"ചിത്രരചനാ പരിശീലനം." എന്ന താളിന്റെ പതിപ്പുകൾ തമ്മിലുള്ള വ്യത്യാസം

                   ചിത്രകലാ പഠനരംഗത്ത് വളരെയധികം പ്രാധാന്യമുള്ള ഒരു കാര്യമാണ് ചിത്രങ്ങളെ വേണ്ടതരത്തിൽ വിലയിരുത്തുക എന്നത്. ഇത് കാലഘട്ടത്തിന്റെ പ്രത്യേകതയനുസരിച്ച് വേണ്ടതരത്തിൽ കുട്ടികളുടെ ചിത്രരചനാ താൽപര്യങ്ങളെ തിരിച്ചുവിടുന്നതിന് കളമൊരുക്കുന്നു. വെറും സാങ്കേതികതകളിൽ ഊന്നിക്കൊണ്ട് നടത്തപ്പെട്ടിരുന്ന പഴയ ചിത്രരചന പഠന സമ്പ്രദായങ്ങളിൽ നിന്ന് വ്യത്യസ്തമായി ക്രിയാത്മകതയുടെയും സർഗ്ഗാത്മകതയുടെയും അംശങ്ങൾ ഉൾക്കൊള്ളുന്ന തരത്തിൽ നമ്മളുടെ ചിത്രകലാ പഠനസമ്പ്രദായങ്ങൾ മാറേണ്ടതുണ്ട്. അതിനുള്ള ഒരു ചെറിയ സംരംഭം എന്ന നിലയിലാണ് ചിത്രകലാ നിരൂപണം എന്ന പരിപാടി ഇവിടെ തുടങ്ങി വച്ചിട്ടുള്ളത്. രണ്ടുദാഹരണങ്ങൾ

=== രവിവർമ്മയുടെ ശകുന്തള ===

[[പ്രമാണം:19022ravivarma.jpg|200px|thumb|left|alt text]]

     അത്യന്തം നാടകീയതനിറഞ്ഞ ഒരു ഉജ്വല മുഹൂർത്തത്തെ, പ്രതിമകൾപോലെ ആത്മാവുനഷ്ടപ്പെട്ട ചിലമനുഷ്യരൂപങ്ങളുടെ നിർവികാരമായ ചിത്രീകരണം കൊണ്ടു ലഘൂകരിച്ചു എന്നതാണീചിത്രത്തിന്റെ പ്രധാനദോഷം. കാളിദാസന്റെ ശാകുന്തളത്തെപ്പറ്റി അറിയാത്ത ഒരാളെ സംബന്ധിച്ചിടത്തോളം ഈ ചിത്രം അങ്ങോട്ടുമിങ്ങോട്ടും തിരിഞ്ഞു നിൽക്കുന്ന ചില മനുഷ്യരൂപങ്ങൾ മാത്രമാണ്. ഇനി ഇയൊരു ദോഷം അവഗണിച്ചാൽത്തന്നെ, ഉദാത്തമായ ഒരു കാവ്യ സങ്കല്പത്തെ അവതരിപ്പിക്കുന്നതരത്തിൽ പൂർണ്ണതയിലേയ്കെത്തുവാൻ കൊതിക്കുന്ന ശില്പചാതുര്യത്തിന്റെ അത്ഭുതസ്പർശ്ശം ഈ ചിത്രത്തിലില്ല. ചുരുക്കിപ്പറഞ്ഞാൽ കലണ്ടർപാകമായ കഥാചിത്രീകരണത്തിന്റെ ഒരു സാധാരണ ദൃശ്യാവിഷ്ക്കരണം മാത്രമാണിത്. ചിത്രകലാബാഹ്യമായ മാനദണ്ഢങ്ങൾക്കനുസരിച്ച് വിഷയങ്ങൾ സ്വികരിക്കുമ്പോൾ ഒരു ചിത്രകാരനു സംഭവിക്കുന്ന അപകടകരമായ നിലംപതനമാണിത്.  – സുശീൽ കുമാർ