"കൊടുമൺ എച്ച്.എസ്.എസ് കൊടുമൺ/സനാതനപദം തേടി..... - കവിത - ആർ.പ്രസന്നകുമാർ." എന്ന താളിന്റെ പതിപ്പുകൾ തമ്മിലുള്ള വ്യത്യാസം

<br/><font color=purple>'''-കവിത - ആര്‍.പ്രസന്നകുമാര്‍ - 18/04/2010'''</font>

{നഷ്ടമായ ബാല്യത്തിന്റെ മധുരസ്മരണകള്‍. സുന്ദരവും സുരഭിലവുമായ ആ വര്‍ണ്ണനിമിഷങ്ങളില്‍ കവിക്കു തോന്നിപ്പോകുന്നു - 'ഞാന്‍ വളരാതിരുന്നുവെങ്കില്‍, വളര്‍ന്നതാണെന്റെ പരാജയം' - പിന്നീടതിന്റെ കാരണങ്ങള്‍ കവി ഒന്നൊന്നായി നിരത്തുകയാണ്. ഇനി ഒരിക്കലും നുകരാനാവാത്ത ബാല്യപ്രസൂനത്തെ കവി മറക്കുന്നു. സനാതനചൈതന്യമായി ഇവിടെ തന്നെ ഒരു മണ്‍തരിയാകാന്‍ കവിഹൃദയം അഭിലഷിക്കുന്നു. ഒരു പക്ഷെ കവിയുടെ മോഹങ്ങള്‍ മിഥ്യയാകാം, എന്നാലും ആഗ്രഹിച്ചുകൂടെ....?}

<br />പുരുഷാന്തരങ്ങളിലൂടെ വന്നു ഞാന്‍ ജീവകണമായി

<br />ചക്രവാളങ്ങള്‍ കാലടിക്കുള്ളിലാക്കാനുണ്മ പൂണ്ടുയരും

<br />വിക്രിയകളോ...? എന്‍ വിരലുകളന്നു മുറുക്കിപ്പിടിച്ചും

<br />പിച്ചവെച്ചുപോല്‍ ഞാനീ മേദിനീമഞ്ജുശയ്യയിലൊരിക്കല്‍...

<br />അമ്മ തന്‍ മാന്തളിര്‍ വയറ്റില്‍ ചവുട്ടി സംഹാരമാടിയും

<br />ഉമ്മ നല്കും കവിള്‍ത്തടമാകെ മൃദുകരം കൊണ്ടിടിച്ചും

<br />നെറ്റിയിലൂര്‍ന്നു വീഴും കേസരാഗ്രങ്ങള്‍ പിടിച്ചു വലിച്ചും

<br />മെല്ലെ ചിരിച്ചും തഞ്ചത്തില്‍ തനു കടിച്ചും രസിച്ചും -കര-

<br />വല്ലി കൊണ്ടാലിംഗനം ചെയ്തും സ്നേഹം നുകര്‍ന്നു ഞാനൊരിക്കല്‍...

<br />തൊടിയിലെ തളിര്‍ചെടികള്‍ പിഴുതും തണ്ടുകളൊടിച്ചും

<br />വടിയുമായച്ഛന്‍ വരുമ്പോള്‍ ഓടിയൊളിച്ചും കൂകിയും -പൊന്‍-

<br />കോലങ്ങള്‍ ചുമരില്‍ വരച്ചും, ചരാചരങ്ങളിലൊക്കെയെന്‍

<br />ബാല്യസുഗന്ധം പൂശി മറന്നുപോയി എന്നെ ഞാനൊരിക്കല്‍...</font>