"സെന്റ് അഗസ്റ്റിൻസ് ഗേൾസ് എച്ച്.എസ്.എസ് കോതമംഗലം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കാലത്തിൻെറ ശംഖൊലികൾക്ക് കാതോർത്ത് കാലഘട്ടത്തെ വർണ്ണാഭമാക്കി 91 വർഷങ്ങളുടെ അഭിമാനകരമായ നേട്ടങ്ങളിൽ യശ്ശസ്സുയർത്തി നിൽക്കുന്ന സെൻെറ് അഗസ്റ്റിൻസ് ഗേൾസ് ഹയർ സെക്കൻററി സ്കൂൾ 1928 ജൂ12 ന് പ്രവർത്തന മാരംഭിച്ചു. പെൺകുട്ടികൾക്കുള്ള ഇംഗ്ലീഷ് മീഡിയം സ്കൂളായി പ്രവർത്തിച്ചുവരുന്പോൾ സർക്കാരിൻറെ നിർദ്ദേശ പ്രകാരം ആൺ കുട്ടികളെയും കൂടി ഉൾപ്പെടുത്തി. എന്നാൽ സ്ഥല പരിമിതി കൊണ്ടും ,സർക്കാരിൻെറ നിർദ്ദേശവും പള്ളിയുടെ ആഗ്രഹവും മാനിച്ചും കാലാന്തരത്തിൽ ആൺ  കുട്ടികളെ വേർതിരിച്ച് സെൻറ് ജോർജ്ജ് സ്കൂൾ ആരംഭിച്ചു. കാലം മുന്നോട്ടുപോയപ്പോൾ സെൻറ് അഗസ്ററിൻസ് സ്കൂൾ ഹൈസ്കൂളായി ഉയർത്തേണ്ടതിൻെറ ആവശ്യം രക്ഷിതാക്കളിൽ ശക്തമായി ഉയർന്നു വന്നു. 1946  ജൂൺ 7 ന് സെൻറ് അഗസ്റ്റിൻസ് ഹൈസ്കൂളായി ഉയർത്തപ്പെട്ടു.ഹൈസ്കൂളിൻെറ പ്രഥമ ഹെഡ്മിസ്ട്രസ്സായി സി.ട്രീസ പോത്താനിക്കാട് നിയമിതയായി. 1948 -49 ൽ പ്രഥമ ബാച്ച് കുട്ടികൾ എസ്. എസ്.എൽ.എസി പരീക്ഷയെഴുതി. 2008 ൽ സി.എം.സി പാവനാത്മ കോർപ്പറേറ്റീവ് എഡ്യുക്കേഷണൽ ഏജൻസി രൂപം കൊണ്ടു. പാവനാത്മപ്രൊവിൻസിൻെറ കീഴിലുള്ള  എല്ലാ സ്കൂളുകളും ഈ ഏജൻസിയുടെ കീഴിൽ പ്രവർത്തിച്ചുവരുന്നു. 2000 ജൂലൈ26 ന് സെൻറ് അഗസ്റ്റിൻസ് ഹയർ സെക്കൻററിസ്കൂളായി ഉയർത്തി. ഒരു മുറിയിൽ പതിനഞ്ച്കുട്ടികളും മൂന്ന് ടീച്ചേഴ്സും മാത്രമായി 1928ൽ തുടക്കം കുറിച്ച സെൻറ് അഗസ്റ്റിൻസ് സ്കൂളിൽ ഇപ്പോൾ യു.പി സെക്ഷനിൽ പതിമൂന്ന് ഡിവിഷനുകളിലായി 713 കുട്ടിക ളും ഹൈസ്കൂളിൽ 21 ഡിവിഷനുകളിലായി  1158 കുട്ടികളും ,ഹയർസെക്കൻററി വിഭാഗത്തിൽ ആറ് ഡിവിഷനുകളിലായി 334 കുട്ടികളും ഉൾപ്പടെ ആകെ 2205 കുട്ടികളാണ് ഇവിടെ വിദ്യ അഭ്യസിക്കുന്നത്. സ്കൂളിൻെറ അത്ഭുതാവഹമായ വളർച്ചയ്ക്ക് നിർണ്ണായക പങ്ക് വഹിച്ചുകൊണ്ട് ഇപ്പോൾ ഇവിടെ 48 അദ്ധ്യാപകരും ഏഴ് അനദ്ധ്യാപകരും ജോലി ചെയ്യുന്നു.