വിദ്യാലയ വാർത്തകൾ/പത്തായം
എട്ടാംക്ലാസുകാർക്ക് ലിറ്റിൽ കൈറ്റ്സ് അംഗമാകാം
തിരുവനന്തപുരം: സംസ്ഥാനത്തെ രണ്ടായിരത്തോളം സർ ക്കാർ-എയ്ഡഡ് ഹൈസ്കൂളുകളിൽ നിലവിലുള്ള ലിറ്റിൽ കൈറ്റ്സ് ക്ലബ്ബുകളിൽ അംഗത്വത്തി ന് എട്ടാംക്ലാസുകാർക്ക് ജൂൺ 12 വരെ അപേക്ഷിക്കാം. തിരഞ്ഞെടുക്കാനുള്ള അഭിരുചി പരീക്ഷ സംസ്ഥാനതലത്തിൽ 18-ന് നടക്കും. സ്കൂളുകളിൽനിന്ന് ലഭിക്കുന്ന അപേക്ഷ പ്രഥമാധ്യാപകർക്കാണ് നൽകേണ്ടത്.
അഭിരുചിപരീക്ഷ
സോഫ്റ്റ്വെയർ അധിഷ്ഠിതമായി നടത്തുന്ന അരമണിക്കൂർ ദൈർഘ്യമുള്ള അഭിരുചിപരീക്ഷയിൽ ലോജിക്കൽ -ഗണിതം, പ്രോഗ്രാമിങ്, അഞ്ച്, ആറ്, ഏഴ് ക്ലാസുകളിലെ ഐടി പാഠപുസ്തകം, ഐടി മേഖലയിലെ പൊതുവിജ്ഞാനം എന്നീ മേഖലകളിൽനിന്ന് ചോദ്യങ്ങളുണ്ടാകും. പരീക്ഷയ്ക്ക് തയ്യാറാകുന്നവർക്കായി 12, 13, 14 തീയതികളിൽ രാവിലെയും വൈകീട്ടും ഏഴിന് പ്രത്യേകക്ലാസുകൾ കൈറ്റ് വിക്ടേഴ്സ് ചാനൽ വഴി സംപ്രേഷണം ചെയ്യുമെന്ന് കൈറ്റ് സിഇഒ കെ. അൻവർ സാദത്ത് അറിയിച്ചു.
അംഗത്വം
അംഗങ്ങളാകുന്നവർക്ക് റോബോട്ടിക്സ്, ആനിമേഷൻ, മലയാളം കംപ്യൂട്ടിങ്, സൈബർസുരക്ഷ, മൊബൈൽ ആപ്പ് നിർമാണം, പ്രോഗ്രാമിങ്, ഇ-ഗവേണൻസ്, ഹാർഡ്വേർ തുടങ്ങിയ മേഖലകളിൽ പരിശീലനം നൽകും. പുതിയതായി യൂണിറ്റുകൾക്ക് വിതരണംചെയ്തിട്ടുള്ള ആർഡിനോ കിറ്റ് പ്രയോജനപ്പെടുത്തിയുള്ള റോബോട്ടിക്സ് പ്രവർത്തനങ്ങളും ബ്ലെൻഡർ സോഫ്റ്റ്വേർ പ്രയോജനപ്പെടുത്തിയുള്ള ത്രീഡി ആനിമേഷൻ തയ്യാറാക്കൽ തുടങ്ങിയവ ഈവർഷത്തെ പ്രധാന പ്രവർത്തനങ്ങളായിരിക്കും.
സ്കൂൾപ്രവർത്തനത്തെ ബാധിക്കാതെയും അവധിദിവസങ്ങൾ പ്രയോജനപ്പെടുത്തിയുമാണ് പരിശീലനം ക്രമീകരിക്കുന്നത്. ലിറ്റിൽ കൈറ്റ്സ് അംഗങ്ങളിൽ എ ഗ്രേഡ് നേടുന്നവർക്ക് പത്താംക്ലാസ് പരീക്ഷയിൽ ഗ്രേസ് മാർക്ക് അനുവദിച്ചിട്ടുണ്ട്. കൈറ്റ് നടപ്പാക്കുന്ന ഇന്ത്യയിലെ കുട്ടികളുടെ ഏറ്റവും വലിയ ഐടി കൂട്ടായ്മയായ 'ലിറ്റിൽ കൈറ്റ്സ്' ഐടി ക്ലബ്ബിൽ ഇതുവരെ 4.9 ലക്ഷം കുട്ടികൾ അംഗങ്ങളായിട്ടുണ്ട്. വിവര ങ്ങൾക്ക്: www.kite.kerala.gov.in
പ്രവേശനോൽസവം 2025
2025-26 അധ്യയനവർഷത്തെ സ്കൂൾ പ്രവേശനോൽസവത്തിന്റെ സംസ്ഥാനതല ഉൽഘാടനം ബഹു. കേരള മുഖ്യമന്ത്രി പിണറായി വിജയൻ 2025 ജൂൺ 2 ന് ഗവ എച്ച് എസ് എസ് , കലവൂരിൽ നിർവ്വഹിച്ചു. പൊതുവിദ്യാഭ്യാസ വകുപ്പുമന്ത്രി വി. ശിവൻകുട്ടി അധ്യക്ഷത വഹിച്ച സമ്മേളനത്തിൽ, മന്ത്രിമാർ, എം.പിമാർ, എം.എൽ.എമാർ തദ്ദേശസ്വയംഭരണ പ്രതിനിധികൾ, വിദ്യാഭ്യാസ പ്രവർത്തകർ, നാട്ടുകാർ തുടങ്ങി വലിയൊരു ജനസഞ്ചയം പങ്കെടുത്തു.
