എ.എൽ.പി.എസ്. തോക്കാംപാറ/ക്ലാസ് പ്രവർത്തനങ്ങൾ 2024-25

അമ്മക്കോഴിയും കുഞ്ഞിക്കോഴിയും

സന്നദ്ധതാ പ്രവർത്തനങ്ങളുടെ ഭാഗമായി ഒന്നാം ക്ലാസ്സിലെ കുട്ടികൾ അമ്മക്കോഴിയെയും കുഞ്ഞിക്കോഴിയെയും നിർമിച്ചു. നിർമാണ പ്രവർത്തനങ്ങൾ പ്രധാനാധ്യാപകൻ ജയകൃഷ്ണൻ മാസ്റ്റർ ഉദ്ഘാടനം ചെയ്തു.  ജ്യോത്സ്‌ന ടീച്ചർ, ജിത്യ ടീച്ചർ എന്നിവർ പ്രവർത്തനങ്ങൾക്ക് നേതൃത്വം നൽകി.

പരിസ്ഥിതി ദിനാചരണം- 4സി

ജൂൺ 5 ലോക പരിസ്ഥിതി ദിനത്തിന്റെ ഭാഗമായി നാല് സി ക്ലാസിലെ കുട്ടികൾക്കായി പരിസ്ഥിതി ദിന പോസ്റ്റർ രചന മത്സരം, ക്വിസ് മത്സരം എന്നിവ നടത്തി. എല്ലാ കുട്ടികളും മത്സരങ്ങളിൽ പങ്കെടുത്തു. ക്ലാസ് തല ക്വിസ് മത്സരത്തിലും പോസ്റ്റർ രചന മത്സരത്തിലും ഒന്നാം സ്ഥാനം നേടിയ ഗൗരി എസ് നായരെ പ്രധാനാധ്യാപകനായ ജയകൃഷ്ണൻ മാസ്റ്റർ സമ്മാനം നൽകി അനുമോദിച്ചു. ക്ലാസ് തലത്തിൽ നിർമ്മിച്ച പോസ്റ്ററുകൾ എല്ലാം ഉൾപ്പെടുത്തിക്കൊണ്ടുള്ള പോസ്റ്റർ പതിപ്പ് ക്ലാസ് ലീഡർമാരായ മുഹമ്മദ് ഹനൂൻ, അർദിൻ അംജദ് എന്നീ കുട്ടികൾക്ക് നൽകി കൊണ്ട് പ്രകാശനം ചെയ്തു. മത്സരങ്ങളിൽ പങ്കെടുത്ത എല്ലാ കുട്ടികളെയും അഭിനന്ദിക്കുകയും ചെയ്തു.

കയ്യെഴുത്ത് മത്സരം-4 സി

വായനവാരാചരണത്തിന്റെ ഭാഗമായി എഴുത്തിനും വായനയ്ക്കും പ്രാധാന്യം നൽകുന്ന നിരവധി ക്ലാസ്റും പ്രവർത്തനങ്ങളാണ് തോക്കാംപാറ എ എൽ പി സ്കൂളിലെ അധ്യാപകർ ആസൂത്രണം ചെയ്ത് നടപ്പിലാക്കുന്നത്. ഇതിന്റെ ഭാഗമായി നാല് സി ക്ലാസിൽ മലയാളം കൈയ്യെഴുത്ത് മത്സരം നടത്തി. എല്ലാ കുട്ടികളും വളരെ താൽപര്യത്തോടെയാണ് മത്സരത്തിൽ പങ്കെടുത്തത്. അതിഥി തൊഴിലാളികളുടെ മക്കളായ കുട്ടികൾ മലയാളം വളരെ മനോഹരമായി പകർത്തി എഴുതിയത് ശ്രദ്ധേയമായി.