"ജി.എച്ച്. എസ്.എസ്. കാട്ടിലങ്ങാടി/അക്ഷരവൃക്ഷം/അമ്മക്കിളിയും കു‍ഞ്ഞിക്കിളിയും" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p>പ്രഭാതം, മുകളിലത്തെ ജനലിലൂടെ സൂര്യന്റെ പു‍ഞ്ചിരി അമ്മുവിന്റെ കണ്ണു തുറപ്പിച്ചു. കോലായിലെ വാതിൽ തുറന്നു കിടപ്പുണ്ട്. മുറ്റത്ത് നിന്നും മധുരമായ ശബ്ദത്തോടെ പലതരം കിളികൾ, അതിന് താളമിട്ട് അണ്ണാരകണ്ണന്റെ  ചിൽചിൽ ശബ്ദവും. അമ്മു മുറ്റത്തേക്ക് വന്ന് പരിസരമൊക്കെ ആകെ ഒന്ന് നോക്കി. പക്ഷികളുടെ ശബ്ദങ്ങൾ കേൾക്കാൻ എന്ത് രസമാണ്. </p>

<p>ചെറിയ അടക്കാകിളികൾ ചില്ലയിൽ നിന്ന് മറ്റു ചില്ലയിലേക്ക് ചാടുന്നു. കുയിൽ പാട്ട് പാടുന്നു. അണ്ണാൻ മുറ്റത്തെ മാവിൻ കൊമ്പത്തെ പഴുത്ത മാങ്ങയെ വട്ടമിട്ട് നിൽക്കുന്നു.  

<p>ലോക്ഡൗൺ കാലത്ത് ജാഗ്രതയോടെ ഇരിക്കുമ്പോൾ അച്ഛനും ചേച്ചിയും ഏട്ടനുമൊത്ത് ലൂഡോബോഡ് കളിയും ഷട്ടിൽ ബാറ്റ് കളിയുമായി നേരമ്പോക്കുന്നു. അമ്മയ്ക്ക് വീട്ടിൽ പണിയോട് പണിയാണ്

</p><p>ലൂഡോബോഡ് കളിച്ചിരിക്കുമ്പോഴാണ് മുറ്റത്ത് ഒരു കുഞ്ഞിക്കിളിയുടെ കീ...കീ... ശബ്ദം കേട്ടത്. അമ്മു അതിനെ എടുത്തുകൊണ്ടു വന്നു. എല്ലാവരും കിളിക്ക് ചുറ്റും കൂടി. അമ്മു അച്ഛനോട് കിളിക്ക് കൂടുണ്ടാക്കാൻ വാശിപിടിച്ചു. അമ്മ ഒരു വേസ്റ്റ് ബിൻ തന്നു. അച്ഛൻ മികവാർന്ന രീതിയിൽ കൂടുണ്ടാക്കി കോലായിൽ ഉള്ള ഹൂക്കിൽ തുക്കി. ഇനി കിളിക്ക് എന്ത് ഭക്ഷണം കൊടുക്കും...</p>