'വിദ്യാലയങ്ങളെ കുട്ടികൾ രണ്ടാംവീടായി കാണുന്ന അവസ്ഥയുണ്ടാകണമെന്ന് മുഖ്യമന്ത്രി പിണറായി വിജയൻ പറഞ്ഞു. പ്രതിസന്ധികളെ പ്രതിരോധിക്കാനുള്ള ശേഷി അവരിലുണ്ടാകണം. അതിന്, ക്ലാസ് മുറികളിൽ പരസ്പരസ്നേഹവും കരുതലും വളരണം. അധ്യാപകർ അറിവിന്റെ തലം മെച്ചപ്പെടുത്തണം. അധ്യയനത്തെ സമൂഹത്തിന്റെ ആവശ്യകതയനുസരിച്ച് കാണണം. അറിവു കിട്ടുന്നതിലേക്കു മാത്രം ചുരുങ്ങാതെ വിദ്യാലയജീവിതം മാനവികതയുടെ പ്രകാശം കിട്ടി വളരണം. ജനാധിപത്യബോധവും മതനിരപേക്ഷചിന്തയും നിറയണം. സാരോപദേശ രീതിയിലല്ല, പ്രവർത്തനങ്ങളിലൂടെ കുട്ടികളെ ഇക്കാര്യം ബോധ്യപ്പെടുത്താൻ നോക്കണം. അറിവിനെ ജീവിതവുമായി ബന്ധിപ്പിക്കാൻ കഴിയണമെന്നും മുഖ്യമന്ത്രി പറഞ്ഞു.' കൂടുതൽ വായിക്കാം
പ്രവേശനോത്സവ ഗാനം
പ്രവേശനോത്സവ ചരിത്രത്തിൽ ആദ്യമായി ഒരു വിദ്യാർത്ഥിനിയുടെ കവിത പ്രവേശനോത്സവ ഗാനമായി. കൊട്ടാരക്കര താമരക്കുടി എസ്.വി.വി.എച്ച്.എസ്.എസിലെ വിദ്യാർത്ഥിനിയായ ഭദ്ര ഹരി എഴുതിയ ഗാനമാണ് 2025 - 26 അദ്ധ്യയനവർഷം പ്രവേശനോത്സവഗാനമായി തെരെഞ്ഞെടുത്തിരിക്കുന്നത്. പ്രശസ്ത സംഗീത സംവിധായകൻ അൽഫോൺസ് ജോസഫാണ് ഈ ഗാനം ചിട്ടപ്പെടുത്തിയതും ആലപിച്ചതും. അനു തോമസ്, അലീന മേരി ഷിബു, ജെറിൻ ജോർജ്ജ് എന്നിവരും ഗാനാലാപനത്തിന്റെ ഭാഗമായി. 2025-26 അധ്യയനവർഷത്തെ സ്കൂൾ പ്രവേശനോൽസവത്തിന്റെ സംസ്ഥാനതല ഉൽഘാടനം ബഹു. കേരള മുഖ്യമന്ത്രി പിണറായി വിജയൻ 2025 ജൂൺ 2 ന് ഗവ എച്ച് എസ് എസ് , കലവൂരിൽ നിർവ്വഹിക്കും.
വരികൾ
മഴമേഘങ്ങൾ പന്തലൊരുക്കിയ
പുതുവർഷത്തിൻ പൂന്തോപ്പിൽ
കളിമേളങ്ങൾ വർണ്ണം വിതറിയൊ-
രവധിക്കാലം മായുന്നു.
അക്ഷരമധുരം മഴവില്ലഴകാ-
യുത്സവമേളം വരവായി
കുസൃതി വിടർന്ന മിഴിക്കോണുകളിൽ
കൗതുകലോകം വരവായി.
വിശ്വപ്രകൃതി പകർന്നൊരു വിസ്മയ
വിദ്യകൾ വിത്തുകളായപ്പോൾ
കേരളമണ്ണിൽ കതിരൊളിചിന്നിയ
കഥകൾ പലതുമറിഞ്ഞീടാം (അക്ഷരമധുരം).
സമത്വമുണരും സ്വതന്ത്രഭൂവിൻ
ചരിത്രമെഴുതിയ താളുകളിൽ
ശാസ്ത്രമൊരുക്കും നവലോകത്തിൽ
ശാരികപാടിയ കവിതകളിൽ.
നമുക്കുമറിവിൻ പൊൻതൂവലിനാൽ
സ്വപ്നച്ചിറകുകൾ നെയ്ത്തീടാം
ഏകതയേകും പുതുപുലരികളിൽ
പുതിയചരിത്രം വിടരട്ടെ (അക്ഷരമധുരം).
കൊച്ചുകിനാവിൻ ചിറകുകളരിയും
ലഹരിക്കെതിരായ് കൈകോർക്കാം
കലാലയങ്ങളിൽ നിന്നുതുടങ്ങാം
കരുത്തുണന്നൊരു പോരാട്ടം.
കരുതലിനുജജ്വല കവചത്താൽ നവ-
കേരളമൊന്നിനി നെയ്തീടാം (അക്ഷരമധുരം)
സ്കൂൾവിക്കി ഓൺലൈൻ പരിശീലനം 2025
Google Meet പ്ലാറ്റ്ഫോമിലൂടെ സ്കൂൾവിക്കി ഓൺലൈൻ പരിശീലനം 2025 മെയ് 13 ന് ആരംഭിക്കുന്നു. സ്കൂൾവിക്കിയുടെ ജില്ലാതല വാട്സാപ് ഗ്രൂപ്പുവഴി ക്ലാസ്സ് വിവരങ്ങൾ നൽകുന്നതാണ്. എല്ലാവർക്കും ഇതിൽ പരിശീലിക്കാം. ഒൻപതാംതരത്തിലെ ഐ.ടി. പാഠപുസ്തകം പഠിപ്പിക്കുവാൻ നിയുക്തരായ മുഴുവൻ ടീച്ചേഴ്സും സ്കൂൾവിക്കി തിരുത്തൽ പരിശീലനം നേടേണ്ടതാണ്.
- പരിശീലനവിവരങ്ങൾ ഇവിടെ ലഭ്യമാണ്
- സ്കൂൾവിക്കിയുടെ ജില്ലാതല വാട്സാപ് ഗ്രൂപ്പിൽ അംഗമാകുന്നതിനുള്ള ലിങ്ക് ഇവിടെ ലഭ്യമാണ്.
ഐ.സി.ടി. അധ്യാപക പരിശീലനം 2025
എട്ട്, ഒൻപത്, പത്ത് ക്ലാസ്സുകളിലെ നവീകരിച്ച ഐ.സി.ടി. പാഠപുസ്തകം അടിസ്ഥാനമാക്കിയുള്ള അധ്യാപക പരിശീലനത്തിന് ഇപ്പോൾ രജിസ്റ്റർ ചെയ്യാം.
https://kite.kerala.gov.in/KITE/index.php ൽ Services മെനുവിലുള്ള Training Management System വഴി വിവരങ്ങൾ ചേർക്കുക, User Guide കൂടി ഇവിടെ ലഭ്യമാണ്.
