GMUPS ELETTIL/പ്രവർത്തനങ്ങൾ
വിദ്യാരംഗം കലാവേദിയുടെയും വിവിധ ഭാഷാക്ലബ്ബുകളുടെയും ഉദ്ഘാടനം
എളേറ്റിൽ : എളേറ്റിൽ ജി എം യു പി സ്കൂളിൽ വിദ്യാരംഗം കലാവേദിയുടെയും വിവിധ ഭാഷാക്ലബ്ബുകളുടെയും ഉദ്ഘാടനം നടന്നു . എഴുത്തുകാരിയും ജി എൽ പി എസ് പനായിലെ പ്രധാനാധ്യാപികയുമായ ശ്രീമതി ഷീജ സുരേന്ദ്രൻ ഉദ്ഘാടനം നിർവഹിച്ചു. ഉർദു ക്ലബ് കൺവീനർ എൻ പി മുഹമ്മദ് സ്വാഗത ഭാഷണം നടത്തി. സീനിയർ അസിസ്റ്റന്റ് എം ടി അബ്ദുൽ സലീം അധ്യക്ഷത വഹിച്ച ചടങ്ങിൽ ഹെഡ് മാസ്റ്റർ അനിൽ കുമാർ, സ്റ്റാഫ്‌ സെക്രട്ടറി വി സി അബ്ദു റഹിമാൻ, അറബിക് ക്ലബ് കൺവീനർജൈഫർ , വിദ്യാരംഗം കോർഡിനേറ്റർ അരുൺജിത്ത് എന്നിവർ ആശംസകളർപ്പിച്ചു സംസാരിച്ചു. ഹിന്ദി ക്ലബ് കൺവീനർ നന്ദിനി നന്ദിയും പറഞ്ഞു. വായന പക്ഷാചരണവുമായി ബന്ധപ്പെട്ടുനടന്ന വിവിധ മത്സരങ്ങളിലെ വിജയികൾക്കുള്ള സമ്മാനദാനവും, ഹിന്ദി മാഗസിൻ പ്രകാശനവും ചടങ്ങിൽ വെച്ച് നടന്നു. ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ നടത്തിയ സ്കിറ്റ് കുട്ടികൾക്ക് ഏറെ ആസ്വാദ്യകരമായി
അന്താരാഷ്ട്ര യോഗ ദിനം
എളേറ്റിൽ: ജൂൺ- 2l ,അന്താരാഷ്ട്ര യോഗ ദിനം എളേറ്റിൽ ജി.എം.യു.പി.സ്കൂളിൽ JRC യൂണിറ്റിൻ്റെ ആഭിമുഖ്യത്തിൽ ആചരിച്ചു. കായികാധ്യാപകൻ മിഥുൻ യോഗാ രീതികൾ പരിചയപ്പെടുത്തി.യോഗയുടെ പ്രാധാന്യം അദ്ദേഹം കുട്ടികൾക്ക് വിശദീകരിച്ചു കൊടുത്തു.JRC യൂണിറ്റ് കൺവീനർ ജാസ്മിൻ, സവിത എന്നിവർ നേതൃത്വം നൽകി
ജൂൺ 19സാംസ്കാരിക പ്രവർത്തകനോടൊപ്പം
സാംസ്കാരിക പ്രവർത്തകനോടൊപ്പം അനുഭവം പങ്കുവെച്ച് എഴുത്തുക്കൂട്ടം കൂട്ടുകാർ
എളേറ്റിൽ : എളേറ്റിൽ ജി എം യു പി സ്കൂളിൽ വായനവാരാചരണത്തിന്റെ ഭാഗമായി വിവിധ പരിപാടികൾ നടത്തി. വായനദിനമായ ജൂൺ 19 ന് പി എൻ പണിക്കർ അനുസ്മരണത്തോടെ വായനവാരാഘോഷത്തിന് തുടക്കം കുറിച്ചു. ഗ്രാമീണവായനശാല സന്ദർശനം, വായനക്കുറിപ്പ് തയ്യാറാക്കൽ, ലൈബ്രറി കാർഡ് വിതരണം തുടങ്ങിയവ സംഘടിപ്പിച്ചു. പ്രമുഖ നാടകകലാകാരനും, പൊതുപ്രവർത്തകനുമായ സലാം വട്ടോളിയുമായുള്ള അഭിമുഖം കുട്ടികൾക്ക് നവ്യാനുഭവമായി
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പ്രവേശനോത്സവം
എളേറ്റിൽ ജി. എം.യു.പി സ്കൂളിൽ പ്രവേശനോത്സവം സമുചിതമായി ആഘോഷിച്ചു. കിഴക്കോത്ത് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ജസ്ന അസൈൻ ഉദ്ഘാടനം ചെയ്തു.വലിയപറമ്പ് സർവീസ് സഹകരണ ബാങ്ക് ഡയറക്ടർ ഫസലുറഹ്മാൻ നിർധനരായ കുട്ടികൾക്ക് പഠനോപകരണങ്ങൾ വിതരണം ചെയ്തു. നവാഗതർ ക്കുള്ള കിറ്റ് വിതരണം പിടിഎ പ്രസിഡന്റ് ഷാജഹാൻ എ.കെ നിർവഹിച്ചു. 2023ൽ ഇന്ത്യൻ ബുക്ക് ബുക്ക് ഓഫ് റെക്കോർഡും 2024 ലെ കലാം അവാർഡ് ജേതാവുമായ റസിൻ സാലിഹിനെ ചടങ്ങിൽഅനുമോദിച്ചു.ധന്യ( എം.പി.ടി.എ പ്രസിഡണ്ട് ) എം. ടി അബ്ദുസലീം ( സീനിയർ അസിസ്റ്റന്റ് ) മനോജ് ഞേ ളിക്കുന്ന്( പി.ടി.എ വൈസ് പ്രസിഡണ്ട് ) വിനോദ് എളേറ്റിൽ( എസ്.എം. സി വൈസ് ചെയർമാൻ) വി.സി അബ്ദുറഹ്മാൻ എന്നിവർ ആശംസകൾ അർപ്പിച്ചു സംസാരിച്ചു.
ഫ്ലവേഴ്സ് കോമഡി ഉത്സവം ഫെയിം ഹരിദാസ് പനങ്ങാടും സംഘവും അവതരിപ്പിച്ച മിമിക്സും നാടൻപാട്ടും പ്രവേശനോത്സവ വേദിയെ വർണ്ണാഭമാക്കി.
കുട്ടികൾ വിവിധ കലാപരിപാടികൾ അവതരിപ്പിച്ചു.
പിടിഎ പ്രസിഡണ്ട് ഷാജഹാൻ എ.കെ അധ്യക്ഷത വഹിച്ച ചടങ്ങിൽ ഹെഡ്മാസ്റ്റർ എം.വി അനിൽകുമാർ സ്വാഗതവും എൻ.പി മുഹമ്മദ് നന്ദിയും പറഞ്ഞു.