"എച്ച്. എസ്സ്. എസ്സ്. കൂത്താട്ടുകുളം/ലിറ്റിൽകൈറ്റ്സ്/ഫീൽഡ് ട്രിപ്പ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p align=justify>ലിറ്റിൽ കൈറ്റ്സ് ഐ.ടി  ക്ലബിന്റെ പ്രവർത്തനങ്ങളുടെ ഭാഗമായി 2019 ഫെബ്രുവരി ഏഴാം തീയതി വ്യാഴാഴ്ച ഞങ്ങൾ വാഴക്കുളം വിശ്വജോതി കോളേജ് ഓഫ് എൻജിനീയറിംഗ് ആൻഡ് ടെക്നോളജി സന്ദർശിച്ചു. കൈറ്റ് മാസ്റ്റർ ശ്യാം സാറിന്റെയും കൈറ്റ് മിസ്ട്രസ്സ് ഗീത ടീച്ചറിന്റെയും എസ്.ഐ.റ്റി.സി. അജിത്ത് സാറിന്റെയും നേതൃത്വത്തിൽ ഞങ്ങൾ മുപ്പത്തിയഞ്ച് ലിറ്റിൽ കൈറ്റ്സ് അംഗങ്ങൾ 8.45ന് കെ.എസ്.ആർ.ടി.സി.  സ്റ്റേഷനിൽ നിന്നും വാഴക്കുളത്തേക്ക് പുറപ്പെട്ടു. കാഴ്ചകൾ കണ്ടും വർത്തമാനം പറഞ്ഞും പത്ത് മണിയോടെ ഞങ്ങൾ വാഴക്കുളത്ത് എത്തിച്ചേർന്നു. ഞങ്ങളേയും കാത്ത് ശിവദാസ് സാർ ഒരു അടുത്ത സുഹൃത്തിനെപ്പോലെ കോളേജ് കവാടത്തിൽ കാത്തുനിൽപ്പുണ്ടായിരുന്നു. സാർ ഞങ്ങളെ കോളേജിലേക്ക് ആനയിച്ചു. കണ്ണെത്താദൂരത്തോളം വിസ്തൃതമായ കാമ്പസ്. പ്രകൃതിയോട് ഇണങ്ങുന്ന വിധത്തിൽ പച്ചപ്പാർന്ന കാമ്പസ്. ആ കാമ്പസ് കണ്ടപ്പോൾ അവിടുത്തെ വലിയ വലിയ കാര്യങ്ങൾ ഞങ്ങൾക്ക് പഠിക്കാൻ സാധിക്കുമല്ലോ എന്ന സന്തോഷത്തോടെ കോളേജിനുള്ളിലേക്ക് പ്രവേശിച്ചു. സ്റ്റെപ്പുകളുടെ എണ്ണം കൂടുന്തോറും മനസ്സിലെ ജിജ്ഞാസ കൂടിക്കൂടി വന്നു. കേരളത്തിലാകെ ഇരുപത് മിനി ഫാബ് ലാബുകളേ ഉള്ളൂ.  അതിലൊന്നാണ് വി.ജെ.സി.ഈ.റ്റി. ഫാബ് ലാബ്. ഇതു കോളേജിന്റെ യശസ്സ് ഉയർത്തുന്നു. ശിവദാസ് സാറിനൊപ്പം ഞങ്ങൾ ആദ്യം എത്തിച്ചേർന്നത് റിസർച്ച് ആന്റ് ഡവലപ്മെന്റ് ഡിപ്പാർട്ടുമെന്റിന്റെ കമ്പ്യൂട്ടർ ലാബ് കം സെമിനാർ ഹാളിലാണ്. അവിടെ ഡീൻ ഡോ. അൻസിഷിൻ രാജ് ഞങ്ങളെ സ്വാഗതം ചെയ്തു. നിരവധി കമ്പ്യൂട്ടറുകൾ നിറഞ്ഞ എല്ലാ ആധുനിക സൗകര്യങ്ങളോടും കൂടിയതായിരുന്നു ആ ലാബ്.  ഫാബ് ലാബിലെ മിഷ്യനുൾ പരിചയപ്പെടുത്തുവാനുള്ള സൗകര്യത്തിന് ഞങ്ങളെ രണ്ടു ഗ്രൂപ്പായി തിരിച്ചു.</p>

<p align=justify>ത്രീഡി പ്രിന്റിംഗ് മിഷ്യന്റെ അടുത്തയ്ക്കാണ് ആദ്യം പോയത്. അൾട്ടിമേറ്റ്2+ എന്ന മോഡലായിരുന്നു ആ ത്രീഡി പ്രിന്റിംഗ് മിഷ്യൻ. അഖിൽ രാജ് സാറാണ് അതിനെക്കുറിച്ച് ഞങ്ങൾക്ക് പറഞ്ഞുതന്നത്. പോളി ലാക്റ്റിക് ആസിഡ് (പി.എൽ. എ.) വയറിനെ ഹീറ്റർ ഉപയോഗിച്ച് ചൂടാക്കി കൊണ്ടാണിത് പ്രവർത്തിക്കുന്നത്.  