- വിശദവിവരങ്ങൾക്ക് സർക്കുലർ കാണുക
AI Essentials - Batch 3
കൈറ്റ് പൊതുജനങ്ങൾക്കായി നടത്തുന്ന കോഴ്സ്. ദൈനം ദിന പ്രവർത്തങ്ങളിൽ നിർമിതബുദ്ധി സങ്കേതങ്ങൾ ഫലപ്രദമായി ഉപയോഗിക്കാനുള്ള ശേഷി നേടുന്നതിന് പഠിതാക്കളെ സഹായിക്കുന്ന വിധത്തിലാണ് കോഴ്സ് ക്രമീകരിച്ചിട്ടുള്ളത്. പ്രായോഗിക പ്രവർത്തനങ്ങൾക്ക് ഊന്നൽ നൽകിക്കൊണ്ടുള്ള നിരവധി പഠന വിഭവങ്ങൾ കോഴ്സിന്റെ ഭാഗമായി ഉൾപ്പെടുത്തിയിട്ടുണ്ട്. പൂർണ്ണമായും ഓൺലൈൻ മോഡിൽ നടക്കുന്ന കോഴ്സ് വീട്ടിലിരുന്നു തന്നെ നാലാഴ്ച കൊണ്ട് പൂർത്തിയാക്കാം. കോഴ്സ് വിജയകരമായി പൂർത്തിയാക്കുന്നവർക്ക് KITE സർട്ടിഫിക്കറ്റ് നൽകുന്നതാണ്. 2025 മെയ് 7 വരെ രജിസ്ട്രേഷൻ നടത്താം
ഹയർസെക്കന്ററി അധ്യാപക സ്ഥലമാറ്റത്തിന് അപേക്ഷിക്കാം
സർക്കാർ ഹയർ സെക്കന്ററി അധ്യാപകരുടെ സ്ഥലംമാറ്റത്തിന് www.dhsetransfer.kerala.gov.in പോർട്ടൽ വഴി ഓൺലൈനായി മെയ് 3 വരെ അപേക്ഷിക്കാം. നേരത്തെ അധ്യാപകരുടെ പ്രൊഫൈൽ അപ്ഡേറ്റ് ചെയ്യാനും, അത് പ്രിൻസിപ്പൽമാർക്ക് തിരുത്താനും, കൃത്യമായ ഒഴിവുകൾ റിപ്പോർട്ട് ചെയ്യാനും കൈറ്റിന്റെ നേതൃത്വത്തിൽ സംവിധാനം ഒരുക്കിയിരുന്നു. ഈ വിവരങ്ങളുടെ അടിസ്ഥാനത്തിലാണ് ട്രാൻസ്ഫർ നടത്തുക എന്നതിനാൽ തെറ്റായ വിവരങ്ങൾ നൽകുന്നത് നടപടികൾക്ക് വിധേയമാക്കും എന്നും ഇത്തരം അധ്യാപകരെ സ്ഥലംമാറ്റും എന്നും സർക്കുലറിൽ വ്യക്തമാക്കിയിട്ടുണ്ട്. ഇത്തരം തെറ്റുകൾ ഏപ്രിൽ 28, 29 ദിവസങ്ങളിൽ ബന്ധപ്പെട്ട രേഖകളോടെ ഹയർ സെക്കന്ററി ഡയറക്ടറേറ്റിൽ നേരിട്ട് ചെന്ന് തിരുത്താൻ അവസരം നൽകിയിട്ടുണ്ട്. പരിരക്ഷിത വിഭാഗം, മുൻഗണനാ വിഭാഗം എന്നിവയ്ക്കായി സമർപ്പിക്കുന്ന രേഖകളുടെ ആധികാരികത ഈ വർഷം വിജിലൻസ് പരിശോധനയ്ക്കും വിധേയമാക്കും.
'Key to Entrance' ഓൺലൈൻ പ്ലാറ്റ്ഫോമിൽ മോക് ടെസ്റ്റ്
പൊതുവിദ്യാലയങ്ങളിൽ ഹയർ സെക്കണ്ടറി വൊക്കേഷണൽ ഹയർ സെക്കണ്ടറി തലത്തിൽ പഠിക്കുന്ന താത്പര്യമുള്ള എല്ലാ വിഭാഗം വിദ്യാർത്ഥികൾക്കും സാമ്പത്തിക പിന്നോക്കം, നഗര-ഗ്രാമ വ്യത്യാസം തുടങ്ങിയവയില്ലാതെ പൊതുപ്രവേശന പരീക്ഷയിൽ പങ്കെടുക്കുന്നതിന് പ്രത്യേക പരിശീലനം നൽകാൻ കൈറ്റ് വിക്ടേഴ്സ് ഓൺലൈൻ പ്ലാറ്റ്ഫോമിൽ (entrance.kite.kerala.gov.in) 'Key to Entrance' സംസ്ഥാനത്തെ പൊതുവിദ്യാലയങ്ങളിൽ നിന്നും വിദ്യാർത്ഥികൾ രജിസ്റ്റർ ചെയ്യുകയും കോഴ്സ് പൂർത്തിയാക്കുകയും ചെയ്തിട്ടുണ്ട്. സർക്കുലറിൽ നിർദേശിച്ചിരിക്കുന്നത് പ്രകാരം, രജിസ്റ്റർ ചെയ്തിട്ടുള്ള വിദ്യാർത്ഥികൾക്കായി 'Key to Entrance' ഓൺലൈൻ പ്ലാറ്റ്ഫോമിൽ മോക് ടെസ്റ്റ് നടത്തുന്നതാണ്. 2025 ഏപ്രിൽ 16 മുതൽ 19 വരെ 'Key to Entrance' ഓൺലൈൻ പ്ലാറ്റ്ഫോമിൽ കോഴ്സ് രജിസ്റ്റർ ചെയ്ത വിദ്യാർത്ഥികൾക്ക് അവരവരുടെ യൂസർ ഐ.ഡിയും പാസ്വേഡും ഉപയോഗിച്ച് ലോഗിൻ ചെയ്ത് ടെസ്റ്റിൽ പങ്കെടുക്കാവുന്നതാണ്. 'Key to Entrance' പ്രോഗ്രാമിലേയ്ക്ക് രജിസ്റ്റർ ചെയ്തിട്ടുള്ള എല്ലാ വിദ്യാർത്ഥികൾക്കും അതത് സ്കൂൾ പ്രിൻസിപ്പൽമാർ ടെസ്റ്റിൽ പങ്കെടുക്കുന്നതിന് സൂചന സർക്കുലറിൽ പ്രതിപാദിച്ച വിധത്തിൽ ആവശ്യമായ നിർദേശങ്ങൾ നൽകേണ്ടതാണ്.
