"ജി. എച്ച്. എസ്. എസ്. കുട്ടമത്ത്./ഹൈസ്കൂൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കേരള സ്കൂൾ കലോത്സവം 2025 ചെറുവത്തൂരിൻ്റെ ജനകീയനായ പ്രശസ്ത പീഡിയാട്രീഷ്യനും കാസർഗോഡ് റിട്ടയേർഡ് ഡി.എം.ഒ യുമായിരുന്ന ഡോ പി ഗോപിനാഥൻ ഔപചാരികമായി ഉദ്ഘാടനം ചെയ്തു. 64 മത് ചെറുവത്തൂർ ഉപജില്ല കേരള സ്കൂൾ കലോത്സവം അരങ്ങേറുന്ന ജി.എച്ച്.എസ്.എസ്.കുട്ടമത്തിന് താളമേള ലയനാദ ശ്രുതിയുയർത്തി കലകളുടെ മാറ്റുരയ്ക്കാൻ സ്കൂൾതല കലോത്സവത്തിലും മത്സരാർത്ഥികളും കാണികളും വളരെയേറെ ഉണ്ടായിരുന്നു. ചടങ്ങിൽ എസ്.എം.സി ചെയർമാൻ ഷിബു മടിക്കുന്ന്, മുൻ പി ടി എ പ്രസിഡണ്ട് എം രാജൻ ,മദർ പി ടി എ പ്രസിഡണ്ട് ടി.വി ബീന ,സീനിയർ അസിസ്റ്റൻറുമാരായ കെ. രാജീവൻ, ടി.വി ബീന ,സ്റ്റാഫ് സെക്രടറിമാരായ പ്രദീപ് കുമാർ ,എം ദേവദാസ് , ഫൈൻ ആർട്സ് ചുമതലയുള്ള നിഹാര എന്നിവർ ആശംസകൾ നേർന്നു. പി.ടി.എ പ്രസിഡണ്ട് എം.കെ.വി രാജേഷ് അധ്യക്ഷത വഹിച്ച ചടങ്ങിൽ ഹെഡ്മാസ്റ്റർ കെ കൃഷ്ണൻ സ്വാഗതവും ,കലോത്സവ കൺവീനർ എം.എസ്.സിന്ധു ചടങ്ങിന് നന്ദി പറഞ്ഞു. റിലയൻസ് നിപ്പോൺ ലൈഫ് ഇൻഷുറൻസ് ഏർപ്പെടുത്തിയ  ബെസ്റ്റ് മെയിൽ വോയിസ് സിങ്ങർ ആയി തെരെഞ്ഞെടുത്ത മൽഹാറിനും , ബസ്റ്റ് ഫീമെയിൽ വോയിസ് സിങ്ങറായി ശിവനന്ദ എ കെ , ബെസ്റ്റ് ഡാൻസറായി ആദിത്യ മനോമി എന്നീ പ്രതിഭകൾക്ക്  ഹെഡ്മാസ്റ്റർ കെ കൃഷ്ണൻ മെമൻ്റോ നൽകി അനുമോദിച്ചു.