"ഗവൺമെന്റ് എച്ച്.എസ്.എസ് മൈലച്ചൽ/അക്ഷരവൃക്ഷം/മനുഷ്യനെക്കൊല്ലി കൊറോണ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

}}

       മനുഷ്യകുലത്തെ ഭൂമിയിൽ നിന്ന് തച്ചുടയ്ക്കാനായിട്ട് അങ്ങ് അകലെ എവിടെയോ ഒരു സുക്ഷ്മാണു പിറവിയെടുത്തു. അതിന്റെ പേര് അറിയേണ്ടെ?  കൊറോണ. ലോകത്തിലെ ഏറ്റവും വലിയ ജീവി ഏതെന്ന് ആര് ചോദിച്ചാലും, കരയിലേയും കടലിലേയും ജീവിയെ നമുക്കെല്ലാവർക്കും അറിയാം. എന്നാൽ  അവയെ മറികടന്ന് ഇതാ ഈ 2020 ൽ ഒരു വില്ലൻ കടന്നു വന്നു. ശാസ്ത്രലോകം ഈ മനുഷ്യക്കൊല്ലിയ്ക്ക് ഒരു പേര് നൽകി അതാണ് "കോവിഡ് 19”.മനുഷ്യനാശിനിയായ  ഈ വില്ലൻ പല പല രാജ്യങ്ങളിലും രോഗത്തിന്റെ  വിത്തുകൾ പാകി.  ഈ വിനാശകാരിയായ കൊറോണയുടെ സംഹാരതാണ്ഡവത്തിൽ ഒരോ ദിവസവും ആയിരക്കണക്കിന് മനുഷ്യജീവിതം ഭൂമി വിട്ടുപോയ്ക്കൊണ്ടിരിക്കുന്നു. പല രാജ്യങ്ങളിലും ഓരോ പ്രഭാതവും പേടിയ്ക്കുന്നതായിരുന്നു.

ആകാശവാണിയിലൂടേയും വർത്തമാനപത്രത്തിൽ കൂടിയും പലതും കേൾക്കാനും പഠിക്കുവാനും ഞാൻ തുടങ്ങി നമുക്ക് നല്ലൊരു ഭരണകൂടം ഉണ്ട് .ഈ കൊറോണയ്ക്ക് ജാതിയോ മതമോ രാഷ്ട്രീയമോ വലിയവനെന്നോ ചെറിയവനെന്നോ വ്യത്യാസമില്ല. പകരം മനുഷ്യശരീരത്തിൽ അവന് പെറ്റ് പെരുകണം  ഇതാണ് ലക്ഷ്യം.ലോക്ഡൗൺ സമയത്ത് ഞാൻ എന്റെ കുടുംബത്തോടൊപ്പം സുഖമായിക്കഴിയുന്നു എന്ന് പറയാൻ ആഗ്രഹിക്കുന്നു ലോക്ഡൗൺ സമയത്ത് ആർക്കും ഒന്നിനും ഒരു കുറവും വരാതെ നല്ലൊരു സർക്കാർ ശ്രദ്ധിക്കുന്നു. ഒരു പ്രളയത്തിൽ നിന്ന് ജനങ്ങളും സർക്കാരും ഒന്ന് നിവർന്ന് നിൽക്കാൻ തുടങ്ങിയപ്പോഴാണ് ഇതാ വരുന്നു  കൊറോണ എന്ന പ്രളയം. പ്രളയത്തിൽ പരസ്പരം ഒന്ന് ചേർന്ന് സംരക്ഷിക്കാം. കൈകൊടുത്ത് രക്ഷാപ്രവർത്തനം നടത്താം. എന്നാൽ ഈി വിഷവിത്തിനെ എങ്ങനെ അഭിമുഖീകരിക്കും അതിനുള്ള ഒരു ഉപായമാണ്  മുഖത്ത് മാസ്ക് ധരിക്കുക കൈയും മുഖവും ഇടയ്ക്കിടയ്ക്ക് സോപ്പ് ഉപയോഗിച്ച് കഴുകുക പരസ്പരം അകലം പാലിക്കുക ഇതാണ് കൊറോണയെ നേരിടുന്നതിനുള്ള ഏകവഴി.

അമ്മ സ്വന്തം പിഞ്ച് കുഞ്ഞിനെ സംരക്ഷിക്കുന്നത് പോലെ പ്രകൃതിരമണീയമായ എന്റെ കൊച്ചു കേരളത്തെ രക്ഷിക്കാൻ പ്രധാനമന്ത്രി രൂപം കൊടുത്തൊരു പദ്ധതിയാണ് ലോക്ഡൗൺ. ഈ ലോക്ഡൗണിലൂടെ ജനങ്ങളേയും രാജ്യത്തേയും സംരക്ഷിക്കുക അതായിരുന്നു അദ്ദേഹത്തിന്റെ ലക്ഷ്യം ഈ സംരക്ഷണത്തിന്  പ്രിയമന്ത്രിയ്ക്ക് എത്ര നന്ദി പറയണമെന്ന് അറിയില്ല.