12/04/2025
ഹയർസെക്കന്ററി ഓൺലൈൻ സ്ഥലമാറ്റത്തിന് പോർട്ടൽ തുറന്നു
2025-26 അധ്യയന വർഷത്തിലെ സർക്കാർ ഹയർസെക്കന്ററി അധ്യാപകരുടെ പൊതുസ്ഥലമാറ്റവും നിയമനവും ഓൺലൈനായി നടത്തുന്നതിന് മുന്നോടിയായി എല്ലാ അധ്യാപകരുടെയും പ്രൊഫൈൽ കൃത്യമാക്കുന്നതിനും പ്രിൻസിപ്പൽമാർ ഒഴിവുകൾ റിപ്പോർട്ട് ചെയ്യുന്നതിനുമായി പോർട്ടൽ തുറന്നു. കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷന്റെ (കൈറ്റ്) സാങ്കേതിക പിന്തുണയോടെ ജൂൺ 1-ന് മുമ്പ് സ്ഥലമാറ്റവും നിയമനവും പൂർത്തീകരിക്കുന്ന വിധത്തിലാണ് പോർട്ടൽ ഒരുക്കിയിരിക്കുന്നത്.
www.dhsetransfer.kerala.gov.in പോർട്ടലിൽ ഏപ്രിൽ 16 വരെ അധ്യാപകർക്ക് വിവരങ്ങൾ അപ്ഡേറ്റ് ചെയ്യാം. പ്രിൻസിപ്പൽമാർ ഇത് പരിശോധിച്ച് കൃത്യത ഉറപ്പാക്കി വീണ്ടും അധ്യാപകർ പ്രൈഫൈൽ 'കൺഫേം' ചെയ്യണം.
പ്രൊഫൈൽ പുതുക്കുന്നതോടൊപ്പം എല്ലാ അധ്യാപകരും പോർട്ടലിൽ ഉൾപ്പെട്ടിട്ടുണ്ടെന്നും, അവരുടെ പോസ്റ്റിംഗ് സ്റ്റാറ്റസ് (കണ്ടീഷണൽ/നോർമൽ/എക്സസ്) കൃത്യമാണെന്നും ഉൾപ്പെടെയുള്ള കാര്യങ്ങൾ പ്രിൻസിപ്പൽമാർ ഉറപ്പാക്കണം. എല്ലാ വിശദാംശങ്ങളും പരിശോധിച്ച് പ്രിൻസിപ്പൽമാർ പ്രൊഫൈൽ കൃത്യമാക്കുന്നതോടൊപ്പം തന്നെ ഒഴിവുകളും റിപ്പോർട്ട് ചെയ്യുന്നത് ഈ വർഷം പുതുതായി ഏർപ്പെടുത്തിയതാണ്. കൂടാതെ ഇതാദ്യമായി മെയ് 31 വരെ വിരമിക്കുന്ന അധ്യാപകരുടെയും പ്രിൻസിപ്പൽമാരുടെയും എണ്ണംകൂടി ഉൾപ്പെടുത്തിയാണ് ഒഴിവുകൾ കണക്കാക്കുന്നത്. വിവരങ്ങൾ നൽകുന്നതോടൊപ്പം ഓരോ സ്കൂളിലെയും ഒഴിവുവിവരങ്ങൾ തത്സയമം സുതാര്യമായി അറിയാനും സംവിധാനം ഏർപ്പെടുത്തിയിട്ടുണ്ട്.
പ്രൊഫൈൽ കൃത്യമാക്കുന്നതുമായി ബന്ധപ്പെട്ട എല്ലാ രേഖകളും, പരാതികളും അധ്യാപകർ പോർട്ടൽ വഴി വേണം പ്രിൻസിപ്പലിന്റെ പരിശോധനയ്ക്കായി സമർപ്പിക്കേണ്ടത്. പ്രത്യേകം പരാതികൾ നൽകേണ്ടതില്ല. നൽകിയ വിവരങ്ങളുടെ/ പരാതികളുടെ സ്റ്റാറ്റസ് ഓരോ അധ്യാപകനും അവരുടെ ലോഗിനിൽ ലഭ്യമാകും. സാങ്കേതിക പിന്തുണക്കായി കൈറ്റിന്റെ ഹെൽപ് ഡെസ്ക്കും നിലവിൽ വന്നു. അധ്യാപകർക്കും പ്രിൻസിപ്പൽമാർക്കും പോർട്ടൽ ഉപയോഗിക്കാനുള്ള വീഡിയോകളും കൈറ്റ് തയ്യാറാക്കിയിട്ടുണ്ട്.
സർക്കുലറും സഹായകഫയലും വീഡിയോ ട്യൂട്ടോറിയലും മറ്റ് വിവരങ്ങളും ഏപ്രിൽ 21 വരെ തീയതി ദീർഘിപ്പിച്ചു
07-04-2025
AI Essentials - Batch 2
കൈറ്റ് പൊതുജനങ്ങൾക്കായി നടത്തുന്ന കോഴ്സുകളുടെ ശ്രേണിയിലേയ്ക്ക് ഒരു പുതിയ സർട്ടിഫിക്കറ്റ് കോഴ്സ് കൂടി. ദൈനം ദിന പ്രവർത്തങ്ങളിൽ നിർമിതബുദ്ധി സങ്കേതങ്ങൾ ഫലപ്രദമായി ഉപയോഗിക്കാനുള്ള ശേഷി നേടുന്നതിന് പഠിതാക്കളെ സഹായിക്കുന്ന വിധത്തിലാണ് കോഴ്സ് ക്രമീകരിച്ചിട്ടുള്ളത്. പ്രായോഗിക പ്രവർത്തനങ്ങൾക്ക് ഊന്നൽ നൽകിക്കൊണ്ടുള്ള നിരവധി പഠന വിഭവങ്ങൾ കോഴ്സിന്റെ ഭാഗമായി ഉൾപ്പെടുത്തിയിട്ടുണ്ട്. പൂർണ്ണമായും ഓൺലൈൻ മോഡിൽ നടക്കുന്ന കോഴ്സ് വീട്ടിലിരുന്നു തന്നെ പൂർത്തിയാക്കാം. . നാലാഴ്ച കൊണ്ട് കോഴ്സ് പൂർത്തിയാക്കാം. കോഴ്സ് വിജയകരമായി പൂർത്തിയാക്കുന്നവർക്ക് KITE സർട്ടിഫിക്കറ്റ് നൽകുന്നതാണ്. 2025 ഏപ്രിൽ 1 മുതൽ 10 വരെ രജിസ്ട്രേഷൻ നടത്താം 
Details Circular Registration
06/04/2025
വായനദിനം - ഗാനം
- ആലാപനം: ആഷ്ലി സജി, ആഷ്ലി തോമസ്, ക്രിസ്റ്റീന ജോസ്
- രചന, സംഗീതം, സ്കൂൾവിക്കിയിലേക്ക് ലഭ്യമാക്കൽ: : തോമസ് ആനിമൂട്ടിൽ, ഹെഡ്മാസ്റ്റർ, സെന്റ് തേരേസിനാസ് എൽ.പി. സ്കൂൾ, വാരണം, ചേർത്തല, ആലപ്പുഴ
ഫസ്റ്റ് ബെൽ ഡിജിറ്റൽ ക്ലാസുകൾ ജൂലൈ 9 മുതൽ
മാറിയ പാഠപുസ്തകത്തിനനുസരിച്ച് ഒന്ന് മുതൽ 10 വരെ ക്ലാസുകൾക്കുള്ള ഫസ്റ്റ്ബെൽ ഡിജിറ്റൽ ക്ലാസുകൾ ജൂലൈ 9 മുതൽ കൈറ്റ് വിക്ടേഴ്സിൽ സംപ്രേഷണം ആരംഭിക്കുമെന്ന് പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി പറഞ്ഞു.
സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി അക്കാദമിക് മോണിറ്ററിംഗ് പ്ലാറ്റ്ഫോമുകൾ പരിചയപ്പെടുത്താൻ കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷന്റെ (കൈറ്റ്) നേതൃത്വത്തിൽ പട്ടം സെന്റ് മേരീസ് ഹയർസെക്കൻഡറി സ്കൂളിൽ നടന്ന ജില്ലാതല ഹൈസ്കൂൾ പ്രഥമാധ്യാപക ശില്പശാലയിൽ വീഡിയോ കോൺഫറൻസിംഗിലൂടെ സംസാരിക്കുകയായിരുന്നു മന്ത്രി.
അക്കാദമിക് മാസ്റ്റർ പ്ലാനുകൾ മോണിറ്റർ ചെയ്യുന്നതിനും ആസൂത്രണം ചെയ്യുന്നതിനുമുള്ള ‘ സമഗ്ര പ്ലസ് ’ പോർട്ടൽ ഉപയോഗിക്കേണ്ട രീതി ശില്പശാലയിൽ വിശദീകരിച്ചു. താഴെത്തട്ട് മുതൽ പ്രവർത്തനങ്ങൾ നിരീക്ഷിക്കുന്നതിനും നിർദ്ദേശങ്ങൾ നൽകുന്നതിനുമുള്ള സൗകര്യങ്ങളാണ് സമഗ്ര പ്ലസ് പോർട്ടലിൽ ഉള്ളത്.
പോർട്ടലിലൂടെ ടീച്ചർക്ക് ഡിജിറ്റൽ പ്ലാനുകൾ തയ്യാറാക്കി സൂക്ഷിക്കാനും പ്രഥമാധ്യാപകർക്ക് സമർപ്പിക്കാനും കഴിയും. പോർട്ടലിലെ ഡിജിറ്റൽ റിസോഴ്സുകൾ 'ലേണിംഗ് റൂം' സംവിധാനം വഴി കുട്ടികൾക്കും രക്ഷിതാക്കൾക്കും ഒരുപോലെ പ്രയോജനപ്പെടുത്താം. സ്കീം ഓഫ് വർക്കിനനുസരിച്ചാണോ തന്റെ പ്രവർത്തനങ്ങൾ മുന്നോട്ടു പോകുന്നതെന്ന് ടീച്ചർക്ക് സ്വയം വിലയിരുത്താം. നേരത്തെ വിദ്യാഭ്യാസ ഓഫീസർമാർ, പ്രൈമറി സ്കൂളിലെ പ്രഥമാധ്യാപകർ, ഐ ടി കോർഡിനേറ്റർമാർ, എസ്.ആർ.ജി കൺവീനർമാർ തുടങ്ങിയവർക്ക് കൈറ്റ് പരിശീലനം നൽകിയിരുന്നു.
ശില്പശാലയിൽ ജില്ലയിലെ 230 ഹൈസ്കൂൾ പ്രഥമാധ്യാപകർ പങ്കെടുത്തു. ഹൈസ്കൂൾ വിഭാഗം ഐടി കോർഡിനേറ്റർമാർക്കും എസ്.ആർ.ജി കൺവീനർമാർക്കും വരും ദിവസങ്ങളിൽ പരിശീലനം നൽകും. ജൂലൈ മാസം തന്നെ സംസ്ഥാന തലത്തിൽ മുഴുവൻ അധ്യാപകർക്കും പരിശീലനം നൽകി അക്കാദമിക മോണിറ്ററിംഗിനും കുട്ടികളുടെ മെന്ററിംഗിനും ഉള്ള ഡിജിറ്റൽ പ്ലാറ്റ്ഫോം രക്ഷിതാക്കൾക്കു കൂടി കാണുന്ന വിധം സജ്ജീകരിക്കുമെന്ന് കൈറ്റ് സിഇഒ കെ.അൻവർ സാദത്ത് പറഞ്ഞു.
തിരുവനന്തപുരം ഡി.ഡി.ഇ ശ്രീജ ഗോപിനാഥ്, കൈറ്റ് ജില്ലാ കോർഡിനേറ്റർ ബിന്ദു. ജി.എസ്, സെന്റ് മേരിസ് ഹയർ സെക്കന്ററി സ്കൂൾ പ്രിൻസിപ്പൽ റവ. ഫാ.നെൽസൺ. പി തുടങ്ങിയവർ ശില്പശാലയ്ക്ക് നേതൃത്വം നൽകി
കൂൾ പരിശീലനം - ജൂലൈ 2025
- അധ്യാപകർക്ക് പ്രൊബേഷൻ പൂർത്തിയാക്കുന്നതിനാവശ്യമായ KOOL ഓൺലൈൻ പരിശീലനത്തിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. 03.07.2025 മുതൽ 07.07.2025 വരെ രജിസ്ട്രേഷൻ നടത്തോം.
