"സെന്റ് തോമസ്സ് എച്ച്.എസ് പാലാ/അക്ഷരവൃക്ഷം/പരിസ്ഥിതി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p>പരിണാമ ശൃംഖലയിലെ അവസാന കണ്ണിയായി മനുഷ്യവർഗ്ഗം ഭൂമിയുടെ ആധിപത്യം ഉറപ്പിച്ചിരിക്കുന്നു. ഭൂമിയും അതിലെ ചരാചരങ്ങളും പ്രപഞ്ചവും ഉൾപ്പെടുന്ന പരിസ്ഥിതിയും ഓരോ ജീവവർഗ്ഗത്തിന്റെയും പരിസ്ഥിതിയും തമ്മിലുള്ള ഒരു ജൈവബന്ധം നിലനിർത്തുക എന്നതാണ് ഈ ഭൂമിയുടെയും അതിലെ നിവാസികളുടെയും നിലനിൽപ്പിന് കാരണഭൂതമായ വസ്തുത. അതിനെ ലംഘിക്കുന്ന എന്തും ഓരോ ജീവിയുടെയും നിലനിൽപ്പിനു തന്നെ ദോഷം വരുത്തുകയും പരിസ്ഥിതിപ്രശ്നം ആയി മാറുകയും ചെയ്യുന്നു.</p>

<p> പരിസ്ഥിതിയും പരിത:സ്ഥിതിയും രണ്ടാണ്. പരിത:സ്ഥിതി ഓരോ വ്യക്തിയുടെയും ഓരോ ജീവവർഗ്ഗത്തിന്റെയും ചുറ്റുപാടുകളാണ്. ചുറ്റുപാടുകളും ജീവവർഗ്ഗവും ഒന്നുചേർന്ന് പരിസ്ഥിതിയെ സൃഷ്ടിക്കുന്നു. വ്യത്യസ്ത പരിത:സ്ഥിതികൾ ശരിയായ ക്രമത്തിലും ഘടനയിലും സംയോജിച്ച് പരിസ്ഥിതി സൃഷ്ടിച്ചിരിക്കുന്നു. അതിനാൽ പരിസ്ഥിതിയുടെ സന്തുലനാവസ്ഥയ്ക്ക് ഒരു സംഘടിതശ്രമം ആവശ്യമാണ്. നമ്മുടെ പരിസ്ഥിതി പ്രശ്നമായി മാറുന്ന പ്രത്യക്ഷവും പരോക്ഷവുമായ ഘടകങ്ങൾ ഒട്ടനവധിയുണ്ട്. എങ്കിലും പ്രധാനമായും വനനശീകരണം, മലിനീകരണങ്ങൾ, ജനപ്പെരുപ്പം ,ടൂറിസം മേഖലയുടെ അതിപ്രസരം ,രാഷ്ട്രീയ-സാമ്പത്തിക- പരിസ്ഥിതി മാറ്റങ്ങൾ അമിതമായ മത്സരബുദ്ധി, സ്വാർത്ഥത, സങ്കുചിതമനോഭാവങ്ങൾ എന്നിങ്ങനെ നമുക്ക് വർഗീകരിക്കാം. </p>

<p> ആവാസവ്യവസ്ഥയുടെ ആണിക്കല്ലുകളാണ് വൃക്ഷങ്ങൾ . ജീവജാലങ്ങളുടെ ശ്വസനേന്ദ്രിയങ്ങളുടെ സൂക്ഷിപ്പുകാരാണ് വൃക്ഷങ്ങൾ . മരങ്ങളെ അമരന്മാരാക്കുന്നത് ജീവജാലങ്ങളാണെങ്കിൽ മനുഷ്യരെ അമരന്മാരാക്കുന്നത് വൃക്ഷങ്ങളാണ്. സ്വാർത്ഥലാഭത്തിനായി മരങ്ങൾ മുറിക്കുമ്പോൾ നമ്മുടെതന്നെ ശവക്കുഴിയാണ് മാന്തുന്നത്. </p>

<p>വൃക്ഷങ്ങളുടെ കടയ്ക്കൽ കോടാലി വയ്ക്കുമ്പോൾ മഴയില്ലായ്മ, മണ്ണൊലിപ്പ് എന്നിവയ്ക്ക് കാരണമാകുന്നു. ഇത് നമ്മുടെ കൃഷിയേയും കുടിവെള്ളത്തെയും സാരമായി ബാധിക്കും . വരൾച്ചമൂലം കൃഷിനാശവും സംഭവിക്കും . അത് നമ്മെ പട്ടിണിയിലേക്ക് നയിക്കുന്നു . ഒരിക്കൽ പോയാൽ പിന്നീട് ഒരിക്കലും തിരിച്ചുകിട്ടാത്ത പ്രകൃതിയുടെ വരദാനമാണ് ജലം . പ്രകൃതിയുടെ ഈ കാരുണ്യം വരും തലമുറയ്ക്ക് കൂടി അവകാശപ്പെട്ടതാണ്. അതിനാൽ ജലം വളരെ കരുതലോടെ ഉപയോഗിക്കണം. ഓരോ തുള്ളിയും അമൂല്യമാണ്. "പലതുള്ളി പെരുവെള്ളം ." </p>

<p>44 നദികളും 30 അണക്കെട്ടുകളും മറ്റനേകം ജലസ്രോതസ്സുകളും സ്വന്തമായിട്ടുള്ള നാടാണ് കേരളം. വർഷകാലത്താൽ സമ്പന്നവുമായിരുന്നു കേരളം. നെൽപ്പാടങ്ങളും ചെരിഞ്ഞ ഭൂപ്രകൃതിയും കൈത്തോടുകളും അരുവികളും നിറഞ്ഞ പ്രകൃതിരമണീയമായ ദൈവത്തിന്റെ സ്വന്തം നാട് . </p>

<p>എന്നാൽ മനുഷ്യന്റെ മനുഷ്യത്വരഹിതമായ, കരുണയില്ലാത്ത പ്രവൃത്തികൾ മൂലം കാലം തെറ്റി വരുന്ന മഴയും വരൾച്ചയും നമ്മുടെ നദികളെ വരണ്ടതാക്കി മാറ്റുന്നു. മഴപെയ്യുമ്പോൾ ഭൂമിയിലേക്ക് ആഴ്ന്നിറങ്ങാൻ സാധിക്കാതെ കടലിലേക്ക് ഒഴുകുന്നു .തന്മൂലം പ്രളയം സംഭവിക്കുന്നു. </p>

നെൽപ്പാടങ്ങൾ നികത്താതിരുന്നെങ്കിൽ, കണ്ടൽകാടുകൾ നശിപ്പിക്കാതിരുന്നെങ്കിൽ, കായൽ കൈയേറി കെട്ടിടസമുച്ചയങ്ങൾ നിർമ്മിക്കാതിരുന്നെങ്കിൽ, മലകൾ തുരന്ന് പാറഖനനം ചെയ്യാതിരുന്നെങ്കിൽ, നമുക്ക് പ്രളയം ഒഴിവാക്കാമായിരുന്നു. കുടിവെള്ളത്തിനായി നെട്ടോട്ടമോടാതിരിക്കാമായിരുന്നു.<br>