"സെന്റ് തോമസ്സ് എച്ച്.എസ്സ്.കല്ലറ/അക്ഷരവൃക്ഷം/പരിസരശുചീകരണത്തിലൂടെ രോഗമുക്തി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

               വൃത്തിയുടെ കാര്യത്തിൽ വിദേശ രാജ്യങ്ങൾ നമുക്ക് മാതൃകയാണ്. പൊതുവഴികളും സ്ഥാപനങ്ങളും മറ്റും വൃത്തിയായി സൂക്ഷിക്കാനായി കടുത്ത നിയമാവലികളാണ് അവർ  ഏർപ്പെടുത്തിയിരിക്കുന്നത്. ഇതുപോലെയുള്ള നിയമങ്ങളുടെ അസാന്നിധ്യം ദൈവത്തിന്റെ സ്വന്തം നാടിനെ ചെകുത്താന്റെ സ്വന്തം നാടാക്കി മാറ്റുന്നു.  

                   നമ്മുടെ ലോകത്തെതന്നെ ആകമാനം വിഴുങ്ങിക്കൊണ്ടിരിക്കുന്ന കോവിഡ് -19 എന്ന മഹാമാരിയെ ഒരു പരിധി വരെ വ്യക്തി ശുചിത്വവും പരിസ്ഥിതി ശുചിത്വവും കൊണ്ട് നമുക്ക് തടുക്കാനാവും. രോഗം വന്നിട്ട് ചികിത്സ തേടുന്നതിലും നല്ലത് രോഗം വരാതെ സൂക്ഷിക്കുന്നതാണ് എന്ന പഴഞ്ചൊല്ല് പ്രസിദ്ധമാണല്ലോ. രോഗമില്ലാത്ത അവസ്ഥ കൈവരിക്കാൻ വൃത്തിഹീനമായ സാഹചര്യങ്ങൾ ഒഴിവാക്കിയാൽ ഒരളവ് വരെ സാധിക്കും. വ്യക്തിശുചിത്വവും പരിസര ശുചിത്വവും പാലിക്കുക-നമുക്കും നാടിനും അഴകും ആരോഗ്യവും കൈവരിക്കാൻ ഇതുതന്നെയാണ് പറ്റിയ വഴി.