- വിശദവിവരങ്ങൾക്ക് സർക്കുലർ കാണുക
അധ്യാപകർക്ക് കൈറ്റിൽ മാസ്റ്റർട്രെയിനർമാരായി അപേക്ഷിക്കാം
പൊതുവിദ്യാഭ്യാസ വകുപ്പിന്റെ കീഴിലുള്ള കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷനിലേയ്ക്ക് (കൈറ്റ്) മാസ്റ്റർട്രെയിനർമാരെ തെരഞ്ഞെടുക്കുന്നു. ഹയർ സെക്കന്ററി-വൊക്കേഷണൽ ഹയർസെക്കന്ററി/ഹൈസ്കൂൾ/പ്രൈമറി സ്കൂൾ അധ്യാപകർക്ക് അപേക്ഷിക്കാവുന്നതാണ്.
സ്കൂൾ ഐ.ടി കോ-ഓർഡിനേറ്റർ, കൈറ്റ് മെന്റർ (കൈറ്റ് മാസ്റ്റർ/മിസ്ട്രസ്) എന്നിവർക്ക് മുൻഗണന നൽകുന്നതാണ്. ഒന്നുമുതൽ പന്ത്രണ്ടുവരെ ക്ലാസുകളിലേയ്ക്കുള്ള ഡിജിറ്റൽ പഠന വിഭവ നിർമാണം, അധ്യാപക പരിശീലനം, വിദ്യാഭ്യാസ വകുപ്പിലെ ഇ-ഗവേണൻസ് പ്രവർത്തനങ്ങൾ തുടങ്ങി കൈറ്റ് നിർദ്ദേശിക്കുന്ന പ്രവർത്തനങ്ങൾക്ക് സന്നദ്ധരായവരാണ് അപേക്ഷിക്കേണ്ടത്.
www.kite.kerala.gov.in എന്ന വെബ്സൈറ്റിൽ 2025 ജൂലൈ 8 വൈകിട്ട് 5 മണിക്ക് മുമ്പ് അപേക്ഷ നൽകേണ്ടതാണ്. പൊതുവിദ്യാഭ്യാസ വകുപ്പിലെ കൈറ്റ് ഉൾപ്പെടെയുള്ള സ്ഥാപനങ്ങളിലെ പ്രവർത്തന പരിചയത്തിന്റേയോ ഒന്നു മുതൽ പത്തു വരെ ക്ലാസുകളിലെ ഐ.സി.ടി. പാഠപുസ്തകം അടിസ്ഥാനമാക്കിയുള്ള പ്രായോഗിക പരീക്ഷ, അഭിമുഖം എന്നിവയുടെ അടിസ്ഥാനത്തിലോ ആയിരിക്കും അധ്യാപകരെ തെരഞ്ഞെടുക്കുന്നത്. പ്രായോഗിക പരീക്ഷ ജൂലൈ 12-ന് ആയിരിക്കും. കൈറ്റിന്റെ നിലവിലുള്ള മാനദണ്ഡങ്ങൾക്ക് വിധേയമായി വർക്കിംഗ് അറേഞ്ച്മെന്റ് വ്യവസ്ഥയിലാണ് അധ്യാപകരെ മാസ്റ്റർ ട്രെയിനർമാരായി നിയോഗിക്കുന്നത്.
കെ. അൻവർ സാദത്ത്
ചീഫ് എക്സിക്യൂട്ടീവ് ഓഫീസർ
02/07/2025
അക്കാദമിക മാസ്റ്റർപ്ലാൻ 2025-26
സ്ക്കൂളിന്റെ മികവ്, പോരായ്മ, മറികടക്കുന്നതിനുള്ള നടപടികൾ, സമഗ്ര ഗുണമേന്മ വിദ്യാഭ്യാസ പദ്ധതി ലക്ഷ്യങ്ങൾ എന്നിവ ഉൾപ്പെടുത്തിയ അക്കാദമിക മാസ്റ്റർപ്ലാൻ തയ്യാറാക്കി സ്ക്കൂൾ വിക്കിയിൽ ചേർക്കാം. വീഡിയോ സഹായി ഉൾപ്പെടെയുള്ള വിശദവിരങ്ങൾ കാണുക.
വായനദിനം - ഗാനം
- ആലാപനം: ആഷ്ലി സജി, ആഷ്ലി തോമസ്, ക്രിസ്റ്റീന ജോസ്
- രചന, സംഗീതം, സ്കൂൾവിക്കിയിലേക്ക് ലഭ്യമാക്കൽ: : തോമസ് ആനിമൂട്ടിൽ, ഹെഡ്മാസ്റ്റർ, സെന്റ് തേരേസിനാസ് എൽ.പി. സ്കൂൾ, വാരണം, ചേർത്തല, ആലപ്പുഴ
ഫസ്റ്റ് ബെൽ ഡിജിറ്റൽ ക്ലാസുകൾ ജൂലൈ 9 മുതൽ
മാറിയ പാഠപുസ്തകത്തിനനുസരിച്ച് ഒന്ന് മുതൽ 10 വരെ ക്ലാസുകൾക്കുള്ള ഫസ്റ്റ്ബെൽ ഡിജിറ്റൽ ക്ലാസുകൾ ജൂലൈ 9 മുതൽ കൈറ്റ് വിക്ടേഴ്സിൽ സംപ്രേഷണം ആരംഭിക്കുമെന്ന് പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി പറഞ്ഞു.
സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി അക്കാദമിക് മോണിറ്ററിംഗ് പ്ലാറ്റ്ഫോമുകൾ പരിചയപ്പെടുത്താൻ കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷന്റെ (കൈറ്റ്) നേതൃത്വത്തിൽ പട്ടം സെന്റ് മേരീസ് ഹയർസെക്കൻഡറി സ്കൂളിൽ നടന്ന ജില്ലാതല ഹൈസ്കൂൾ പ്രഥമാധ്യാപക ശില്പശാലയിൽ വീഡിയോ കോൺഫറൻസിംഗിലൂടെ സംസാരിക്കുകയായിരുന്നു മന്ത്രി.
അക്കാദമിക് മാസ്റ്റർ പ്ലാനുകൾ മോണിറ്റർ ചെയ്യുന്നതിനും ആസൂത്രണം ചെയ്യുന്നതിനുമുള്ള ‘ സമഗ്ര പ്ലസ് ’ പോർട്ടൽ ഉപയോഗിക്കേണ്ട രീതി ശില്പശാലയിൽ വിശദീകരിച്ചു. താഴെത്തട്ട് മുതൽ പ്രവർത്തനങ്ങൾ നിരീക്ഷിക്കുന്നതിനും നിർദ്ദേശങ്ങൾ നൽകുന്നതിനുമുള്ള സൗകര്യങ്ങളാണ് സമഗ്ര പ്ലസ് പോർട്ടലിൽ ഉള്ളത്.
