കൊറോണ വൈറസ്
ലോകം പുരോഗതിയുടെ പാതയിലേക്ക് നടന്നടുക്കുമ്പോൾ ലോക ജനതയെ ഭീതിയുടെ അന്ധകാരത്തിലേക്ക് നയിക്കുന്ന വിപത്തുകൾ ഒന്നൊന്നായി തലപൊക്കുന്നു. ഇന്ത്യക്കൊപ്പം പുരോഗതിയുടെ പാതയിലൂടെ നടന്നടുത്തിടുന്ന കേരളവും ആശങ്കാപൂർണമായാണ് ഒരോ വിപത്തുകളെയും നോക്കി കാണുന്നത്. ഇത്തരത്തിൽ 2020-ൽ നാം നേരിടേണ്ടി വന്ന മഹാവിപത്താണ് കോവിഡ് 19 എന്ന കൊറോണ വൈറസ് . ആകൃതിയിൽ വളരെ ചെറുതായി മാത്രം തോന്നിക്കുന്ന ഈ വൈറസ് ലക്ഷക്കണക്കിനു ജീവനുകളാണ് കവർന്നെടുക്കുന്നത്. ഇനിയും ലോകജനത ഈ മഹാമാരിയുടെ ആഘാതത്തിൽ നിന്നും മുക്തി നേടിയിട്ടില്ല. ഇപ്പോഴും ഉത്ഭവത്തെക്കുറിച്ച് വ്യക്തമായ അറിവു ലഭിക്കാത്ത ഈ വൈറസ് ലോക രാജ്യങ്ങളെ ഒന്നൊന്നായി കീഴ്പ്പടുത്തി കൊണ്ടിരിക്കുകയാണ്. ലോക ജനസംഖ്യയിൽ വൻ തോതിൽ ഇടിവ് സംഭവിച്ചുകൊണ്ടിരിക്കുന്നു. ആശങ്കയല്ല, ജാഗ്രതയാണ് വേണ്ടതെന്ന സന്ദേശം മുമ്പോട്ട് വെച്ച് ഓരോത്തുത്തരും ഈ മഹാമാരിയോട് പടപൊരുതി കൊണ്ടിരിക്കുകയാണ്.
കേരളത്തിലെ കൊറോണ പ്രതിരോധ പ്രവർത്തനങ്ങൾ എടുത്തു പറയേണ്ടതും പ്രശംസനാർഹവ്വുമാണ്. ഒത്തൊരുമിച്ച് ജാതിമത വർഗ വ്യത്യാസങ്ങൾ പരിഗണിക്കാതെ ഒറ്റക്കെട്ടായി ഈ മഹാമാരിയെ നാമെല്ലാവരും ചേർന്ന് പ്രതിരോധിക്കുക തന്നെ ചെയ്യും. രാജ്യം പൂർണ്ണമായും അടഞ്ഞു കിടന്നു കൊണ്ട് വൈറസിന്റെ വ്യാപനം തടയാനായി ദിനംപ്രതി ശ്രമിച്ചുകൊണ്ടിരിക്കുന്നു. പല മേഖലകളിലും പ്രതിസന്ധി നേരിടുന്നുണ്ടെങ്കിൽ കൂടി ആരോഗ്യ സുരക്ഷയെ മുൻനിർത്തി ഓരോ പൗരനും നിർദ്ദേശങ്ങൾ പാലിച്ചു മുന്നോട്ടു നീങ്ങുന്നു. ഈ വേളയിൽ ജീവൻ ബലിയർപ്പിക്കും ജീവിതം ത്യജിച്ചും മാനവരാശിയുടെ നിലനിൽപ്പിനായി പൊരുതുന്ന ആരോഗ്യ പ്രവർത്തകരെയും, പോലീസുകാരുടേയും പ്രവർത്തികൾ സ്മരണയോടെ നിലനിൽകണ്ടേതാണ്. ജീവനും ജീവിതവും പണയം വെച്ച് അവർ നീട്ടുന്ന സേവനം ലാഭേഛയിലാതെയാണ്. എല്ലാ മേഖലയിലും സ്തംഭനം നേരിടുന്ന ഈ സാഹചര്യത്തിൽ കേരള ജനതയെ കാലിടറാതെ മുന്നോട്ടു നയിക്കുന്ന ഓരോ സേവനവും വിലപ്പെട്ടതാണ്, അഭിനന്ദാർഹമാണ്. കോവിഡ് ഭീതിയിൽ ഉലഞ്ഞിരിക്കുകയാണ് കാർഷികമേഖല. വിളവെടുപ്പുകാലത്തെത്തിയ മഹാമാരി കർഷകന്റെ കണ്ണീരിനു സാക്ഷ്യം വഹിക്കുന്നു. അന്നന്നത്തെ ആഹാരത്തിനു വേണ്ടി കഷ്ടപ്പെടുന്നവർക്ക് തിരിച്ചടിയായിരിക്കുന്നു കോവിഡ് എന്ന ഈ മഹാവിപത്ത്.
 സാങ്കേതിക പരിശോധന - Sunirmaes തീയ്യതി: 23/ 04/ 2020 >> രചനാവിഭാഗം - ലേഖനം
|
