സെൻറ് തെരേസാസ് എ ഐ എച്ച് എസ് കണ്ണൂർ/പ്രവർത്തനങ്ങൾ/2024-25
ജൂൺ
പ്രവേശനോത്സവം
2024-25 ലെ പുതിയ അധ്യയന വർഷത്തിലേക്ക് കുട്ടികളെ സ്വാഗതം ചെയ്തുകൊണ്ടുള്ള പ്രവേശനോത്സവം ജൂൺ മൂന്നിന് രാവിലെ 9 30 ന് ആരംഭിച്ചു. പുതുതായി പ്രവേശനം നേടിയ വിദ്യാർത്ഥികളെയും വിശിഷ്ട അതിഥികളെയും ബാൻ്റ് വാദ്യത്തിന്റെ അകമ്പടിയോടെ വേദിയിലേക്ക് ആനയിച്ചു. കണ്ണൂർ ആകാശവാണിയുടെ മുൻ ഡയറക്ട‌റും ഫോക് ലോർ അക്കാഡമിയുടെ
റിസർച്ച് സ്കോളറും എഴുത്തുകാരനും ഫോട്ടോഗ്രാഫറും ഒക്കെയായ ശ്രീ ബാലകൃഷ്‌ണൻ കൊയ്യാൽ വിശിഷ്ട അതിഥിയായിരുന്നു.
പ്രധാന അധ്യാപിക സിസ്റ്റർ റോഷ്‌നി മാനുവൽ ഏവർക്കും സ്വാഗതം ആശംസിച്ചു.
ഹൈസ്കൂൾ പിടിഎ പ്രസിഡന്റ് ശ്രീ ഷിബു ഫെർണാണ്ടസ് അധ്യക്ഷ പ്രസംഗം നടത്തി. ശ്രീ. ബാലകൃഷ്ണ‌ണൻ കൊയ്യാൽ നിലവിളക്കു കൊളുത്തി ഉദ്ഘാടനം നിർവഹിക്കുകയും വിദ്യാഭ്യാസത്തിൻറെ പ്രാധാന്യത്തെ കുറിച്ച് കുട്ടികളോട് സംസാരിക്കുകയും ചെയ്തു. ലോക്കൽ മാനേജർ സിസ്റ്റർ മരിയ ജാൻസി, LP തലം പിടിഎ പ്രസിഡൻ്റ് ശ്രീ സമീർ.എ എന്നിവർ ആശംസകൾ അർപ്പിച്ചു. തുടർന്ന് കുട്ടികളുടെ വിവിധ കലാപരിപാടികളും അരങ്ങേറി.ഹയർസെക്കൻഡറി വിഭാഗത്തിലെ കുമാരി സ്‌നിഗ്ദ്ധ സുമേഷ് ഏവർക്കും
കൃതജ്ഞത അർപ്പിച്ചു. നവാഗതർക്ക് മധുരം നൽകി അവരു പുതിയ ദിനം മധുരമുള്ളതാക്കി മാറ്റി.
പരിസ്ഥിതി ദിനാചരണം
പ്രശസ്ത പരിസ്ഥിതി പ്രവർത്തകനും ദേശീയ ഡോക്ടറൽ പോസ്റ്റ് റിസർച്ച്
പേഴ്സണുമായ ശ്രീ. റോഷ്നാഥ് രമേഷ് ഉദ്ഘാടനം നിർവഹിക്കുകയും പരിസ്ഥിതി സംരക്ഷണത്തിന്റെ ആവശ്യകതയെ കുറിച്ച് കുട്ടികളോട് സംവദിക്കുകയും ചെയ്തു. കഴിഞ്ഞ അധ്യയന വർഷത്തിൽ പരിസ്ഥിതി ദിനവുമായി ബന്ധപ്പെട്ട് നടപ്പിലാക്കിയ 'തന്നോളം' പദ്ധതിയുടെ ഭാഗമായി തങ്ങൾക്ക് നൽകപ്പെട്ട
വൃക്ഷത്തൈകൾ സംരക്ഷിച്ചു തന്നോളം ആക്കിയ 35 കുട്ടികൾക്ക് അനുമോദന സൂചകമായി ട്രോഫികളും സർട്ടിഫിക്കറ്റുകളും വിതരണം ചെയ്തു. മുൻ പിടിഎ പ്രസിഡന്റ് ശ്രീ. മഹേഷും സീനിയർ അധ്യാപിക ശ്രീമതി ഷെറി ജോസും പരിപാടിയിൽ പങ്കെടുത്ത് സംസാരിച്ചു. തുടർന്ന് കുട്ടികളുടെ വ്യത്യസ്തമായ
കലാപരിപാടികളും അരങ്ങേറി. പരിസ്ഥിതി ദിനവുമായി ബന്ധപ്പെട്ട ക്വിസ് മത്സരം സംഘടിപ്പിക്കുകയും
പരിസ്ഥിതിയെ സംരക്ഷിക്കേണ്ടതിന്റെ ആവശ്യകത വിളിച്ചോതുന്ന രചനകൾ കൊണ്ട് നോട്ടീസ് ബോർഡ് അലങ്കരിക്കുകയും ചെയ്തു. അന്നേദിവസം പരിസ്ഥിതി ദിന സംരക്ഷണ പ്രതിജ്ഞചൊല്ലുകയും ചെയ്തു.