പോർട്ടലിലൂടെ ടീച്ചർക്ക് ഡിജിറ്റൽ പ്ലാനുകൾ തയ്യാറാക്കി സൂക്ഷിക്കാനും പ്രഥമാധ്യാപകർക്ക് സമർപ്പിക്കാനും കഴിയും. പോർട്ടലിലെ ഡിജിറ്റൽ റിസോഴ്സുകൾ 'ലേണിംഗ് റൂം' സംവിധാനം വഴി കുട്ടികൾക്കും രക്ഷിതാക്കൾക്കും ഒരുപോലെ പ്രയോജനപ്പെടുത്താം. സ്കീം ഓഫ് വർക്കിനനുസരിച്ചാണോ തന്റെ പ്രവർത്തനങ്ങൾ മുന്നോട്ടു പോകുന്നതെന്ന് ടീച്ചർക്ക് സ്വയം വിലയിരുത്താം. നേരത്തെ വിദ്യാഭ്യാസ ഓഫീസർമാർ, പ്രൈമറി സ്കൂളിലെ പ്രഥമാധ്യാപകർ, ഐ ടി കോർഡിനേറ്റർമാർ, എസ്.ആർ.ജി കൺവീനർമാർ തുടങ്ങിയവർക്ക് കൈറ്റ് പരിശീലനം നൽകിയിരുന്നു.
ശില്പശാലയിൽ ജില്ലയിലെ 230 ഹൈസ്കൂൾ പ്രഥമാധ്യാപകർ പങ്കെടുത്തു. ഹൈസ്കൂൾ വിഭാഗം ഐടി കോർഡിനേറ്റർമാർക്കും എസ്.ആർ.ജി കൺവീനർമാർക്കും വരും ദിവസങ്ങളിൽ പരിശീലനം നൽകും. ജൂലൈ മാസം തന്നെ സംസ്ഥാന തലത്തിൽ മുഴുവൻ അധ്യാപകർക്കും പരിശീലനം നൽകി അക്കാദമിക മോണിറ്ററിംഗിനും കുട്ടികളുടെ മെന്ററിംഗിനും ഉള്ള ഡിജിറ്റൽ പ്ലാറ്റ്ഫോം രക്ഷിതാക്കൾക്കു കൂടി കാണുന്ന വിധം സജ്ജീകരിക്കുമെന്ന് കൈറ്റ് സിഇഒ കെ.അൻവർ സാദത്ത് പറഞ്ഞു.
തിരുവനന്തപുരം ഡി.ഡി.ഇ ശ്രീജ ഗോപിനാഥ്, കൈറ്റ് ജില്ലാ കോർഡിനേറ്റർ ബിന്ദു. ജി.എസ്, സെന്റ് മേരിസ് ഹയർ സെക്കന്ററി സ്കൂൾ പ്രിൻസിപ്പൽ റവ. ഫാ.നെൽസൺ. പി തുടങ്ങിയവർ ശില്പശാലയ്ക്ക് നേതൃത്വം നൽകി
കൂൾ പരിശീലനം - ജൂലൈ 2025
- അധ്യാപകർക്ക് പ്രൊബേഷൻ പൂർത്തിയാക്കുന്നതിനാവശ്യമായ KOOL ഓൺലൈൻ പരിശീലനത്തിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. 03.07.2025 മുതൽ 07.07.2025 വരെ രജിസ്ട്രേഷൻ നടത്തോം.
- വിശദവിവരങ്ങൾക്ക് സർക്കുലർ കാണുക
അധ്യാപകർക്ക് കൈറ്റിൽ മാസ്റ്റർട്രെയിനർമാരായി അപേക്ഷിക്കാം
പൊതുവിദ്യാഭ്യാസ വകുപ്പിന്റെ കീഴിലുള്ള കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷനിലേയ്ക്ക് (കൈറ്റ്) മാസ്റ്റർട്രെയിനർമാരെ തെരഞ്ഞെടുക്കുന്നു. ഹയർ സെക്കന്ററി-വൊക്കേഷണൽ ഹയർസെക്കന്ററി/ഹൈസ്കൂൾ/പ്രൈമറി സ്കൂൾ അധ്യാപകർക്ക് അപേക്ഷിക്കാവുന്നതാണ്.
സ്കൂൾ ഐ.ടി കോ-ഓർഡിനേറ്റർ, കൈറ്റ് മെന്റർ (കൈറ്റ് മാസ്റ്റർ/മിസ്ട്രസ്) എന്നിവർക്ക് മുൻഗണന നൽകുന്നതാണ്. ഒന്നുമുതൽ പന്ത്രണ്ടുവരെ ക്ലാസുകളിലേയ്ക്കുള്ള ഡിജിറ്റൽ പഠന വിഭവ നിർമാണം, അധ്യാപക പരിശീലനം, വിദ്യാഭ്യാസ വകുപ്പിലെ ഇ-ഗവേണൻസ് പ്രവർത്തനങ്ങൾ തുടങ്ങി കൈറ്റ് നിർദ്ദേശിക്കുന്ന പ്രവർത്തനങ്ങൾക്ക് സന്നദ്ധരായവരാണ് അപേക്ഷിക്കേണ്ടത്.
www.kite.kerala.gov.in എന്ന വെബ്സൈറ്റിൽ 2025 ജൂലൈ 8 വൈകിട്ട് 5 മണിക്ക് മുമ്പ് അപേക്ഷ നൽകേണ്ടതാണ്. പൊതുവിദ്യാഭ്യാസ വകുപ്പിലെ കൈറ്റ് ഉൾപ്പെടെയുള്ള സ്ഥാപനങ്ങളിലെ പ്രവർത്തന പരിചയത്തിന്റേയോ ഒന്നു മുതൽ പത്തു വരെ ക്ലാസുകളിലെ ഐ.സി.ടി. പാഠപുസ്തകം അടിസ്ഥാനമാക്കിയുള്ള പ്രായോഗിക പരീക്ഷ, അഭിമുഖം എന്നിവയുടെ അടിസ്ഥാനത്തിലോ ആയിരിക്കും അധ്യാപകരെ തെരഞ്ഞെടുക്കുന്നത്. പ്രായോഗിക പരീക്ഷ ജൂലൈ 12-ന് ആയിരിക്കും. കൈറ്റിന്റെ നിലവിലുള്ള മാനദണ്ഡങ്ങൾക്ക് വിധേയമായി വർക്കിംഗ് അറേഞ്ച്മെന്റ് വ്യവസ്ഥയിലാണ് അധ്യാപകരെ മാസ്റ്റർ ട്രെയിനർമാരായി നിയോഗിക്കുന്നത്.
