"സി.പി.എൻ.യു.പി.എസ് വട്ടംകുളം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇരുപതാം നൂറ്റാണ്ടിന്റെ ആദ്യ ദശകത്തിൽ ഭാരതത്തിലങ്ങോളമിങ്ങോളം അലയടിച്ച ദേശീയ നവോത്ഥാന പ്രസ്ഥാനത്തിന്റെ ചലനങ്ങൾ നമ്മുടെ ഗ്രാമത്തിലും ഉണർവ്വരുളി. അക്ഷരാഭ്യാസവും ആധുനിക വിദ്യാഭ്യാസവും നേടണമെന്ന ചിന്ത സാർവ്വത്രികമായി .അറിവും കഴിവുമുള്ള പലരും ജാതി മത ഭേദമന്യേ വിജ്ഞാന വിതരണത്തിനു മുന്നോട്ടുവന്നു.പ്രസ്ഥാനങ്ങളും സ്ഥാപനങ്ങളും പലയിടത്തും രൂപം കൊണ്ടു. നമ്മുടെ സ്കൂൾ തുടങ്ങുന്നതിന്റെ പശ്ചാത്തലവും ഇതുതന്നെയായിരിക്കാം. അതിന്റെ നിയോഗം   ശ്രീ .കാട്ടനാട്ടിൽ ഗോവിന്ദൻ നായർക്കായിരുന്നു. ഒരു നൂറ്റാണ്ടു മുമ്പ് ഈ സ്ഥാപനത്തിനു തുടക്കം കുറിച്ചത് അദ്ദേഹമായിരുന്നു. സ്കൂളുകൾ അപൂർവ്വമായ ആ കാലഘട്ടത്തിൽ മാനേജർമാരുടെ കുടുംബപരവും സാമൂഹികവുമായ സ്വാധീനം ദൂരെ നിന്നു പോലും കുട്ടികളെ ഇങ്ങോട്ടാ കക്ഷിക്കാൻ കാരണമായിട്ടുണ്ടാവാം.

1910 ലാണ് സ്കൂൾ തുടങ്ങിയത് എന്നാണ് കണക്കാക്കുന്നത്. 1911 ലെ അഡ്മിഷൻ രജിസ്റ്റർ സ്കൂളിലുണ്ട്. അതു പ്രകാരം 15. 1911 ൽ എട്ടു പേരുടെ ആദ്യ സംഘം സ്കൂളിൽ ചേർന്നതായി കാണുന്നു. കെ.വി.അച്ചുതൻ ,എ0. കുഞ്ഞുണ്ണി, കെ.വേലപ്പ, ടി.നാരായണി, ടി.ശങ്കരൻ, വി.മൂസ്സ

പരമേശ്വരൻ നമ്പീശന്റെ നാമം സ്വീകരിച്ചുകൊണ്ട് ഇന്ന് ഈ സ്കൂൾ സി.പി.എൻ.യു.പി.സ്കൂളായി നിലകൊള്ളുന്നു.പ്രാദേശിക സ്വാധീ നവും ജനപിന്തുണയുമുള്ള പ്രഗത്ഭരായിരുന്നു അധ്യാപകർ .മുപ്പതുകളിൽ ഹെഡ്മാസ്റ്ററായിരുന്ന എസ്.പി.വെങ്കടേശ്വരയ്യർ ശ്രദ്ധേയനായിരുന്നു .അധ്യാപകരുടെ കഠിനമായ ശിക്ഷ പോലും സരസ്വതി പ്രസാദത്തിനുള്ള ശീട്ടുകളായി കരുതി .ഈ കാലത്താണ് L ഷേപ്പ് കെട്ടിടമുണ്ടാക്കുന്നത് .എട്ടാംതരം ആരം ഭി ച്ചതും ഇക്കാല താണത്രേ

   നാല്പതുകളുടെ ആദ്യത്തിൽ മാനേജ്മെന്റും അധ്യാപകരും തമ്മിലുള്ള ചില അഭിപ്രായ വ്യത്യാ സ ങ്ങളുടെ ഫലമായി ശ്രീ .കെ ഗോപാലൻ നായർ മാസ്റ്ററുടെ നേതൃത്വത്തിൽ ചില അധ്യാപകർ സ്കൂൾ വിടുകയും സമാന്ത രമായി പ------------------ പീടി കപ്പുറത്തു ഒരു റൈവൽ സ്കൂൾ സ്ഥാപിക്കുകയും ചെയ്തു .മാനേജരുടെയും അധ്യാപകരുടേയും ശിക്ഷ്യമാരായിരുന്നു അക്കാലത്തെ അധ്യാപകരയിലധികവും .എന്നാൽ ഹെഡ്മാസ്റ്റർക്ക് കൂടുതൽ ശമ്പളം കൊടുക്കാൻ വേണ്ടി താങ്കൾക് കിട്ടുന്ന ശമ്പള പ്പൊതി യുടെ ഉള്ളടക്കം കണക്കില്ലാതെ കുറയുന്നതു ഏറെ നോക്കിനിൽക്കാൻ അവർക്കു കഴിഞ്ഞില്ല .സമാന്തരസ്കൂളിന്റെ ജന്മം അങ്ങനെ ആയിരുന്നു .മാസങ്ങളോളമെ അതു നിലനിന്നുള്ളു .അംഗികരം ലഭിക്കാതെ പോയ സമാന്തരസ്കൂളിൽ നിന്ന് ക്രമേണ അധ്യാപകരും വിദ്യാർത്ഥികളും മാതൃവിദ്യാലത്തിലേക്കു തന്നെ തിരിച്ചുപോന്നു .എന്നിരുന്നാലും റൈവൽ സ്കൂൾ സ്ഥാപനം അധ്യാപകമേഖലയിലെ ആദ്യ പോരാട്ടമായി കാണണം .ആത്മാഭിമാനനത്തിന്റെ കൊടിയുയർത്തി സംഘടനകൾ രംഗത്തുവരുന്നതിനെത്രെ യോ കാലത്തിനു മുൻപാണ് ഈ സംഭ വമെന്നും നാം കൂട്ടിവായിക്കേണ്ടതുണ്ട്