മെറിറ്റ് ഡേ
2023- 24 അക്കാദമിക വർഷത്തിലെ പബ്ലിക് പരീക്ഷയിൽഎല്ലാ വിഷയത്തിലും എ പ്ലസ്
കരസ്ഥമാക്കിയവരെയും LSS, USS, NMMS എന്നീ സ്കോളർഷിപ്പുകൾ നേടിയവരെയും
അനുമോദിക്കുന്നതിനായി സ്കൂൾ മാനേജ്‌മെന്റ് , പ്രിൻസിപ്പൽ, പ്രധാന അധ്യാപിക,സ്റ്റാഫ് , രക്ഷിതാക്കൾഎന്നിവരുടെ ആഭിമുഖ്യത്തിൽ നടത്തിയ ചടങ്ങിൽ സിറ്റി പോലീസ കമ്മീഷണർ ശ്രീ. അജിത് കുമാർ IPS വിശിഷ് ട അതിഥി ആയിരുന്നു.
പ്രാർത്ഥനയോടെ ആരംഭിച്ച ചടങ്ങിൽ ഹയർ സെക്കൻഡറി പ്രിൻസിപ്പാൾ സിസ്റ്റർ വിനയ
റോസ് ഏവർക്കും സ്വാഗതം ആശംസിച്ചു.
ഹൈസ്കൂൾ പിടിഎ പ്രസിഡന്റ് മിസ്റ്റർ റോബർട്ട് ഷിബു ഫെർണാണ്ടസ് അധ്യക്ഷത വഹിച്ചു സംസാരിച്ചു. റെവറന്റ്റ് ഡോക്ടർ ജോയ് പൈനാടത്ത് , സിസ്റ്റർ റോഷ്‌നി മാനുവൽ എന്നിവർ ആശംസകൾ അർപ്പിച്ചു. ശ്രീ അജിത് കുമാർ IPS, ലോക്കൽ മാനേജർ സിസ്റ്റർ മരിയ ജാൻസി, എൽ പി വിഭാഗം പിടിഎ പ്രസിഡന്റ് മിസ്റ്റർ സമീർ, TTI പ്രിൻസിപ്പൽ ശ്രീമതി വിനയ എസ് നായർ എന്നിവർ കുട്ടികൾക്കുള്ള ഉപഹാരങ്ങൾ സമ്മാനിച്ചു. മുൻ ഹയർസെക്കൻഡറി ലീഡർ കുമാരി നിരഞ്ജനാംബിക കൃതജ്ഞത അർപ്പിച്ചു.
വായന വാരാചരണം - ക്ലബ്ബ് ഉദ്ഘാടനം
ഗ്രന്ഥശാല പ്രസ്ഥാനത്തിൻ്റെ പ്രചാരകനായ പി എൻ പണിക്കരുടെ ജന്മദിനമായ
ജൂൺ 19 ന് വായന വാരത്തിൻ്റെയും വിവിധ ക്ലബ്ബുകളുടെയും ഉദ്ഘാടനം നടത്തി. പ്രഭാഷകരത്നം മാധവൻ പയ്യാവൂർ ഉദ്ഘാടനം നിർവഹിക്കുകയും അറിവ് നേടുന്നതിന്റെ ആവശ്യകതയെപ്പറ്റി കുട്ടികളോട് വളരെ
സരസമായി സംവദിക്കുകയും ചെയ്തു .