കെ. അൻവർ സാദത്ത്
ചീഫ് എക്സിക്യൂട്ടീവ് ഓഫീസർ
02/07/2025
അക്കാദമിക മാസ്റ്റർപ്ലാൻ 2025-26
സ്ക്കൂളിന്റെ മികവ്, പോരായ്മ, മറികടക്കുന്നതിനുള്ള നടപടികൾ, സമഗ്ര ഗുണമേന്മ വിദ്യാഭ്യാസ പദ്ധതി ലക്ഷ്യങ്ങൾ എന്നിവ ഉൾപ്പെടുത്തിയ അക്കാദമിക മാസ്റ്റർപ്ലാൻ തയ്യാറാക്കി സ്ക്കൂൾ വിക്കിയിൽ ചേർക്കാം. വീഡിയോ സഹായി ഉൾപ്പെടെയുള്ള വിശദവിരങ്ങൾ കാണുക.
സോഫ്റ്റ്വെയർ സ്വാതന്ത്ര്യ ദിനം 2025
സംസ്ഥാനത്തെ പൊതുവിദ്യാലയങ്ങളിൽ സോഫ്റ്റ്വെയർ സ്വാതന്ത്ര്യ ദിനം ആചരിക്കുന്നതിന് പൊതുവിദ്യാഭ്യാസ ഡയറക്ടറുടെ 16.09.2025 ലെ DGE/19094/2025-NEP 1 നമ്പർ സർക്കുലർ പ്രകാരം നിർദ്ദേശം നൽകിയിട്ടുണ്ട്. ഇതിന്റെ ഭാഗമായി കൈറ്റിന്റെ നേതൃത്വത്തിൽ ജില്ലാ കേന്ദ്രങ്ങളിലും ലിറ്റിൽ കൈറ്റ്സ് യൂണിറ്റുകളുടെ ആഭിമുഖ്യത്തിൽ വിദ്യാലയങ്ങളിലും വിവിധ പരിപാടികൾ സംഘടിപ്പിക്കേണ്ടതാണ്.
1. കൈറ്റിന്റെ ജില്ലാ ഓഫീസ് കേന്ദ്രീകരിച്ച് സെപ്റ്റംബർ 20 ന് ഉച്ചക്ക് 02.00 മണി മുതൽ സോഫ്റ്റ്വെയർ സ്വാതന്ത്ര്യദിനവുമായി ബന്ധപ്പെട്ട പരിപാടികൾ ക്രമീകരിക്കേണ്ടതാണ്.
2. അന്നേദിവസം ഉച്ചയ്ക്ക് 02.00 മണിക്ക് നടക്കുന്ന സംസ്ഥാനതല ഉദ്ഘാടന പരിപാടികൾ ഓൺലൈനായി വീക്ഷിക്കുന്നതിന് ജില്ലാതല പരിപാടികളിൽ പങ്കെടുക്കുന്നവർക്ക് അവസരം ഒരുക്കേണ്ടതാണ്. താത്പര്യമുള്ള അധ്യാപകർക്ക് ജില്ലാതല പരിപാടിയിൽ പങ്കെടുക്കാവുന്നതാണ്.
3. സ്കൂൾ തലത്തിൽ ലിറ്റിൽ കൈറ്റ്സ് യൂണിറ്റുകളുടെ നേതൃത്വത്തിൽ സെപ്റ്റംബർ 22 മുതൽ 27 വരെ ചുവടെ ചേർത്തിരിക്കുന്ന പ്രവർത്തനങ്ങൾ സംഘടിപ്പിക്കാവുന്നതാണ്.
1. സോഫ്റ്റ്വെയർ സ്വാതന്ത്ര്യ ദിനവുമായി ബന്ധപ്പെട്ട സന്ദേശങ്ങൾ ഉൾപ്പെടുന്ന പോസ്റ്റർ രചന (ഇത്തരത്തിൽ തയ്യാറാക്കുന്ന മികച്ച പോസ്റ്ററുകൾ സാമൂഹ്യ മാധ്യമങ്ങളിലൂടെ പ്രചരിപ്പിക്കാവുന്നതാണ്).
2. ഫ്രീ സോഫ്റ്റ്വെയർ ഇൻസ്റ്റാൾ ഫെസ്റ്റ്.
3. വിദ്യാലയങ്ങളിൽ റോബോട്ടിക് പഠനത്തിനായി വിതരണം ചെയ്തിട്ടുള്ള റോബോട്ടിക് കിറ്റുകൾ ഉപയോഗിച്ചുള്ള വിവിധ പ്രവർത്തനങ്ങളുടെ പ്രദർശനം.
4. പത്താം ക്ലാസ് കുട്ടികൾക്ക് റോബോട്ടിക് കിറ്റിന്റെ പ്രവർത്തനം പരിചയപ്പെടുത്തുന്നതിനുള്ള പരിശീലന പ്രവർത്തനങ്ങൾ.
5. കുട്ടികൾക്കും മുതിർന്നവർക്കുമുള്ള വിവിധ ക്ലാസുകൾ/സെമിനാറുകൾ.
6. സ്വതന്ത്ര സോഫ്റ്റ്വെയർ പ്രചരണത്തിനുതകുന്ന മറ്റു പരിപാടികൾ.
4. വിദ്യാലയങ്ങളിൽ നടക്കുന്ന പ്രവർത്തനങ്ങൾക്ക് മാസ്റ്റർ ട്രെയിനർമാർ ആവശ്യമായ പിന്തുണ നൽകേണ്ടതാണ്.
5. സോഫ്റ്റ്വെയർ സ്വാതന്ത്ര്യ ദിനവുമായി ബന്ധപ്പെട്ട എല്ലാ പ്രവർത്തന ങ്ങളും ഡോക്യുമെന്റ് ചെയ്ത് സ്കൂൾവിക്കിയിൽ ഉൾപ്പെടുത്തേണ്ടതാണ്. ഈ വർഷത്തെ സ്കൂൾ വിക്കി അവാർഡിന് ഒരു പ്രധാന ഇനമായി ഇത് പരിഗണിക്കുന്നതാണ്.
- കെ. അൻവർ സാദത്ത് , ചീഫ് എക്സിക്യൂട്ടീവ് ഓഫീസർ (കൈറ്റ്)
17/09/2025