ്മദ് നൈഷാൻ കരസ്ഥമാക്കി

ഇൻസ്പയ൪ അവാർഡ്

വീട് ഒരു വിദ്യാലയം

കോവിഡ് കാലത്ത് വീടുകളിൽ കഴിയേണ്ടി വന്ന കുട്ടികൾക്ക് അവരുടെ വീട്  തന്നെ ഒരു വിദ്യയാലയമാക്കേണ്ട സാഹചര്യമുണ്ടായപ്പോൾ നമ്മുടെ വിദ്യാലയത്തിലെ കുട്ടികളും അത്തരം പ്രവർത്തനങ്ങൾ സന്തോഷത്തോടെ ഏറ്റെടുത്ത് വിജയിപ്പിച്ചു. ഫോൺ മുഖേനെ അധ്യാപക൪ നൽകിയ നിർദേശങ്ങൾക്കനുസരിച്ച് പ്രവർത്തനങ്ങൾ പൂർത്തിയാക്കിയ കുട്ടികളുടെ വീട്ടിലേക്ക് വിലയിരുത്തലിനായി അധ്യാപകർ എത്തിയത് അവരെ ഏറെ ആഹ്ലാദിപ്പിച്ചു.

വീട് ഒരു വിദ്യാലയം

കവിതപ്രകാശനം

*റുബീന എന്ന വിദ്യാർത്ഥിനിയുടെ കവിതകൾ ചേർത്ത്  ഓർമ്മച്ചെപ്പ് എന്ന പുസ്തകം കവിയും അധ്യാപകനുമായ ജയചന്ദ്രൻ സർ പ്രകാശനം ചെയ്തു.

കവിതപ്രകാശനം