വിവിധ ക്ലബ്ബുകളുടെ പ്രതിനിധികൾ ഉദ്ഘാടന സമയത്ത്
നിലവിളക്കിൽ തിരികൾ കൊളുത്തി. കഴിഞ്ഞ നീറ്റ് പരീക്ഷയിൽ ഒന്നാം റാങ്ക് ജേതാവായ അനുനന്ദ്
ശർമിളിന് പ്രസ്തുത യോഗത്തിൽ അനുമോദനം അർപ്പിക്കുകയും ചെയ്തു. തുടർന്ന് വിവിധ ക്ലബ്ബുകളുടെ
വകയായി നയനം മനോഹരമായ കലാപരിപാടികളും അരങ്ങേറി, പ്രധാന അധ്യാപിക സിസ്റ്റർ റോഷ്‌നി മാനുവൽ ചടങ്ങിൽ അധ്യക്ഷയായിരുന്നു.
മിഷേൽ മോഹൻ,ആനവിയ മരിയ ബാബു,ദീപ്ത നമ്പ്യാർ, നി യതി രാഗേഷ് എന്നിവർ അവതാരകർ ആയിരുന്നു. ഫെല്ല മസ്‌റിൻ കൃതജ്ഞത അർപ്പിച്ചു.
സംഗീത ദിനവും - യോഗാ ദിനവും
ജൂൺ 21 ന് അന്താരാഷ്ട്ര സംഗീത ദിനവും യോഗാ ദിനവും വിവിധ
പരിപാടികളോടെ ആചരിച്ചു. മ്യൂസിക്കൽ മെലഡി, കുട്ടികൾ തന്നെ പാടി ചുവടുകൾ വച്ച
ക്ലാസിക്കൽ ഡാൻസ് എന്നിവയും അരങ്ങേറി.
ലഹരിവിരുദ്ധ ദിനാചരണം
ലോക ലഹരി വിരുദ്ധ ദിനാചരണത്തിൻ്റെ ഭാഗമായി ലഹരിക്കെതിരെ
ബോധവൽക്കരണം നടത്തുകഎന്ന ലക്ഷ്യത്തോടെ സ്വന്തമായി തയ്യാറാക്കിയപ്ലക്കാടുകൾ വഹിച്ചുകൊണ്ട് കുട്ടികൾറാലി നടത്തി. പ്രസ്തുത ദിനത്തിന്റെ ഭാഗമായി ഒരു ക്വിസ് മത്സരവും നടത്തുകയുണ്ടായി.
വായന മാസാചരണം ഇംഗ്ലീഷ് , ഹിന്ദി,മലയാളം എന്നീ മൂന്നു വിഷയങ്ങളിലും ഉള്ള
പുസ് ത കങ്ങളുടെ ആസ്വാദനം അസംബ്ലിയിൽ കുട്ടികൾ നടത്തി വരുന്നു. വായനയുടെ പ്രാധാന്യം വിളിച്ചോതുന്ന ആപ്‌തവാക്യങ്ങളും ചിത്രങ്ങളും കൊണ്ട് നോട്ടീസ് ബോർഡുകൾ കുട്ടികൾ മനോഹരമാക്കി..
ആഴ്‌ചയിൽ ഒരു പുസ്‌തകം എങ്കിലും വായിക്കുകയും ആസ്വാദനക്കുറിപ്പ് തയ്യാറാക്കുകയും അവ ഓരോ കുട്ടികളും ക്ലാസിൽ അവതരിപ്പിക്കുകയും ചെയ്യുന്നു. ബഡ്ഡിംഗ് റൈറ്റേഴ്‌സ് ക്ലബ്ബിൻ്റെ സഹകരണത്തോടെയാണ് ഇത് ചെയ്‌തുവരുന്നത് . സർഗ്ഗ പീരിയഡുകളിൽ കുട്ടികൾ പുസ് തക പരിചയം നടത്തിവരുന്നു.ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ 'സ്കൂൾ റേഡിയോ' എന്ന പുതിയ സംരംഭം ആരംഭിക്കുകയും ഉച്ചഭക്ഷണ ഇടവേളകളിൽ കുട്ടികൾ പരിപാടികൾ അവതരിപ്പിക്കുകയും ചെയ്യുന്നു.
