"വിമലാഹൃദയ.എച്ച്.എസ്.എസ് ഫോർ ഗേൾസ് കൊല്ലം/അക്ഷരവൃക്ഷം/കൊറോണ എന്ന മഹാമാരിയും രോഗപ്രതിരോധവും" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== കൊറോണ എന്ന മഹാമാരിയും രോഗപ്രതിരോധവും ==

ലോകമാകെ ഭീതി പടർത്തിയ കൊറോണ വൈറസിനെ കുറിച്ചും അതിനെതിരെയുള്ള രോഗപ്രതിരോധത്തെ കുറിച്ചുമുള്ള ഒരു ലേഖനമാണ് ഞാൻ എഴുതുന്നത്.

കൊറോണ എന്ന് പറയുന്നത് ജലദോഷം മുതൽ സാർസും മെർസും പോലുള്ള രോഗങ്ങൾക്ക് കാരണമാവുന്ന ഒരു വൈറസ് ആണ്. കൊറോണ വൈറസുകളുടെ കൂട്ടത്തിൽ ഏറ്റവും പുതിയതായി ജനിതകമാറ്റം സംഭവിച്ച് രൂപപ്പെട്ട വൈറസാണ് നോവൽ കൊറോണ വൈറസ്. ഇപ്പോൾ രോഗലക്ഷണങ്ങൾ ഒന്നും തന്നെ ഇല്ലാതെയും കോവിഡ് -19 എന്ന എന്ന രോഗം ഉണ്ടാവുന്നുണ്ട്.  

കൊറോണ വൈറസ് രോഗത്തിന് ലോകാരോഗ്യ സംഘടന നൽകിയ പേരാണ് കോവിഡ് - 19. അതിന്റെ പൂർണ്ണരൂപം കൊറോണ വൈറസ് ഡിസീസ് 2019 എന്നാണ്. കൊറോണ എന്ന ലാറ്റിൻ പദത്തിന്റെ അർത്ഥം കിരീടം എന്നാണ്. കൊറോണ ബാധിക്കുന്നത് ശ്വാസകോശത്തെ ആണ്.  

മൂക്കിൽ നിന്നും തൊണ്ടയിൽ നിന്നുമുള്ള സ്രവകണങ്ങൾ എടുത്ത് പരിശോധിച്ചാണ് രോഗം കണ്ടുപിടിക്കുന്നത്. റാപ്പിട് ടെസ്റ്റാണ് ആദ്യം നടത്തിയിരുന്നത്. എന്നാൽ റിയൽ ടൈം പി. സി. ആർ. കിറ്റ് അധിവേഗരോഗനിർണ്ണയം നടത്തുവാൻ സാധിക്കുന്നതാണ്. 21/2 മണിക്കുറിനുള്ളിൽ ഫലം അറിയാൻ സാധിക്കും. കോവിഡ് രോഗം വന്ന് രോഗമുക്തി നേടിയ ആളുകളിൽ നിന്ന് 14 ദിവസത്തിന് ശേഷം രോഗം പൂർണ്ണമായി മാറി എന്ന് വീണ്ടും പരിശോധനയിലൂടെ മനസ്സിലാക്കിയതിന് ശേഷം അവരുടെ രക്തത്തിൽ നിന്ന് പ്ലാസ്മ വേർതിരിച്ച് എടുത്ത് അത് രോഗിയിൽ പ്രതിരോഗമരുന്നായി ഉപയോഗിച്ചാൽ 3 മുതൽ 6 ദിവസത്തിനകം രോഗമുക്തി നേടാൻ കഴിയും എന്ന് തെളിഞ്ഞു കഴിഞ്ഞു.  

പ്ലാസ്റ്റിക് - സ്റ്റീൽ പ്രതലങ്ങളിൽ മൂന്നു ദിവസത്തോളവും ഹാർഡ് ബോർഡ് പ്രതലത്തിൽ ഒരു ദിവസവും ജീവിച്ചിരിക്കും. പ്രതലത്തിന്റെ വ്യത്യാസം അനുസരിച്ചും അന്തരീക്ഷ ഊഷ്മാവ് അനുസരിച്ചും ആർദ്രത അനുസരിച്ചും  വൈറസിന്റെ അതിജീവനശേഷി വ്യത്യാസപ്പെടും

പ്രായഭേദമില്ലാതെ എല്ലാവർക്കും രോഗം വരാം. രോഗിയുമായി നേരിട്ട് സമ്പർക്കമുള്ളവർക്ക് രോഗം വരാനുള്ള സാധ്യത കൂടുതലാണ്.രോഗാണുക്കൾ തങ്ങി നിൽക്കുന്ന പ്രതലത്തിലോ വസ്തുക്കളിലോ സമ്പർക്കം പുലർത്തിയവർക്കും രോഗം വരാം.

?? കൊറോണ ഒരു ആർ. എൻ. എ. വൈറസാണ്. ഈ വൈറസിന് ചുറ്റും ഒരു കൊഴുപ്പ് സ്തരമുണ്ട്. സോപ്പുപയോഗിച്ച് കഴുകുമ്പോൾ ഈ കൊഴുപ്പ് ആവരണം നഷ്ടമാവും. അതോടെ വൈറസ് നശിച്ചു പോകും.  

?? രോഗിയിൽ നിന്നുള്ള സ്രവകണങ്ങൾ നേരിട്ട് ശരീരത്തിലെത്താതിരിക്കാൻ കുറഞ്ഞത് ഒന്നര മീറ്ററെങ്കിലും അകലത്തിൽ ആളുകളോട് ഇടപെടുക.