"ഗവൺമെൻറ്, ഗേൾസ് എച്ച്.എസ്. എസ് ,കോട്ടൺഹിൽ/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ലോക പരിസ്ഥിതിദിനാഘോഷങ്ങളുടെ തിരുവനന്തപുരം സൗത്ത് ഉപജില്ലാ പ്രാവർത്തനങ്ങളുടെ ഉദ്ഘാടനം ജൂൺ 5 ന് കോട്ടൺഹിൽ സ്കൂൾ ഓഡിറ്റോറിയത്തിൽ വെച്ചു നടന്നു. 9.45 ന് ആരംഭിച്ച പരിപാടി പരസ്ഥിതി പ്രവർത്തകനായ ശ്രീ അനീഷിൻ്റെ പരിസ്ഥിതി ഗാനത്തോടെ ആരംഭിച്ചു.പ്രസ്തുത പരിപാടിയിൽ സ്കൂൾ പി.റ്റി.എ പ്രസിഡൻ്റ് അധ്യക്ഷപദം അലങ്കരിക്കുകയും , സൗത്ത് എ.ഇ. ഒ രാജേഷ് ബാബു സർ ഉദ്ഘാടനം നിർവഹിക്കുകയും ചെയ്തു.പരിസ്ഥിതി പ്രവർത്തകൻ ശ്രീ അജിത്ത് കുമാർ മുഖ്യ അതിഥിയായിരുന്നു . അഡീഷണൽ എച്ച്.എം. ജയഷീജ, സ്റ്റാഫ് സെക്രട്ടറി പ്രീയാകുമാരി എന്നിവർ ആശംസകൾ അർപ്പിച്ചു. കൺവീനർ ശ്രീമതി അനില ഐ ആർ ചടങ്ങിന് നന്ദി രേഖപ്പെടുത്തി .  മുഖ്യ അതിഥികളുടെ നേതൃത്വത്തിൽ സ്കൂൾ വളപ്പിൽ ഫലവൃക്ഷ തൈകൾ നട്ടു. കാലാവസ്ഥാ വ്യതിയാനവും പരിസ്ഥിതിസംരക്ഷണത്തിൻ്റെ പ്രാധാന്യവും എന്ന വിഷയത്തിൽ ഹൈസ്കൂൾ വിദ്യാർത്ഥികൾക്കായി ഒരു മണിക്കൂർ ദൈർഘ്യമുള്ള പ്രബന്ധമത്സരം നടത്തി. ഹിന്ദി ക്ലബ്ബിൻ്റെ നേതൃത്വത്തിൽ പോസ്റ്റർ പ്രദർശനം നടത്തുകയും അത് മറ്റ കുട്ടികൾക്ക് കാണാൻ അവസരം ഒരുക്കുകയും ചെയ്തു. സ്കൂൾ ആർട്ട്സ് ക്ലബ്ബിൻ്റെ നേതൃത്വത്തിൽ ഗ്രീൻ നേച്ചർ എന്ന വിഷയത്തിൽ ഒരു പെയിൻ്റിംഗ് മത്സരം നടത്തി. തിരുവനന്തപുരം ജില്ലയിലെ എൻ.ജി.സി എക്കോ ക്ലബ്ബിൻ്റെ ബെസ്റ്റ് സ്റ്റുഡൻ്റ് കോർഡിനേറ്ററായി 9 ഇ ലെ തങ്കലക്ഷ്മി ആദരിക്കപ്പെട്ടു. കച്ചാണി സ്കൂളിൽ വെച്ചു നടന്ന ചടങ്ങിൽ സമ്മാനം ഏറ്റുവാങ്ങി. മലയാളം ക്ലബ്ബിൻ്റെ നേതൃത്വത്തിൽ ക്ലാസുകളിൽ പോസ്റ്റർ, പ്രസംഗമത്സരം എന്നിവ നടത്തി . ഗണിത ക്ലബ്ബിൻ്റെ അഭിമുഖ്യത്തിൽ പ്രകൃതിയിലെ ഗണിതം എന്ന സെമിനാർ അവതരിപ്പിച്ചു