സ്കൂൾതല പ്രവൃത്തി പരിചയമേള
കുട്ടികളുടെ ക്രിയാപരമായ കഴിവുകൾ കണ്ടെത്തുന്നതിനായി സ് കൂ ൾതലപ്രവൃത്തി പരിചയ മേള ജൂൺ 27 ന് നടത്തി, ഉപജില്ലാ മത്സരങ്ങൾക്ക് യോഗ്യരായവരെ കണ്ടെത്തി .
ജൂലൈ
ബഷീർ ദിനാചരണം
കഥകളുടെ സുൽത്താനായ വൈക്കം മുഹമ്മദ് ബഷീറിന്റെ മുപ്പതാം ചരമദിനം വ്യത്യസ്ത പരിപാടികളോടെ ആചരിച്ചു. വായനയിലൂടെ തങ്ങൾ അനുഭവിച്ചറിഞ്ഞ ബഷീറിനെയും ബഷീറിന്റെ കഥാപാത്രങ്ങളെയും കുട്ടികൾ വരകളിലൂടെ,നിറങ്ങളിലൂടെ ആവിഷ്കരിച്ചു. ചാർട്ട് പേപ്പറിൽ കുട്ടികൾ വരച്ചുകൊണ്ടുവന്നവ സ്കൂൾ വരാന്തയിലും അങ്കണത്തിലുമായി പ്രദർശിപ്പിക്കുകയും അത് എല്ലാ കുട്ടികളും ആസ്വദിക്കുകയും ചെയ്തു. ലൈബ്രറിയിൽ ബഷീർ കൃതികളുടെ പ്രദർശനം സംഘടിപ്പിച്ചു. ബഷീറിനെയും ബഷീറിന്റെ സാഹിത്യത്തെയും അടിസ്ഥാനമാക്കി ഒരു സാഹിത്യ ക്വിസ് സംഘടിപ്പിക്കുകയുംചെയ്തു. മലയാളം അധ്യാപകരുടെ നേതൃത്വത്തിൽ വിവിധ ക്ലാസുകളിൽ ‘പാത്തുമ്മയുടെ ആടിലെ ‘ വിവിധ രംഗങ്ങൾ റോൾപ്ലേയിലൂടെ അവതരിപ്പിച്ചത് വേറിട്ട ഒരു അനുഭൂതിയായി.
സ്കൂൾ തല മേളകൾ
കുട്ടികളിൽ ഉറങ്ങിക്കിടക്കുന്ന അഭിരുചികൾ കണ്ടെത്തുവാനും പ്രോത്സാഹിപ്പിക്കുന്നതിനും ആയി വിവിധ വിഷയങ്ങളിൽ സ്കൂൾതല മേളകൾ നടത്തി. അതിൽ വിജയികളായവരെ കണ്ടെത്തുകയും ഉപജില്ലാ മത്സരത്തിന് വേണ്ട പരിശീലനങ്ങൾ നൽകി വരികയും ചെയ്യുന്നു.
ബോധവൽക്കരണ ക്ലാസ്
കൗമാര കാലഘട്ടത്തിലെ ശാരീരിക പ്രശ്നങ്ങളെ കുറിച്ചും ചർമ്മ രോഗങ്ങളെ കുറിച്ചും അവബോധം നൽകുന്നതിനായി ബോധവൽക്കരണ ക്ലാസ് നടത്തി. ഡോക്ടർ ഫിറോസ് കെ യുടെ നേതൃത്വത്തിൽ ഡോക്ടർ അഫ്രാ ടി. പി, ഡോക്ടർ റാബിയ അഷറഫ് എന്നിവരാണ് ക്ലാസുകൾ നൽകിയത്. ‘ചലോ പാഠശാല ‘ എന്ന പേരിലാണ്ഈ ക്ലാസ് നടത്തിയത്.
