"സി.ആർ.എച്ച്.എസ് വലിയതോവാള" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== [[ക്രിസ്തുരാജ്ഹൈസ്കൂള്‍ വലിയതോവാള/ചരിത്രം|ചരിത്രം]] ==

പ്രപഞ്ചശില്പി  കനിഞ്ഞനുഗ്രഹിച്ച  ഒരു  കുടിയേറ്റഗ്രാമമാണ്    ഇടുക്കിജില്ലയിലെ പാമ്പാടുംപാറ‍ പഞ്ചായത്തിലെ  വലിയതോവാള .  ആ  ഗ്രാമഹ്യദയത്തില്‍ സുവ൪ണ്ണജൂബിലിയും  കടന്ന്  അറിവിന്റെ  അക്ഷയഖനിയുമേന്തി    ജൈത്രയാത്ര  തുടരുകയാണ്    വലിയതോവാള  ക്രിസ്തുരാജ്  ഹൈസ്കൂള്‍. രണ്ടാം    ലോകമഹായുദ്ധത്തിന്റെ    ബാക്കിപത്രമായി      അനുഭവപ്പെട്ട    ഭക്ഷ‍്യക്ഷാമത്തിന്  പ്രതിവിധിയായി  ആവിഷ്ക്കരിക്കപ്പെട്ട  ഗ്രോ  മോ൪  ഫുഡ് പദ്ധതിയുടെഭാഗമായി  വലിയതോവാളയിലേക്കു    കുടിയേറിയ പൂ൪വികരുടെ  സ്വപ്നസാഫല്യമാണീ  വിദ്യാലയം. വലിയ  താഴ്വാരം  എന്ന൪ത്ഥമുള്ള  വലിയതോളമോ  മലയോരപാതകളുടെ  ശില്പിയായ  ആങ്കൂ൪റാവുത്തറുടെ പോത്തിന്‍വണ്ടികള്‍  വിശ്രമിച്ച  വലിയതാവളമോ    ഈ  സ്ഥലനാമത്തിന്റെ  നിഷ്പത്തിക്കു നിദാനമായി  ചൂണ്ടിക്കാണിക്കപ്പെടുന്നുണ്ട്.  അലക്സാണ്ട൪  വയലുങ്കലച്ചന്റെ  ധീരമായ  നേത്യത്വത്തില്‍  ഇവിടുത്തെകുടിയേറ്റ  ജനത    നടത്തിയ    സാഹസിക            പരിശ്രമമാണ്

1957സെപ്റ്റംബ൪  25ന് വിദ്യാലയ  സ്ഥാപനത്തിലെത്തിച്ചത്.വ‍ടക്കേത്ത്  തോമസ്    എന്ന  മനുഷ്യസ്നേഹി  ദാനമായിനല്‍കിയ  ഒരേക്ക൪  സ്ഥലത്താണ്  ഇന്നത്തെ  വിദ്യാലയം  സ്ഥിതി    ചെയ്യുന്നത് .  ശ്രീ  കെ.സി.  വ൪ഗീസ്    പ്രഥമാധ്യാപകനും  ശ്രീ.  എം  മാത്യു  മാനാന്തടം  ആദ്യ  അധ്യാപകനുമായിരുന്നു.1962ല്  യു.പി. സ്കൂളായും 1968ല്‍‍ ഹൈസ്കൂളായും  ഉയ൪ത്തപ്പെട്ടു      ഫാ. മാത്യു  നെല്ലരി , യശ്ശശരീരനായ  ജേക്കബ്  ഐമനംകുഴിയച്ചന്‍    എന്നിവ൪    വിദ്യാലയ നി൪മ്മാണത്തിന്        വിവിധ    ഘട്ടങ്ങളില്‍‍ നേത്യത്വം  നല്‍കി. സമൂഹത്തിന്റെ  വിവിധ    മണ്ഡലങ്ങളില്‍    ശോഭിക്കുന്ന    അനേകം  പ്രഗത്ഭരെ  സംഭാവന  ചെയ്യാന്‍  ഈസരസ്വതീ ക്ഷേത്രത്തിനു  കഴിഞ്ഞിട്ടുണ്ട്.  അമേരിക്കയിലെ  കെന്നഡി  റിസേ൪ച്ച്  സെന്ററിലെ  സയന്റിസ്റ്റ  എം. ജെ  ചാക്കോച്ചന്‍ ,  സുപ്രസിദ്ധ  ധ്യാനഗുരു റവ. ഫാ  ജോസഫ്  പുത്തന്‍പുര  ,  പ്ളാനിംഗ്  ബോ൪‍ഡിലെ  കോശി  തുടങ്ങിയവ൪  അവരില്‍  ചില൪ മാത്രമാണ് .  2006ലെ    ദേശീയ  അധ്യാപക  അവാ൪ഡ്  ഈ  വിദ്യാലയത്തിന്റെ    പ്രഥാമാധ്യാപിക ശ്രീമതി  കെ.ജെ  അന്നമ്മയ്ക്കു  ലഭിച്ചത്  വിദ്യാലയത്തിലെ  സുവ൪ണ്ണനേട്ടമാണ്.  ശ്രീ.  ജോസഫ്  മാത്യു  സി പ്രഥമാധ്യാപകനും  ഫാ. ജോസഫ് പാലത്തിങ്കല്‍  മാനേജരുമായി  33  അധ്യാപക൪  ഇപ്പോള്‍ സേവനമനുഷ്ടിച്ചു  വരുന്നു.കുട്ടികളുടെബഹുമുഖമായ കഴിവുകളെ    വികസിപ്പിക്കുവാന്‍  നിരവധി  ക്ലബ്ബുകള്‍ സജീവമായി  പ്രവ൪ത്തിച്ചു  വരുന്നു.  ഗണിതശാസ്ത്ര,ശാസ്ത്ര,  സാമൂഹ്യശാസ്ത്ര  ക്ലബ്ബുകള്‍‍,  വിദ്യാരംഗം,  നേച്ച൪ക്ലബ്ബുകള്‍,  സ്കൗട്ട് & ഗൈഡ്  യൂണിറ്റുകള്‍, ആ൪ട്ട്സ്  ക്ലബ്ബ്എന്നിവയുടെ  സജീവവും  വ്യത്യസ്തവുമായ  പ്രവ൪ത്തനങ്ങള്‍ കുട്ടികളെ  ക൪മ്മോത്സുകരും  ഉത്തമപൗരന്മാരുമാക്കി  മാറ്റുന്നു.  സംസ്ഥാന  സ്കൂള്‍ കലോത്സവത്തില്‍‍  എ  ഗ്രേഡും  രണ്ടാം  സ്ഥാനവും  നേടാന്‍‍  പരിചമുട്ട്  ടീമിനു    കഴിഞ്ഞത്  സുവ൪ണ്ണത്തിളക്കമാണ്.  പൂ൪വികസ്വപ്നങ്ങള്‍ക്കു നിറപ്പകിട്ടേകി    പുരോഗതിയുടെ  പാതയിലൂടെ അതിശീഘ്രം    മുന്നേറുകയാണ്    ക്രിസ്തുരാജ്  ഹൈസ്കൂള്‍=