ത്രീഡി പ്രിന്റർ ഉപയോഗിച്ച് ഏതു രൂപവും അനായാസം നിർമിക്കാം. ഈ ഉപകരണത്തിന് ഒരു ബിൽഡ് പ്ലേറ്റ് ഉണ്ട്. ഒരു ഹെഡ്ഡും ഉണ്ട്. ഹെഡ്ഡിന്റെ നോസിൽ വഴിയാണ് പി.എൽ. എ. ഉരുകി വരുന്നത്. രൂപത്തിന്റെ ഉയരം കൂടുന്നതിനനുസരിച്ച് ബിൽഡ് പ്ലേറ്റ് താഴേക്ക് താഴുന്നു. എക്സ്, വൈ എന്നീ അക്ഷങ്ങളിലൂടെയാണിത് ചലിക്കുന്നത്. കമ്പ്യൂട്ടർ വഴിയാണ് ഇതിന് കമാൻഡ് നൽകുന്നത്. മിഷ്യനിൽ ആവശ്യമായ മാറ്റങ്ങൾ വരുത്താൻ ഒരു വൃത്തത്തിലുള്ള ബട്ടൺ ഉണ്ട്. ബിൽഡ് പ്ലേറ്റ് തണുക്കാൻ കുറച്ചു സമയം ആവശ്യമാണ്. അതിനുശേ‍ഷം മാത്രമേ നമുക്ക് ഉൽപ്പന്നം പ്രിന്ററിൽനിന്നും എടുക്കാൻ സാധിക്കുകയുള്ളൂ. അഖിൽ സാർ  ഞങ്ങളെ ഒരു ചെറിയ ബോക്സ് ഉണ്ടാക്കി കാണിച്ചു. അത് പ്രിന്റ് ചെയ്യാൻ ഏകദേശം ഇരുപത് മിനിറ്റ് എടുത്തു. ഇതിനാവശ്യമായ നിർദേശങ്ങൾ‍ ഒരു എസ്ഡി കാർഡ് വഴി നേരത്തെ തന്നെ പ്രിന്ററിൽ  ഘടിപ്പിച്ചിട്ടുണ്ട്. പ്രിന്റ് ചെയ്യേണ്ട ഉപകരണം ഡിസൈൻ ചെയ്യാൻ ഉപയോഗിക്കുന്ന ഒരു സോഫ്റ്റ്‌വെയറാണ് ക്യൂറ. ഡേവിഡ് ബ്രാം എന്ന ശാസ്ത്ര‍ജ്ഞനാണ് ക്യൂറ സോഫ്റ്റ് വെയർ വികസിപ്പിച്ചെടുത്തത്. അതിനിടയിൽ കുട്ടികളുടെ ദാഹം ശമിപ്പിക്കുവാനായി കോളേജിന്റെ വക ശീതള പാനീയങ്ങൾ ഉണ്ടായിരുന്നു.</p>

<p align=justify>ഫാബ് ലാബിന്റെ പ്രവർത്തനങ്ങൾ പരിചയപ്പെടിത്തിയ അദ്ധ്യാപകർക്ക് ലിറ്റിൽ കൈറ്റ്സ് ക്ലബ്ബിനുവേണ്ടി ഗൗരി.എസ് കൃതജ്ഞത അറിയിച്ചു. ഈ സൗകര്യങ്ങളെല്ലാം ഒരുക്കിത്തന്ന ശിവദാസൻ സാറിനു്  പ്രത്യേകം നന്ദി പറഞ്ഞു. ഫാബ് ലാബിൽ നിന്ന് ഞങ്ങൾ പോയത് എഞ്ചിനീയറിംഗ് ലബോറട്ടറീസ് വിഭാഗത്തിലേക്കായിരുന്നു. വളരെ വിശാലമായ വമ്പൻ കെട്ടിടങ്ങളുടെ ഒരു നിരതന്നെ അവിടെയുണ്ടായിരുന്നു. ആദ്യം ഞങ്ങൾ പ്രവേശിച്ചത് ഹീറ്റ് എഞ്ചിൻ ലാബിലേക്കായിരുന്നു. അവിടെ വിവിധ കമ്പനികളുടെ വാഹനങ്ങളുടെ എഞ്ചിനുകൾ ഉണ്ടായിരുന്നു. വിവിധ ഇനം പമ്പുകളും സജ്ജീകരിച്ചിരുന്നു. ഇവയുടെ എല്ലാം പ്രവർത്തനത്തെക്കുറിച്ച് ഞങ്ങൾക്ക് മനസ്സിലാകുന്ന രീതിയിൽ അവിടുത്തെ അദ്ധ്യാപകർ വിശദീകരിച്ചുതന്നു. വനിരവധി ലെയ്ത്തുകൾ ക്രമീകരിച്ചിരിക്കുന്ന ഒരു വലിയ ഹാളിലേക്കാണ് പിന്നീട് പോയത്. ലോഹങ്ങൾ കൊണ്ടുള്ള മിഷ്യനറികളുടെ ഏതു ഭാഗവും ഈ ലെയ്ത്തിൽ നിർമ്മിച്ചെടുക്കാമെന്ന് അവിടുത്തെ അദ്ധ്യാപകൻ പറഞ്ഞു. ഒരു ലെയ്ത്ത് പ്രവർത്തിപ്പിച്ചുകാണിക്കുകയും പ്രവർത്തന രീതി വിശദീകരിച്ചുതരികയും ചെയ്തു.</p>