ജനറൽ ബോഡി യോഗവും ബോധവൽക്കരണ ക്ലാസും
2024 -25 അധ്യയന വർഷത്തിലെ രക്ഷാകർതൃ യോഗം ഇരുപത്തിമൂന്നാം തീയതി ഉച്ചയ്ക്ക് രണ്ടുമണിക്ക് ആരംഭിച്ചു. ശരിയായ രീതിയിലുള്ള പരിചരണവും ശ്രദ്ധയും ശിക്ഷണവും നൽകി തങ്ങളുടെ മക്കളെഎങ്ങനെ ഉത്തമ പൗരന്മാരാക്കി വളർത്താം എന്ന ഒരു ബോധവൽക്കരണ ക്ലാസ് രക്ഷിതാക്കൾക്ക്‌ നൽകുകയുണ്ടായി. ഹൃദയാരാം കൗൺസിലിംഗ് സെന്ററിലെ ട്രെയിനറും മെന്ററും ആയ ശ്രീ നിഖിൽ എം എടവനയാണ് വളരെ രസകരവും പ്രയോജനപ്രദവുമായ ക്ലാസ് നയിച്ചത്.
2023- 24 അധ്യയന വർഷം അക്കാദമിക തലത്തിൽ മികച്ച നിലവാരം കാഴ്ചവെച്ച കുട്ടികൾക്കുള്ള പ്രൊവിഷൻസി പ്രൈസ്വിതരണം ചെയ്തു.
തുടർന്ന് നടന്ന ജനറൽ ബോഡി യോഗത്തിൽ താഴെപ്പറയുന്നവരെ പിടിഎ എക്സിക്യൂട്ടീവ് മെമ്പേഴ്സ് ആയി തിരഞ്ഞെടുത്തു.
പ്രസിഡന്റ് - മിസ്റ്റർ റോബർട്ട് ഷിബു ഫെർണാണ്ടസ്
വൈസ് പ്രസിഡന്റ് - മിസ്സിസ് നിഷാന
മദർ പി ടി എ പ്രസിഡന്റ് - ശ്രീമതി സിനി ജിതേഷ്
ചാന്ദ്രദിനാചരണം( ജൂലൈ 23)
ചാന്ദ്രദിനത്തിന്റെ പ്രാധാന്യം വിളിച്ചോതുന്ന പ്രസംഗം lXഎ യിലെ ഇവ മരിയ സ്കൂൾ അസംബ്ലിയിൽ നടത്തി. അന്നേദിവസം നടത്തിയ ക്വിസ് മത്സരത്തിൽXസി യിലെ റിദ ഫാത്തിമ ഒന്നാം സ്ഥാനം നേടി.
മിന്നാമിനുങ്ങിന്റെ വംശനാശവും കാലാവസ്ഥാ വ്യതിയാനവും എന്ന വിഷയത്തിൽ കാലിക്കറ്റ് യൂണിവേഴ്സിറ്റി പ്രൊഫസർ ഡോക്ടർ ഷംസുദ്ദീൻ സയൻസ് ക്ലബ്ബിലെ കുട്ടികൾക്കായിഒരു സെമിനാർ നടത്തി. നമ്മുടെ നാട്ടിൽ ഒരുകാലത്ത് സുലഭമായിരുന്ന മിന്നാമിനുങ്ങുകൾ അ പ്രതിക്ഷമായിക്കൊണ്ടിരിക്കുന്നത് കാലാവസ്ഥാ വ്യതിയാനത്തിന്റെ സൂചനകളാണ് എന്ന തിരിച്ചറിവ് ഈ സെമിനാറിലൂടെ കുട്ടികൾക്ക് ലഭിച്ചു.
ചാന്ദ്രദിനത്തിന്റെ പ്രാധാന്യം ഉൾക്കൊള്ളുന്ന പത്ര കട്ടിങ്ങുകളും സ്വന്തം രചനകളും കൊണ്ട് ക്ലാസ് ബുള്ളറ്റിൻ ബോർഡും മെയിൻ ബുള്ളറ്റിൻ ബോർഡും കുട്ടികൾ മനോഹരമായി അലങ്കരിച്ചു.
മിഡ്‌ ടെം പരീക്ഷ
കുട്ടികളുടെ പഠന നിലവാരംകണ്ടെത്തുന്നതിനായി 24 മുതൽ 27 വരെയുള്ള തീയതികളിൽ പരീക്ഷ നടത്തി. പിന്നോക്കം നിൽക്കുന്ന കുട്ടികളെ കണ്ടെത്തുകയും അവർക്ക് ആവശ്യമായ പഠന പിന്തുണ നൽകുകയും ചെയ്തു വരുന്നു.